ଏବ୍ରି 12:14 - New Testament in Pengo Parja Language

¹⁴ ୱିଜାକାର୍ ହୁଦାଙ୍ଗ୍ ଶାନ୍ତିରେ ମାଞ୍ଜେଙ୍ଗ୍ ଆରେ ପବିତ୍ର ଜିବୁନ୍ କାଟି କିଦେଙ୍ଗ୍ ଉପାୟ୍ କିୟାଟ୍। ଇନେସ୍‌କି ଇମ୍‌ଣାକାର୍ ପବିତ୍ର ଆକାୟ୍ ହେୱାର୍ ମାପୃଙ୍ଗ୍ ହୁଡ଼୍‌ଦେଙ୍ଗ୍ ଆଡୁର୍।

ସତ୍‌ ବଚନ୍‌ ପୁନି ନିୟମ୍‌

¹⁴ ୱିଜ଼ାର୍‌ ଲାହାଂ ସୁସ୍ତାତ ମାଞ୍ଜେଙ୍ଗ୍ ସେସ୍ଟା କିୟାଟ୍‌, ଆରେ ଇମ୍‌ଣି ପୁଇପୁୟା ପିସ୍ତି ଇନେର୍‌ ମାପ୍ରୁଙ୍ଗ୍‌ ହୁଡ଼୍‌ଦେଂ ଆଡୁର୍‌, ତା ପାଚେ ହାଲାଟ୍‌,

ଏବ୍ରି 12:14 ပူးပေါင်းရင်းမြစ်များ

ମାର୍କ 9:50

ଇନେସ୍‌କି ହର୍‌ତାକେ ହୱାଦ୍ ହିଲ୍‌ଗୁତ୍, ଲାଗିଙ୍ଗ୍ ତା ହୱାଦ୍ ଇନେସ୍ କିଜି ତାସିୱାନାତ୍। ଇନାୱେଡ଼ାଙ୍ଗ୍ ମିବେ ହର୍‌ନି ଗୁଣ୍ ମାନେତ୍, ଏପେଙ୍ଗ୍ ଜାର୍-ଜାର୍ ହୁଦାଙ୍ଗ୍ ଶାନ୍ତିତାଙ୍ଗ୍ ମାନାଟ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:75

ହେୱାନ୍ ମାଙ୍ଗେଙ୍ଗ୍ ଈଶ୍ୱରତାକେ ଅସାହାଞ୍ଜ୍‌ନାନ୍ ଆରେ ୱିଜୁଦିନ୍ ମାଙ୍ଗେଙ୍ଗ୍ ଦରମ୍ ଜିବୁନ୍ କାଟି କିଦେଙ୍ଗ୍ ସାଇଜ କିଦ୍‌ନାନ୍।

ରୋମିୟ 12:18

ଏପେଙ୍ଗ୍ ଆଡ୍‌ନି ପାତେକ୍ ମି କାମାୟ୍ ୱିଜୁ କିୟାଟ୍ ଆରେ ଏପେଙ୍ଗ୍ ୱିଜାର୍ ହୁଦାଙ୍ଗ୍ ଶାନ୍ତିତାଙ୍ଗ୍ ମାନାଟ୍।

ରୋମିୟ 14:19

ହେଦାଙ୍ଗ୍ କାଜିଙ୍ଗ୍ ଆପେଙ୍ଗ୍ ମଣ୍ଡ୍‌ଲିତାକେ ଜାର୍-ଜାର୍‌ବିତ୍ରେ ହାମାନ୍ ଆଜି ମାଞ୍ଜେଙ୍ଗ୍ ଚିନ୍ତା କିନି ଦର୍‌କାର୍, ଆରେ ବେସି ପାର୍ତିକିନି କାଜିଙ୍ଗ୍ ଜାର୍-ଜାର୍‌ବିତ୍ରେ ସାଇଜ କିନି କାଜିଙ୍ଗ୍ ଉପାୟ୍ କିନି ଦର୍‌କାର୍।

ରୋମିୟ 6:22

ମାତର୍ ନଙ୍ଗୟ୍ ଏପେଙ୍ଗ୍ ପାପ୍‌ନି ଶାକ୍ତିତାଙ୍ଗ୍ ମୁକ୍ତି ପାୟା ଆତାଦେର୍‌ନା ଆରେ ଈଶ୍ୱରତାକେ ଚାକର୍ ଆତାଦେର୍‌ନା। ନଙ୍ଗୟ୍ ଏପେଙ୍ଗ୍ ପବିତ୍ର ଆଦେଙ୍ଗ୍ ଆରେ ୱିଜ୍‌ୱି ଜିବୁନ୍ ପାୟା ଆଦେଙ୍ଗ୍ ଦରମ୍ କାମାୟ୍ କିନାଦେରା।

୧ କରନ୍ତିୟ 1:10

ଏ ପାର୍ତିକିନି ଟଣ୍ଡାର୍‌କାଦେର୍, ଆନେଙ୍ଗ୍ ମା ମାପୃ ଯୀଶୁ ଖ୍ରୀଷ୍ଟ ଅଦିକାର୍‌ତାଙ୍ଗ୍ ଗୁୱାରି କିଜି ୱେଚ୍‌ଚାନାଙ୍ଗା ଯେ, ଏପେଙ୍ଗ୍ ୱିଜାଦେର୍ ଜାର୍-ଜାର୍ କାତାତିଙ୍ଗ୍ ରାଜି ଆଡ ଆରେ ମି ବିତ୍ରେତାଙ୍ଗ୍ ବାଗ୍-ବାଗ୍ ଆୱାଦାଙ୍ଗ୍ ମାହାଆଜି ମାନାଟ୍। ଆରେ ଏପେଙ୍ଗ୍ ୱିଜାଦେର୍ ର ମାନ୍ କିୟାଟ୍ ଆରେ ର ଚିନ୍ତା କିୟାଟ୍ ଆରେ ଏକ୍ ଆଜି କାମାୟ୍ କିୟାଟ୍।

୧ କରନ୍ତିୟ 13:12

ଆରେ ହେଦାଙ୍ଗ୍ ଆସେଙ୍ଗ୍ ପାର୍ତିକିନାର୍ କାଜିଙ୍ଗ୍ ହାମାନ୍, ଇନେସ୍‌କି ର ମାନାୟ୍ ବାନ୍ଯା ଦାର୍‌ପାଣ୍‌ତାକେ ତା ମୁର୍ତି ହୁଡ଼୍‌ତି ଲେକେ ଆସେଙ୍ଗ୍ ଆତାସ୍‌ନା। ଇନେସ୍‌କି ଆସେଙ୍ଗ୍ ୱିଜୁ ବିଷୟରେ ନଙ୍ଗୟ୍ ପାତେକ୍ ପୁନୁସେ, ଏଚେପାଦ୍ନା ଆସେଙ୍ଗ୍ ଈଶ୍ୱର ହୁଦାଙ୍ଗ୍ ହାରାମୁମ୍‌ ଆନାସ୍, ହେପାଦ୍ନା ଆସେଙ୍ଗ୍ ୱିଜୁ ବିଷୟ କିଲେର୍ କିଜି ବୁଜା ଆଦେଙ୍ଗ୍ ଆଡ୍‌ନାସ୍‌। ନଙ୍ଗୟ୍ ନାବେ ଈଶ୍ୱରତି ଜ୍ଞାନ୍ ଉଣା ମାନାତ୍, ମାତର୍ ଦିନ୍ ୱାନାତ୍ ଈଶ୍ୱର ନାଙ୍ଗେଙ୍ଗ୍ ଇନେସ୍ ହାର୍ କିଜି ପୁନ୍‌ଞ୍ଚାନ୍‌ନା ହେଲେକେ ଆନାଙ୍ଗ୍ ପା ହେୱାନିଙ୍ଗ୍ ପୁନାଙ୍ଗ୍।

୨ କରନ୍ତିୟ 6:17

ହେଦାଙ୍ଗ୍ କାଜିଙ୍ଗ୍ ମାପୃ ୱେଚ୍‌ଚାତ୍, ଏପେଙ୍ଗ୍ ହେୱାର୍‌ତାଙ୍ଗ୍ ହସି ୱାଡ, ଇମ୍‌ଣି ମାନାୟାର୍ ଈଶ୍ୱରତିଙ୍ଗ୍ ମାନି କିଉରା। ଏପେଙ୍ଗ୍ ହେୱାର୍ କିନି ମୁର୍ତି ପୁଜାତାଙ୍ଗ୍‌ କରାପ୍ କାମାୟ୍‌ତାଙ୍ଗ୍ ଦେହା ମାନାଟ୍, ଆରେ ଆନେଙ୍ଗ୍ ମିଙ୍ଗେଙ୍ଗ୍ ଆସ୍ତାନାଙ୍ଗ୍‌।

୨ କରନ୍ତିୟ 7:1

ଏ ନା ଲାଡ୍‌ନି ପାର୍ତିକିନି ଟଣ୍ଡାର୍‌କାଦେର୍, ଈଶ୍ୱର ମାଙ୍ଗେଙ୍ଗ୍ ତା ହିମ୍‌ଣାୱାକ୍‌ଡ଼ା ଆଦେଙ୍ଗ୍ ପାର୍ମାଣ୍ କିତ୍‌ତାନ୍‌ନା। ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ କରାପ୍ କାମାୟ୍ ୱିଜୁ କିନାକା ବନ୍ଦ୍ କିନି ଦର୍‌କାର୍ ଇମ୍‌ଣାକା ମା ଗାଗାଡ଼୍‌ତିଙ୍ଗ୍ ଆରେ ଆତ୍ମାତିଙ୍ଗ୍ କରାପ୍ କିନାତା। ଆରେ ଆସେଙ୍ଗ୍ ଈଶ୍ୱରତିଙ୍ଗ୍ ସନ୍‌ମାନ୍ କିଜି ମାନି କାଜିଙ୍ଗ୍ ଆସେଙ୍ଗ୍ ଈଶ୍ୱର ଇଚା କିନିଲେକେ କାମାୟ୍ କିନି ଦର୍‌କାର୍।

ଗାଲାତିୟ 3:21

ଲାଗିଙ୍ଗ୍ ମୋଶା ନିୟମ୍ ସାସ୍ତର୍ ଈଶ୍ୱରକିତି ପାର୍ମାଣ୍‌ତିଙ୍ଗ୍ ବିରଦ୍ କିନାତା କି? ହେଲେକେ ଇନାୱେଡ଼ାଙ୍ଗ୍ ପା ଆଦେଙ୍ଗ୍ ଆଡୁତ୍। ନିୟମ୍ ସାସ୍ତର୍ ମାନିକିନି କାଜିଙ୍ଗ୍ ଯଦି ୱିଜ୍‌ୱି ଜିବୁନ୍ ପାୟାଆତାଦେର୍‌ମା, ଲାଗିଙ୍ଗ୍ ହେ ନିୟମ୍‌ତିଙ୍ଗ୍ ମାନିକିଜି ଆପେଙ୍ଗ୍ ଈଶ୍ୱର ଲାଗାୟ୍ ପା ଦରମ୍ ମାନାୟ୍ ଆଦେଙ୍ଗ୍ ଆଡ଼୍‌ତାପ୍‌ମା।

ଏପିସିୟ 5:5

ଇନେସ୍‌କି ଏପେଙ୍ଗ୍ ହାର୍‌ଦାଙ୍ଗ୍ ପୁଚାଦେର୍‌ନା ଯେ, ଦାରି କାମାୟ୍ କିନି ମାନାୟ୍, କି କରାପ୍ ବ୍ଯବହାର୍ କିନି ମାନାୟ୍, କି ଦନ୍ ଲବ୍ରାର୍ କାଜିଙ୍ଗ୍, ଖ୍ରୀଷ୍ଟ ଆରେ ଈଶ୍ୱର ରାଜିତାକେ ଆଦିକାର୍ ଆକାୟ୍। ଦନ୍ ଲବ୍ରାର୍ ମୁର୍ତିତିଙ୍ଗ୍ ପୁଜା କିନାକାର୍ ଲେକେ।

ପିଲିପିୟ 3:12

ଆନେଙ୍ଗ୍ ଇ ଲେକେ ୱେଚୁଙ୍ଗା ଯେ ଇ ୱିଜୁ ପାୟାଆତାଙ୍ଗ୍‌ନା କି ଈଶ୍ୱର ଇଚା କିତିଲେକେ ଆନେଙ୍ଗ୍ ଟିକ୍ ଆୱାତାଙ୍ଗ୍‌ନା। ମାତର୍ ନାଙ୍ଗେଙ୍ଗ୍ ଯୀଶୁ ଖ୍ରୀଷ୍ଟ ଇନାକାଦିଙ୍ଗ୍ ବାଚି କିତ୍‌ତାନ୍‌ନା ହେଦାଙ୍ଗ୍ ଜିତା ଆଦେଙ୍ଗ୍ ଆନେଙ୍ଗ୍ ହନ୍‌ନାଙ୍ଗା।

୧ ଥେସଲନୀକିୟ 3:13

ଆପେଙ୍ଗ୍ ପାର୍ତାନା କିନାପା ଯେ, ମା ମାପୃ ଯୀଶୁ ଖ୍ରୀଷ୍ଟ ଆରେରଗ ତା ସାଦୁ ମାନାୟାର୍ ହୁଦାଙ୍ଗ୍ ୱାନାନ୍, ଆରେ ଆସେଙ୍ଗ୍ ଈଶ୍ୱର ମୁମ୍‌ଦ ନିଲ୍‌ତିହିଙ୍ଗ୍‌, ଖ୍ରୀଷ୍ଟ ମାଙ୍ଗେଙ୍ଗ୍ ସାସ୍, ପବିତ୍ର ଆରେ ଦସ୍ ହିଲି ମାନାୟ୍ କିଦ୍‌ନାନ୍।

୧ ଥେସଲନୀକିୟ 4:7

ଈଶ୍ୱର ମାଙ୍ଗେଙ୍ଗ୍ ପାପ୍ କାମାୟ୍ କିଜି ଯିବୁନ୍ କାଡିକିଦେଙ୍ଗ୍ ବାଚି କିଦ୍‌ୱାତାନ୍‌ନା, ମାତର୍ ଦରମ୍ କାମାୟ୍ କିଜି ପବିତ୍ର ଆଜି ଯିବୁନ୍ କାଡିକିଦେଙ୍ଗ୍ ମାଙ୍ଗେଙ୍ଗ୍ ବାଚି କିତ୍‌ତାନ୍‌ନା।

୧ ଥେସଲନୀକିୟ 5:15

ଆନେଙ୍ଗ୍ ମିଙ୍ଗେଙ୍ଗ୍ ଜାଗ୍ରତ୍ ଆଦେଙ୍ଗ୍ ୱେଚ୍‌ଚାନାଙ୍ଗା, ଏପେଙ୍ଗ୍ ଅନ୍ୟାୟ୍ ବାଦୁଲ୍‌ରେ ଅନ୍ୟାୟ୍ କିମାଟ୍। ମାତର୍ ଏପେଙ୍ଗ୍ ୱିଜୁଦିନ୍ ଜାର୍-ଜାର୍ କାଜିଙ୍ଗ୍ ଆରେ ୱିଜାର୍ କାଜିଙ୍ଗ୍ ହାର୍ କାମାୟ୍ କିଦେଙ୍ଗ୍ ଉପାୟ୍ କିୟାଟ୍।

୧ ତିମତି 6:11

ଏ ଈଶ୍ୱରତିଙ୍ଗ୍ ହେବାକିନି ତିମତି, ଏନେଙ୍ଗ୍ ଇ ୱିଜୁ ବିଷୟତାଙ୍ଗ୍ ଜେକ ଆନି ଦର୍‌କାର୍। ଆରେ ଏନେଙ୍ଗ୍ ଇନାକା ଟିକ୍ ହେଦାଙ୍ଗ୍ କିଦେଙ୍ଗ୍ ଉପାୟ୍ କିୟା, ଈଶ୍ୱରତିଙ୍ଗ୍ ସନ୍‌ମାନ୍ ଆତିଲେକେ ଜିବୁନ୍ କାଟି କିୟା, ଖ୍ରୀଷ୍ଟଙ୍ଗ୍ ପାର୍ତି କିୟା, ଜେକନିକାରିଙ୍ଗ୍ ଲାଡ୍ କିୟା। ବିପତ୍ ୱେଡ଼ାଙ୍ଗ୍ ସାହାସ୍ ଆସ୍ତି ମାନା, ରିସା ଆୱାଦାଙ୍ଗ୍ ଜେକନିକାର୍‌ତାକେ ହାର୍ ଆଜି ମାନା।

୨ ତିମଥି 2:22

ମାତର୍ ଏନେଙ୍ଗ୍ ବେଣ୍ଡିଆ ୱେଡ଼ାତାଙ୍ଗ୍ କରାପ୍ କାମାୟ୍‌ତାଙ୍ଗ୍ ଦେହା ମାନା। ମାପୃତିଙ୍ଗ୍ ହାର୍ଦି ମାନ୍‌ତାଙ୍ଗ୍ ହେବାକିନି ମାନାୟାର୍ ହୁଦାଙ୍ଗ୍ ଏନେଙ୍ଗ୍ ଇ ୱିଜୁ ମାନି କିଦେଙ୍ଗ୍ ଉପାୟ୍ କିୟା ଏନେଙ୍ଗ୍ ଇନାକା ଟିକ୍ ହେଦାଙ୍ଗ୍ କିଦେଙ୍ଗ୍ ଉପାୟ୍ କିୟା। ଖ୍ରୀଷ୍ଟଙ୍ଗ୍ ପାର୍ତି କିୟା, ଜେକନିକାରିଙ୍ଗ୍ ଲାଡ୍ କିୟା, ଆରେ ରିସା ଆୱାଦାଙ୍ଗ୍ ଜେକନିକାର୍‌ତାକେ ହାର୍ ଆଜି ମାନା।

ଏବ୍ରି 12:10

ମା ଇ ପୁର୍ତିନି ଆବାର୍‌ ଇନାକା ହାର୍ ଇଞ୍ଜି ପୁଚାର୍‌ନା, ହେ ହିସାବ୍‌ରେ ହେୱାର୍ ଅଲପ୍ ସମୟ୍ କାଜିଙ୍ଗ୍ ମାଙ୍ଗେଙ୍ଗ୍ ସାସନ୍ କିଦ୍‌ନାର୍। ମାତର୍ ଈଶ୍ୱର ଇନେସ୍ ପବିତ୍ର, ହେଲେକେ ଆସେଙ୍ଗ୍ ପବିତ୍ର ଆନି କାଜିଙ୍ଗ୍, ଈଶ୍ୱର ସାସନ୍ ୱିଜୁଦିନ୍ ଟିକ୍ ଆରେ ମା କାଜିଙ୍ଗ୍ ହେଦାଙ୍ଗ୍ ହାର୍।

ଏବ୍ରି 9:28

ହେଲେକେ ଖ୍ରୀଷ୍ଟ ପା ମାନାୟାର୍ ପାପ୍‌ତିଙ୍ଗ୍ ଦେହାକିନି କାଜିଙ୍ଗ୍ ରଗ ଜାର୍‌ତିଙ୍ଗ୍ ବଲିପୁଜା କିତାନ୍‌ନା। ଲାଗିଙ୍ଗ୍ ଏଚେପାଦ୍ନା ହେୱାନ୍ ଆରେରଗ ୱାନାନ୍, ମାନାୟାର୍ ପାପ୍ କାଜିଙ୍ଗ୍ ଜାର୍‌ତିଙ୍ଗ୍ ବଲିପୁଜା କିନି କାଜିଙ୍ଗ୍ ୱାଉନ୍, ମାତର୍ ଇମ୍‌ଣି ମାନାୟାର୍ ହେୱାନିଙ୍ଗ୍ କାତାର୍‌ନା, ହେୱାରିଙ୍ଗ୍ ଉଦାର୍ କିନି କାଜିଙ୍ଗ୍ ୱାନାନ୍।

୧ ପିତର 3:11

ଏପେଙ୍ଗ୍ କରାପ୍ କାମାୟ୍ କିନାକା ବନ୍ଦ୍ କିୟାଟ୍ ଆରେ ହାର୍ କାମାୟ୍ କିୟାଟ୍। ଏପେଙ୍ଗ୍ ଶାନ୍ତିତାଙ୍ଗ୍ ମାଞ୍ଜେଙ୍ଗ୍ ଆରେ ଶାନ୍ତି କିଦେଙ୍ଗ୍ ଉପାୟ୍ କିୟାଟ୍।”

୧ ପିତର 3:13

ଏପେଙ୍ଗ୍ ବେସି ଇଚାତାଙ୍ଗ୍ ହାର୍ କାମାୟ୍ କିତିସ୍ ଇନେର୍ ପା ମିଦି ଲସ୍ କିଦୁର୍।

୨ ପିତର 3:11

ଇଦାଙ୍ଗ୍ ସତ୍ ଯେ ଈଶ୍ୱର ଇ ୱିଜୁ ବିଷୟ ଇଲେକେ ନଷ୍ଟ କିନାନ୍। ଲାଗିଙ୍ଗ୍ ଏପେଙ୍ଗ୍ ପବିତ୍ର ଆରେ ଈଶ୍ୱରତିଙ୍ଗ୍ ୱାରି କିତିଲେକେ ଜିବୁନ୍ କାଟିକିୟାଟ୍।

୨ ପିତର 3:18

ମାତର୍ ଏପେଙ୍ଗ୍ ମା ମାପୃ ଆରେ ଉଦାର୍ କିଦ୍‌ନି ଯୀଶୁ ଖ୍ରୀଷ୍ଟନି ଦୟାତିଙ୍ଗ୍ ଆରେ ବୁଦିତିଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ବୁଜାଆଡ। ଆରେ ହେୱାନିଙ୍ଗ୍ ଏପେଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ନଙ୍ଗୟ୍ ଆରେ ୱିଜ୍‌ୱିଦିନ୍ ପାତେକ୍ ଗୌରବ କିୟାଟ୍। ଆମେନ୍।

୩ ଯୋହନ 1:11

ଏ ନା ଲାଡ୍‌ନି ସାଙ୍ଗ କାଦେର୍, କରାପ୍ ମାନାୟାର୍ କାମାୟ୍‌ତିଙ୍ଗ୍ ଏପେଙ୍ଗ୍ ହିକାଆମାଟ୍, ମାତର୍ ହାର୍ଦି କାମାୟ୍ କିନାକାର୍ କାମାୟ୍ ହିକାଆଡ। ଇମ୍‌ଣି ମାନାୟ୍ ହାର୍ କାମାୟ୍ କିନାନ୍ ହେୱାନ୍ ଈଶ୍ୱର ମେହି ଇଞ୍ଜି ପୁନ୍ୟା ଆନାତ୍, ଆରେ ଇମ୍‌ଣି ମାନାୟ୍ କରାପ୍ କାମାୟ୍ କିନାନ୍ ତା କରାପ୍ କାମାୟ୍‌ତିଙ୍ଗ୍ ହୁଡ଼୍‌ଜି ପୁନିୟା ଆନାତ୍‌ ଯେ, ହେୱାନ୍ ଈଶ୍ୱରତିଙ୍ଗ୍ ପୁନ୍‌ୱାତାନ୍‌ନା।