ଏବ୍ରି 10:20 - New Testament in Pengo Parja Language

²⁰ ବଲିପୁଜା ଲେକେ ଯୀଶୁ ଖ୍ରୀଷ୍ଟ ଗାଗାଡ଼୍‌ତାକେ ହାଃତି କାଜିଙ୍ଗ୍, ସରଗ୍‌ନି ପବିତ୍ର କୁଡ଼ିଆନି ପାର୍‌ଦା ନିପଣ୍ ଖ୍ରୀଷ୍ଟ ହଟାନ୍‌ନା, ଆରେ ମାଙ୍ଗେଙ୍ଗ୍ ଜିବୁନ୍ ହିଦ୍‌ନି କାଜିଙ୍ଗ୍ ପୁନି ହାଜି ରସ୍ତାନ୍‌ନା।

ସତ୍‌ ବଚନ୍‌ ପୁନି ନିୟମ୍‌

²⁰ ହେୱାନ୍‌ ତା ଗାଗାଡ଼୍‌ଲାଗ୍‌ଦି ହେନ୍ଦ୍ରା ବିତ୍ରେ ହିଜ଼ି ମା କାଜିଂ ର ପୁନି ଜିବୁନିଂ ହାଜ଼ି ଜେତାନ୍‌ନା ।

ଏବ୍ରି 10:20 ပူးပေါင်းရင်းမြစ်များ

ମାତିଉ 27:51

ହେପାଦ୍ନା ଈଶ୍ୱର ମାନି ମନ୍ଦିର୍‌ତାକେ ଡ଼ସିମାଚି ବୱାଡ଼୍‌ପାର୍‍ଦା ଜପିତାଙ୍ଗ୍ ତାରେନ୍ ପାତେକ୍ କେଞ୍ଚାତ୍। ଆରେ ବୁମିକମ୍ପ୍ ଆତାତ୍ ଆରେ ଗାଜା-ଗାଜା କାଲ୍‌କୁ ୱିଜୁ ଚିନ୍‌ବିନ୍ ଆତିକ୍।

ମାର୍କ 15:38

ହେପାଦ୍ନା ଈଶ୍ୱର ମାନି ମନ୍ଦିର୍‌ତାକେ ଡ଼ସିମାଚି ବୱାଡ଼୍‌ପାର୍‍ଦା ଜପିତାଙ୍ଗ୍ ତାରେନ୍ ପାତେକ୍ କେଞ୍ଚାତ୍, ହେ ପାର୍‍ଦାକାଜିଙ୍ଗ୍ ଈଶ୍ୱର ମାନି ପବିତ୍ର ବାହାତ ମାନାୟାର୍ ହାଞ୍ଜେଙ୍ଗ୍ ଆଡ୍‌ୱାଦାଙ୍ଗ୍ ମାଚାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 23:45

ହେପାଦ୍ନା ଈଶ୍ୱର ମାନି ମନ୍ଦିର୍‌ତାକେ ଡ଼ସିମାଚି ବୱାଡ଼୍‌ପାର୍‍ଦା ଜପିତାଙ୍ଗ୍ ତାରେନ୍ ପାତେକ୍ କେଞ୍ଚାତ୍। ହେ ପାର୍‍ଦାକାଜିଙ୍ଗ୍ ଈଶ୍ୱର ମାନି ପବିତ୍ର ବାହାତ ମାନାୟାର୍ ହାଞ୍ଜେଙ୍ଗ୍ ଆଡ୍‌ୱାଦାଙ୍ଗ୍ ମାଚାର୍।

ଜହନ୍‌ 10:7

ଲାଗିଙ୍ଗ୍ ଯୀଶୁ ଆରେରଗ ୱେଚ୍‌ଚାନ୍, ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଆନେଙ୍ଗ୍ ଆନାଙ୍ଗା ମେଣ୍ଢାକାଙ୍ଗ୍ ଦୁୱେର୍।

ଜହନ୍‌ 10:9

ଆନେଙ୍ଗ୍ ଆନାଙ୍ଗା ଦୁୱେର୍, ଇମ୍‌ଣାକାନ୍ ନା ଦୁୱେର୍ ନିପଣ୍ ଆଜି ହଣାନ୍, ହେୱାନ୍ ରକ୍ଷା ପାୟା ଆନାନ୍। ହେୱାନ୍ ବିତ୍ରେ ୱାଦେଙ୍ଗ୍ ଆଡ୍‌ନାନ୍ ଆରେ ବାର୍ତ ହାଞ୍ଜେଙ୍ଗ୍ ପା ଆଡ୍‌ନାନ୍। ହେୱାନିଙ୍ଗ୍ ଇନାକା ଦର୍‌କାର୍ ହେ ୱିଜୁ ପାୟା ଆନାନ୍।

ଜହନ୍‌ 14:6

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ହାଜି। ଆନେଙ୍ଗ୍ ସତ୍। ଆରେ ଆନେଙ୍ଗ୍ ଜିବୁନ୍। ଆବା ଈଶ୍ୱରତାକେ ହାଞ୍ଜେଙ୍ଗ୍ ଆନେଙ୍ଗ୍ ନେ ରୱାଙ୍ଗ୍ ହାଜି।

ଏପିସିୟ 2:15

ଇନେସ୍ ହେୱାନ୍ ଯିହୁଦି ଆରେ ବିନ୍‌ଜାତିନି ମାନାୟାର୍ ବିତ୍ରେ ଶାନ୍ତି ତାତେଙ୍ଗ୍ ଆଡ୍‌ନାର୍ ଆରେ ହେୱାନ୍‌ତାକେ ହେୱାରିଙ୍ଗ୍ ର ପୁନି ଜାତି କିଦେଙ୍ଗ୍ ଆଡ୍‌ନାନ୍। ଇଦାଙ୍ଗ୍ କାଜିଙ୍ଗ୍ ହେୱାନ୍ ତା ହାଃତି କାଜିଙ୍ଗ୍, ଯିହୁଦିର୍ ୱିଜୁ ନିତି ନିୟମ୍‌ତିଙ୍ଗ୍ ବନ୍ଦ୍ କିତାନ୍‌ନା।

୧ ତିମତି 3:16

ଈଶ୍ୱର ମାଙ୍ଗେଙ୍ଗ୍ ଇନାକା ୱେଚ୍‌ଚାତାନ୍‌ନା ହେଦାଙ୍ଗ୍ ପୁରାପୁରି ସତ୍, ଇଦାଙ୍ଗ୍ ଇନେର୍ ପା ବୁଲ୍ ଇଞ୍ଜି ୱେଚ୍‌ଚେଙ୍ଗ୍ ଆଡୁର୍। ଖ୍ରୀଷ୍ଟ ମାନାୟ୍ ରୁପ୍ ଆଜି ୱାତାନ୍, ହେୱାନ୍ ଈଶ୍ୱର ମେହି ଇଞ୍ଜି ଈଶ୍ୱର ଆତ୍ମା ପୁନି କିତାତ୍। ଦୁତ୍‌କୁ ହେୱାନିଙ୍ଗ୍ ହୁଡ଼୍‌ତିକ୍, ଈଶ୍ୱର ହେୱାନିଙ୍ଗ୍ ସରଗ୍‌ଜପି ଅତାନ୍, ଚେଲାହିର୍ ତା ବିଷୟରେ ୱିଜୁଜାତି ନିପଣ୍ ଶୁଣାୟ୍ କିତାର୍। ଆରେ ପୁର୍ତିନି ମାନାୟାର୍ ପାର୍ତି କିତାର୍।

ଏବ୍ରି 6:19

ଲଙ୍ଗର୍ ଇନେସ୍ ଡଙ୍ଗାତିଙ୍ଗ୍ ଷ୍ଟ୍ରଙ୍ଗ୍ ଆରେ ମଜ୍‌ବୁତ୍ କିଜି ଆସ୍ତି ମାନାତ୍, ହେଲେକେ ଇ ଆହା ମା ଜିବୁନ୍‌ତିଙ୍ଗ୍ ଷ୍ଟ୍ରଙ୍ଗ୍ ଆରେ ମଜ୍‌ବୁତ୍ କିଜି ଆସ୍ତି ମାଞ୍ଜ୍‌ନାତ୍। ଇଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ଯୀଶୁତାକେ ମା ଆହା ଇଡ଼୍‌ତାସ୍‌ନା। ପବିତ୍ର ପୁଟ୍ କୁଡ଼ିଆନି ପାର୍‌ଦା ଆନି ମାନି ଈଶ୍ୱରତି ବେସି ପବିତ୍ର ବାହାତାକେ ଯୀଶୁ ହାଚାନ୍‌ନା।

ଏବ୍ରି 9:3

ଆରେ ପୁଟ୍ କୁଡ଼ିଆତାକେ ଡ଼ୟିକିତି ପାର୍‌ଦା ବିତ୍ରେନି ଆରେ ର ବାକ୍ରାତିଙ୍ଗ୍ ବେସି ପବିତ୍ର ବାହା ଇଞ୍ଜି ଇନାର୍।

ଏବ୍ରି 9:8

ଇ ରିତିନିତି ମାନିକିନି କାଜିଙ୍ଗ୍ ପବିତ୍ର ଆତ୍ମା ମାଙ୍ଗେଙ୍ଗ୍ ବୁଜାଇ କିଦ୍‌ନାତା ଯେ, ଇ ପୁର୍ତିତାକେ ଏଚେପାଦ୍ନା ପାତେକ୍ ପୁଟ୍ କୁଡ଼ିଆ ଆରେ ହେବେନି ରିତିନିତି ମାନିକିନି। ଲାଗିଙ୍ଗ୍ ଈଶ୍ୱରତି ସରଗ୍‌ନି ବେସି ପବିତ୍ର ମନ୍ଦିର୍‌ତାକେ ହାନି କାଜିଙ୍ଗ୍ ନଙ୍ଗୟ୍ ପାତେକ୍ ହାଜି ଜେୟା ଆୱାତାତ୍‌ନା।

୧ ପିତର 3:18

ଆନେଙ୍ଗ୍ ଇଲେକେ ୱେଚ୍‌ଚାନାଙ୍ଗା, ଇନେସ୍‌କି ଖ୍ରୀଷ୍ଟ ପା ମା ୱିଜାକାର୍ ପାପ୍ କାଜିଙ୍ଗ୍ ଦୁଃକ୍ କଷ୍ଟ ପାୟାଆଜି ରଗ ହାଃଜି ମାଚାନ୍। ହେୱାନ୍ ରକାନ୍ ଦରମ୍ ମାନାୟ୍ ମାଚାନ୍, ମାଙ୍ଗେଙ୍ଗ୍ ଈଶ୍ୱର ଲକ୍ କିଦ୍‌ଦେଙ୍ଗ୍ ହେୱାନ୍ ମା ପାପ୍ କାଜିଙ୍ଗ୍ ହାଃଜି ମାଚାନ୍, ଲାଗିଙ୍ଗ୍ ଆସେଙ୍ଗ୍ ତା ହୁଦାଙ୍ଗ୍ ଜାର୍ ଲକ୍ ଆୟା ଆନାତ୍‌। ହେୱାର୍ ତାଙ୍ଗେଙ୍ଗ୍ ମାର୍ନେ ଅସ୍ତାର୍, ମାତର୍ ପବିତ୍ର ଆତ୍ମାନି ଶାକ୍ତିତାଙ୍ଗ୍ ଆରେରଗ ଜିବୁନ୍ ଆତାନ୍।

୧ ଯୋହନ 4:2

ଇଲେକେ କିୟାଟ୍, ଲାଗିଙ୍ଗ୍ ହେୱାନ୍ ଈଶ୍ୱର ଆତ୍ମା ପାୟାଆତାନ୍‌ନା କି ଆକାୟ୍ ଏପେଙ୍ଗ୍ ପୁନାଦେର୍। ଯୀଶୁ ଖ୍ରୀଷ୍ଟ ମାନାୟ୍ ରୁପ୍ ଆସ୍ତି ପୁର୍ତିତାକେ ୱାଜିମାଚାନ୍ ଇଞ୍ଜି ଇମ୍‌ଣି ଭବିଷ୍ଯତବକ୍ତା ୱେଚ୍‌ନାନ୍, ଲାଗିଙ୍ଗ୍ ହେୱାନ୍ ଈଶ୍ୱରତାଙ୍ଗ୍ ପବିତ୍ର ଆତ୍ମା ପାୟାଆତାନ୍‌ନା।

୨ ଯୋହନ 1:7

ଇନେସ୍‌କି କେତେକ୍ ମିଚ୍ ହିକ୍ଷା ହିକାୟ୍ କିଜି ଟକାୟ୍ କିନାକାର୍ ପୁର୍ତିତାକେ ହତ୍‌ତାର୍‌ନା, ହେୱାର୍ ୱେଚ୍‌ନାର୍ ଯୀଶୁ ଖ୍ରୀଷ୍ଟ ମାନାୟ୍ ରୁପ୍ ଆଜି ପୁର୍ତିତାକେ ୱାୱାତାନ୍‌ନା। ଇ ଲେଗ୍‌ଦି ମାନାୟ୍ ଖ୍ରୀଷ୍ଟଙ୍ଗ୍ ବିରଦ୍ କିଜି ମାନାୟାରିଙ୍ଗ୍ ଟକାୟ୍ କିନାକାର୍।