ଗାଲାତିୟ 5:6 - New Testament in Pengo Parja Language

⁶ ସୁନତ ବିଦି ମାନିକିତିସ୍ କି କିୱିତିସ୍ ଇନା ମୁଲ୍ୟ ଆକାୟ୍, ଏଚେପାଦ୍ନା ଆପେଙ୍ଗ୍ ଯୀଶୁ ଖ୍ରୀଷ୍ଟତାକେ ପାର୍ତି କିନାପା। ଲାଗିଙ୍ଗ୍ ମୁଡ଼୍ ବିଷୟ ଆନାତା ଖ୍ରୀଷ୍ଟଙ୍ଗ୍ ପାର୍ତି କିନାସ୍, ହେଦାଙ୍ଗ୍ ଜେକନିକାରିଙ୍ଗ୍ ଲାଡ୍‌କିନି କାଜିଙ୍ଗ୍ ମାଙ୍ଗେଙ୍ଗ୍ ସାଇଜ କିଦ୍‌ନାତା।

ସତ୍‌ ବଚନ୍‌ ପୁନି ନିୟମ୍‌

⁶ ଇନେକିଦେଂକି କ୍ରିସ୍ଟ ଜିସୁତି ଲାହାଂ ମେହାଜ଼ି ଜିବୁନ୍‌ ଜିଉଣା କିତାନ୍‌, ସୁନ୍ନତ୍‌ କି ସୁନ୍ନତ୍‌ଆୱି ମୁଡ଼େ ଆକାୟ୍‌, ରୱାନ୍‌ ମତର୍‌ ଲଡ଼ାନି ବିସ୍ରେ ଆନାତା, ପାର୍ତିତ ତିର୍‌ ମାନ୍‌ଞ୍ଜି ଜିଉନନିତ କିନାକା ସାଦନ୍‌ କିନାସ୍‌ ।

ଗାଲାତିୟ 5:6 ပူးပေါင်းရင်းမြစ်များ

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:5

ଇନେସ୍‌କି ହେୱାନ୍ ମା ଲକ୍‌ତିଙ୍ଗ୍ ଲାଡ୍ କିନାନ୍ ଆରେ ମା କାଜିଙ୍ଗ୍ ଯିହୁଦିର୍ ପାର୍ତାନା ଇଲ୍ ରସ୍ତି ହିଦ୍‌ନାନ୍।”

୧ କରନ୍ତିୟ 13:13

ଲାଗିଙ୍ଗ୍ ଇ ତିନ୍‌ଗଟା ଜିନିଷ୍ ଆସେଙ୍ଗ୍ କିନି ଦର୍‌କାର୍। ଈଶ୍ୱରତିଙ୍ଗ୍ ପାର୍ତି କିନାକା, ତା ପାର୍ମାଣ୍‌ତିଙ୍ଗ୍ ଆହା ଇଡ଼୍‍ତାକା ଆରେ ଜେକନିକାରିଙ୍ଗ୍ ଲାଡ୍ କିନାକା। ଇ ତିନ୍‌ଗଟା ଜିନିଷ୍ ବିତ୍ରେତାଙ୍ଗ୍ ଜେକନିକାରିଙ୍ଗ୍ ଲାଡ୍ କିନାକା ଗାଜା ବିଷୟ।

୧ କରନ୍ତିୟ 7:19

ଇନେସ୍‌କି ଯଦି ର ମାନାୟ୍ କାଜିଙ୍ଗ୍ ସୁନତ ଆନାକା କି ଆୱାକା ହେଦାଙ୍ଗ୍ ମୁକ୍ଯ ବିଷୟ ଆକାୟ୍, ମାତର୍ ଈଶ୍ୱର ଆଦେସ୍‌ତିଙ୍ଗ୍ ମାନିକିନାକା ନେ ମୁକ୍ଯ ବିଷୟ।

୨ କରନ୍ତିୟ 5:14

ଇନେସ୍‌କି ଖ୍ରୀଷ୍ଟ ଲାଡ୍ ମାଙ୍ଗେଙ୍ଗ୍ କଣ୍ଟ୍ରୁଲ୍ କିଦ୍‌ନାତା, ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ପାର୍ତି କିନାସା ଯେ, ଖ୍ରୀଷ୍ଟ ୱିଜାର୍ କାଜିଙ୍ଗ୍ ହାଃତାନ୍, ଆରେ ଆସେଙ୍ଗ୍ ଇଦାଙ୍ଗ୍ ପାର୍ତି କିନାସା ଯେ, ଆସେଙ୍ଗ୍ ପା ତା ହୁଦାଙ୍ଗ୍ ହାଃତାସ୍‌ନା।

ଗାଲାତିୟ 3:26

ଲାଗିଙ୍ଗ୍ ଯୀଶୁ ଖ୍ରୀଷ୍ଟତାକେ ପାର୍ତିକିତି କାଜିଙ୍ଗ୍ ଆସେଙ୍ଗ୍ ଈଶ୍ୱର ହିମ୍‌ଣା ଆତାସ୍‌ନା।

ଗାଲାତିୟ 3:28

ଲାଗିଙ୍ଗ୍ ଯିହୁଦି ଜାତି କି ବିନ୍‌ଜାତି, ଦାସ୍ କି ଦାସ୍ ଆୱିତି ମାନାୟ୍, ଆଣ୍ଡ୍ରା କି କଗ୍‌ଲେ ବିତ୍ରେ ଇନାକା ପା ଜେକ ଆକାୟ୍। ଇନେସ୍‌କି ଏପେଙ୍ଗ୍ ଯୀଶୁ ଖ୍ରୀଷ୍ଟତାକେ ରବେ ଆତାଦେର୍‌ନା।

ଗାଲାତିୟ 6:15

ସୁନତ ବିଦି ମାନିକିତିସ୍ କି କିୱିତିସ୍ ଇନାକା ଆକାୟ୍, ମାତର୍ ମୁଡ଼୍ ବିଷୟ ଇଦାଙ୍ଗ୍ ଯେ ପବିତ୍ର ଆତ୍ମାତାଙ୍ଗ୍ ଈଶ୍ୱର ମିଙ୍ଗେଙ୍ଗ୍ ପୁନି ମାନାୟ୍ କିତ୍‌ତାନ୍‌ନା।

ଏପିସିୟ 6:23

ଆବା ଈଶ୍ୱର ଆରେ ମା ମାପୃ ଯୀଶୁ ଖ୍ରୀଷ୍ଟ ପାର୍ତିକିନି ଟଣ୍ଡାରିଙ୍ଗ୍ ଶାନ୍ତି ଆୟେତ୍‌, ଖ୍ରୀଷ୍ଟତାକେ ପାର୍ତିତାଙ୍ଗ୍ ଆରେ ଜାର୍-ଜାର୍ ଲାଡ୍‌ତାକେ ମାଞ୍ଜେଙ୍ଗ୍ ସାଇଜ କିୟାଟ୍।

କଲସିୟ 1:4

ଆପେଙ୍ଗ୍ ୱେଚାପ୍ ଯେ, ଏପେଙ୍ଗ୍ ଯୀଶୁ ଖ୍ରୀଷ୍ଟଙ୍ଗ୍ ଆହା କିନାଦେରା ଆରେ ଈଶ୍ୱର ମାନାୟାରିଙ୍ଗ୍ ଲାଡ୍ କିନାଦେରା।

କଲସିୟ 3:11

ଇଦାଙ୍ଗ୍ କାଜିଙ୍ଗ୍ ବିନ୍‌ଜାତି କି ଯିହୁଦି ଜାତିର୍ ବିତ୍ରେ, ସୁନତ ବିଦି ମାନିକିନାକାର୍ କି ମାନିକିୱାକାର୍, ବାର୍ ଦେସ୍‌ତାକାର୍‌ କି ଆଦିବାସିନି ମାନାୟାର୍, ଦାସ୍ କି ଦାସ୍ ଆୱି ମାନାୟାର୍ ବିତ୍ରେ ଇନା ବେଦ୍‌ବାବ୍ ଆକାୟ୍। ମାତର୍ ଖ୍ରୀଷ୍ଟ ନେ ୱିଜୁତାଙ୍ଗ୍ ମୁକ୍ଯା ଆରେ ହେୱାନ୍ ତାଙ୍ଗେଙ୍ଗ୍ ପାର୍ତିକିନି ମାନାୟାର୍‌ତାକେ ବାହା କିନାନ୍।

୧ ଥେସଲନୀକିୟ 1:3

ଆରେ ଆପେଙ୍ଗ୍ ଏଚେପାଦ୍ନା ମା ଆବା ଈଶ୍ୱରତିଙ୍ଗ୍ ପାର୍ତାନା କିନାପା। ଏପେଙ୍ଗ୍ ପାର୍ତିତାଙ୍ଗ୍ କିନି କାମାୟ୍‌ତିଙ୍ଗ୍ ଏତ୍ କିନାପା, ଆରେ ଏପେଙ୍ଗ୍ ପାର୍ତିକିନି ମାନାୟାରିଙ୍ଗ୍ ଲାଡ୍‌କିନି କାଜିଙ୍ଗ୍ ହେୱାରିଙ୍ଗ୍ ସାଇଜ କିଦେଙ୍ଗ୍ କଷ୍ଟ କିନାଦେରା। ଆରେ ମାପୃ ଯୀଶୁ ଖ୍ରୀଷ୍ଟ ଆରେରଗ ୱାନାନ୍ ଇଞ୍ଜି ଆହା କିନାଦେରା, ହେଦାଙ୍ଗ୍ କାଜିଙ୍ଗ୍ ମିଙ୍ଗେଙ୍ଗ୍ ମାନାୟାର୍ ଦୁଃକ୍ କଷ୍ଟ ହିତ୍‌ତିସ୍‌ ପା ସମ୍ବାଲି କିନାଦେରା।

ଏବ୍ରି 11:8

ପାର୍ତି କାଜିଙ୍ଗ୍ ଅବ୍ରାହାମ ଈଶ୍ୱର କାତାତିଙ୍ଗ୍ ମାନି କିତାନ୍, ଏଚେପାଦ୍ନା ଈଶ୍ୱର ହେୱାନିଙ୍ଗ୍ ତା ଇଲ୍ ପିସ୍ତି ଜେକନି ଦେସ୍‌ତାକେ ହାଞ୍ଜେଙ୍ଗ୍ କୁକ୍‌ତାନ୍। ଅବ୍ରାହାମତିଙ୍ଗ୍ ଈଶ୍ୱର ହେ ଦେସ୍ ଆଦିକାରି କିନି କାଜିଙ୍ଗ୍ ହିଦେଙ୍ଗ୍ ହାଲ୍‌ଜି ମାଚାନ୍। ମାତର୍ ହେୱାନ୍ ଇଦାଙ୍ଗ୍ ପୁନ୍‌ୱାଦାଙ୍ଗ୍ ମାଚାନ୍, ଆତିସ୍‌ପା ହେୱାନ୍ ହସିହାଚାନ୍।

୧ ପିତର 1:8

ଏପେଙ୍ଗ୍ ଯୀଶୁଙ୍ଗ୍ ଇନାୱେଡ଼ାଙ୍ଗ୍ ପା ହୁଡ଼୍‌ୱାତାଦେର୍‌ନା, ମାତର୍ ନଙ୍ଗୟ୍ ପାତେକ୍ ହେୱାନିଙ୍ଗ୍ ଲାଡ୍ କିନାଦେରା। ଏପେଙ୍ଗ୍ ନଙ୍ଗୟ୍ ଯୀଶୁଙ୍ଗ୍ ହୁଡ଼୍‌ୱାତାଦେର୍‌ନା ମାତର୍ ଏପେଙ୍ଗ୍ ଯୀଶୁଙ୍ଗ୍ ପାର୍ତି କିନାଦେରା। ଲାଗିଙ୍ଗ୍ ଏପେଙ୍ଗ୍ ବେସି ୱାରିୟା ଆନାଦେରା ହେଦାଙ୍ଗ୍ କାତା ୱେଚ୍‌ଚି ବୁଜାୟ୍ କିୟି ଆଉତ୍।