ଗାଲାତିୟ 4:31 - New Testament in Pengo Parja Language

³¹ ଇଦାଙ୍ଗ୍ କାଜିଙ୍ଗ୍, ଏ ପାର୍ତିକିନି ଟଣ୍ଡାର୍‌କାଦେର୍, ଆପେଙ୍ଗ୍ ଦାସିନି ହିମ୍‌ଣାକାପ୍ ଆକାୟ୍, ମାତର୍ ସ୍ୱାଦିନ୍ ପାୟାଆତି କଗ୍‌ଲେ ମେହି।

ସତ୍‌ ବଚନ୍‌ ପୁନି ନିୟମ୍‌

³¹ ଲାଗିଂ, ଟଣ୍ଡାର୍‌ ଆରି ତଣ୍‌ଦେକ୍‌ ଆସେଙ୍ଗ୍‌ କଡ଼୍‌କା ଆଡ଼ିଏଣି ହିମ୍‌ଣାଂ ଆକାୟ୍‌, ମତର୍‌ ଜାର୍‌ କଗ୍‌ଲେନି ହିମ୍‌ଣାଂ ।

ଗାଲାତିୟ 4:31 ပူးပေါင်းရင်းမြစ်များ

ଜହନ୍‌ 8:36

ଯଦି ହେ ହିମ୍‌ଣା ମିଙ୍ଗେଙ୍ଗ୍ ମୁକ୍ତି ହିଦ୍ନାନାନ୍‌, ଲାଗିଙ୍ଗ୍ ଏପେଙ୍ଗ୍ ହାତ୍‌ପା ମୁକ୍ତି ପାୟାଆନାଦେର୍।

ଗାଲାତିୟ 4:22

ପବିତ୍ର ସାସ୍ତର୍‌ତାକେ ଲେକାଆତାତ୍‌ନା, ଅବ୍ରାହାମତିଙ୍ଗ୍ ରିକାର୍ ମେହିର୍ ମାଚାର୍, ରକାନ୍ ଦାସିତାଙ୍ଗ୍ ଆରେ ରକାନ୍ ସ୍ୱାଦିନ୍ ପାୟାଆତି କଗ୍‌ଲେତାଙ୍ଗ୍ ଜନମ୍ ଆଜି ମାଚାନ୍।

ଗାଲାତିୟ 4:30

ମାତର୍ ନିୟମ୍ ସାସ୍ତର୍ ଇ ବିଷୟରେ ଇନାକା ୱେଚ୍‌ନାତ୍‌? “ଦାସି ଆରେ ତା ହିମ୍‌ଣାତିଙ୍ଗ୍ ବାର୍ତ ହପାଟ୍‌; ଇନେସ୍‌କି ସ୍ୱାଦିନ୍ ପାୟାଆତି କଗ୍‌ଲେନି ହିମ୍‌ଣା ହୁଦାଙ୍ଗ୍ ଅଦିକାର୍ ଆଦେଙ୍ଗ୍ ଆଡୁନ୍।”

ଗାଲାତିୟ 5:1

ଖ୍ରୀଷ୍ଟ ମାଙ୍ଗେଙ୍ଗ୍ ମୋଶା ନିୟମ୍ ସାସ୍ତର୍‌ତାଙ୍ଗ୍ ସ୍ୱାଦିନ୍ କିତ୍‌ତାନ୍‌ନା। ଲାଗିଙ୍ଗ୍ ଏପେଙ୍ଗ୍ ନଙ୍ଗୟ୍ ଆରେ ନିୟମ୍ ସାସ୍ତର୍‌ନି ଦାସ୍ ଆଜି ମାଞ୍ଜେଙ୍ଗ୍ ଉପାୟ୍ କିୱାଦାଙ୍ଗ୍, ସ୍ୱାଦିନ୍ ଆଜି ମାନାଟ୍।

ଗାଲାତିୟ 5:13

ଇନେସ୍‌କି ଏ ଟଣ୍ଡାର୍‌କାଦେର୍, ଈଶ୍ୱର ମିଙ୍ଗେଙ୍ଗ୍ ସ୍ୱାଦିନ୍ ଆଜି ମାନି କାଜିଙ୍ଗ୍ କୁକ୍ତାତାନ୍‌ନା। ଲାଗିଙ୍ଗ୍ ମି ଗାଗାଡ଼୍‌ନି ଇଚାତାଙ୍ଗ୍ ପୁରା କିଦେଙ୍ଗ୍ ମି ସ୍ୱାଦିନ୍‌ତିଙ୍ଗ୍ ବ୍ୟବହାର୍ କିମାଟ୍, ମାତର୍ ଲାଡ୍‌ତାଙ୍ଗ୍ ଜାର୍-ଜାର୍‌ତିଙ୍ଗ୍ ହେବା କିନି କାଜିଙ୍ଗ୍ ବ୍ଯବହାର୍ କିୟାଟ୍।