ଏବ୍ରି 10:31 - New Testament in Pengo Parja Language

³¹ ଜିବୁନ୍ ମାନି ଈଶ୍ୱର କେଇଦ ଦଣ୍ଡ୍ ପାୟାଆନି ବୟଙ୍କାର୍‌ନି ବିଷୟ।

ସତ୍‌ ବଚନ୍‌ ପୁନି ନିୟମ୍‌

³¹ ଜିତି ଇସ୍ୱର୍‌ତି କେଇଦ ବିଚାର୍‌ତ ଆର୍ଣ୍ଣାକା ବୟଙ୍କାର୍‌ ବିସ୍ରେ ।

ଏବ୍ରି 10:31 ပူးပေါင်းရင်းမြစ်များ

ମାତିଉ 10:28

ଇମ୍‌ଣାକାର୍ ଗାଗାଡ଼୍‌ତିଙ୍ଗ୍ ନଷ୍ଟ କିନାର୍ ହେୱାରିଙ୍ଗ୍ ଏପେଙ୍ଗ୍ ପାଣ୍ଡ୍ରା ଆମାଟ୍। ଇନେସ୍‌କି ମି ଜିବୁନ୍‌ତିଙ୍ଗ୍ ନଷ୍ଟ କିଦେଙ୍ଗ୍ ଆଡୁର୍। ମାତର୍ ଗାଗାଡ଼୍‌ତିଙ୍ଗ୍ ଆରେ ଆତ୍ମାତିଙ୍ଗ୍ ଇ ରିଣ୍ଡେକାଙ୍ଗ୍ ପା ନରକ୍‌ନି ନାଣିତାକେ ନଷ୍ଟ କିଦେଙ୍ଗ୍ ଆଡ୍‌ନାନ୍ ହେ ଈଶ୍ୱରତିଙ୍ଗ୍ ପାଣ୍ଡ୍ରାଆଡ।

ମାତିଉ 16:16

ଶିମୋନ ପିତର ୱେଚ୍‌ଚାନ୍, “ଏନେଙ୍ଗ୍ ଆନାୟା ଖ୍ରୀଷ୍ଟ। ଯିବୁନ୍ ମାନି ଈଶ୍ୱର ମେହିତି।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 12:5

ଏପେଙ୍ଗ୍ ଇନେରିଙ୍ଗ୍ ପାଣ୍ଡ୍ରା ଆନାଦେର୍, ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା। ମିଙ୍ଗେଙ୍ଗ୍ ମାର୍ନେ ଅସ୍ତିପାଚେ ନରକ୍‌ତାକେ ତୁହିହିଦ୍‌ନି ସାକ୍ତି ଇନେର୍‌ତାକେ ମାନାତ୍, ଏପେଙ୍ଗ୍ ହେ ଈଶ୍ୱରତିଙ୍ଗ୍ ପାଣ୍ଡ୍ରାଆଡ।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 21:11

ଆରେ ବାହା-ବାହାତ ବୁମିକମ୍ପ୍ ଆନାତ୍ ଆରେ କାତାର୍ ଆର୍ନାତ୍ ଆରେ ମାର୍‌ଡି ୱାନାତ୍। ଆରେ ଈଶ୍ୱର ସରଗ୍ ଜପିତାଙ୍ଗ୍ ଚାନିଆଆନି ଚିନା ଚଚ୍‌ଚାନାନ୍। ଆରେ ମାନାୟାର୍ ଇ ଚିନା ହୁଡ଼୍‌ଜି ବେସି ପାଣ୍ଡ୍ରା ଆନାର୍।

ପକ୍ୟାତାକା 13:11

ହୁଡ଼ା, ନିଙ୍ଗେଙ୍ଗ୍ ନଙ୍ଗୟ୍ ମାପୃ ଦଣ୍ଡ୍ ହିଦ୍‌ନାନ୍। ଏନେଙ୍ଗ୍ କାଣା ଆଜି କେତେକ୍ ସମୟ୍ ପାତେକ୍ ୱେଡ଼ା ହୁଡ଼୍‌ଦେଙ୍ଗ୍ ଆଡୁୟ୍।” ହେଦାପ୍ରେ ଗୁପ୍‌ଟା ଆରେ ମାଜ୍‌ଗା ୱେଡ଼ାତିଙ୍ଗ୍ ଡାବାଇ କିତାତ୍, ଲାଗିଙ୍ଗ୍ ହେୱାନିଙ୍ଗ୍ କେଇଦ ଆସ୍ତି ହାଜି ଚଚ୍‌ଚେଙ୍ଗ୍ ହେୱାନ୍ ଇନି ଆନି ଟାମ୍‌ଡା ଆଜି ମାନାୟ୍‌ତିଙ୍ଗ୍ ଦାସ୍ତେଙ୍ଗ୍ ଲାଗାତାନ୍।

୨ କରନ୍ତିୟ 5:11

ହେଦାଙ୍ଗ୍ କାଜିଙ୍ଗ୍ ଆପେଙ୍ଗ୍ ମିଙ୍ଗେଙ୍ଗ୍ ଗୁୱାରି କିଦ୍‌ନାପା ଯେ, ଏପେଙ୍ଗ୍ ଆପେଙ୍ଗ୍ ୱେଚ୍‌ଚିତି ସତ୍‌ତିଙ୍ଗ୍ ପାର୍ତିକିୟାଟ୍। ଈଶ୍ୱର ମା ବିଷୟରେ ହାର୍ କିଜି ପୁଚାନ୍‌ନା ଆରେ ଆନେଙ୍ଗ୍ ଆହା କିନାଙ୍ଗା ଯେ, ଏପେଙ୍ଗ୍ ପା ଇ ବିଷୟରେ ପୁନ୍‌ଞ୍ଜି ମାନାଦେର୍।

ଏବ୍ରି 10:27

ମାତର୍ ଈଶ୍ୱର ବିଚାର୍‌କିନି ପାଣ୍ଡ୍ରୁତିଙ୍ଗ୍ କାନାକା ଆରେ ତା ଶତ୍ରୁରିଙ୍ଗ୍ ନଷ୍ଟ କିନି ନାଣିତାକେ ଦଣ୍ଡ୍ ପାୟାଆନାକା ନେ ମା କାଜିଙ୍ଗ୍ ବାକି ମାନାତ୍।

ଏବ୍ରି 12:29

ଇନେସ୍‌କି ମା ଈଶ୍ୱର ନଷ୍ଟ କିଦ୍‌ନି ନାଣି ଲେକେ।

ଏବ୍ରି 3:12

ଲାଗିଙ୍ଗ୍ ଏ ପାର୍ତିକିନି ଟଣ୍ଡାର୍‌କାଦେର୍, ଜାଗ୍ରତ୍ ଆଜି ମାନାଟ୍, ମି ଗରବ୍ ଜିବୁନ୍ ମାନି ଈଶ୍ୱରତିଙ୍ଗ୍ ଆହ୍‌ୱାଦାଙ୍ଗ୍, କରାପ୍ ଆରେ ପାର୍ତିକିୱି ମାନାୟ୍ ଲେକେ ଆମେତ୍।