Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ଏବ୍ରି 11:7 - New Testament in Pengo Parja Language

7 ପାର୍ତି କାଜିଙ୍ଗ୍ ନୋହ ତା ପରିବାର୍‌ତିଙ୍ଗ୍ ବନ୍ୟାତାଙ୍ଗ୍ ଉଦାର୍ କିନି କାଜିଙ୍ଗ୍ ରଞ୍ଜାଙ୍ଗ୍ ଜାଜ୍ ରସ୍ତାନ୍। ହେପାଦ୍ନା ଇନାୱେଡ଼ାଙ୍ଗ୍ ଗଟାଆୱି ବନ୍ୟା ବିଷୟରେ ଈଶ୍ୱର ନୋହଙ୍ଗ୍ ୱେଚ୍‌ଚାନ୍, ଆରେ ହେୱାନ୍ ଈଶ୍ୱର କାତାତିଙ୍ଗ୍ ମାନି କିତାନ୍। ତା ହେ ପାର୍ତି କାଜିଙ୍ଗ୍, ଇ ପୁର୍ତିତାକେ ପାର୍ତିକିୱି ମାନାୟାରିଙ୍ଗ୍ ହେୱାନ୍ ଦସି କିତାନ୍ ଆରେ ଈଶ୍ୱର ହେୱାନିଙ୍ଗ୍ ଦରମ୍ ମାନାୟ୍ ଇଞ୍ଜି ସାକି ହିତାନ୍।

အခန်းကိုကြည့်ပါ။ ကော်ပီ

ସତ୍‌ ବଚନ୍‌ ପୁନି ନିୟମ୍‌

7 ପାର୍ତି ହୁଦାଂ ନହ ହେ ୱିଜ଼ୁ ପାତେକ୍‌ ହୱି ବିସ୍ରେ କାଜିଂ ସବୁ ବଲ୍‌ ଗାଟା ଆଜ଼ି ବକ୍ତି ଲାହାଂ ଜାର୍‌ କୁଟୁମ୍‌ତାଂ ମୁକ୍ତି କିଦେଙ୍ଗ୍‌ କାଜିଂ ରଞ୍ଜାଙ୍ଗ୍‌ ଜାଜ୍‌ ରଚ୍‍ଚାନ୍‌ ଆରେ ହେ ପାର୍ତି ହୁଦାଂ ହେୱାନ୍‌ ଜଗତ୍‌ତିଂ ଦସି କିଜ଼ି ପାର୍ତି ଇସାପ୍ରେ ଦାର୍ମିନି ଆଦିକାରି ଆତାନ୍‌ ।

အခန်းကိုကြည့်ပါ။ ကော်ပီ




ଏବ୍ରି 11:7
41 ပူးပေါင်းရင်းမြစ်များ  

ମାତର୍ ଈଶ୍ୱର ହେ ପଣ୍ଡିତାରିଙ୍ଗ୍ ହେରୋଦ ରାଜା ଲାଗାୟ୍ ହାଲ୍‌ମାଟ୍ ଇଞ୍ଜି କେଚ୍‍କଣ୍‌ତ ଆଦେସ୍ ହିତାନ୍। ହେଦାଙ୍ଗ୍ କାଜିଙ୍ଗ୍ ହେୱାର୍ ହେରୋଦ ରାଜା ଲାଗାୟ୍ ହାଲ୍‌ୱାଦାଙ୍ଗ୍ ଜାର୍-ଜାର୍ ହାଜ୍‌ଦିଙ୍ଗ୍ ଜାର୍ ଦେସ୍‌ତ ହାଚାର୍।


ଆନେଙ୍ଗ୍ ନଙ୍ଗୟ୍ ଇନାକା ୱେଚ୍‌ଚେଙ୍ଗ୍ ହାନାଙ୍ଗା ଭବିଷ୍ଯତବକ୍ତା ଦାନିଏଲ୍ ତାଙ୍ଗ୍ ଲେକାଆତି ବେଣ୍ ପଡ଼ିକିଜି ବୁଜାଆଡ। ରଦିନ୍ କରାପ୍ ମାନାୟ୍‌ତିଙ୍ଗ୍ ଯିରୁଶାଲାମ ପବିତ୍ର ମନ୍ଦିର୍‌ତାକେ ନିଲ୍‌ତାକା ହୁଡ଼୍‌ନାଦେର୍, ଇମ୍‌ଣି ବାହାତାକେ କରାପ୍ ମାନାୟ୍ ମାନ୍‌ୱାକା ମାଚାତ୍ ହେବାହାତାକେ ହେୱାନ୍ ମାଚିସ୍, ହେ ମନ୍ଦିର୍‌ ବୁଡାଇ କିନାନ୍।


ହୁଡ଼ାଟ୍ ଇ ୱିଜୁଗଟ୍‌ନା ୱାୱି ଆଗେ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା।


ଗୁର୍‌ନି ବାତ୍ୟା ଆୱି ଆଗେ ଭବିଷ୍ଯତବକ୍ତା ନୋହ ଜାଜ୍‌ବିତ୍ରେ ହଣି ପାତେକ୍ ମାନାୟାର୍ ବଜିପାତି ଆରେ ବିବାପାତି ଇୱିଜୁ କିଜି ମାଚାର୍।


ମାତର୍ ପାରୁସିଦଳ୍‍ ଆରେ ଯିହୁଦି ଦର୍‍ମନି ସାଦୁକିଦଳ୍‌ ବିତ୍ରେତାଙ୍ଗ୍ କେତେକ୍ ମାନାୟ୍ ଡୁବନ୍ ଅଦେଙ୍ଗ୍ ୱାନାରା, ଇଦାଙ୍ଗ୍ ହୁଡ଼୍‌ଜି ଡୁବନ୍‌ହିନି ଯୋହନ ହେୱାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ବିସ୍‌ମାନି ରାଚ୍ ଲେକେ ବାନ୍ୟା ମାନାଦେର୍! ଏପେଙ୍ଗ୍ ମି ଆଗେନି ରିସାତାଙ୍ଗ୍ ହନ୍ତେଙ୍ଗ୍ ମିଙ୍ଗେଙ୍ଗ୍ ଇନେର୍ ଚେତ୍‌ନା କିତ୍‌ତାର୍।


ମା ଆକଦାଦି ନୋହ ମାନି ପାଦ୍ନା ଇନେସ୍ ଗଟାଆଜି ମାଚାତ୍, ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ୱାନିହିଙ୍ଗ୍ ପା ହେଲେକେ ନେ ଗଟାଆନାତ୍।


ଇନେସ୍‌କି ଇ ହାର୍ଦିକାବୁର୍‌ତାକେ, ଈଶ୍ୱର ପୁନି କିଦ୍‌ନାନା ଯେ, ହେୱାନ୍ ମାନାୟାରିଙ୍ଗ୍ ଇନେସ୍‌କିଜି ଦରମ୍ ଲକ୍ କିଦେଙ୍ଗ୍ ଆଡ୍‌ନାନ୍, ଯଦି ତାଙ୍ଗେଙ୍ଗ୍ ଆରମ୍‌ତାଙ୍ଗ୍ ହାରିହାରା ପାତେକ୍ ପାର୍ତି କିଜିମାନାର୍‌ ହେୱାରିଙ୍ଗ୍ ଦରମ୍ ମାନାୟ୍ କିଦେଙ୍ଗ୍ ଆଡ୍‌ନାତ୍। ଇଦାଙ୍ଗ୍ ବେସି ଆଗେ ଦରମ୍ ସାସ୍ତରତାକେ ଲେକାଆତାତ୍‌ନା, ପାର୍ତି କାଜିଙ୍ଗ୍ ଦରମ୍ ମାନାୟ୍ ଜିନାନ୍।


ମାତର୍ ମାନାୟାର୍ ପାର୍ତି କିଜି ଈଶ୍ୱର ଆଗେ ଦରମ୍ ଆନାର୍, ହେ ବିଷୟରେ ସାସ୍ତର୍ ଇଲେକେ ୱେଚ୍‌ନାତା ଯେ, “ଏପେଙ୍ଗ୍ ମାନ୍ତ-ମାନ୍ତ ୱେଚ୍‌ମାଟ୍ ଇନେର୍ ସରଗ୍‌ତାକେ ହାଲ୍‌ଜି ଖ୍ରୀଷ୍ଟଙ୍ଗ୍ ଇନେର୍ ଜୁତ୍‌ତି ତାନାନ୍,”


ତା ଅର୍ତ ଇଲେକେ ଯେ, ଏଚେପାଦ୍ନା ଆସେଙ୍ଗ୍ ଯୀଶୁ ଖ୍ରୀଷ୍ଟଙ୍ଗ୍ ମା ପାପ୍ ପିଣ୍‌ଜି ଅନାନ୍ ଇଞ୍ଜି ପାର୍ତି କିନାସ୍, ଈଶ୍ୱର ମାଙ୍ଗେଙ୍ଗ୍ ଦରମ୍ ମାନାୟ୍ କିଦ୍‌ନାନ୍। ଆସେଙ୍ଗ୍ ଯିହୁଦି ଆଏସ୍‌ କି ବିନ୍ ଜାତିନିକାସ୍ ଆଏସ୍ ୱିଜାରିଙ୍ଗ୍ ହାମାନ୍ ଅଦିକାର୍ ହିତ୍‌ତାନ୍‌ନା।


ଆରେ ହେପାଦ୍ନା ହେୱାନ୍ ଈଶ୍ୱରତାକେ ପାର୍ତିକିତି କାଜିଙ୍ଗ୍ ଈଶ୍ୱର ତାଙ୍ଗେଙ୍ଗ୍ ଦରମ୍ ମାନାୟ୍ କିତାନ୍। ହେପାଦ୍ନା ହେୱାନ୍ ସୁନତ୍ ଆୱାଦାଙ୍ଗ୍ ମାଚାନ୍। ସୁନତ୍ ଆନି ଅର୍ତ ଇଲେକେ ଯେ, ହେଦାଙ୍ଗ୍ ଈଶ୍ୱର ଆସ୍ତାନ୍ ଇଞ୍ଜି ର ଚିନ୍। ଲାଗିଙ୍ଗ୍ ହେୱାନ୍ ପାର୍ତିକିନି ମାନାୟାର୍ ଲାତ୍ରାହି ଆତାନ୍, ଆରେ ହେୱାନ୍ ସୁନତ ଆୱାଦାଙ୍ଗ୍ ମାଚାନ୍। ହେୱାର୍ ତା ପାର୍ତି କାଜିଙ୍ଗ୍ ଈଶ୍ୱର ଆଗେ ଦରମ୍ ମାନାୟ୍ ଆତାର୍।


ଈଶ୍ୱର ଅବ୍ରାହାମତିଙ୍ଗ୍ ଆରେ ତା କୁଟୁମ୍‌ତିଙ୍ଗ୍ ପାର୍ମାଣ୍ କିଜି ମାଚାନ୍ ଯେ, ହେୱାନ୍ ଇ ପୁର୍ତି ହେୱାରିଙ୍ଗ୍ ହିତାନ୍। ଆରେ ଈଶ୍ୱର ଇ ପାର୍ମାଣ୍ ଅବ୍ରାହାମତିଙ୍ଗ୍ ହିଜିମାଚାନ୍, ଇନେସ୍‌କି ଅବ୍ରାହାମ ଈଶ୍ୱର ନିୟମ୍‌ତିଙ୍ଗ୍ ମାନିକିତି କାଜିଙ୍ଗ୍ ଆକାୟ୍, ମାତର୍ ଈଶ୍ୱରତିଙ୍ଗ୍ ପାର୍ତିକିତି କାଜିଙ୍ଗ୍, ହେୱାନିଙ୍ଗ୍ ତା ଆଗେ ଦରମ୍ ମାନାୟ୍ କିଜି ଇ ପାର୍ମାଣ୍ ହିତାନ୍।


ବିନ୍‌ଜାତିନି ମାନାୟାର୍ ନିଜେ ଈଶ୍ୱର ଆଗେ ଦରମ୍ ମାନାୟ୍ ଆଦେଙ୍ଗ୍ ଉପାୟ୍ କିଉରା, ମାତର୍ ଈଶ୍ୱର ହେୱାରିଙ୍ଗ୍ ତା ଆଗେ ଦରମ୍ ମାନାୟ୍ କିତାନ୍‌ନା, ଇନେସ୍‌କି ହେୱାର୍ ତାଙ୍ଗେଙ୍ଗ୍ ପାର୍ତିକିନାରା।


ଇନେସ୍‌କି ଈଶ୍ୱର ମାଙ୍ଗେଙ୍ଗ୍ ହିଜି ମାନ୍‌ଞ୍ଚି ପାର୍ମାଣ୍‌ତାଙ୍ଗ୍ ଦରମ୍ ମାନାୟ୍ ଆନି କାଜିଙ୍ଗ୍, ଆପେଙ୍ଗ୍ ଖ୍ରୀଷ୍ଟତାକେ ପାର୍ତି କିଜି ଆରେ ପବିତ୍ର ଆତ୍ମା ସାଇଜତାଙ୍ଗ୍ ବେସି ଆହାକିଜି କାନାପା।


ଆନେଙ୍ଗ୍ ମୋଶା ନିୟମ୍‌ତିଙ୍ଗ୍ ମାନିକିନି କାଜିଙ୍ଗ୍ ଆନେଙ୍ଗ୍ ଦରମ୍ ମାନାୟ୍ ଆୱାତାଙ୍ଗ୍‌ନା, ମାତର୍ ଖ୍ରୀଷ୍ଟଙ୍ଗ୍ ପାର୍ତିକିନି କାଜିଙ୍ଗ୍ ଆନେଙ୍ଗ୍ ଦରମ୍ ମାନାୟ୍ ଆତାଙ୍ଗ୍‌ନା। ହେ ଦରମ୍‌ନି ବିଷୟ ଈଶ୍ୱର ହିତ୍‌ତାନ୍‌ନା।


ଇନାକା ଗଟାଆନାତ୍ ଇଞ୍ଜି ଆସେଙ୍ଗ୍ ଆହା କିନାସା, ହେ ଷ୍ଟ୍ରଙ୍ଗ୍ ଆହାତିଙ୍ଗ୍ ପାର୍ତି ୱେଚ୍‌ନାର୍। ଆରେ ଇନାକା ଆସେଙ୍ଗ୍ ହୁଡ଼୍‌ୱାତାସ୍‌ନା, ହେ ବିଷୟତିଙ୍ଗ୍ ଇଦାଙ୍ଗ୍ ସତ୍ ଇଞ୍ଜି ପାର୍ମାଣ୍ କିନାତ୍।


ଜାଗ୍ରତ୍ ଆଜି ମାନାଟ୍, ଇମ୍‌ଣି ଈଶ୍ୱର ମିହୁଦାଙ୍ଗ୍ ବେଣ୍ କିଦ୍‌ନାନା, ତା କାତା ଏପେଙ୍ଗ୍ ମାନି କିୟାଟ୍। ଇନେସ୍‌କି ଇ ପୁର୍ତିତାକେ ମୋଶା ଇସ୍ରାଏଲନି ମାନାୟାରିଙ୍ଗ୍ ଆଦେସ୍ ହିତାନ୍, ଆରେ ହେୱାର୍ ଅମାନ୍ୟା ଆତି କାଜିଙ୍ଗ୍ ଈଶ୍ୱର ହେୱାରିଙ୍ଗ୍ ଦଣ୍ଡ୍‌ହିଜି ମାଚାନ୍। ସରଗ୍‌ତାଙ୍ଗ୍ ୱେଚ୍‌ଚିନି ଈଶ୍ୱର ଆଦେସ୍‌ତିଙ୍ଗ୍ ଯଦି ଆସେଙ୍ଗ୍ ଅମାନ୍ୟା କିନାସ୍, ଲାଗିଙ୍ଗ୍ ସତ୍‌ରେ ଆସେଙ୍ଗ୍ ଆଦିକ୍ ଦଣ୍ଡ୍ ପାୟାଆନାସ୍।


ଯୀଶୁ ଖ୍ରୀଷ୍ଟ ପୁର୍ତିତାକେ ମାନିହିଙ୍ଗ୍, ଇମ୍‌ଣି ଈଶ୍ୱର ହେୱାନିଙ୍ଗ୍ ହାଃତିତାଙ୍ଗ୍ ଉଦାର୍ କିଦେଙ୍ଗ୍ ଆଡ୍‌ନାନ୍, ତା ଲାଗାୟ୍ ହେୱାନ୍ ଗାଜା କାଟ୍‌ତାଙ୍ଗ୍ ଆଡ଼ାକୁକା ଆଜି ପାର୍ତାନା ଆରେ ଗୁୱାରି କିତାନ୍। ଈଶ୍ୱରତିଙ୍ଗ୍ ହେୱାନ୍ ବେସି ସନ୍‌ମାନ୍ ଆରେ ଜାର୍‌ତିଙ୍ଗ୍ ହିରୁ ଆନି କାଜିଙ୍ଗ୍, ଈଶ୍ୱର ହେୱାନ୍ କିତି ପାର୍ତାନାତିଙ୍ଗ୍ ୱେଚାନ୍।


ଇ ପୁଜାରିର୍ ଇମ୍‌ଣି ମୁକ୍ଯ ପବିତ୍ର ମନ୍ଦିର୍‌ତାକେ ହେବା କିନାର୍, ହେଦାଙ୍ଗ୍ ସରଗ୍‌ତାକେ ମାନି ବିଷୟତିଙ୍ଗ୍ ର ନକ୍‌ଲି ଆରେ ଡ଼ିଗା ଲେକେ ଚନ୍‌ଞ୍ଚି ବିଷୟ। ହେଦାଙ୍ଗ୍ କାଜିଙ୍ଗ୍ ମୋଶା ଏଚେପାଦ୍ନା ପୁଟ୍ କୁଡ଼ିଆ ରସ୍ତେଙ୍ଗ୍ ରେଡି ଆଜି ମାଚାନ୍, ଈଶ୍ୱର ଜାଗ୍ରତ୍ କିୟିକିଜି ୱେଚ୍‌ଚାନ୍, “ସାବ୍‌ଦାନ୍, ଆନେଙ୍ଗ୍ ଇ ମାଡ଼ିତାକେ ନିଙ୍ଗେଙ୍ଗ୍ ଇମ୍‌ଣି ଡିଜେନ୍ ଚଚ୍‌ଚାତାଙ୍ଗ୍‌ନା, ହେଲେକେ ୱିଜୁ ରହା।”


ହେ ଆତ୍ମାକାଙ୍ଗ୍ ବେସି ଆଗେ ଈଶ୍ୱର କାତାତିଙ୍ଗ୍ ମାନିକିୱାଦାଙ୍ଗ୍ ମାଚିକ୍, ଏଚେପାଦ୍ନା ନୋହ ଡଙ୍ଗା ରସ୍ତି ମାଚାନ୍। ମାନାୟାର୍ ପାପ୍ କାମାୟ୍ ପିସ୍ତି ମାନ୍‌ବାଦ୍‌ଲାୟ୍ କିନାର୍ କି ଆକାୟ୍ ଇଞ୍ଜି ପୁଞ୍ଜେଙ୍ଗ୍ ଈଶ୍ୱର ସାସ୍ ଆଜି କାସି ମାଚାନ୍, ଏଚେପାଦ୍ନା ଈଶ୍ୱର ଇ ପୁର୍ତିତିଙ୍ଗ୍ ବନ୍ୟା କିଜି ବିନାସ୍ କିତାନ୍ ହେପାଦ୍ନା ଆପ୍‌କା ଆଟ୍ ଜାଣ୍ ନେ ରକ୍ଷା ପାୟାଆତାର୍।


ଆନେଙ୍ଗ୍ ଶିମନ ପିତର ଯୀଶୁ ଖ୍ରୀଷ୍ଟନି ରକାଙ୍ଗ୍‌ ଦାସ୍ ଆରେ ବାଚିକିତି ଚେଲା ଇ ଚିଟି ଲେକିକିନାଙ୍ଗା। ଯୀଶୁ ଖ୍ରୀଷ୍ଟତି ମା ଈଶ୍ୱର ଆରେ ଉଦାର୍ କିଦ୍‌ନାକାନ୍, ହେୱାନ୍ ଈଶ୍ୱର ଲାଗାୟ୍ ମାଙ୍ଗେଙ୍ଗ୍ ଦରମ୍ ମାନାୟ୍ କିତ୍‌ତାନ୍‌ନା। ଆରେ ହେୱାନ୍ ମାଙ୍ଗେଙ୍ଗ୍ ବେସି ମୁଲ୍ୟକାଟି ପାର୍ତି ହିତ୍‌ତାନ୍‌ନା, ଆରେ ଇମ୍‌ଣାକାର୍ ମା ଲେକେ ହାମାନ୍ ପାର୍ତି ପାୟାଆତାର୍‌ନା, ହେୱାର୍ ଲାଗାୟ୍ ଆନେଙ୍ଗ୍ ଇ ଚିଟି ଲେକିକିନାଙ୍ଗା।


ଏପେଙ୍ଗ୍ ଇଦାଙ୍ଗ୍ ପା ପୁଚାଦେର୍‌ନା ଯେ ଆଗେନି ମାନାୟାର୍ ଏଚେପାଦ୍ନା ଈଶ୍ୱରତିଙ୍ଗ୍ ପାଣ୍ଡ୍ରା ଆୱାତାର୍, ହେୱାନ୍ ହେୱାର୍ କରାପ୍ କାମାୟ୍ କିନି ବିଷୟତିଙ୍ଗ୍ ଦଣ୍ଡ୍ ହିୱାଦାଙ୍ଗ୍ ପିହ୍‌ୱାତାନ୍। ହେୱାର୍ ଇନେସ୍ ଏଜୁକାଙ୍ଗ୍ ମୁନ୍‌ଞ୍ଜି ନଷ୍ଟ ଆନାର୍, ଇଦାଙ୍ଗ୍ କାଜିଙ୍ଗ୍ ଈଶ୍ୱର ପୁର୍ତିତିଙ୍ଗ୍ ପୁରା ଡାବାଇ କିଦେଙ୍ଗ୍ ବନ୍ଯା ପକ୍ତାନ୍। ମାତର୍ ହେୱାନ୍ ନୋହ ହୁଦାଙ୍ଗ୍ ତା ପରିବାର୍‌ନି ଜେକନି ସାତ୍ ଜାଣ୍‌ତିଙ୍ଗ୍ ରକ୍ଷା କିତାନ୍। ଈଶ୍ୱର ହୁଦାଙ୍ଗ୍ ଟିକ୍‌ଆଜି ମାନି ବିଷୟରେ ନୋହ ଶୁଣାୟ୍ କିଜି ମାଚାନ୍।


ଆରେ ଇ ଏଜୁଙ୍ଗ୍‌ତାଙ୍ଗ୍, ହେ ସମୟରେ ମାନି ପୁର୍ତିତିଙ୍ଗ୍ ହେୱାନ୍ ନଷ୍ଟ କିତାନ୍। ହେୱାନ୍ ଗାଜା ବାହ୍‌ରାତିଙ୍ଗ୍ ପକ୍ତାତାନ୍ ଆରେ ଇଦାଙ୍ଗ୍ କାଜିଙ୍ଗ୍ ପୁର୍ତିତାକେ ବନ୍ୟା ଆତାତ୍ ଆରେ ଜିବୁନ୍ ମାନି ୱିଜୁ ଜାତୁଙ୍ଗ୍ ନଷ୍ଟ ଆତିକ୍।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ