ଏବ୍ରି 11:36 - New Testament in Pengo Parja Language

³⁶ ଈଶ୍ୱରତାକେ ପାର୍ତିକିନି କେତେକ୍ ମାନାୟ୍ ଅପ୍‌ମାନ୍ ପାୟାଆତାର୍ ଆରେ ହେୱାର୍ ଗାଗାଡ଼୍ କର୍‌ଡା ହୁଦାଙ୍ଗ୍ ଟ୍ରାକ୍‌ତି କାଜିଙ୍ଗ୍ ଗାଉ ଆଜି ମାଚାତ୍। ଆରେ କେତେକ୍ ମାନାୟ୍ ଗାଚିଆ ଆଜି ଜଇଲ୍ ଇଞ୍ଜ ବନ୍ଦି ଆତାର୍।

ସତ୍‌ ବଚନ୍‌ ପୁନି ନିୟମ୍‌

³⁶ ବିନ୍‌ଲଗୁ କୁର୍ଲି, କରଡା ଇଡ଼୍‌ୟାଜ଼ି, ଆଁ, ଗାଚ୍‌ୟାଜ଼ି ଆରି ଜଇଲ୍‌ ହୁଦାଂ ପା ପରିକ୍ୟାକିୟା ଆତାର୍‌,

ଏବ୍ରି 11:36 ပူးပေါင်းရင်းမြစ်များ

ମାତିଉ 20:19

ଆରେ ହେୱାର୍ ହେୱାନିଙ୍ଗ୍ ଜିବୁନ୍ ହିଲାଦାଙ୍ଗ୍ ମାଡ୍‌ହିଜି ଇନସ୍ତାକିଜି କୋରଡା ହୁଦାଙ୍ଗ୍ ଟ୍ରାକ୍‌ଚି ପାଗ୍‌ନାର୍। କୃଶକାଟ୍‌ତାକେ ଦୁପ୍‌ଚି ଅସ୍ତେଙ୍ଗ୍ ବିନ୍‌ଜାତିର୍ କେଇଦ ଆହିକିନାର୍। ଆରେ ତିନ୍‌ଦିନ୍ ହାଚି ପାଚେ ହେୱାନ୍ ଆରେରଗ ଯିବୁନ୍ ପାୟା ଆନାନ୍।”

ମାତିଉ 21:35

ମାତର୍ ହେ ବାଡ଼୍ ଆଦି କିତାକାର୍ ହେ ହଲିଆଙ୍ଗ୍ ଆସ୍ତି ମାଡ୍ ହିତାର୍। ଆରେ ରକାନିଙ୍ଗ୍ ମାର୍ନେ ଅସ୍ତାର୍। ଆରେ ରକାନିଙ୍ଗ୍ କାଲ୍‌କୁ ଲାହାଙ୍ଗ୍ ଟ୍ରାକ୍‌ତାର୍।

ମାତିଉ 23:34

ଲାଗିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ଆନେଙ୍ଗ୍ ମିଙ୍ଗେଙ୍ଗ୍ ଭବିଷ୍ଯତବକ୍ତା, ପଣ୍ଡିତାର୍ ଆରେ ଯିହୁଦି ଦରମ୍‌ନି ନିୟମ୍ ଗୁରୁର୍ ଲାଗାୟ୍ ପକ୍ତାନାଙ୍ଗା। ଏପେଙ୍ଗ୍ ହେୱାର୍ ବିତ୍ରେତାଙ୍ଗ୍ କେତ୍‌ଜାଣ୍‌ତିଙ୍ଗ୍ ଅହ୍‌ନାଦେର୍, କୃଶକାଟ୍‌ତାକେ ଦୁପ୍‌ଚି କେତ୍‌ଜାଣ୍‌ତିଙ୍ଗ୍ ଅହ୍‌ନାଦେର୍। ମି ପାର୍ତାନା ଇଞ୍ଜ କେତ୍‌ଜାଣ୍‌ତିଙ୍ଗ୍ କର୍‌ଡା ଇଡ଼୍‌ନାଦେର୍। ସହର୍‌ତାଙ୍ଗ୍ ସହର୍ ଏପେଙ୍ଗ୍ ହେୱାର୍ ପାଚେ-ପାଚେ ହାଲ୍‌ଜି କେତ୍‌ଜାଣ୍‌ତିଙ୍ଗ୍ ଦୁକ୍‌କଷ୍ଟ ହିନାଦେର୍,

ମାତିଉ 27:26

ହେବେତାଙ୍ଗ୍ ଗବର୍‌ନର୍ ପିଲାତ ବାରବ୍‌ବାଙ୍ଗ୍ ମୁକ୍ତି କିତାନ୍। ଆରେ ଯୀଶୁଙ୍ଗ୍ କର୍‌ଡା ହୁଦାଙ୍ଗ୍ ଟ୍ରାକିକିଜି କୃଶକାଟ୍‌ତାକେ ଅସ୍ତେଙ୍ଗ୍ ରମିୟ ସେନାର୍ କେଇଦ ପିସ୍ତି ହିତାନ୍।

ମାର୍କ 10:34

ଆରେ, ବିନ୍‌ଜାତିର୍ ମାନାୟ୍ ଯୀଶୁଙ୍ଗ୍ ଇନସ୍ତା କିନାର୍, ତା ଜପି ଏଉଡ଼ିଙ୍ଗ୍ ଚୁପ୍‌ନାର୍, ହେୱାନିଙ୍ଗ୍ କୋରଡା ହୁଦାଙ୍ଗ୍ ଇଡ଼୍‌ଜି ପାଗ୍‌ନାର୍, ଆରେ ତିନ୍‌ଦିନ୍ ହାଚି ପାଚେ ହେୱାନ୍ ଆରେରଗ ଜିବୁନ୍ ପାୟା ଆନାନ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 18:32

ମାତର୍ ନାଙ୍ଗେଙ୍ଗ୍ ଅସ୍ତାନାର୍, ବିନ୍‌ଜାତିନି କେଇଦ ହେଲାଇ କିଜି ହିଦ୍‌ନାର୍, ଆରେ ହେ ବିନ୍‌ଜାତିର୍ ମାନାୟାର୍ ନାଙ୍ଗେଙ୍ଗ୍ ଇନସ୍ତା କିଦ୍‌ନାର୍, ଆରେ ନା ଜପି ଏଉଡ଼ିଙ୍ଗ୍ ଚୁପ୍‌ଜି ଅପ୍‌ମାନ୍ କିଦ୍‌ନାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 23:11

ତାପାଚେ ହେରୋଦ ରାଜା ଆରେ ତା ସେନାର୍ ଯୀଶୁଙ୍ଗ୍ ରାଜା ଉସ୍‌ପିନି ଆଙ୍ଗି ଉସ୍‍ପି କିଜି ହେୱାର୍ ଇନସ୍ତା କିତାର୍। ତାପାଚେ ହେରୋଦ ରାଜା ପିଲାତ ରାଜା ଲାଗାୟ୍ ଯୀଶୁଙ୍ଗ୍ ପକ୍ତାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 23:36

ହେଲେକେ ସେନାର୍ ଯୀଶୁଙ୍ଗ୍ ଇନସ୍ତା କିତାର୍ ହେୱାର୍ ଯୀଶୁ ଲାଗାୟ୍ ୱାତାର୍, ଆରେ ହେୱାନିଙ୍ଗ୍ ହଇନି ଅଙ୍ଗୁର୍ ରାସ୍ ଉଣେନ୍ଇଞ୍ଜି ହିତାର୍।

ପକ୍ୟାତାକା 21:33

ହେପାଦ୍ନା ହାଜାର୍ ସେନାର୍ ମୁକ୍ଯା ପାଉଲ ଲାଗାୟ୍ ୱାଜି ହେୱାନିଙ୍ଗ୍ ଆସ୍ତାନ୍, ଆରେ ହେୱାନିଙ୍ଗ୍ ରିଣ୍ଡାଙ୍ଗ୍ ହିକ୍‌ଡ଼ିଙ୍ଗ୍ ହୁଦାଙ୍ଗ୍ ଗାଚ୍‍ଚେଙ୍ଗ୍ ଆଦେସ୍ ହିତାନ୍, ତାପାଚେ ହେୱାନ୍ ଇନେର୍ ଆରେ ଇନାକା କିନାନା ଇଞ୍ଜି ମାନାୟାରିଙ୍ଗ୍ ୱେନ୍‌ବାତାନ୍।

ପକ୍ୟାତାକା 24:27

ଦୁଇ ବାର୍ହୁ ପାଚେ ଫେଲିକ୍‌ସ ରାଜା ବାହାତାକେ ପର୍କିୟ ପେଷ୍ଟସ୍‌ ରାଜା ଆତାନ୍। ପେଲିକ୍‌ସ୍‌ ରାଜା ଯିହୁଦି ମାନାୟାର୍ ମୁମ୍‌ଦ ବାଲ୍‌ବଲାଇ ଆଦେଙ୍ଗ୍ ପାଉଲତିଙ୍ଗ୍ ଜଇଲ୍ ଇଞ୍ଜ ବନ୍ଦିକିଜି ନେ ଇଡ଼୍‌ଜି ମାଚାନ୍।

ପକ୍ୟାତାକା 4:3

ଲାଗିଙ୍ଗ୍ ହେୱାର୍ ବାଚିକିତି ରିକାର୍ ଚେଲାହିରିଙ୍ଗ୍ ଆସ୍ତାର୍। ହେନାଞ୍ଜ୍ ମିକାହାରେସ୍ ଆଜି ମାଚିଲେ ହେୱାର୍ ହେୱାରିଙ୍ଗ୍ ଆରର ଦିନ୍ ଜଇଲ୍‌ତାକେ ଇଡ଼୍‌ତାର୍।

ପକ୍ୟାତାକା 5:18

ଆରେ ବାଚିକିତି ଚେଲାରିଙ୍ଗ୍ ଆସ୍ତି ଜଇଲ୍ ଇଞ୍ଜ ଇଡ଼୍‌ତାର୍।

ପକ୍ୟାତାକା 5:40

ବିଚାର୍‌କିନି ମିଟିଙ୍ଗ୍‌ନି ମାନାୟାର୍ ତା ବେଣ୍‌ତାଙ୍ଗ୍ ରାଜି ଆତାର୍। ଆରେ ବାଚିକିତି ଚେଲାହିରିଙ୍ଗ୍ ଲାଗେ କୁକ୍‌ଚି ହେୱାରିଙ୍ଗ୍ କର୍‌ଡା ହୁଦାଙ୍ଗ୍ ଟ୍ରାକ୍‌ତାର୍ ଆରେ ଯୀଶୁ ତର୍‍ଦାଙ୍ଗ୍ ଶୁଣାୟ୍ କିୱେଦେଙ୍ଗ୍ ଆଦେସ୍ ହିଜି ପିସ୍ତି ହିତାର୍।

ପକ୍ୟାତାକା 8:3

ଶାଉଲ ଯୀଶୁତାକେ ପାର୍ତିକିନି ମଣ୍ଡ୍‌ଲିନି ମାନାୟାରିଙ୍ଗ୍ ଦୁକ୍‌କଷ୍ଟ ହିଦେଙ୍ଗ୍ ଲାଗାତାନ୍। ହେୱାନ୍ ପାର୍ତିକିନି ଆଣ୍ଡ୍ରା ଆରେ କଗ୍‍ଲେକାଙ୍ଗ୍ ହେୱାର୍ ଇଞ୍ଜ-ଇଞ୍ଜ ହଣ୍‌ଜି ଜେଲ୍‌ଜି ତାସି ଜଇଲ୍ ଇଞ୍ଜ ଇଡ଼୍‌ଜି ମାଚାନ୍।

ଏପିସିୟ 3:1

ଇଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ପାଉଲ ମି କାଜିଙ୍ଗ୍ ପାର୍ତାନା କିନାଙ୍ଗା। ଏପେଙ୍ଗ୍ ବିନ୍‌ଜାତିର୍‌ତାକେ ଯୀଶୁ ଖ୍ରୀଷ୍ଟ କାମାୟ୍ କିଜି ହାର୍ଦିକାବୁର୍ ଶୁଣାୟ୍ କିନି କାଜିଙ୍ଗ୍, ଆନେଙ୍ଗ୍ ନଙ୍ଗୟ୍ ଜଇଲ୍ ଇଞ୍ଜ ବନ୍ଦି ଆତାଙ୍ଗ୍‌ନା।

ଏପିସିୟ 4:1

ଆନେଙ୍ଗ୍ ଯେ ମାପୃଙ୍ଗ୍ ହେବା କିନି କାଜିଙ୍ଗ୍ ବନ୍ଦି ଆତାଙ୍ଗ୍‌ନା, ମିଙ୍ଗେଙ୍ଗ୍ ଗୁୱାରି କିଦ୍‌ନାଙ୍ଗା, ଈଶ୍ୱର ମିଙ୍ଗେଙ୍ଗ୍ ଇନାକିଦେଙ୍ଗ୍ କୁକ୍ତାତାନ୍‌ନା ହେବେ ଆସ୍ତି ଲେକେ ହାର୍ ଆଜି ଜିବୁନ୍ କାଟିକିୟାଟ୍।

୨ ତିମଥି 1:16

ଅନୀସିଫରନି ପରିବାର୍‌ତିଙ୍ଗ୍ ମାପୃ ଦୟା କିଦେନ୍। ଇନେସ୍‌କି ହେୱାନ୍ ନାଙ୍ଗେଙ୍ଗ୍ ବେସିହଟ୍ ଗିଟାଆନି କାଜିଙ୍ଗ୍ ୱାତାନ୍‌ନା ଆରେ ସାଇଜ କିତ୍‌ତାନ୍‌ନା। ଜଇଲ୍ ଇଞ୍ଜ ନାଙ୍ଗେଙ୍ଗ୍ ୱାଜି ଗିଟାଆନି କାଜିଙ୍ଗ୍ ଲାଜୁ କିୱାତାର୍‌ନା।

୨ ତିମଥି 2:9

ଇ ହାର୍ଦିକାବୁର୍ ଶୁଣାଇକିତି କାଜିଙ୍ଗ୍ ଆନେଙ୍ଗ୍ ରକାଙ୍ଗ୍ ଦସି ଲେକେ ଗାଚିୟାଆଜି ଜଇଲ୍ ଇଞ୍ଜ ଦୁକ୍ ପାୟାଆନାଙ୍ଗା। ମାତର୍ ଇନେର୍ ପା ଈଶ୍ୱର କାତା ଶୁଣାୟ୍ କିନି କାଜିଙ୍ଗ୍ ବନ୍ଦି କିଦ୍‌ଦେଙ୍ଗ୍ ଆଡ଼୍‌ଦୁର୍।

ଏବ୍ରି 10:34

ଜଇଲ୍ ଇଞ୍ଜ ମାନି ମାନାୟାର୍ କଷ୍ଟ ହୁଦାଙ୍ଗ୍ ଏପେଙ୍ଗ୍ ମାହାଆଜି କଷ୍ଟ ପାୟାଆତାଦେର୍। ମି ଦନ୍‌ସମ୍ଫତି ମାନାୟାର୍ ଚର୍‌କିଜି ଅନିହିଙ୍ଗ୍, ଏପେଙ୍ଗ୍ ଇଦାଙ୍ଗ୍‌ତିଙ୍ଗ୍ ୱାରିତାଙ୍ଗ୍ ଆସ୍ତାଦେର୍। ଇନେସ୍‌କି ଈଶ୍ୱର ପାର୍ମାଣ୍‌କିତି ସମ୍ଫତି ବେସି ହାର୍ ଆରେ ୱିଜୁଦିନ୍ ମାନ୍‌ଗାନାତ୍ ଇଞ୍ଜି ଏପେଙ୍ଗ୍ ପୁଚାଦେର୍‌ନା।

ହତ୍‌ତି 2:10

ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଦୁଃକ୍ କଷ୍ଟ ପାୟାଆନାପା ଇଞ୍ଜି ପାଣ୍ଡ୍ରା ଆମାଟ୍। ମି ବିତ୍ରେତାଙ୍ଗ୍ କେତ୍‌ଜାଣ୍‌ତିଙ୍ଗ୍ ଶୟତାନ୍ ବନ୍ଦିକିଜି ଜଇଲ୍ ଇଞ୍ଜ ଇଡ଼୍‌ଦାନାତ୍ ଆରେ ମିଙ୍ଗେଙ୍ଗ୍ ପରିକ୍ଷା କିଦ୍‌ନାତ୍। ଏପେଙ୍ଗ୍ ଦଶ୍‌ଦିନ୍ ପାତେକ୍ ବେସି ଦୁଃକ୍ କଷ୍ଟ ପାୟାଆନାଦେର୍। ମାତର୍ ଯଦି ହେୱାନ୍ ମିଙ୍ଗେଙ୍ଗ୍ ମାର୍ନେ ଅସ୍ତିତିସ୍ ପା ନାଙ୍ଗେଙ୍ଗ୍ ପାର୍ତି କିଦ୍‌ନାକା ବନ୍ଦ୍ କିମାଟ୍, ଇନେସ୍‌କି ଏପେଙ୍ଗ୍ ଜିତାଆତି କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱିଜୁଦିନ୍ ମାନି ଜିବୁନ୍ ପୁରଷ୍କାର୍ ହିଦ୍‌ନାଙ୍ଗ୍।”