ଏବ୍ରି 11:25 - New Testament in Pengo Parja Language

²⁵ ଆରେ ମୋଶା ଅଲପ୍ ସମୟ୍ କାଜିଙ୍ଗ୍ ସୁକ୍ ପାୟାଆଜି ପାପ୍‍କିନି ବାଦୁଲ୍ ଈଶ୍ୱର ମାନାୟାର୍ ହୁଦାଙ୍ଗ୍ ଦୁକ୍‌କଷ୍ଟ ପାୟା ଆଦେଙ୍ଗ୍ ଇଚା କିତାନ୍।

ସତ୍‌ ବଚନ୍‌ ପୁନି ନିୟମ୍‌

²⁵ ପାପ୍‌ନି ଚାନେକ୍‌ନି ସୁକ୍‍ବଗ୍ ବାଟା ଇସ୍ୱର୍‌ତି ଲକୁ ଲାହାଂ ନଲେ ଦୁକ୍‌ବଗ୍‌ କିଦେଙ୍ଗ୍‌ ହେୱାନ୍‌ ମାନ୍‌ କିତାନ୍‌,

ଏବ୍ରି 11:25 ပူးပေါင်းရင်းမြစ်များ

ମାତିଉ 13:21

ମାତର୍ ହେୱାର୍ ଗରବ୍ ବିତ୍ରେ ଈଶ୍ୱର କାତା ହାଲ୍‌ୱିତିଲେ, ହେୱାର୍‌ ଈଶ୍ୱର କାତାତିଙ୍ଗ୍ ଅଲପ୍‌ଦିନ୍ ଆସ୍ତି ମାନାର୍। ଆରେ ଏଚେପାଦ୍ନା ଈଶ୍ୱରତିଙ୍ଗ୍ ପାର୍ତିକିନି କାଜିଙ୍ଗ୍ ଦୁଃକ୍ କଷ୍ଟ ୱାତିସ୍, ହେଦାପ୍ରେ ହେୱାର୍ ପାର୍ତିତାଙ୍ଗ୍ ଦେହା ହାନାର୍। ହେୱାର୍ କାଲ୍‌କୁ କୁଡ଼ି ମେଦ୍‌ନିତ ୱିତ୍‍ଦିମାଚି ବିୟାନ୍ ଲେକେ।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:25

ମାତର୍ ଅବ୍ରାହାମ୍‌ ୱେଚ୍‌ଚାନ୍, ‘ଏ ହିମ୍‌ଣା, ଏନେଙ୍ଗ୍ ଏଚେପାଦ୍ନା ଜିଜି ମାଚାଇ ହେପାଦ୍ନାନି କାତା ଅଲପ୍ ମାନ୍ତ ଏତ୍‌କିୟା। ନି ଜିବୁନ୍‌ତ ୱିଜୁ ବିଷୟ ପାୟାଆତାଇନା। ମାତର୍ ଲାଜର୍‌ କାଜିଙ୍ଗ୍ ୱିଜୁ କରାପ୍ ଜିନିଷ୍ ଗଟାଆତାତ୍‌ନା। ନଙ୍ଗୟ୍ ହେୱାନ୍ ଆରାମ୍‌ସେ ମାନାନା ଆରେ ଏନେଙ୍ଗ୍ କଷ୍ଟ ପାୟାଆନାୟା।

ପକ୍ୟାତାକା 7:34

ମିସର ଦେସ୍‌ତ ମା ଇମ୍‌ଣାକାର୍ ମାନାର୍, ଆନେଙ୍ଗ୍ ହେୱାର୍ ଦୁକ୍ ହୁଡ଼୍‌ତାଙ୍ଗ୍‌ନା ଆରେ ହେୱାର୍ ଆଡ଼୍‌ବାନାକା ପା ୱେଚାଙ୍ଗ୍‌ନା, ଲାଗିଙ୍ଗ୍ ହେୱାରିଙ୍ଗ୍ ଉଦାର୍ କିଦେଙ୍ଗ୍ ୱାତାଙ୍ଗ୍‌ନା। ଆରେ ନଙ୍ଗୟ୍ ୱା, ଆନେଙ୍ଗ୍ ନିଙ୍ଗେଙ୍ଗ୍ ମିସର୍ ଦେସ୍‌ତାକେ ଆରେରଗ ପକ୍ତାନାଙ୍ଗ୍।’

ରୋମିୟ 5:3

ୱାରା ଏଚେକ୍ ଆକାୟ୍, ମାତର୍ ଆପେଙ୍ଗ୍ ଦୁଃକ୍ କଷ୍ଟ ୱାତିସ୍ ପା ୱାରି କିନାପା। ଇନେସ୍‌କି ଆପେଙ୍ଗ୍ ଦୁଃକ୍ କଷ୍ଟ ପାୟାଆଜି ପୁଚାପ୍‌ନା ଯେ, ଦୁଃକ୍ କଷ୍ଟ ପାୟାଆତିସ୍‌ନେ ସାସ୍ ଆୟା ଆନାତ୍‌।

୨ କରନ୍ତିୟ 5:17

ଲାଗିଙ୍ଗ୍ ଇ ଅର୍ତ ଇନାକା? ଯଦି ରୱାନ୍ ଖ୍ରୀଷ୍ଟାନ୍ ଆନାନ୍ ଲାଗିଙ୍ଗ୍ ହେୱାନ୍ ପୁନାକାନ୍ ଆନାନ୍ କି? ଆଁ ହେୱାର୍ ଆରେ ଆଗେଲେକେ ହାମାନ୍ ମାନ୍‌ଗୁର୍‌, ଇନେସ୍‌କି ଆଗେଲେକେ ଜିବୁନ୍ କାଟି କିନାକା ନଷ୍ଟ ଆତାତ୍‌ନା, ମାତର୍ ନଙ୍ଗୟ୍ ପୁନି ଜିବୁନ୍ କାଟି କିନାକା ଆରମ୍ ଆତାତ୍‌ନା।

କଲସିୟ 1:24

ଆନେଙ୍ଗ୍ ମି କାଜିଙ୍ଗ୍ କଷ୍ଟ ପାୟାଆତିଲେ ୱାରି ଆନାଙ୍ଗା। ଇନେସ୍‌କି ଖ୍ରୀଷ୍ଟ ଗାଗାଡ଼୍ ଲେକେ ମଣ୍ଡ୍‌ଲିତାକେ ଇନାକା ବାକି ମାଚାତ୍, ହେଦାଙ୍ଗ୍ ପୁରା କିଦେଙ୍ଗ୍ ଖ୍ରୀଷ୍ଟ ଇନେସ୍ କଷ୍ଟ ପାୟାଆଜି ମାଚାନ୍, ହେଲେକେ ଆନେଙ୍ଗ୍ ପା ନା ଗାଗାଡ଼୍‌ତ କଷ୍ଟ ପାୟାଆନାଙ୍ଗା।

୨ ତିମଥି 1:8

ଇଦାଙ୍ଗ୍ କାଜିଙ୍ଗ୍ ଜେକନିକାରିଙ୍ଗ୍ ମାପୃ ଯୀଶୁ ଖ୍ରୀଷ୍ଟ ବିଷୟରେ ୱେଚ୍‌ନି କାଜିଙ୍ଗ୍ ଲାଜା ଆମାଟ୍, କି ଆନେଙ୍ଗ୍ ହେୱାନିଙ୍ଗ୍ ହେବା କିତି କାଜିଙ୍ଗ୍ ବନ୍ଦି ଆତି କାଜିଙ୍ଗ୍ ଲାଜା ଆମାଟ୍। ମାତର୍ ଈଶ୍ୱର ହିତ୍‌ତି ଶାକ୍ତି ବ୍ଯବହାର୍ କିୟାଟ୍ ଆରେ ନା ହୁଦାଙ୍ଗ୍ ମାହାଆଜି ହାର୍ଦିକାବୁର୍ କାଜିଙ୍ଗ୍ ଦୁକ୍‌କଷ୍ଟ ପାୟାଆଡ।

ଏବ୍ରି 10:32

ଏପେଙ୍ଗ୍ ଇମ୍‌ଣିଦିନ୍ ଖ୍ରୀଷ୍ଟ ବିଷୟରେ ହିକା ଆତାଦେର୍ ହେ ସମୟ୍‌ତିଙ୍ଗ୍ ଇନାୱେଡ଼ାଙ୍ଗ୍ ବାଣା ଆମାଟ୍। ଦୁକ୍‌କଷ୍ଟ ଆତିସ୍‌ପା ଏପେଙ୍ଗ୍ ପାର୍ତିତାଙ୍ଗ୍ ତିର୍‌ଆଜି ମାନି ବିଷୟତିଙ୍ଗ୍ ମାନ୍ତ ଏତୁକିୟାଟ୍।

ଏବ୍ରି 11:37

କେତେକ୍ ପାର୍ତିକିନି ମାନାୟ୍ କାଲ୍‌କୁ ହୁଦାଙ୍ଗ୍ ମାଡ୍ ତିନ୍‌ଞ୍ଜି ହାଃତାର୍, କେତେକ୍ ମାନାୟ୍ କରତ୍ ହୁଦାଙ୍ଗ୍ ରି ଗନ୍ଦା ଆତାର୍, ଆରେ କେତେକ୍ ମାନାୟ୍ କାଣ୍ଡାତାଙ୍ଗ୍ ହାଃତାର୍। ଆରେ କେତେକ୍ ପାର୍ତିକିନି ମାନାୟ୍ ମେଣ୍ଢା ଆରେ ଅଡାନି ତଲ୍ ନେ ଉସ୍‌ପିସ୍ ଇନିଆନି ବୁଲାଆଜି-ଆଜି ମାଚାର୍। ହେୱାର୍ ଲାଗାୟ୍ ଇନା ଡାବୁଙ୍ଗ୍ ହିଲିତିକ୍, ଆରେ ହେୱାର୍ ବେସି ଦୁକ୍‌କଷ୍ଟ ଆରେ ଅପ୍‌ମାନ୍ ବ୍ୟବହାର୍ ପାୟାଆତାର୍।

ଏବ୍ରି 4:9

ଲାଗିଙ୍ଗ୍ ଈଶ୍ୱର ଇନେସ୍ ପୁର୍ତିନି ୱିଜୁ ବିଷୟ ରସ୍ତି ସାତ୍‌ଦିନ୍‌ତ ଜମ୍‌ତାନ୍, ହେଲେକେ ଈଶ୍ୱରନି ମାନାୟାର୍ ଜମ୍‌ଦେଙ୍ଗ୍ ର ବାହା ରହିଆତାତ୍‌ନା।

ଜାକ୍‌ବ 1:20

ଇନେସ୍‌କି ଏଚେପାଦ୍ନା ଏପେଙ୍ଗ୍ ରିସା ଆନାଦେର୍, ଈଶ୍ୱର ଇଚାକିତି ଇସାବ୍‌ରେ ଦରମ୍ ଜିବୁନ୍ କାଟି କିଦେଙ୍ଗ୍ ଆଡୁଦେର୍।

ଜାକ୍‌ବ 5:5

ପୁର୍ତିତାକେ ଏପେଙ୍ଗ୍ ସୁକ୍ ଆରେ ମି ଇଚାତାଙ୍ଗ୍ ଜିତାଦେର୍‌ନା। ଅସ୍ତେଙ୍ଗ୍ ଅନି ର ମଟାରଟା ପଶୁ ଲେକେ ଏପେଙ୍ଗ୍ ନିଜେ ବିଚାର୍ କିୟା ଆଦେଙ୍ଗ୍ ଇଚା କିନାଦେରା।

୧ ପିତର 2:10

ହସିୟ ଭବିଷ୍ୟତ୍‌ବକ୍ତା ମି ବିଷୟରେ ଇଲେକେ ୱେଚ୍‌ଚାନ୍‌ନା, “ଏପେଙ୍ଗ୍ ଆଗେ ଈଶ୍ୱର ଲକ୍ ଆୱାଦାଙ୍ଗ୍ ମାଚାଦେର୍, ମାତର୍ ନଙ୍ଗୟ୍ ଈଶ୍ୱର ମିଙ୍ଗେଙ୍ଗ୍ ତା ଲକ୍ କିତ୍‌ତାନ୍‌ନା। ଈଶ୍ୱର ଆଗେ ମିଙ୍ଗେଙ୍ଗ୍ ଦୟା କିଦ୍‌ୱାଦାଙ୍ଗ୍ ମାନ୍‌ଞ୍ଚାନ୍, ମାତର୍ ନଙ୍ଗୟ୍ ଈଶ୍ୱର ମିଙ୍ଗେଙ୍ଗ୍ ଦୟା କିତ୍‌ତାନ୍‌ନା।”

ହତ୍‌ତି 18:7

ହେ ସହର୍‌ନି ମାନାୟାର୍ ଜାର୍‌ତିଙ୍ଗ୍ ହାଉକାର୍ ଆରେ ଆରାମ୍‌ସେ ମାନାରା, ଲାଗିଙ୍ଗ୍ ହେଦେଲ୍ ଇନେସ୍ ହାଉକାର୍ ହେଲେକେ ହାମାନ୍ ଏପେଙ୍ଗ୍ ହେଦେଲିଙ୍ଗ୍ ଦୁକ୍ ଆରେ କଷ୍ଟ ହିୟାଟ୍। ହେଦେଲ୍ ଜାର୍‌ତିଙ୍ଗ୍ ୱେଚ୍‌ନାତା ଆନେଙ୍ଗ୍ ରଞ୍ଜେଲ୍ ରାଣି ଲେକେ ମାନାୟାରିଙ୍ଗ୍ ସାସନ୍ କିନାଙ୍ଗ୍ ଆରେ ଆନେଙ୍ଗ୍ ରଞ୍ଜେଲ୍ ରାଣ୍ଡି କଗ୍‌ଲେ ଆକାୟ୍ ଆରେ ନାଙ୍ଗେଙ୍ଗ୍ ଇନାୱେଡ଼ାଙ୍ଗ୍ ପା ଦୁକ୍ ୱାଉତ୍।