ଗାଲାତିୟ 5:22 - New Testament in Pengo Parja Language

²² ମାତର୍ ପବିତ୍ର ଆତ୍ମା ମାଙ୍ଗେଙ୍ଗ୍ ସାଇଜ କିତ୍‌ତିସ୍, ଇଲେକେ ଗୁଣ୍: ଲାଡ୍ କିନାକା, ୱାରି କିନାକା, ଶାନ୍ତିତାଙ୍ଗ୍ ମାନାକା, ବେସି କଷ୍ଟତିଙ୍ଗ୍ ସମ୍ୱାଲି କିନାକା, ଦୟା କିନାକା।

ସତ୍‌ ବଚନ୍‌ ପୁନି ନିୟମ୍‌

²² ମାତର୍‌ ଜିବୁନ୍ତି ପାଡ଼୍‌ ଜିଉନନାକା, ୱାରି, ସୁସ୍ତା, ସାସ୍‌, ଦୟା, ସତ୍‌ଗୁଣ୍‌, ପାର୍ତି କିନାକା, ହୁଦାର୍‌,

ଗାଲାତିୟ 5:22 ပူးပေါင်းရင်းမြစ်များ

ମାତିଉ 12:33

ଯୀଶୁ ଆରେରଗ ୱେଚ୍‌ଚାନ୍, “ହାର୍ଦି ମାନାୟ୍ ହାର୍ଦି କାମାୟ୍ କିନାନ୍, ଆରେ ବାନ୍ୟା ମାନାୟ୍ ବାନ୍ୟା କାମାୟ୍ କିନାନ୍। ହେଲେକେ ତା ପାଡ଼୍‌ ହୁଡ଼୍‌ଜି ମାର୍‌ତିଙ୍ଗ୍ ପୁନିୟା ଆନାତ୍ ହେଲେକେନେ ତା କାମାୟ୍ ହୁଡ଼୍‌ଜି ହେୱାରିଙ୍ଗ୍ ପୁନିଆନାତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 13:9

ଯଦି ୱାନିବାର୍‌ହୁ ଇମାର୍ତ ପାଡ଼୍‌ ୱାନାତ୍। ଆରେ ଯଦି ୱାନିବାର୍‌ହୁ ପା ପାଡ଼୍‌ ଆହ୍‌ୱିତିସ୍ ଇ ମାର୍‌ତିଙ୍ଗ୍ କାଦ୍‌ଦି ତୁସିହିୟା।’ ”

ଜହନ୍‌ 15:16

ଏପେଙ୍ଗ୍ ନାଙ୍ଗେଙ୍ଗ୍ ବାଚି କିଦ୍‌ୱାତାଦେର୍‌ନା, ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ବାଚି କିତ୍‌ତାଙ୍ଗ୍‌ନା। ଆରେ ଏପେଙ୍ଗ୍ ଇନେସ୍‌କି ପାଡ଼୍‌ ଆସ୍ତେଙ୍ଗ୍ ଆଡ୍‌ନାଦେର୍, ମି ପାଡ଼୍‌ ତିର୍‌ଆଜି ମାନ୍‌ଗାନାତ୍। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଇନାକା ଆବା ଈଶ୍ୱରତାକେ ଏନ୍‌ନାଦେର୍, ହେୱାନ୍ ମିଙ୍ଗେଙ୍ଗ୍ ହିଦ୍‌ନାନ୍, ଇନେସ୍‌କି ଏପେଙ୍ଗ୍ ଚେଲା କାଦେର୍।

ଜହନ୍‌ 15:2

ନାବେ ମାନି ଇମ୍‌ଣି କେନ୍ଦାତାକେ ପାଡ଼୍‌ ଆହ୍‌ୱିତିସ୍, ହେୱାନ୍ ହେଦାଙ୍ଗ୍‌ତିଙ୍ଗ୍ କାତ୍‌ନାନ୍। ଇମ୍‌ଣି କେନ୍ଦାତାକେ ପାଡ଼୍‌ ଆସ୍ତି ମାନାତ୍, ଆଦିକ୍ ପାଡ଼୍‌ ଆହ୍‌ନି କାଜିଙ୍ଗ୍ ହେ କେନ୍ଦାତିଙ୍ଗ୍ ଜାତୁନ୍ କିନାନ୍‌।

ଜହନ୍‌ 15:5

ଆନେଙ୍ଗ୍ ଅଙ୍ଗୁର୍ ମାର୍ ଆରେ ଏପେଙ୍ଗ୍ କେନ୍ଦା। ଇମ୍‌ଣାକାନ୍ ନାବେ ମାନ୍‌ଗାନାନ୍, ଆରେ ଆନେଙ୍ଗ୍ ତାବେ ମାନ୍‌ଗାନାଙ୍ଗ୍, ହେ ମାନାୟ୍ ବେସି ପାଡ଼୍‌ ଆହ୍‌ନାନ୍। ମାତର୍ ହେୱାନ୍ ନାବେ ମାନ୍‌ୱିତିସ୍ ହେୱାନ୍ ଇନାକାପା କିଦେଙ୍ଗ୍ ଆଡୁନ୍।

ରୋମିୟ 14:17

ଇନେସ୍‌କି ଈଶ୍ୱର ସାସନ୍ କିନି ରାଜି ତିନି ଉଣି ବିଷୟରେ ଆକାୟ୍, ମାତର୍ ଦରମ୍ ଲକ୍ ଆନି ବିଷୟ, ଶାନ୍ତିରେ ମାନି ବିଷୟ ଆରେ ପବିତ୍ର ଆତ୍ମା ହୁଦାଙ୍ଗ୍ ୱାରିୟାଆନି ବିଷୟ ନେ ମୁକ୍ୟ।

ରୋମିୟ 15:14

ଏ ଟଣ୍ଡାର୍‌କାଦେର୍ ଆନେଙ୍ଗ୍ ହାର୍ କିଜି ପୁଚାଙ୍ଗ୍‌ନା ଯେ, ଏପେଙ୍ଗ୍ ବେସି ହାର୍। ଏପେଙ୍ଗ୍ ଜାର୍-ଜାର୍‌ବିତ୍ରେ ହିକ୍ଷାହିଦେଙ୍ଗ୍ ଇ ୱିଜୁ ବିଷୟ ହାର୍ କିଜି ପୁଚାଦେର୍‌ନା।

ରୋମିୟ 15:3

ଇନେସ୍‌କି ଖ୍ରୀଷ୍ଟ ପା ଜାର୍‌ତିଙ୍ଗ୍ ୱାରି କିନିଲେକେ କାମାୟ୍ କିୱାଦାଙ୍ଗ୍ ମାଚାନ୍। ଇନେସ୍‌ଲେକେ ଦରମ୍ ସାସ୍ତର୍‌ତାକେ ଲେକାଆତାତ୍‌ନା, “ଇମ୍‌ଣି ମାନାୟାର୍ ମିଙ୍ଗେଙ୍ଗ୍ ଇନସ୍ତା କିଦ୍‌ନାର୍ ହେୱାର୍ ନାଙ୍ଗେଙ୍ଗ୍ ପା ଇନସ୍ତା କିଦ୍‌ନାରା।”

ରୋମିୟ 15:30

ଏ ଟଣ୍ଡାର୍‌କାଦେର୍, ଆନେଙ୍ଗ୍ ମିଙ୍ଗେଙ୍ଗ୍ ମାପୃ ଯୀଶୁ ଖ୍ରୀଷ୍ଟ ତର୍‍ଦାଙ୍ଗ୍ ଗୁୱାରି କିଦ୍‌ନାଙ୍ଗା, ଏପେଙ୍ଗ୍ ଈଶ୍ୱରତିଙ୍ଗ୍ ପାର୍ତାନା କିଜି ନା ଦୁଃକ୍ କଷ୍ଟତାକେ ମାହାଆଡ। ଏପେଙ୍ଗ୍ ନାଙ୍ଗେଙ୍ଗ୍ ଲାଡ୍ କିଜିମାଚି କାଜିଙ୍ଗ୍, ପବିତ୍ର ଆତ୍ମା ସାଇଜତାଙ୍ଗ୍ ଇଦାଙ୍ଗ୍ କିୟାଟ୍‌।

ରୋମିୟ 6:22

ମାତର୍ ନଙ୍ଗୟ୍ ଏପେଙ୍ଗ୍ ପାପ୍‌ନି ଶାକ୍ତିତାଙ୍ଗ୍ ମୁକ୍ତି ପାୟା ଆତାଦେର୍‌ନା ଆରେ ଈଶ୍ୱରତାକେ ଚାକର୍ ଆତାଦେର୍‌ନା। ନଙ୍ଗୟ୍ ଏପେଙ୍ଗ୍ ପବିତ୍ର ଆଦେଙ୍ଗ୍ ଆରେ ୱିଜ୍‌ୱି ଜିବୁନ୍ ପାୟା ଆଦେଙ୍ଗ୍ ଦରମ୍ କାମାୟ୍ କିନାଦେରା।

ରୋମିୟ 7:4

ହେଲେକେ ପାର୍ତିକିନି ଟଣ୍ଡାର୍‌କାଦେର୍, ଏପେଙ୍ଗ୍ ନଙ୍ଗୟ୍ ହେ ନିୟମ୍‌ନି ତାରେନ୍ ହିଲୁଦେର୍, ଇନେସ୍‌କି ଏପେଙ୍ଗ୍ ନିୟମ୍ କାଜିଙ୍ଗ୍ ହାଃତାଦେର୍‌ନା। ଏଚେପାଦ୍ନା ଖ୍ରୀଷ୍ଟ ହାଃତାନ୍ ଆରେ ଆରେରଗ ଜିବୁନ୍ ଆତାନ୍, ଏପେଙ୍ଗ୍ ତା ହୁଦାଙ୍ଗ୍ ହାଃତାଦେର୍ ଆରେ ତା ହୁଦାଙ୍ଗ୍ ଏକ୍ ଆତାଦେର୍‌ନା। ଲାଗିଙ୍ଗ୍ ଏପେଙ୍ଗ୍ ଈଶ୍ୱର କାଜିଙ୍ଗ୍ ହାର୍ କାମାୟ୍ କିଦେଙ୍ଗ୍ ଆଡ୍‌ନାଦେର୍।

ରୋମିୟ 8:5

ଇମ୍‌ଣି ମାନାୟାରିଙ୍ଗ୍ ପାପ୍‍କିନି ଇଚା କଣ୍ଟ୍ରୁଲ୍ କିନାତା, ହେୱାର୍ ପାପ୍‍କିନି ବିଷୟରେ ଚିନ୍ତା କିଜିମାନାର୍‌। ମାତର୍ ଇମ୍‌ଣି ମାନାୟାରିଙ୍ଗ୍ ପବିତ୍ର ଆତ୍ମା କଣ୍ଟ୍ରୁଲ୍ କିନାତା ହେୱାର୍ ହେ ଆତ୍ମାତିଙ୍ଗ୍ ସାର୍‌ଦା କିନିଲେକେ କାମାୟ୍ କିଦେଙ୍ଗ୍ ଚିନ୍ତା କିନାର୍।

୧ କରନ୍ତିୟ 13:13

ଲାଗିଙ୍ଗ୍ ଇ ତିନ୍‌ଗଟା ଜିନିଷ୍ ଆସେଙ୍ଗ୍ କିନି ଦର୍‌କାର୍। ଈଶ୍ୱରତିଙ୍ଗ୍ ପାର୍ତି କିନାକା, ତା ପାର୍ମାଣ୍‌ତିଙ୍ଗ୍ ଆହା ଇଡ଼୍‍ତାକା ଆରେ ଜେକନିକାରିଙ୍ଗ୍ ଲାଡ୍ କିନାକା। ଇ ତିନ୍‌ଗଟା ଜିନିଷ୍ ବିତ୍ରେତାଙ୍ଗ୍ ଜେକନିକାରିଙ୍ଗ୍ ଲାଡ୍ କିନାକା ଗାଜା ବିଷୟ।

ଗାଲାତିୟ 5:13

ଇନେସ୍‌କି ଏ ଟଣ୍ଡାର୍‌କାଦେର୍, ଈଶ୍ୱର ମିଙ୍ଗେଙ୍ଗ୍ ସ୍ୱାଦିନ୍ ଆଜି ମାନି କାଜିଙ୍ଗ୍ କୁକ୍ତାତାନ୍‌ନା। ଲାଗିଙ୍ଗ୍ ମି ଗାଗାଡ଼୍‌ନି ଇଚାତାଙ୍ଗ୍ ପୁରା କିଦେଙ୍ଗ୍ ମି ସ୍ୱାଦିନ୍‌ତିଙ୍ଗ୍ ବ୍ୟବହାର୍ କିମାଟ୍, ମାତର୍ ଲାଡ୍‌ତାଙ୍ଗ୍ ଜାର୍-ଜାର୍‌ତିଙ୍ଗ୍ ହେବା କିନି କାଜିଙ୍ଗ୍ ବ୍ଯବହାର୍ କିୟାଟ୍।

ଏପିସିୟ 4:23

ନଙ୍ଗୟ୍ ପବିତ୍ର ଆତ୍ମା ମି ଚିନ୍ତା ଆରେ ବାବ୍‌ନାତିଙ୍ଗ୍ ପୁନାକା କିଦେତ୍।

ଏପିସିୟ 5:9

ଇନେସ୍‌କି ଅଜଡ଼୍‌ନି ପାଡ଼୍‌ ଆନାତା, ହାର୍ କାମାୟ୍, ଦରମ୍ କାମାୟ୍ କିନାକା, ଆରେ ସତ୍ ବ୍ୟବହାର୍ କିୟାଟ୍।

ପିଲିପିୟ 1:11

ମାର୍ ଇନେସ୍ ପାଡ଼୍‌ ଆହ୍‌ନାତ୍ ଏପେଙ୍ଗ୍ ପା ଯୀଶୁ ଖ୍ରୀଷ୍ଟ ସାଇଜତାଙ୍ଗ୍ ଦରମ୍ କାମାୟ୍ କିନାଦେର୍। ଏଲେଙ୍ଗ୍ ଆତିସ୍ ମାନାୟାର୍ ଈଶ୍ୱରତିଙ୍ଗ୍ ସନ୍‌ମାନ୍ ଆରେ ଜୟ୍-ଜୟ୍ କିନାର୍।

କଲସିୟ 1:10

ଆରେ ଏପେଙ୍ଗ୍ ଇନେସ୍‌କି ମାପୃଙ୍ଗ୍ ୱିଜୁଦିନ୍ ସନ୍‌ମାନ୍ ଆରେ ୱାରି କିତିଲେକେ ଜିବୁନ୍ କାଟିକିନାଦେର୍। ଏପେଙ୍ଗ୍ ୱିଜୁଦିନ୍ ହାର୍ଦି କାମାୟ୍ କିନାଦେର୍, ଆରେ ଈଶ୍ୱରତିଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ହାର୍‌ଦାଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାଦେର୍।

୨ ଥେସଲନୀକିୟ 3:2

ବେସି କରାପ୍ ଆରେ ଦୁଷ୍ଟ ମାନାୟାର୍‌ତାଙ୍ଗ୍ ଉଦାର୍ ପାୟାଆନି କାଜିଙ୍ଗ୍ ଏପେଙ୍ଗ୍ ମା କାଜିଙ୍ଗ୍ ଈଶ୍ୱରତାକେ ପାର୍ତାନା କିୟାଟ୍। ଇନେସ୍‌କି କେତେକ୍ ମାନାୟାର୍ ମାପୃ ଯୀଶୁ ବିଷୟରେ ୱେନାର୍ ଆରେ ପାର୍ତି କିଉର୍।

୧ ତିମତି 3:11

ହେଲେକେ କଗ୍‍ଲେକ୍ ପା ସନ୍‌ମାନ୍ ପାୟାଆନି ତା କଗ୍‌ଲେ ଆନାକା ମାନାତ୍, ଗାଣ୍‌ଜୁ କିୱାକା ମାନାତ୍, ୱିଜୁ ପରିସ୍ତିତିତାକେ ପା ହେଦେଲ୍ କଣ୍ଟ୍ରୁଲ୍ ଆରେ ବିସ୍‌ବାସ୍‌ତ ଆଜି ମାନାକା ମାନାତ୍।

୧ ତିମତି 4:12

ଏନେଙ୍ଗ୍ ବେଣ୍ଡିଆ ହିମ୍‌ଣା ଆତାଇନା ଇଞ୍ଜି ଇନେର୍ ନିଙ୍ଗେଙ୍ଗ୍ ଇନସ୍ତା କିଦ୍‌ମେର୍, ଲାଗିଙ୍ଗ୍ ଏନେଙ୍ଗ୍ ବେଣ୍‌କିନିହିଙ୍ଗ୍। ନି ଚାଲିଚଲନ୍‌ତାକେ, ଜେକନିକାରିଙ୍ଗ୍ ଲାଡ୍ କିନିହିଙ୍ଗ୍, ଖ୍ରୀଷ୍ଟ ପାର୍ତିତାଙ୍ଗ୍, ସାଦୁ ଜିବୁନ୍ କାଟିକିଜି ପାର୍ତି କିନାକାର୍ ମୁମ୍‌ଦ ହାର୍ ଆଜି ମାନା।

୧ ପିତର 1:22

ଇନେସ୍‌କି ଏପେଙ୍ଗ୍ ସତ୍‌ତିଙ୍ଗ୍ ମାନିକିତି କାଜିଙ୍ଗ୍ ହେୱାନ୍ ମିଙ୍ଗେଙ୍ଗ୍ ପାପ୍‌ତିଙ୍ଗ୍ ନୁସ୍‌ଦାତାନ୍‌ନା, ଲାଗିଙ୍ଗ୍ ଏପେଙ୍ଗ୍ ନଙ୍ଗୟ୍ ମି ପାର୍ତିନି ଟଣ୍ଡାରିଙ୍ଗ୍ ଟକାୟ୍ କିୱାଦାଙ୍ଗ୍ ହାତ୍‌ପା ଲାଡ୍‌କିନି ଦର୍‌କାର୍। ଏପେଙ୍ଗ୍ ଜାର୍-ଜାର୍‌ବିତ୍ରେ ଗରବ୍‌ତାଙ୍ଗ୍ ଲାଡ୍‌କିଜି ମାନାଟ୍।

୧ ପିତର 1:8

ଏପେଙ୍ଗ୍ ଯୀଶୁଙ୍ଗ୍ ଇନାୱେଡ଼ାଙ୍ଗ୍ ପା ହୁଡ଼୍‌ୱାତାଦେର୍‌ନା, ମାତର୍ ନଙ୍ଗୟ୍ ପାତେକ୍ ହେୱାନିଙ୍ଗ୍ ଲାଡ୍ କିନାଦେରା। ଏପେଙ୍ଗ୍ ନଙ୍ଗୟ୍ ଯୀଶୁଙ୍ଗ୍ ହୁଡ଼୍‌ୱାତାଦେର୍‌ନା ମାତର୍ ଏପେଙ୍ଗ୍ ଯୀଶୁଙ୍ଗ୍ ପାର୍ତି କିନାଦେରା। ଲାଗିଙ୍ଗ୍ ଏପେଙ୍ଗ୍ ବେସି ୱାରିୟା ଆନାଦେରା ହେଦାଙ୍ଗ୍ କାତା ୱେଚ୍‌ଚି ବୁଜାୟ୍ କିୟି ଆଉତ୍।

୧ ପିତର 5:12

ନା ହୁଦାଙ୍ଗ୍ ମାନି ପାର୍ତିକିନି ଟଣ୍ଡେନ୍ ଶିଲା ସାଇଜତାଙ୍ଗ୍ ଇ ହିରୁ ଚିଟି ମି କାଜିଙ୍ଗ୍ ଲେକିକିନାଙ୍ଗା, ଆନେଙ୍ଗ୍ ତା ବିଷୟରେ ମିଙ୍ଗେଙ୍ଗ୍ ୱେଚ୍‌ଚି ମାନ୍‌ଞ୍ଚାଙ୍ଗ୍ ଯେ, ହେୱାନ୍ ରକାନ୍ ହାର୍‌ଦାଙ୍ଗ୍ ପାର୍ତିକିନାକାନ୍। ଆନେଙ୍ଗ୍ ମିଙ୍ଗେଙ୍ଗ୍ ସାସ୍ କିଦ୍‌ନି କାଜିଙ୍ଗ୍ ଆରେ ଈଶ୍ୱର ମିଙ୍ଗେଙ୍ଗ୍ ଦୟା କିତ୍‌ତି କାଜିଙ୍ଗ୍ ଇ ୱିଜୁ ଗଟାଆନାତା, ହେଦାଙ୍ଗ୍ ପୁନି କିଦ୍‌ନି କାଜିଙ୍ଗ୍ ଇ ଚିଟି ଲେକିକିନାଙ୍ଗା।