ଏବ୍ରି 10:36 - New Testament in Pengo Parja Language

³⁶ ଲାଗିଙ୍ଗ୍ ଏପେଙ୍ଗ୍ ଈଶ୍ୱର ଇଚା ଅନ୍‌ସାରେ କାମାୟ୍ କିଜି, ହେୱାନ୍ ଇନାକା ପାର୍ମାଣ୍ କିତାନ୍‌ନା ହେଦାଙ୍ଗ୍ ୱିଜୁ ଏପେଙ୍ଗ୍ ପାୟାଆନି କାଜିଙ୍ଗ୍, ମିଙ୍ଗେଙ୍ଗ୍ ନଙ୍ଗୟ୍ ସାହାସ୍ ଦର୍‌କାର୍ ମାନାତ୍।

ସତ୍‌ ବଚନ୍‌ ପୁନି ନିୟମ୍‌

³⁶ ଲାଗିଂ ଏପେଙ୍ଗ୍‌ ଇନେସ୍‌ ଇସ୍ୱର୍‌ତି ଇଚା ପୁରା କିଦେଙ୍ଗ୍‌ ପାର୍ମାଣ୍‌ନି ପାଡ଼୍‌ ପାୟାଦେଂ ଆଡ୍‌ନାଦେର୍‌, ଇଦାଂ କାଜିଂ ମି ସାସି ଆନାକା ଲଡ଼ା ମାନାତ୍‌ ।

ଏବ୍ରି 10:36 ပူးပေါင်းရင်းမြစ်များ

ମାତିଉ 10:22

ଆରେ, ନାବେ ପାର୍ତି କିତିସ୍ ମିଙ୍ଗେଙ୍ଗ୍ ୱିଜାକାର୍ ଗିଣ୍ କିଦ୍‌ନାର୍, ମାତର୍ ଇମ୍‌ଣି ମାନାୟ୍ ନାବେ ହାରିହାରା ପାତେକ୍ ପାର୍ତି କିଜି ମାନାନ୍, ହେୱାନ୍ ରକ୍ଷା ପାୟା ଆନାନ୍।”

ମାତିଉ 12:50

ମାତର୍ ଇନେର୍ ପା ନା ସରଗ୍‌ନି ଆବା ଇଚା ମାନିକିନାର୍, ହେୱାନ୍ ନା ଟଣ୍ଡେନ୍, ତଣ୍‌ଦେଲ୍ ଆରେ ମାଞ୍ଜିୟା।”

ମାତିଉ 21:31

ଇ ରିଆର୍ ବିତ୍ରେତାଙ୍ଗ୍ ଇନେର୍ ଆବା କାତା ମାନିକିନାର୍।” ହେୱାର୍ ୱେଚ୍‌ଚାର୍, “ଗାଜାକାନ୍ ମେହି।” ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ଇଞ୍ଜ୍‌ନାଙ୍ଗା ସିସ୍ତୁଏନ୍‌ନାକାର୍ ଆରେ ଦାରି କାମାୟ୍ କିନାକାର୍ ମି ତାକେତାଙ୍ଗ୍ ଆଗେ ଇନେର୍ ଈଶ୍ୱର ସାସନ୍ କିନି ରାଜିତାକେ ହାନାର୍‌।

ମାତିଉ 24:13

ମାତର୍ ଇମ୍‌ଣାକାର୍ ନାବେ ହାରିହାରା ପାତେକ୍ ପାର୍ତି କିଜି ମାନାନ୍। ହେୱାନ୍ ରକ୍ଷା ପାୟା ଆନାନ୍।

ମାତିଉ 7:21

ନାଙ୍ଗେଙ୍ଗ୍ ମାପୃ, ମାପୃ ଇଞ୍ଜି କୁକ୍‌ତିନି ୱିଜୁ ମାନାୟାର୍ ଈଶ୍ୱର ସାସନ୍ କିନି ରାଜିତାକେ ହାଞ୍ଜେଙ୍ଗ୍ ଆଡୁର୍। ଇମ୍‌ଣାକାନ୍ ସରଗ୍‌ତାକେ ମାନି ନା ଆବା ଇଚାତାଙ୍ଗ୍ କାମାୟ୍ କିନାନ୍, ହେୱାନ୍ ଈଶ୍ୱର ସାସନ୍ କିନି ରାଜିତାକେ ହାଞ୍ଜେଙ୍ଗ୍ ଆଡ୍‌ନାନ୍।

ମାର୍କ 3:35

ଇନେର୍ ସରଗ୍‌ନି ଈଶ୍ୱରତିଙ୍ଗ୍ ମାନିକିନାର୍, ହେୱାର୍ ନା ଟଣ୍ଡେନ୍, ତଣ୍‌ଦେଲ୍ ଆରେ ମାଞ୍ଜିୟା ଆନାର୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 21:19

ଇ ୱିଜୁଗଟ୍‌ନା ବିତ୍ରେ ଏପେଙ୍ଗ୍ ନାଙ୍ଗେଙ୍ଗ୍ ଯଦି ପାର୍ତି କିଜି ମାନ୍‌ଞ୍ଚିସ୍ ଜାର୍ ଜିବୁନ୍ ରକ୍ଷା ପାୟାଆନାଦେର୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 8:15

ଇନେର୍ ଈଶ୍ୱର କାତାତିଙ୍ଗ୍ ୱେନ୍‌ଞ୍ଜି ହାର୍‌ଦାଙ୍ଗ୍ ମାନ୍ତ ଆହ୍ନାର୍, ହେୱାର୍ ହାଦ୍‌ଦାରୁମ୍ ଆଜି ଜିବୁନ୍ କାଟିକିନାର୍, ଆରେ ହେୱାର୍ ଈଶ୍ୱର କାତାତିଙ୍ଗ୍ ମାନିକିଜି ମାନାର୍। ହେୱାର୍ ହାର୍ଦି ମେଦ୍‌ନିତ ଆର୍ତି ବିୟାନ୍ ଲେକେ।”

ଜହନ୍‌ 7:17

ଇମ୍‌ଣାକାନ୍ ଆବା ଈଶ୍ୱର ଇଚାତାଙ୍ଗ୍ ପୁରା କିଦେଙ୍ଗ୍ ଇଚାକିନାନ୍। ହେୱାନ୍‌ନେ ପୁଞ୍ଜେଙ୍ଗ୍ ଆଡ୍‌ନାନ୍ ଇଦାଙ୍ଗ୍ ଈଶ୍ୱରନି ହିକ୍ଷା କି ନା ଜାର୍ ହିକ୍ଷା।

ପକ୍ୟାତାକା 13:22

ପାଚେ ଈଶ୍ୱର ଶାଉଲତିଙ୍ଗ୍ ରାଜା ପାଦ୍‌ତାଙ୍ଗ୍ ନିକ୍‌ଚି ଦାଉଦତିଙ୍ଗ୍ ରାଜା କିତାନ୍। ଈଶ୍ୱର ପା ତା ବିଷୟରେ ୱେଚ୍‌ଚାନ୍, ‘ଆନେଙ୍ଗ୍ ଯିଶି ମେହି ଦାଉଦତିଙ୍ଗ୍ ଗିଟାଆତାଙ୍ଗ୍, ଇୱାନ୍ ନା ଇଚାତାଙ୍ଗ୍ ତାଙ୍ଗ୍‌ନି ମାନାୟ୍। ଆନେଙ୍ଗ୍ ଇନାକା ୱିଜୁ ଇଚା କିନାଙ୍ଗ୍ ହେୱାନ୍ ହେ ୱିଜୁ କିନାନ୍।’

ପକ୍ୟାତାକା 13:36

ଇ କାତା ତ ଦାଉଦ ବିଷୟରେ ୱେଚ୍‌ୱାତାଙ୍ଗ୍‌ନା, ଇନେସ୍‌କି ଦାଉଦ ଈଶ୍ୱର ଇଚାତାଙ୍ଗ୍ ୱିଜୁ କାମାୟ୍ କିଜି ପାଚେ ହେୱାନ୍ ହାଃତାନ୍। ଆରେ ତା ଆକଦାଦିର୍ ଲେକେ ଦୁଗେର୍‌ତାକେ ମୁଚିୟା ଆଜି ନଷ୍ଟ ଆତାନ୍।

ରୋମିୟ 12:12

ଯଦି ଏପେଙ୍ଗ୍ ଈଶ୍ୱରତିଙ୍ଗ୍ ଆହା କିନାଦେରା ଲାଗିଙ୍ଗ୍ ୱାରିୟା ଆଡ, ଇନେସ୍‌କି ଈଶ୍ୱର ମି କାଜିଙ୍ଗ୍ ହାର୍ ଉପାୟ୍ କିନାନା। ଏପେଙ୍ଗ୍ ଦୁଃକ୍ କଷ୍ଟ କାଜିଙ୍ଗ୍ ସାସ୍ ଆଜି ମାନାଟ୍, ଆରେ ଏପେଙ୍ଗ୍ ୱିଜୁଦିନ୍ ଈଶ୍ୱରତାକେ ପାର୍ତାନା କିଜି ମାନାଟ୍।

ରୋମିୟ 12:2

ଏପେଙ୍ଗ୍ ଇ ପୁର୍ତିନି ମାନାୟାର୍ ବ୍ୟବହାର୍ କିନିଲେକେ କିମାଟ୍, ମାତର୍ ଈଶ୍ୱର ମି ମାନ୍ତି ବାବ୍‌ନାତିଙ୍ଗ୍ ବାଦ୍‌ଲାୟ୍ କିଜି ପୁନି ମାନାୟ୍ ଲେକେ କିଦେନ୍, ଆରେ ଏପେଙ୍ଗ୍ ହାର୍ ବାବ୍‌ନା ବାବିକିଦେଙ୍ଗ୍ ଆଡ୍‌ନାଦେର୍। ଲାଗିଙ୍ଗ୍ ଏପେଙ୍ଗ୍ ଈଶ୍ୱର ଇଚାକିତି କାମାୟ୍ ୱିଜୁତିଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାଦେର୍ ଆରେ ହେଲେକେ କିନାଦେର୍। ଆରେ ଏପେଙ୍ଗ୍ ପୁନାଦେର୍ ଯେ, ହେୱାନ୍ ହାର୍ କି, ଟିକ୍ ଆରେ ୱାରି କିନିଲେକେ କାମାୟ୍ କିଦେଙ୍ଗ୍ ଇଚା କିନାନା।

ରୋମିୟ 2:7

ମାତର୍ ଇମ୍‌ଣାକାର୍ ସାସ୍ ଆଜି ହାର୍ କାମାୟ୍ କିନାର୍, ଗୌରବ, ସନ୍‌ମାନ୍ ଆରେ ୱିଜ୍‌ୱି ଜିବୁନ୍ ପାୟାଆନି କାଜିଙ୍ଗ୍ ୱିଜୁଦିନ୍ ଦାହ୍‌ନାର୍, ଈଶ୍ୱର ହେୱାରିଙ୍ଗ୍ ୱିଜ୍‌ୱି ଜିବୁନ୍ ହିନାତ୍।

୧ କରନ୍ତିୟ 13:7

ଇମ୍‌ଣାକାର୍ ସତ୍ ଲାଡ୍ କିନାରା, ହେୱାର୍ ୱିଜୁଦିନ୍ ସମ୍ବାଲି କିନାର୍, ହେୱାର୍ ପାର୍ତି ଇନାୱେଡ଼ାଙ୍ଗ୍ ଉଣା ଆଉତ୍, ହେୱାର୍ ୱିଜୁଦିନ୍ ଈଶ୍ୱରତାକେ ଆହା ଇଟ୍‌ନାର୍ ଆରେ ଇମ୍‌ଣି ପର୍‌କାର୍ ପରିସ୍ତିତି ମାଚିସ୍ ପା ସମ୍ବାଲି କିନାର୍।

ଗାଲାତିୟ 6:9

ଲାଗିଙ୍ଗ୍ ଆସେଙ୍ଗ୍ ହାର୍ଦି କାମାୟ୍ କିଦେଙ୍ଗ୍ ବିଜାର୍ ଆଉସ୍। ଆସେଙ୍ଗ୍ ଯଦି ବିଜାର୍ ଆୱାଦାଙ୍ଗ୍ ହାର୍ଦି କାମାୟ୍ କିଜି ମାନ୍‌ଙ୍ଗାନାସ୍, ଲାଗିଙ୍ଗ୍ ଟିକ୍ ସମୟ୍‌ତ ଆଶ୍ରିବାଦ୍ ପାୟାଆନାସ୍।

ଏପିସିୟ 6:6

ହେୱାରିଙ୍ଗ୍ ୱାରି କିଦେଙ୍ଗ୍ ଆରେ ହେୱାର୍ ହୁଡ଼୍‌ନିହିଙ୍ଗ୍ ହେଦାଙ୍ଗ୍ କିମାଟ୍। ମାତର୍ ଏପେଙ୍ଗ୍ ଖ୍ରୀଷ୍ଟ ଦାସ୍ ଲେକେ ବାବିକିଜି ଆତ୍ମାତାଙ୍ଗ୍ ଈଶ୍ୱରତିଙ୍ଗ୍ ଇନାକା ଇଚା ଏପେଙ୍ଗ୍ ହେଦାଙ୍ଗ୍ କିୟାଟ୍।

କଲସିୟ 1:11

ଆପେଙ୍ଗ୍ ଈଶ୍ୱରତିଙ୍ଗ୍ ପାର୍ତାନା କିନାପା ଯେ, ତା ମହିମା ଶାକ୍ତିନି ସାଇଜତାଙ୍ଗ୍ ମିଙ୍ଗେଙ୍ଗ୍ ଶାକ୍ତି ହିଦେନ୍। ଇନେସ୍‌କି ଏପେଙ୍ଗ୍ ୱିଜୁ ପର୍‌କାର୍ କଷ୍ଟ ୱେଡ଼ାଙ୍ଗ୍ ପା ସାସ୍ ଆରେ ସମ୍ବାଲି କିଜି ୱାରିତାଙ୍ଗ୍ ମାଞ୍ଜେଙ୍ଗ୍ ଆଡ୍‌ନାଦେର୍।

କଲସିୟ 3:24

ଏପେଙ୍ଗ୍ ମାନେ କିୟାଟ୍ ଯେ, ଏପେଙ୍ଗ୍ ଇମ୍‌ଣି ମାଲିକ୍‌ତିଙ୍ଗ୍ ହେବା କିନାଦେର୍ ହେୱାନ୍ ଖ୍ରୀଷ୍ଟ, ଲାଗିଙ୍ଗ୍ ମାପୃ ମିଙ୍ଗେଙ୍ଗ୍ ପୁରଷ୍କାର୍ ଲେକେ ଆଦିକାର୍ ହିଦ୍‌ନାନ୍।

କଲସିୟ 4:12

ଏପାଫ୍ରା ମିଙ୍ଗେଙ୍ଗ୍ ଜୱାର୍ କିଦ୍‌ନାନା, ହେୱାନ୍ ମି ସହର୍‌ନି ମାନାୟ୍। ହେୱାନ୍ ରକାନ୍ ଯୀଶୁ ଖ୍ରୀଷ୍ଟଙ୍ଗ୍ ହେବା କିନାକାନ୍। ଏପେଙ୍ଗ୍ ଇନେସ୍ ଈଶ୍ୱରତାକେ ଟିକ୍‌ଆଜି ମାଞ୍ଜେଙ୍ଗ୍ ଆଡ୍‌ନାଦେର୍, ଆରେ ଈଶ୍ୱର ଇଚା ଏପେଙ୍ଗ୍ ପୁରାପୁରି ପୁଞ୍ଜେଙ୍ଗ୍ ଆଡ୍‌ନାର୍, ହେଦାଙ୍ଗ୍ କାଜିଙ୍ଗ୍ ହେୱାନ୍ ମି କାଜିଙ୍ଗ୍ ୱିଜୁଦିନ୍ ମାନ୍‌ଦିୟାନ୍ କିଜି ପାର୍ତାନା କିନାନା।

୧ ଥେସଲନୀକିୟ 1:3

ଆରେ ଆପେଙ୍ଗ୍ ଏଚେପାଦ୍ନା ମା ଆବା ଈଶ୍ୱରତିଙ୍ଗ୍ ପାର୍ତାନା କିନାପା। ଏପେଙ୍ଗ୍ ପାର୍ତିତାଙ୍ଗ୍ କିନି କାମାୟ୍‌ତିଙ୍ଗ୍ ଏତ୍ କିନାପା, ଆରେ ଏପେଙ୍ଗ୍ ପାର୍ତିକିନି ମାନାୟାରିଙ୍ଗ୍ ଲାଡ୍‌କିନି କାଜିଙ୍ଗ୍ ହେୱାରିଙ୍ଗ୍ ସାଇଜ କିଦେଙ୍ଗ୍ କଷ୍ଟ କିନାଦେରା। ଆରେ ମାପୃ ଯୀଶୁ ଖ୍ରୀଷ୍ଟ ଆରେରଗ ୱାନାନ୍ ଇଞ୍ଜି ଆହା କିନାଦେରା, ହେଦାଙ୍ଗ୍ କାଜିଙ୍ଗ୍ ମିଙ୍ଗେଙ୍ଗ୍ ମାନାୟାର୍ ଦୁଃକ୍ କଷ୍ଟ ହିତ୍‌ତିସ୍‌ ପା ସମ୍ବାଲି କିନାଦେରା।

ଏବ୍ରି 11:39

ଇ ପାର୍ତିକିନି ମାନାୟାର୍‌ତାଙ୍ଗ୍ ଈଶ୍ୱର ୱାରି ମାଚାନ୍, ଇନେସ୍‌କି ହେୱାର୍ ଈଶ୍ୱରତାକେ ପାର୍ତି କିତାର୍। ମାତର୍ ଈଶ୍ୱର ହେୱାରିଙ୍ଗ୍ ଇନାକା ପାର୍ମାଣ୍ କିଜି ମାଚାନ୍ ହେଦାଙ୍ଗ୍ ପାୟା ଆୱାତାର୍।

ଏବ୍ରି 12:1

ଏ ପାର୍ତିକିନି ମାନାୟ୍ କାଦେର୍, ହେୱାର୍ ଜିବୁନ୍ କାତାତାଙ୍ଗ୍ ପାର୍ତିନି ଅର୍ତ ଇନାକା ୱେଚ୍‌ନାର୍। ଇ ମାନାୟାର୍ ମା ଚାରିବେଣ୍‌ତାଙ୍ଗ୍ ସାକି ଲେକେ ଆଜି ମାନାରା। ଲାଗିଙ୍ଗ୍ ମାଙ୍ଗେଙ୍ଗ୍ ବେସି ସହଜ୍‌ରେ ବାଦାକିନି ପାପ୍‌ତିଙ୍ଗ୍ ନଙ୍ଗୟ୍ ୱିଜୁ ବିଷୟତିଙ୍ଗ୍ ଦେହାକିନି ଦର୍‌କାର୍। ଆରେ ଈଶ୍ୱର ମା କାଜିଙ୍ଗ୍ ଇମ୍‌ଣି ହାଜି ଇଡ଼୍‌ତାନ୍‌ନା, ହେବେ ସାହାସ୍ ହୁଦାଙ୍ଗ୍ ହନ୍‌ନି ଦର୍‌କାର୍।

ଏବ୍ରି 6:12

ଲାଗିଙ୍ଗ୍ ଏପେଙ୍ଗ୍ ଆଡ଼୍‌ସିଆ ଆଉଦେର୍। ଆରେ ଇମ୍‌ଣାକାର୍ ପାର୍ତି ଆରେ ସାହାସ୍ ହୁଦାଙ୍ଗ୍ ଈଶ୍ୱରତି ପାର୍ମାଣ୍‌ନି ଆଦିକାରି ଆଦେଙ୍ଗ୍ ହାନାରା, ହେୱାର୍ ଲେକେ ଏପେଙ୍ଗ୍ ଆନାଦେର୍।

ଏବ୍ରି 6:15

ଅବ୍ରାହାମ ବେସି ବାହ୍‌ରୁ ସାହାସ୍ ଆସ୍ତିମାଚି ପାଚେ, ଈଶ୍ୱର ଇନାକା ପାର୍ମାଣ୍ କିଜି ମାଚାନ୍ ହେୱାନ୍ ହେଦାଙ୍ଗ୍ ପାୟାଆଜି ମାଚାନ୍।

ଏବ୍ରି 6:17

ହେଦାଙ୍ଗ୍ କାଜିଙ୍ଗ୍ ଈଶ୍ୱର ଶପତ୍ କିଜି ପାର୍ମାଣ୍ କିତାନ୍। ଇମ୍‌ଣାକାର୍ ପାର୍ମାଣ୍ ପାୟାଆତାର୍‌ନା ଇଦାଙ୍ଗ୍ କାଜିଙ୍ଗ୍ ହେୱାନ୍ କିଲେର୍ କିଜି ଚଚ୍‌ନି କାଜିଙ୍ଗ୍ ଇଚାକିନାନ୍ ଯେ ହେୱାନ୍ ଇନା ପାର୍ମାଣ୍ କିତାନ୍‌ନା, ହେଦାଙ୍ଗ୍ ହାତ୍‌ପା କିନାନ୍।

ଏବ୍ରି 9:15

ଈଶ୍ୱର ଇମ୍‌ଣାକାରିଙ୍ଗ୍ କୁକ୍‌ଚି ୱିଜ୍‌ୱି ଆଶ୍ରିବାଦ୍ ହିନି କାଜିଙ୍ଗ୍ ପାର୍ମାଣ୍ କିତାନ୍‌ନା, ହେୱାର୍ ଇନେସ୍ ହେଦାଙ୍ଗ୍ ଆହ୍‌ନାର୍, ଇଦାଙ୍ଗ୍ କାଜିଙ୍ଗ୍ ଈଶ୍ୱର ଆରେ ମାନାୟାର୍ ହୁଦାଙ୍ଗ୍ ଖ୍ରୀଷ୍ଟ ମାଦିଆଜି ର ପୁନି ନିୟମ୍ କିତାନ୍‌ନା। ଇଦାଙ୍ଗ୍ ପୁରା ଆଦେଙ୍ଗ୍ ଆଡ୍‌ନାତ୍, ଇନେସ୍‌କି ହେୱାର୍ ପାର୍ତୁମ୍ ନିୟମ୍‌ନି ତାରେନ୍ ମାନ୍‌ଞ୍ଜି କିଜିମାଚି ପାପ୍‌ନି ଦଣ୍ଡ୍‌ତାଙ୍ଗ୍, ଖ୍ରୀଷ୍ଟ ହେୱାରିଙ୍ଗ୍ ମୁକ୍ତିକିନି କାଜିଙ୍ଗ୍ ହାଃତାନ୍‌ନା।

୧ ପିତର 1:9

ଏପେଙ୍ଗ୍ ୱାରିୟା ଆନାଦେରା, ଇନେସ୍‌କି ଈଶ୍ୱର ମିଙ୍ଗେଙ୍ଗ୍ ହାଃନି ଦଣ୍ଡ୍‌ତାଙ୍ଗ୍ ଉଦାର୍ କିଦ୍‌ନାନା। ଇଦାଙ୍ଗ୍ ନେ ଯୀଶୁ ଖ୍ରୀଷ୍ଟତାକେ ପାର୍ତିକିନି ପୁରଷ୍କାର୍।

୧ ଯୋହନ 2:17

ପୁର୍ତି ଆରେ ଜଗତ୍‌ନି ଜିନିଷ୍ ପାୟାଆନି ଆହା ଅଲପ୍‌ଦିନ୍ କାଜିଙ୍ଗ୍। ମାତର୍ ଇମ୍‌ଣି ମାନାୟ୍ ଆବା ଈଶ୍ୱର କାତାତିଙ୍ଗ୍ ମାନି କିନାନ୍, ହେୱାନ୍ ୱିଜୁଦିନ୍ ଜିଜି ମାନାନ୍।

ହତ୍‌ତି 13:10

ଇମ୍‌ଣି ମାନାୟାରିଙ୍ଗ୍ ଆଗେତାଙ୍ଗ୍ ଜଇଲ୍ ଇଞ୍ଜ ଇଡ଼୍‌ଦେଙ୍ଗ୍ ବାଚିକିତାର୍‌ନା। ହେୱାରିଙ୍ଗ୍ ବନ୍ଦିକିଜି ଜଇଲ୍ ଇଞ୍ଜ ଇଟ୍‌ନାର୍, ଆରେ ଇମ୍‌ଣି ମାନାୟାରିଙ୍ଗ୍ କାଣ୍ଡା ହୁଦାଙ୍ଗ୍ ମାର୍ନେ ଅସ୍ତେଙ୍ଗ୍ ବାଚି କିତାନ୍‌ନା ହେୱାରିଙ୍ଗ୍ କାଣ୍ଡା ହୁଦାଙ୍ଗ୍ ମାର୍ନେ ଅହ୍‌ନାର୍। ଲାଗିଙ୍ଗ୍ ଇମ୍‌ଣି ମାନାୟାର୍ ଈଶ୍ୱର ଲକ୍ ଆତାର୍‌ନା ହେୱାର୍ ଦୁଃକ୍ କଷ୍ଟ ସମ୍ବାଲି କିଜି ତାଙ୍ଗେଙ୍ଗ୍ ପାର୍ତି କିଜି ମାନି ଦର୍‌କାର୍।

ହତ୍‌ତି 14:12

ହେଦାଙ୍ଗ୍ କାଜିଙ୍ଗ୍ ଈଶ୍ୱର ୱିଜୁ ମାନାୟାରିଙ୍ଗ୍ ଇଲେକେ ଦୁଃକ୍ କଷ୍ଟ ୱାତିସ୍ ପା ସାସ୍ ଆଜି ମାନି ଦର୍‌କାର୍। ଈଶ୍ୱର ହେୱାରିଙ୍ଗ୍ ଇମ୍‌ଣି ଆଦେସ୍ ହିତିସ୍ ପା ହେ ଆଦେସ୍‌ତିଙ୍ଗ୍ ମାନିକିନି ଦର୍‌କାର୍ ଆରେ ଯୀଶୁଙ୍ଗ୍ ପାର୍ତି କିନାକା ବନ୍ଦ୍ କିୱି ଦର୍‌କାର୍।”