ଗାଲାତିୟ 5:12 - New Testament in Pengo Parja Language

¹² ଇମ୍‌ଣାକାର୍ ମିଙ୍ଗେଙ୍ଗ୍ ସୁନତ ବିଦି ମାନିକିନି ବୁଲ୍ ହିକ୍ଷାହିଜି ବାଦା ହିତ୍‌ତାର୍‌ନା, ହେୱାର୍ ହେ ଜିନିଷ୍ ପା ହଣ୍ଡି ଆତିସ୍ ହାର୍ ଆତାତ୍‌ମା।

ସତ୍‌ ବଚନ୍‌ ପୁନି ନିୟମ୍‌

¹² ଇମ୍‌ଣାକାର୍‌ ମିଙ୍ଗେଙ୍ଗ୍‌ ତିର୍‌ ଆୱାଦାଂ କିତ୍‍ତାର୍‌ନା, ହେୱାର୍‌ ପୁରା ସାକ୍ତି ହିଲିୱିତି ଲାକେ ଆତିସ୍‌, ହାର୍‌ ଆତାତ୍ମା ।

ଗାଲାତିୟ 5:12 ပူးပေါင်းရင်းမြစ်များ

ଜହନ୍‌ 9:34

ଯିହୁଦି ନେତାର୍ ୱେଚ୍‌ଚାର୍, “ଏନେଙ୍ଗ୍ ତ ୱିଜୁ ପାପ୍‌ତାଙ୍ଗ୍ ଜନମ୍ ଆତାଇନା। ଏନେଙ୍ଗ୍ ଇନାକା ମାଙ୍ଗେଙ୍ଗ୍ ହିକ୍ଷା ହିଦ୍‌ଦେଙ୍ଗ୍ ଉପାୟ୍ କିଦ୍‌ନାୟା?” ଏଲେଙ୍ଗ୍ ୱେଚ୍‌ଚାର୍ ଆରେ ଯିହୁଦିର୍ ପାର୍ତାନା ଇଞ୍ଜାଙ୍ଗ୍ ଜବର୍‌ଦସ୍ତିରେ ବାର୍ତ ହପ୍ତାର୍।

ପକ୍ୟାତାକା 15:24

ଆପେଙ୍ଗ୍ ୱେଚାପ୍‌ନା, ମା ଆଦେସ୍ ହିୱାଦାଙ୍ଗ୍ ମା ବିତ୍ରେତାଙ୍ଗ୍ କେତେକ୍ ମାନାୟ୍ ମି ଲାଗାୟ୍ ୱାତାର୍, ଆରେ ହେୱାର୍ କେତେକ୍ କାତା ୱେଚ୍‌ଚି ମି ମାନ୍‌ତିଙ୍ଗ୍ ବୁଲ୍‌କାଇ କିଜି ଚାନିଆ କିୟିକିତ୍‌ତାର୍।

ପକ୍ୟାତାକା 5:5

ଇ ୱିଜୁବେଣ୍ ୱେଚିଦାପ୍ରେ ହନନିୟ ଆଲ୍‌ଟା ଆଜି ଗୁର୍‌ଜି ହାଃତାନ୍। ହେବେ ମାଚି ମାନାୟାର୍ ଇବେଣ୍ ୱେନ୍‌ଞ୍ଜି ବେସି ପାଣ୍ଡ୍ରା ଆତାର୍।

ପକ୍ୟାତାକା 5:9

ତାପାଚେ ପିତର ହେଦେଲିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ର ମାନ୍‌ଆଜି ପବିତ୍ର ଆତ୍ମାତିଙ୍ଗ୍ ଇନାକାଦେଙ୍ଗ୍ ପରିକ୍ଷା କିତାଦେର୍? ହୁଡ଼ା, ଇମ୍‌ଣାକାର୍ ନି ଡକ୍ରାଦିଙ୍ଗ୍ ଦୁଗେର୍‌ତାକେ ମୁଚ୍‍କାତାର୍, ହେୱାର୍ ଦୁୱେର୍ ଲାଗାୟ୍ ଏକିୱାତାରେ, ଆରେ ହେୱାର୍ ନିଙ୍ଗେଙ୍ଗ୍ ପା ମୁଚ୍‍ଚେଙ୍ଗ୍ ପିଣ୍‌ଜି ଅଦ୍ନାର୍‌।”

୧ କରନ୍ତିୟ 5:13

ମାତର୍ ଈଶ୍ୱର ଖ୍ରୀଷ୍ଟଙ୍ଗ୍ ପାର୍ତିକିୱି ମାନାୟାରିଙ୍ଗ୍ ବିଚାର୍ କିନାନ୍, ଇନେସ୍‌ଲେକେ ଦରମ୍ ସାସ୍ତର୍ ୱେଚ୍‌ଚାତାନ୍‌ନା ଯେ, ହେଲେକେ କରାପ୍ କାମାୟ୍ କିନି ମାନାୟ୍‌ତିଙ୍ଗ୍ ମି ମଣ୍ଡ୍‌ଲିତାଙ୍ଗ୍ ହପାଟ୍‌।

ଗାଲାତିୟ 2:4

ମାତର୍ ଇଦାଙ୍ଗ୍ ଜାମ୍‌ଲା ଆତାତ୍, ଏଚେପାଦ୍ନା କେତେକ୍ ନକ୍‌ଲି ପାର୍ତିକିନି ଟଣ୍ଡାର୍ ମା ବିତ୍ରେ ଇନେର୍ ପୁନ୍‌ୱାଦାଙ୍ଗ୍ ୱାତାର୍। ହେୱାର୍ ଡ଼ୁଗ୍‌ଜି-ଡ଼ୁଗ୍‌ଜି ମାଙ୍ଗେଙ୍ଗ୍ ହୁଡ଼୍‌ଜି ମାନ୍‌ଞ୍ଚାର୍। ଆରେ ହେୱାର୍ ମା ଇମ୍‌ଣି ସ୍ୱାଦିନ୍ ଯୀଶୁ ଖ୍ରୀଷ୍ଟତାକେ ମାନାତ୍, ହେବେତାଙ୍ଗ୍ ମାଙ୍ଗେଙ୍ଗ୍ ହପ୍‌ଚି ଯିହୁଦିର୍ ନିୟମ୍‌ନି ଦାସ୍ କିଦ୍‌ଦେଙ୍ଗ୍ ଉପାୟ୍ କିଜି ମାନ୍‌ଞ୍ଚାର୍।

ଗାଲାତିୟ 5:10

ମାପୃ ମିଙ୍ଗେଙ୍ଗ୍ ବୁଲ୍ ହିକ୍ଷା ଆହ୍‌ନିତାଙ୍ଗ୍ ରକ୍ଷା କିଦ୍‌ନାନ୍ ଇଞ୍ଜି ଆନେଙ୍ଗ୍ ପାର୍ତି କିନାଙ୍ଗା। ମାତର୍ ଇନେର୍ ମିଙ୍ଗେଙ୍ଗ୍ ବାଦା ହିଦ୍‌ନାରା, ହେୱାରିଙ୍ଗ୍ ଈଶ୍ୱର ଦଣ୍ଡ୍ ହିନାନ୍।

ତୀତସ 3:10

ଇମ୍‌ଣି ମାନାୟ୍ ବୁଲ୍ ହିକ୍ଷାହିଜି ମଣ୍ଡ୍‌ଲିତିଙ୍ଗ୍ ବାଗ୍‌କିଦେଙ୍ଗ୍ ଉପାୟ୍ କିନାନ୍, ଇଲେକେ ମାନାୟ୍‌ତିଙ୍ଗ୍ ରଗ, ଆୱିତିସ୍ ରିହା ଜାଗ୍ରତ୍ କିୟିକିଜି ଟିକ୍ କିୟାଟ୍। ଯଦି ହେୱାନ୍ ୱେନ୍‌ୱିତିସ୍, ଲାଗିଙ୍ଗ୍ ତାବେତାଙ୍ଗ୍ ଦେହାଆଡ।