ଗାଲାତିୟ 6:13 - New Testament in Pengo Parja Language

¹³ ଆରେ ଇମ୍‌ଣି ସୁନତ ବିଦି ମାନିକିନି ପାର୍ତିକିନି ମାନାୟାର୍ ମିଙ୍ଗେଙ୍ଗ୍ ସୁନତ ବିଦି ମାନି କିଦେଙ୍ଗ୍ ୱେଚ୍‌ଚାନାର୍, ହେୱାର୍ ନିଜେ ମୋଶା ଲେକିକିତି ନିୟମ୍ ସାସ୍ତର୍ ମାନିକିଉର୍। ମାତର୍ ହେୱାର୍ କାଜିଙ୍ଗ୍ ଏପେଙ୍ଗ୍ ସୁନତ ବିଦି ଆତାଦେର୍‌ନା ଇଞ୍ଜି ଜାର୍‌ତିଙ୍ଗ୍ ଗର୍ବ ଆଜି ୱେଚ୍‌ଚେଙ୍ଗ୍, ହେୱାର୍ ସୁନତ ବିଦି କିୟାଟ୍ ଇଞ୍ଜି ମିଙ୍ଗେଙ୍ଗ୍ ୱେଚ୍‌ଚାନାର୍।

ସତ୍‌ ବଚନ୍‌ ପୁନି ନିୟମ୍‌

¹³ ଇନାକିଦେଂକି ଇମ୍‌ଣାକାର୍‌ ସୁନ୍ନତ୍‌ନି ନିୟମ୍ ପାଲି କିନାର୍‌, ହେୱାର୍‌ ନିଜେ ପା ମସାତି ବିଦି ପାଲି କିଜ଼ି ମାନୁର୍‌ । ଏପେଙ୍ଗ୍‌ ସୁନ୍ନତ୍‌ ଆଡ ଇଞ୍ଜି ହେୱାର୍‌ ଇଚା କିନାରା । ଇ ଗାଗାଡ଼୍‌ ବିଦି ପାଲି କିଦେଙ୍ଗ୍‌ ମିଙ୍ଗେଙ୍ଗ୍‌ ୱେଚ୍‌ଚେଦେଂ ଆଡ୍‌ଦିତିସ୍‌ ହେୱାର୍‌ ଗରବ୍‌ କିତାର୍‌ ।

ଗାଲାତିୟ 6:13 ပူးပေါင်းရင်းမြစ်များ

ମାତିଉ 23:15

ହାୟ୍, ଦଣ୍ଡ୍‌ନି ବାହା ପାଟ୍‌କାର୍ ପଣ୍ଡିତ୍‌ ଆରେ ପାରୁସିଦଳ୍‍ନିକାର୍, ଇନେସ୍‌କି ଏପେଙ୍ଗ୍ ରକାନିଙ୍ଗ୍ ମି ଦରମ୍‌ତିଙ୍ଗ୍ ହେବା କିଦେଙ୍ଗ୍ ଦାସ୍ତି ବୁଲାଆନାଦେରା। ମାତର୍ ହେଲେକେ ରକାନିଙ୍ଗ୍ ଗାଟାଆତିସ୍, ତାଙ୍ଗେଙ୍ଗ୍ ନରକ୍‌ତାକେ ହାନି କାଜିଙ୍ଗ୍ ମି ତାକେତାଙ୍ଗ୍ ଦୁଇଗୁଣ୍ ଆଦିକ୍ କାଇ କିନାଦେରା।

ମାତିଉ 23:23

ଏ ପାଟ୍‌କାର୍ ପଣ୍ଡିତ୍‌ ଆରେ ପାରୁସିଦଳ୍‍, ମିଙ୍ଗେଙ୍ଗ୍ ମି ବାଡ଼୍‍ଦ ଇନାକା ମାନାତ୍, କାଟିଙ୍ଗ୍, ବିରି, କାନ୍ଦୁଲ୍ ଇୱିଜୁ ଦସ୍ ବାଗ୍‌ତାଙ୍ଗ୍ ର ବାଗ୍ ଏପେଙ୍ଗ୍ ଈଶ୍ୱରତିଙ୍ଗ୍ ହିନାଦେରା। ମାତର୍ ଏପେଙ୍ଗ୍ ମୋଶା ନିୟମ୍ ବିଦିତାଙ୍ଗ୍ ନ୍ୟାୟ୍ ବିଚାର୍ ଦୟା କି ପାର୍ତି କିଉଦେରା। ମାତର୍ ଇୱିଜୁ ଏପେଙ୍ଗ୍ ମାନିକିନାକା ଆରେ ଜେକନିକା ୱିଜୁ ଏପେଙ୍ଗ୍ ମାନିକିନି କାତା।

ମାତିଉ 23:3

ଲାଗିଙ୍ଗ୍ ହେୱାର୍ ଇନାକା କିଦେଙ୍ଗ୍ ୱେଚ୍‌ଚାନାରା, ହେଦାଙ୍ଗ୍ କିୟାଟ୍। ମାତର୍ ହେୱାର୍ କାରୁମ୍ ଅନୁସାତାଙ୍ଗ୍ କାରୁମ୍ କିମାଟ୍। ଇନେସ୍‌କି ହେୱାର୍ ଜାର୍ ହିଜିମାନି ହିକ୍ଷା ଅନୁସାରେ କାମାୟ୍ କିଉର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 5:38

ହେଦାଙ୍ଗ୍ କାଜିଙ୍ଗ୍ ମାନାୟାର୍ ସବୁୱେଡ଼ାଙ୍ଗ୍ ପୁଃନି ଅଙ୍ଗୁର୍ ରାସ୍ ପୁଃନି ତଲ୍‌ମଣାତାକେ ଇଟ୍‌ନାର୍।”

୧ କରନ୍ତିୟ 3:21

ଲାଗିଙ୍ଗ୍ ଏପେଙ୍ଗ୍ ଆନେଙ୍ଗ୍ ହାର୍ଦି ଖ୍ରୀଷ୍ଟାନ୍ ନେତାନି ଚେଲା ଆତାଙ୍ଗ୍‌ନା ଇଞ୍ଜି ଗାର୍‌ବି ଆମାଟ୍, ଇନେସ୍‌କି ହେ ୱିଜୁ ବିଷୟ ଈଶ୍ୱର ମି ହାର୍ କାଜିଙ୍ଗ୍ ହିତ୍‌ତାନ୍‌ନା।

୧ କରନ୍ତିୟ 5:6

ଲାଗିଙ୍ଗ୍ ଏପେଙ୍ଗ୍ ଇଲେକେ ବାଟ୍‌ପାଣ୍ ଆନାକା ହାର୍ ଆକାୟ୍। ଏପେଙ୍ଗ୍ ପୁଚାଦେର୍‌ନା ଯେ, ଇଚୁକ୍ ସଡ଼ାକାର୍ ୱିଜୁ ମଇଦାତିଙ୍ଗ୍ ପୁଲାଇ କିନାତ୍, ହେଲେକେ ଯଦି ର ମାନାୟ୍ ପାପ୍ କାମାୟ୍ କିଜି ମାନାନ୍ ଆରେ ଏପେଙ୍ଗ୍ ତାଙ୍ଗେଙ୍ଗ୍ ମୁନା କିଉଦେର୍ ଲାଗିଙ୍ଗ୍ ୱିଜାର୍ ମାନାୟ୍ ତା ଲେକେ ପାପ୍ କାମାୟ୍ କିଦେଙ୍ଗ୍ ହିକାଆନାର୍।

୨ କରନ୍ତିୟ 11:18

ଲାଗିଙ୍ଗ୍ ଜେକନିକାର୍ ଜାର୍ କାମାୟ୍ କିଜି ପାୟାଆତି କାଜିଙ୍ଗ୍ ବାଟ୍‌ପାଣ୍ ଆନାରା, ଯଦି ହେଦାଙ୍ଗ୍ ଟିକ୍ ଲାଗିଙ୍ଗ୍ ଆନେଙ୍ଗ୍ ପା ହେୱାର୍ ଲେକେ ବାଟ୍‌ପାଣ୍ ଆଦେଙ୍ଗ୍ ଆଡ୍‌ନାଙ୍ଗ୍।

ପିଲିପିୟ 3:3

ଇନେସ୍‌କି ଆପେଙ୍ଗ୍ ଟିକ୍ ସୁନତ ବିଦି ପାୟାଆତାସ୍‌ନା। ଆପେଙ୍ଗ୍ ଈଶ୍ୱର ଆତ୍ମାତାଙ୍ଗ୍ ଈଶ୍ୱରତିଙ୍ଗ୍ ପୁଜା କିନାପା। ମାନାୟ୍ କିତି ଉପାଇତିଙ୍ଗ୍ ଆପେଙ୍ଗ୍ ଆହା କିୱାଦାଙ୍ଗ୍ ଯୀଶୁ ଖ୍ରୀଷ୍ଟତାକେ ଆହା କିନାପା।

୨ ପିତର 2:19

ଇ ମାଷ୍ଟେରାର୍ ମାନାୟାରିଙ୍ଗ୍ ୱେଚ୍‌ନାର୍ ଯେ ହେୱାର୍ ଇନାକା ଇଚା ହେଦାଙ୍ଗ୍ କିଦେଙ୍ଗ୍ ହେୱାର୍ ସ୍ୱାଦିନ୍ ଆତାର୍‌ନା, ମାତର୍ ହେୱାର୍ ପାପ୍ କାମାୟ୍ କାଜିଙ୍ଗ୍ ହେୱାର୍ ନିଜେ ଦାସ୍ ଆତାର୍‌ନା। ଇନେସ୍‌କି ଇନାକା ମିଙ୍ଗେଙ୍ଗ୍ କଣ୍ଟ୍ରୁଲ୍ କିଦ୍‌ନାତ୍, ଏପେଙ୍ଗ୍ ହେବେନି ଦାସ୍ କାଦେର୍।