ଗାଲାତିୟ 5:24 - New Testament in Pengo Parja Language

²⁴ ଇମ୍‌ଣାକାର୍ ଯୀଶୁ ଖ୍ରୀଷ୍ଟନି ମାନାୟ୍, ହେୱାର୍ ତା ଗାଗାଡ଼୍‌ନି ଇଚା ଆରେ କରାପ୍ ଚିନ୍ତାତିଙ୍ଗ୍ ତା କୃଶକାଟ୍‌ତାକେ ଅସ୍ତାର୍‌ନା।

ସତ୍‌ ବଚନ୍‌ ପୁନି ନିୟମ୍‌

²⁴ ଇମ୍‌ଣାକାର୍‌ ଜିସୁ କ୍ରିସ୍ଟତି, ତାକେ ପାର୍ତି କିଜ଼ି ହେୱାର୍‌ ଗାଗାଡ଼୍‌ନି ଆହା ଆରି କାମାୟ୍‌ ଆହା ହୁଦାଂ ମାନାୟ୍‌ ହାତ୍‌ପାତିଂ କ୍ରୁସ୍‌ତ ହାତାର୍ଣ୍ଣା ।

ଗାଲାତିୟ 5:24 ပူးပေါင်းရင်းမြစ်များ

ରୋମିୟ 13:14

ମାତର୍ ମାପୃ ଯୀଶୁ ଖ୍ରୀଷ୍ଟ ମିଙ୍ଗେଙ୍ଗ୍ କଣ୍ଟ୍ରୁଲ୍ କିଦେନ୍, ଆରେ ମି କରାପ୍ କାମାୟ୍ କିନି ଚିନ୍ତାୱିଜୁ ପୁରା କିନି କାଜିଙ୍ଗ୍ ବାବିକିମାଟ୍।

ରୋମିୟ 6:6

ଇନେସ୍‌କି ଆସେଙ୍ଗ୍ ଆରେରଗ ପାପ୍‍କିନି ଚାକର୍ ଆଉସ୍। ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ମା ପାପ୍‌ନି ଗାଗାଡ଼୍ ନଷ୍ଟ କିନି କାଜିଙ୍ଗ୍ ମା କରାପ୍ ବ୍ୟବହାର୍‌ତିଙ୍ଗ୍, ଖ୍ରୀଷ୍ଟ ହୁଦାଙ୍ଗ୍ କୃଶକାଟ୍‌ତାକେ ମାର୍ନେ ଅସ୍ତାପ୍‌ନା।

ରୋମିୟ 8:13

ଯଦି ଆସେଙ୍ଗ୍ ପାପ୍‍କିନି ଇଚା ଅନୁସାରେ ଜିବୁନ୍ କାଟି କିନାସା, ଆସେଙ୍ଗ୍ ଈଶ୍ୱରତାଙ୍ଗ୍ ଦେହା ଆୟା ଆନାତ୍। ମାତର୍ ଯଦି ଆସେଙ୍ଗ୍ ପବିତ୍ର ଆତ୍ମା ସାଇଜତାଙ୍ଗ୍ ପାପ୍ କାମାୟ୍ କିନି ଇଚାତିଙ୍ଗ୍‌ ବନ୍ଦ୍ କିତିସ୍‌, ଲାଗିଙ୍ଗ୍ ଆସେଙ୍ଗ୍ ଜିଜି ମାନାସ୍।

ରୋମିୟ 8:9

ମାତର୍ ମିଙ୍ଗେଙ୍ଗ୍ ପାପ୍ କାମାୟ୍ କିନି ଇଚା କଣ୍ଟ୍ରୁଲ୍ କିଦୁତା, ଇନେସ୍‌କି ଯଦି ମି ବିତ୍ରେ ମାନି ଈଶ୍ୱରତି ପବିତ୍ର ଆତ୍ମା କଣ୍ଟ୍ରୁଲ୍ କିନାତା। ଆରେ ଏପେଙ୍ଗ୍ ମାନ୍ତ ଇଟାଟ୍ ଯେ, ଇମ୍‌ଣି ମାନାୟାର୍ ବିତ୍ରେ ଖ୍ରୀଷ୍ଟ ଆତ୍ମା ମାନୁତା, ହେୱାର୍ ସତ୍ ଖ୍ରୀଷ୍ଟାନ୍ ଆକାୟ୍।

୧ କରନ୍ତିୟ 15:23

ମାତର୍ ୱିଜୁ ମାନାୟାର୍ ଟିକ୍ ସମୟରେ ଆରେରଗ ଜିବୁନ୍ ଆନାର୍। ଈଶ୍ୱର ମାଙ୍ଗେଙ୍ଗ୍ ପୁନି କିଦ୍‌ନି କାଜିଙ୍ଗ୍ ଖ୍ରୀଷ୍ଟଙ୍ଗ୍ ଆରେରଗ ପାର୍ତୁମ୍ ଜିବୁନ୍ କିତାନ୍। ଲାଗିଙ୍ଗ୍ ଏଚେପାଦ୍ନା ଖ୍ରୀଷ୍ଟ ଆରେରଗ ୱାନାନ୍ ତା ମାନାୟାରିଙ୍ଗ୍ ଆରେରଗ ଜିବୁନ୍ କିନାନ୍।

୧ କରନ୍ତିୟ 3:23

ଆରେ ଏପେଙ୍ଗ୍ ଖ୍ରୀଷ୍ଟର୍ ଲକ୍ ଆରେ ଖ୍ରୀଷ୍ଟ ଈଶ୍ୱର ଲକ୍।

୧ କରନ୍ତିୟ 6:13

ଏପେଙ୍ଗ୍ ଇଞ୍ଜେଙ୍ଗ୍ ଆଡ୍‌ନାଦେର୍, କାଦି ଗାଗାଡ଼୍ କାଜିଙ୍ଗ୍ ଆରେ ଗାଗାଡ଼୍ କାଦି କାଜିଙ୍ଗ୍ ରହ୍‌ୟା ଆତାତ୍‌ନା, ହେଦାଙ୍ଗ୍ ସତ୍, ମାତର୍ ହେ ରିଣ୍ଡାଙ୍ଗ୍ ଜିନିଷ୍‌ତିଙ୍ଗ୍ ଈଶ୍ୱର ରଦିନ୍ ବିନାସ୍ କିନାନ୍। ତା ଅର୍ତ ଇଦାଙ୍ଗ୍ ଆକାୟ୍ ଯେ, ଏପେଙ୍ଗ୍ ମି ଗାଗାଡ଼୍‌ତିଙ୍ଗ୍ ଦାରି କାମାୟ୍ କିଦେଙ୍ଗ୍ ବ୍ୟବହାର୍ କିୟାଟ୍, ଇନେସ୍‌କି ଇ ଗାଗାଡ଼୍ ମାପୃତି ଆରେ ମାପୃଙ୍ଗ୍ ହେବା କିଦେଙ୍ଗ୍ ବ୍ୟବହାର୍ କିନି ଦର୍‌କାର୍।

୨ କରନ୍ତିୟ 10:7

ଏପେଙ୍ଗ୍ ଲକାର୍ ମୁମ୍ ହୁଡ଼୍‌ଜି ବିଚାର୍ କିନାଦେରା। ଯଦି ଇମ୍‌ଣି ମାନାୟ୍ ଖ୍ରୀଷ୍ଟ ଲକ୍ ଆତାଙ୍ଗ୍‌ନା ଇଞ୍ଜି ପୁରାପୁରି ପାର୍ତି କିନାନା, ଲାଗିଙ୍ଗ୍ ଆପେଙ୍ଗ୍ ଖ୍ରୀଷ୍ଟର୍ ଲକ୍ ଇଞ୍ଜି ହେୱାର୍ ପା ମାନିକିନି ଦର୍‌କାର୍, ଇନେସ୍ ହେୱାର୍ ଖ୍ରୀଷ୍ଟର୍ ଲକ୍ ଆତାପ୍‌ନା ଇଞ୍ଜି ବାଟ୍‌ପାଣ୍ ଆନାରା।

ଗାଲାତିୟ 2:20

ନା ପାନି ଚାଲିଚଲନ୍ ଖ୍ରୀଷ୍ଟ ହୁଦାଙ୍ଗ୍ କୃଶକାଟ୍‌ତାକେ ହାଃତାତ୍‌ନା। ଲାଗିଙ୍ଗ୍ ଆନେଙ୍ଗ୍ ଆରେ ଜିବୁନ୍ ଆକାୟ୍, ମାତର୍ ଖ୍ରୀଷ୍ଟ ନାବେ ଜିବୁନ୍ ମାନାନ୍। ଯୀଶୁ ଈଶ୍ୱର ମେହି, ହେୱାନ୍ ନାଙ୍ଗେଙ୍ଗ୍ ଲାଡ୍ କିତ୍‌ତାନ୍ ଆରେ ନା କାଜିଙ୍ଗ୍ ଜାର୍ ଜିବୁନ୍‌ତିଙ୍ଗ୍ ହିତାନ୍, ଲାଗିଙ୍ଗ୍ ଆନେଙ୍ଗ୍ ଇ ଗାଗାଡ଼୍‌ତ ହେୱାନ୍‌ତାକେ ପାର୍ତି କିଜି ଜିନାଙ୍ଗ୍।

ଗାଲାତିୟ 3:26

ଲାଗିଙ୍ଗ୍ ଯୀଶୁ ଖ୍ରୀଷ୍ଟତାକେ ପାର୍ତିକିତି କାଜିଙ୍ଗ୍ ଆସେଙ୍ଗ୍ ଈଶ୍ୱର ହିମ୍‌ଣା ଆତାସ୍‌ନା।

ଗାଲାତିୟ 3:28

ଲାଗିଙ୍ଗ୍ ଯିହୁଦି ଜାତି କି ବିନ୍‌ଜାତି, ଦାସ୍ କି ଦାସ୍ ଆୱିତି ମାନାୟ୍, ଆଣ୍ଡ୍ରା କି କଗ୍‌ଲେ ବିତ୍ରେ ଇନାକା ପା ଜେକ ଆକାୟ୍। ଇନେସ୍‌କି ଏପେଙ୍ଗ୍ ଯୀଶୁ ଖ୍ରୀଷ୍ଟତାକେ ରବେ ଆତାଦେର୍‌ନା।

ଗାଲାତିୟ 3:29

ଏପେଙ୍ଗ୍ ନଙ୍ଗୟ୍ ଖ୍ରୀଷ୍ଟନି ମାନାୟ୍ କାଦେର୍, ଆରେ ଏପେଙ୍ଗ୍ ହାତ୍‌ପା ଅବ୍ରାହାମନି ମେହି କାଦେର୍। ଈଶ୍ୱର ଅବ୍ରାହାମତିଙ୍ଗ୍ କିଜିମାଚି ପାର୍ମାଣ୍‌ନି ଆଶ୍ରିବାଦ୍‌ତାଙ୍ଗ୍ ଏପେଙ୍ଗ୍ ତା ଅଦିକାର୍ ଆତାଦେର୍।

ଗାଲାତିୟ 5:20

ଆରେ ଅପ୍‌ମାନ୍‌ନି କାମାୟ୍, ମୁର୍ତି ପୁଜା, ମାନାୟ୍ ମାରୁ, ଗୁଣିଆ କାମାୟ୍, ଜେକନିକାନିଙ୍ଗ୍ ଗିଣ୍ କିନାକା। ଜଗ୍‌ଡ଼ା କିନାକା, ଜେକନିକାରିଙ୍ଗ୍ ହାର୍‌ଦାଙ୍ଗ୍ ହୁଡ଼୍‌ୱାକା, ରିସା ଆନାକା, ଜାର୍ ବିଷୟତିଙ୍ଗ୍ ଚିନ୍ତା କିନାକା, ଦଳ୍-ଦଳ୍ ଆନାକା, କାତା ମାନାମାନି ଆୱାକା, ଲକାରିଙ୍ଗ୍ ଆକାର୍ ଆନାକା।

ଗାଲାତିୟ 6:14

ମା ମାପୃ ଯୀଶୁ ଖ୍ରୀଷ୍ଟନି କୃଶକାଟ୍‌ତିଙ୍ଗ୍ ପିସ୍ତି, ଆନେଙ୍ଗ୍ ଆରେ ଇନାକାତାକେ ପା ଗର୍ବ କିଉଙ୍ଗ୍। ଇନେସ୍‌କି ଖ୍ରୀଷ୍ଟ କାଜିଙ୍ଗ୍, ଇ ଜଗତ୍‌ତାକେ ମାନି ନା ଇଚା କୃଶକାଟ୍‌ତାକେ ହାଃତାତ୍‌ନା, ଆରେ ନାବେ ମାନି ପୁର୍ତିନି ଇଚା ପା ହାଃତାତ୍‌ନା।

ଏପିସିୟ 3:1

ଇଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ପାଉଲ ମି କାଜିଙ୍ଗ୍ ପାର୍ତାନା କିନାଙ୍ଗା। ଏପେଙ୍ଗ୍ ବିନ୍‌ଜାତିର୍‌ତାକେ ଯୀଶୁ ଖ୍ରୀଷ୍ଟ କାମାୟ୍ କିଜି ହାର୍ଦିକାବୁର୍ ଶୁଣାୟ୍ କିନି କାଜିଙ୍ଗ୍, ଆନେଙ୍ଗ୍ ନଙ୍ଗୟ୍ ଜଇଲ୍ ଇଞ୍ଜ ବନ୍ଦି ଆତାଙ୍ଗ୍‌ନା।

ଏପିସିୟ 3:11

ପୁର୍ତିତିଙ୍ଗ୍ ରହ୍‌ୱି ଆଗେ ଈଶ୍ୱର ଇ ଜଜ୍‌ନା କିଜି ମାଚାନ୍, ଆରେ ମା ମାପୃ ଯୀଶୁ ଖ୍ରୀଷ୍ଟତାଙ୍ଗ୍ ଇଦାଙ୍ଗ୍ ହେୱାନ୍ ରସ୍ତାନ୍‌ନା।

ଏପିସିୟ 3:6

ଈଶ୍ୱର ଡ଼ୁକ୍‌ତି ଜଜ୍‌ନା ଇଦାଙ୍ଗ୍ ଯେ, ହାର୍ଦିକାବୁର୍ କାଜିଙ୍ଗ୍ ଯୀଶୁ ଖ୍ରୀଷ୍ଟତାକେ ଆପେଙ୍ଗ୍ ରବେ ଆତି କାଜିଙ୍ଗ୍ ବିନ୍‌ଜାତିର୍ ପା ଯିହୁଦିର୍ ଲେକେ ହାମାନ୍ ଆଦିକାର୍ ପାୟାଆତାର୍‌ନା। ହେୱାର୍ ର ଗାଗାଡ଼୍, ଆରେ ଈଶ୍ୱର ପାର୍ମାଣ୍‌ତାକେ ମାହା ଆତାର୍‌ନା।

କଲସିୟ 2:11

ଏଚେପାଦ୍ନା ଏପେଙ୍ଗ୍ ଖ୍ରୀଷ୍ଟତାକେ ପାର୍ତି କିତାଦେର୍ ଏପେଙ୍ଗ୍ ସୁନତ ଆତାଦେର୍‌ନା। ଯିହୁଦି ମାନାୟାର୍ ସୁନତ ଆତିଲେକେ ଏପେଙ୍ଗ୍ ସୁନତ ଆୱାତାଦେର୍‌ନା। ମାତର୍ ଖ୍ରୀଷ୍ଟ ଏପେଙ୍ଗ୍ କିତି ପାପ୍‌ନି ଗୁଣ୍‌ତିଙ୍ଗ୍ କାଟିକିଜି ମିଙ୍ଗେଙ୍ଗ୍ ସୁନତ କିତ୍‌ତାନ୍‌ନା।

୧ ପିତର 2:11

ଏ ଲାଡ୍‌ନି ସାଙ୍ଗ କାଦେର୍, ଏପେଙ୍ଗ୍ ବିନ୍‌ଦେସ୍ ଆରେ ପୁନ୍‌ୱିତି ମାନାୟ୍ ଲେକେ ଇ ପୁର୍ତିତାକେ ମାନାଦେରା। ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ଗୁୱାରି କିଦ୍‌ନାଙ୍ଗା ଯେ, ଏପେଙ୍ଗ୍ ୱିଜୁ ପର୍‌କାର୍ ପାପ୍ କାମାୟ୍‌ତାଙ୍ଗ୍ ଦେହା ମାନାଟ୍, ଇନେସ୍‌କି ହେଦାଙ୍ଗ୍ ମି ଜିବୁନ୍ ବିରୁଦ୍‌ତାକେ ଜୁଜ୍ କିଦ୍‌ନାତ୍।