ଏବ୍ରି 12:25 - New Testament in Pengo Parja Language

²⁵ ଜାଗ୍ରତ୍ ଆଜି ମାନାଟ୍, ଇମ୍‌ଣି ଈଶ୍ୱର ମିହୁଦାଙ୍ଗ୍ ବେଣ୍ କିଦ୍‌ନାନା, ତା କାତା ଏପେଙ୍ଗ୍ ମାନି କିୟାଟ୍। ଇନେସ୍‌କି ଇ ପୁର୍ତିତାକେ ମୋଶା ଇସ୍ରାଏଲନି ମାନାୟାରିଙ୍ଗ୍ ଆଦେସ୍ ହିତାନ୍, ଆରେ ହେୱାର୍ ଅମାନ୍ୟା ଆତି କାଜିଙ୍ଗ୍ ଈଶ୍ୱର ହେୱାରିଙ୍ଗ୍ ଦଣ୍ଡ୍‌ହିଜି ମାଚାନ୍। ସରଗ୍‌ତାଙ୍ଗ୍ ୱେଚ୍‌ଚିନି ଈଶ୍ୱର ଆଦେସ୍‌ତିଙ୍ଗ୍ ଯଦି ଆସେଙ୍ଗ୍ ଅମାନ୍ୟା କିନାସ୍, ଲାଗିଙ୍ଗ୍ ସତ୍‌ରେ ଆସେଙ୍ଗ୍ ଆଦିକ୍ ଦଣ୍ଡ୍ ପାୟାଆନାସ୍।

ସତ୍‌ ବଚନ୍‌ ପୁନି ନିୟମ୍‌

²⁵ ଜାଗ୍ରତ୍‌, ଇନେନ୍‌ ବଚନ୍‌ ଇନାନ୍ନା, ହେୱାନିଂ ମୁନା କିମାଟ୍‌, ଇନାକିଦେଂକି ଇନେନ୍‌ ପୁର୍ତିତ ବଲ୍‌ ହିତାନ୍‌, ହେୱାନିଂ ମୁନା କିତିଲେ ହେୱାର୍‌ ଜଦି ରାକ୍ୟା ପାୟା ଆୱାତାର୍‌, ୱାଟିଂ ଇନେନ୍‌ ସାର୍ଗେତାଂ ବଲ୍‌ ହିତ୍‍ତାନ୍ନା, ହେୱାନ୍ତିତାଂ ମାସ୍‌ଦି ହାଚିସ୍ ଆସେଙ୍ଗ୍‌ ଜେ ରାକ୍ୟା ପାୟା ଆଉସ୍‌, ଇଦାଂ ଏଚେକ୍‌ ଆଦିକ୍‌ ହାତ୍‌ପା !

ଏବ୍ରି 12:25 ပူးပေါင်းရင်းမြစ်များ

ମାତିଉ 17:5

ଯୀଶୁ ଇବେଣ୍ ୱେଚୁ-ୱେଚୁ, ଅଲପ୍ ବାଦାଡ଼୍ ୱାଜି ହେୱାରିଙ୍ଗ୍ ଡାବାଇ କିତାତ୍, ଆରେ ହେ ବାଦାଡ଼୍‌ତାଙ୍ଗ୍ ଈଶ୍ୱର ବେଣ୍‌କିତାନ୍, “ଏ ନା ଲାଡ୍ ମାଜି। ଇୱାନ୍‌ତାକେ ଆନେଙ୍ଗ୍ ବେସି ୱାରି, ଇୱାନ୍ ବେଣ୍‌ତିଙ୍ଗ୍ ମାନ୍‌ଦିୟାନ୍ କିଜି ୱେନାଟ୍!”

ମାତିଉ 8:4

ଯୀଶୁ ହେୱାନିଙ୍ଗ୍ ଆଦେସ୍ ହିଜି ୱେଚ୍‌ଚାନ୍, “ଇନେରିଙ୍ଗ୍ ପା ୱେଚ୍‌ମା ମାତର୍ ହାଲା, ଈଶ୍ୱର ହେବାକିନି ପୁଜାରିତାକେ ହାର୍ ଆତାଙ୍ଗ୍ ଇଞ୍ଜି ୱେଚା, ଆରେ ମୋଶା ଲେକିକିତି ନିୟମ୍‌ତାଙ୍ଗ୍ ଈଶ୍ୱରତିଙ୍ଗ୍ ପୁଜାକିତିସ୍ ଏନେଙ୍ଗ୍ ବିଦିଅନୁସାତାଙ୍ଗ୍ ହାର୍ ଆନାୟ୍, ଆରେ ୱିଜାକାର୍ ହାର୍ ଆତାନ୍ ଇଞ୍ଜି ପୁଞ୍ଜ୍‌ନାର୍।”

ପକ୍ୟାତାକା 7:35

ଇ ମୋଶାଙ୍ଗ୍ ଇସ୍ରାଏଲ ଜାତି ନିକାର୍ ମାନିକିୱାଦାଙ୍ଗ୍ ମାଚାର୍। ଆରେ ହେୱାର୍ ହେୱାନିଙ୍ଗ୍ ୱେଚ୍‌ଚାର୍, ‘ମାଙ୍ଗେଙ୍ଗ୍ ସାସନ୍ କିଦେଙ୍ଗ୍ ଆରେ ବିଚାର୍ କିଦେଙ୍ଗ୍ ଇନେର୍ ନିଙ୍ଗେଙ୍ଗ୍ ବାଚି କିତ୍‌ତାନ୍‌ନା?’ ମାତର୍ ଈଶ୍ୱର ବୁଟାତାଙ୍ଗ୍ ମଶାଙ୍ଗ୍ ଚଞ୍ଜିଆତାନ୍, ଆରେ ଦୁତ୍ ମଶାଙ୍ଗ୍ ହେୱାରିଙ୍ଗ୍ ସାସନ୍ କିଦେଙ୍ଗ୍ ଆରେ ମିସର ଦେସ୍‌ନି ହଲିଆ କାମାୟ୍‌ତାଙ୍ଗ୍ ଉଦାର୍ କିଦେଙ୍ଗ୍ ହେୱାନିଙ୍ଗ୍ ପକ୍ତାନ୍‌ନା

୧ ଥେସଲନୀକିୟ 5:15

ଆନେଙ୍ଗ୍ ମିଙ୍ଗେଙ୍ଗ୍ ଜାଗ୍ରତ୍ ଆଦେଙ୍ଗ୍ ୱେଚ୍‌ଚାନାଙ୍ଗା, ଏପେଙ୍ଗ୍ ଅନ୍ୟାୟ୍ ବାଦୁଲ୍‌ରେ ଅନ୍ୟାୟ୍ କିମାଟ୍। ମାତର୍ ଏପେଙ୍ଗ୍ ୱିଜୁଦିନ୍ ଜାର୍-ଜାର୍ କାଜିଙ୍ଗ୍ ଆରେ ୱିଜାର୍ କାଜିଙ୍ଗ୍ ହାର୍ କାମାୟ୍ କିଦେଙ୍ଗ୍ ଉପାୟ୍ କିୟାଟ୍।

୨ ତିମଥି 4:4

ଆରେ ହେୱାର୍ ସତ୍ କାତାତିଙ୍ଗ୍ ୱେନ୍‌ୱାଦାଙ୍ଗ୍ କାତା ୱେଚ୍‌ନାକାଦିଙ୍ଗ୍ ୱେଞ୍ଜେଙ୍ଗ୍ ଇଚାକିନାର୍।

ଏବ୍ରି 1:1

ଈଶ୍ୱର ଆଗେ ବେସିହଟ୍ ବିନ୍-ବିନ୍‌କିଜି ଭବିଷ୍ଯତବକ୍ତାତାଙ୍ଗ୍ ମା ଆକଦାଦିର୍ ହୁଦାଙ୍ଗ୍ ବେଣ୍‌କିଜି ମାଚାନ୍।

ଏବ୍ରି 11:7

ପାର୍ତି କାଜିଙ୍ଗ୍ ନୋହ ତା ପରିବାର୍‌ତିଙ୍ଗ୍ ବନ୍ୟାତାଙ୍ଗ୍ ଉଦାର୍ କିନି କାଜିଙ୍ଗ୍ ରଞ୍ଜାଙ୍ଗ୍ ଜାଜ୍ ରସ୍ତାନ୍। ହେପାଦ୍ନା ଇନାୱେଡ଼ାଙ୍ଗ୍ ଗଟାଆୱି ବନ୍ୟା ବିଷୟରେ ଈଶ୍ୱର ନୋହଙ୍ଗ୍ ୱେଚ୍‌ଚାନ୍, ଆରେ ହେୱାନ୍ ଈଶ୍ୱର କାତାତିଙ୍ଗ୍ ମାନି କିତାନ୍। ତା ହେ ପାର୍ତି କାଜିଙ୍ଗ୍, ଇ ପୁର୍ତିତାକେ ପାର୍ତିକିୱି ମାନାୟାରିଙ୍ଗ୍ ହେୱାନ୍ ଦସି କିତାନ୍ ଆରେ ଈଶ୍ୱର ହେୱାନିଙ୍ଗ୍ ଦରମ୍ ମାନାୟ୍ ଇଞ୍ଜି ସାକି ହିତାନ୍।

ଏବ୍ରି 12:19

ଇନେସ୍‌କି ଇସ୍ରାଏଲନି ମାନାୟାର୍ ର ମରିନି ସବଦ୍ ଆରେ ଈଶ୍ୱର କାତା ୱେନ୍‌ଞ୍ଜି ପାଣ୍ଡ୍ରା ଆତାର୍। ଆରେ ହେୱାର୍ ଈଶ୍ୱରତିଙ୍ଗ୍ ଆରେ ବେଣ୍ କିୱି କାଜିଙ୍ଗ୍ ଗୁୱାରି କିତାର୍।

ଏବ୍ରି 3:12

ଲାଗିଙ୍ଗ୍ ଏ ପାର୍ତିକିନି ଟଣ୍ଡାର୍‌କାଦେର୍, ଜାଗ୍ରତ୍ ଆଜି ମାନାଟ୍, ମି ଗରବ୍ ଜିବୁନ୍ ମାନି ଈଶ୍ୱରତିଙ୍ଗ୍ ଆହ୍‌ୱାଦାଙ୍ଗ୍, କରାପ୍ ଆରେ ପାର୍ତିକିୱି ମାନାୟ୍ ଲେକେ ଆମେତ୍।

ଏବ୍ରି 3:17

ଇମ୍‌ଣାକାର୍ ଈଶ୍ୱରତିଙ୍ଗ୍ ଚାଲିଶ୍ ବାର୍ହୁ ପାତେକ୍ ବିରଦ୍ କିଜି ମାଚାର୍? ହେ ଇସ୍ରାଏଲନି ମାନାୟାର୍ ଇନେର୍ ପାପ୍ କିତାର୍ ଆରେ ଟାଙ୍ଗ୍ରାବାହାତାକେ ହାଃଜି ମାଚାର୍।

ଏବ୍ରି 8:5

ଇ ପୁଜାରିର୍ ଇମ୍‌ଣି ମୁକ୍ଯ ପବିତ୍ର ମନ୍ଦିର୍‌ତାକେ ହେବା କିନାର୍, ହେଦାଙ୍ଗ୍ ସରଗ୍‌ତାକେ ମାନି ବିଷୟତିଙ୍ଗ୍ ର ନକ୍‌ଲି ଆରେ ଡ଼ିଗା ଲେକେ ଚନ୍‌ଞ୍ଚି ବିଷୟ। ହେଦାଙ୍ଗ୍ କାଜିଙ୍ଗ୍ ମୋଶା ଏଚେପାଦ୍ନା ପୁଟ୍ କୁଡ଼ିଆ ରସ୍ତେଙ୍ଗ୍ ରେଡି ଆଜି ମାଚାନ୍, ଈଶ୍ୱର ଜାଗ୍ରତ୍ କିୟିକିଜି ୱେଚ୍‌ଚାନ୍, “ସାବ୍‌ଦାନ୍, ଆନେଙ୍ଗ୍ ଇ ମାଡ଼ିତାକେ ନିଙ୍ଗେଙ୍ଗ୍ ଇମ୍‌ଣି ଡିଜେନ୍ ଚଚ୍‌ଚାତାଙ୍ଗ୍‌ନା, ହେଲେକେ ୱିଜୁ ରହା।”

୧ ପିତର 1:22

ଇନେସ୍‌କି ଏପେଙ୍ଗ୍ ସତ୍‌ତିଙ୍ଗ୍ ମାନିକିତି କାଜିଙ୍ଗ୍ ହେୱାନ୍ ମିଙ୍ଗେଙ୍ଗ୍ ପାପ୍‌ତିଙ୍ଗ୍ ନୁସ୍‌ଦାତାନ୍‌ନା, ଲାଗିଙ୍ଗ୍ ଏପେଙ୍ଗ୍ ନଙ୍ଗୟ୍ ମି ପାର୍ତିନି ଟଣ୍ଡାରିଙ୍ଗ୍ ଟକାୟ୍ କିୱାଦାଙ୍ଗ୍ ହାତ୍‌ପା ଲାଡ୍‌କିନି ଦର୍‌କାର୍। ଏପେଙ୍ଗ୍ ଜାର୍-ଜାର୍‌ବିତ୍ରେ ଗରବ୍‌ତାଙ୍ଗ୍ ଲାଡ୍‌କିଜି ମାନାଟ୍।

ହତ୍‌ତି 19:10

ତାପାଚେ ଆନେଙ୍ଗ୍ ହେ ଦୁତ୍ କାଲ୍‌ପାନାତାକେ ମୁଣ୍ଡିଆ ଇଡ଼୍‌ଜି ପୁଜା କିତାଙ୍ଗ୍, ମାତର୍ ହେୱାନ୍ ନାଙ୍ଗେଙ୍ଗ୍ ୱେଚ୍‌ଚାତାତ୍, “ଆକାୟ୍ ନାଙ୍ଗେଙ୍ଗ୍ ମୁଣ୍ଡିଆ ଇଡ଼୍‌ଦାମା। ଇନେସ୍‌କି ଆନେଙ୍ଗ୍ ପା ନିଲେକେ ଆରେ ଜେକନି ଟଣ୍ଡାର୍‌ଲେକେ ଈଶ୍ୱର ଦାସ୍ ଇମ୍‌ଣି ମାନାୟାର୍ ଯୀଶୁଙ୍ଗ୍ ପାର୍ତିକିନାରା ଇଞ୍ଜି ପୁନାରା ଲାଗିଙ୍ଗ୍ ଏନେଙ୍ଗ୍ ଈଶ୍ୱରତିଙ୍ଗ୍ ପୁଜାକିୟା। ଇନେସ୍‌କି ପବିତ୍ର ଆତ୍ମା ହେ ମାନାୟ୍ ଇନେର୍ ମାନାୟାରିଙ୍ଗ୍ ଯୀଶୁ ଖ୍ରୀଷ୍ଟ ସତ୍ ବିଷୟ ଶୁଣାୟ୍ କିଦେଙ୍ଗ୍ ସାଇଜ କିନାତା।”

ହତ୍‌ତି 22:9

ମାତର୍ ହେ ଦୁତ୍ ନାଙ୍ଗେଙ୍ଗ୍ ଆରେରଗ ୱେଚ୍‌ଚାତାତ୍, “ଆକାୟ୍, ନାଙ୍ଗେଙ୍ଗ୍ ମୁଣ୍ଡିଆ ଇଡ଼୍‌ଦାମା। ଇନେସ୍‌କି ଆନେଙ୍ଗ୍ ପା ନିଲେକେ ଆରେ ଜେକନି ଟଣ୍ଡାର୍‌ଲେକେ ଇ ଈଶ୍ୱର ସାସ୍ତର୍‌ତିଙ୍ଗ୍ ମାନିକିଜି ଭବିଷ୍ଯତବକ୍ତା ଇମ୍‌ଣି ମାନାୟାର୍ ଯୀଶୁଙ୍ଗ୍ ପାର୍ତିକିନାରା ଇଞ୍ଜି ପୁନିକିନାତା ଲାଗିଙ୍ଗ୍ ଏନେଙ୍ଗ୍ ଈଶ୍ୱରତିଙ୍ଗ୍ ପୁଜାକିୟା।”