ଗାଲାତିୟ 3:28 - New Testament in Pengo Parja Language

²⁸ ଲାଗିଙ୍ଗ୍ ଯିହୁଦି ଜାତି କି ବିନ୍‌ଜାତି, ଦାସ୍ କି ଦାସ୍ ଆୱିତି ମାନାୟ୍, ଆଣ୍ଡ୍ରା କି କଗ୍‌ଲେ ବିତ୍ରେ ଇନାକା ପା ଜେକ ଆକାୟ୍। ଇନେସ୍‌କି ଏପେଙ୍ଗ୍ ଯୀଶୁ ଖ୍ରୀଷ୍ଟତାକେ ରବେ ଆତାଦେର୍‌ନା।

ସତ୍‌ ବଚନ୍‌ ପୁନି ନିୟମ୍‌

²⁸ ଲାଗିଂ ଜିହୁଦି ଆରି ପାର୍ତିକିୱି ଜିହୁଦି, ଗ୍ରିକ୍‌, ଆଡ଼ିଏନ୍‌ କି ଜାର୍‌ତାରେନ୍‌, ଆଣ୍ଡ୍ରେନ୍‌ କି କଗ୍‌ଲେ, ମି ବିତ୍ରେ ମୁଡ଼େପା ବିନେ ଆକାୟ୍‌ । ଏପେଙ୍ଗ୍‌ ୱିଜ଼ାର୍‌ ଜିସୁ କ୍ରିସ୍ଟ ଲାହାଂ ମେହାଜ଼ି ଏକ୍‌ ଆତାଦେର୍ଣ୍ଣା ।

ଗାଲାତିୟ 3:28 ပူးပေါင်းရင်းမြစ်များ

ଜହନ୍‌ 10:16

ନା ଜେକନି ମେଣ୍ଢାଙ୍ଗ୍ ପା ମାନିକ୍, ହେୱେକ୍ ଇ ମାନ୍ଦାତାକେ ହିଲୁକ୍। ମାତର୍ ଆନେଙ୍ଗ୍ ହେୱେକିୟାଙ୍ଗ୍ ପା ତାନାଙ୍ଗ୍। ହେୱେକ୍ ନା ବେଣ୍ ୱେନିକ୍, ଆରେ ୱିଜୁଦିନ୍‌ତିଙ୍ଗ୍ ର ମାନ୍ଦାଆଜି ମାନ୍‌ଗିନିକ୍, ଆରେ ହେ ମାନ୍ଦାତିଙ୍ଗ୍ ଆନେଙ୍ଗ୍ ରକାଙ୍ଗ୍ ଗଡ଼ିୟା ଆନାଙ୍ଗ୍।

ଜହନ୍‌ 11:52

ଆଁ ଯିହୁଦି ଜାତିର୍ କାଜିଙ୍ଗ୍, ଇସ୍ରାଏଲ ଜାତିନି ମାନାୟାର୍ କାଜିଙ୍ଗ୍ ଆରେ ଇମ୍‌ଣାକାର୍ ପୁର୍ତି ଚାରିବେଣ୍‌ତାଙ୍ଗ୍ ଈଶ୍ୱରତାଙ୍ଗ୍ ଚିନ୍‌ବିନ୍ ଆତାକାରିଙ୍ଗ୍ ପା ୱିଜାକାରିଙ୍ଗ୍ ଏକ୍ କିଦେଙ୍ଗ୍ ଯୀଶୁ ହାଃନାନ୍।

ଜହନ୍‌ 17:11

ଆନେଙ୍ଗ୍ ନଙ୍ଗୟ୍‌ନି ଲାଗାୟ୍ ୱାନାଙ୍ଗା। ଆନେଙ୍ଗ୍ ନଙ୍ଗୟ୍ ପୁର୍ତିତାକେ ଆରେ ମାନୁଙ୍ଗ୍। ମାତର୍ ଇ ମାନାୟାର୍ ପୁର୍ତିତାକେ ମାନାର୍। ହେ ପବିତ୍ର ଆବା ଈଶ୍ୱର, ଏନେଙ୍ଗ୍ ହେୱାରିଙ୍ଗ୍ ହାର୍‌ଦାଙ୍ଗ୍ ଇଟା। ଇନେସ୍‌କି ଏନେଙ୍ଗ୍ ଆରେ ଆନେଙ୍ଗ୍ ଏକ୍ ମାନାସ୍, ହେଲେକେ ହେୱାର୍ ରବେଆଜି ଏକ୍ ଆଦେଙ୍ଗ୍ ଆଡ୍‌ନାର୍।

ରୋମିୟ 1:16

ଆନେଙ୍ଗ୍ ପୁରାପୁରି ବାବ୍‌ରେ ଖ୍ରୀଷ୍ଟତି ହାର୍ଦିକାବୁର୍‌ତିଙ୍ଗ୍ ପାର୍ତି କିନାଙ୍ଗା। ଇନେସ୍‌କି ହେଦାଙ୍ଗ୍ ୱିଜୁ ମାନାୟ୍‌ତିଙ୍ଗ୍ ଉଦାର୍ କିନି ଈଶ୍ୱରତି ଶାକ୍ତି, ଏଚେଜାଣ୍ ହାର୍ଦିକାବୁର୍‌ତିଙ୍ଗ୍ ପାର୍ତିକିନାର୍। ପାର୍ତୁମ୍ ଯିହୁଦି ମାନାୟ୍‌ତିଙ୍ଗ୍ ଉଦାର୍ କିଦେଙ୍ଗ୍ ଆରେ ପାଚେ ବିନ୍‌ଜାତିରିଙ୍ଗ୍ ଉଦାର୍ କିନାତ୍।

ରୋମିୟ 3:22

ତା ଅର୍ତ ଇଲେକେ ଯେ, ଏଚେପାଦ୍ନା ଆସେଙ୍ଗ୍ ଯୀଶୁ ଖ୍ରୀଷ୍ଟଙ୍ଗ୍ ମା ପାପ୍ ପିଣ୍‌ଜି ଅନାନ୍ ଇଞ୍ଜି ପାର୍ତି କିନାସ୍, ଈଶ୍ୱର ମାଙ୍ଗେଙ୍ଗ୍ ଦରମ୍ ମାନାୟ୍ କିଦ୍‌ନାନ୍। ଆସେଙ୍ଗ୍ ଯିହୁଦି ଆଏସ୍‌ କି ବିନ୍ ଜାତିନିକାସ୍ ଆଏସ୍ ୱିଜାରିଙ୍ଗ୍ ହାମାନ୍ ଅଦିକାର୍ ହିତ୍‌ତାନ୍‌ନା।

ରୋମିୟ 8:1

ଲାଗିଙ୍ଗ୍ ନଙ୍ଗୟ୍ ଏଚେଜାଣ୍ ଯୀଶୁ ଖ୍ରୀଷ୍ଟନି ଲକ୍ ଆତାର୍‌ନା, ହେୱାରିଙ୍ଗ୍ ଈଶ୍ୱର ଦସ୍ କିଉନ୍।

ରୋମିୟ 9:24

ଆସେଙ୍ଗ୍ ପା ଦୟା ପାୟାଆନି ଅଦିକାର୍ ମାନାତ୍, ଏଚେଜାଣ୍‌ତିଙ୍ଗ୍ ହେୱାନ୍ ଯିହୁଦି ଜାତିନି ମାନାୟାର୍‌ତାଙ୍ଗ୍ ଆରେ ବିନ୍‌ଜାତିନି ମାନାୟାର୍‌ତାଙ୍ଗ୍ ବାଚି କିତାନ୍‌ନା।

୧ କରନ୍ତିୟ 7:14

ଯଦି ଖ୍ରୀଷ୍ଟାନ୍ ଆୱିତି ଆଣ୍ଡ୍ରେନିଙ୍ଗ୍ ଖ୍ରୀଷ୍ଟାନ୍ କଗ୍‌ଲେ ମାନାତ୍। ଲାଗିଙ୍ଗ୍ ନି ଆଣ୍ଡ୍ରେନ୍ ମାପୃ ଯୀଶୁନି ମାନାୟ୍ ଆନାନ୍, ଇନେସ୍‌କି ଏନେଙ୍ଗ୍ ଖ୍ରୀଷ୍ଟାନ୍ କଗ୍‌ଲେ ଆଜିମାଚି କାଜିଙ୍ଗ୍। ହେଲେକେ ଯଦି ଖ୍ରୀଷ୍ଟାନ୍ ଆଣ୍ଡ୍ରେନିଙ୍ଗ୍ ଖ୍ରୀଷ୍ଟାନ୍ ଆୱିତି କଗ୍‌ଲେ ମାନାତ୍, ହେ କଗ୍‌ଲେ ମାପୃ ଯୀଶୁନି ମାନାୟ୍ ଆନାତ୍, ଇନେସ୍‌କି ଏନେଙ୍ଗ୍ ଖ୍ରୀଷ୍ଟାନ୍। ଯଦି ହାତ୍‌ପା ଖ୍ରୀଷ୍ଟାନ୍ ଆୱିତି ଆଣ୍ଡ୍ରେନ୍ କି କଗ୍‌ଲେ ଈଶ୍ୱରନି ମାନାୟ୍ ଆୱାଦାଙ୍ଗ୍ ମାନ୍‍ଙ୍ଗାନାର୍, ଲାଗିଙ୍ଗ୍ ମି ହିମ୍‌ଣାୱାକ୍‌ଡ଼ା ପା ଈଶ୍ୱର ମାନାୟାର୍ ଆଉର୍। ମାତର୍ ନଙ୍ଗୟ୍ ମି ହିମ୍‌ଣାୱାକ୍‌ଡ଼ା ପା ଈଶ୍ୱର ମାନାୟାର୍ ଆତାର୍‌ନା।

୧ କରନ୍ତିୟ 7:19

ଇନେସ୍‌କି ଯଦି ର ମାନାୟ୍ କାଜିଙ୍ଗ୍ ସୁନତ ଆନାକା କି ଆୱାକା ହେଦାଙ୍ଗ୍ ମୁକ୍ଯ ବିଷୟ ଆକାୟ୍, ମାତର୍ ଈଶ୍ୱର ଆଦେସ୍‌ତିଙ୍ଗ୍ ମାନିକିନାକା ନେ ମୁକ୍ଯ ବିଷୟ।

ଗାଲାତିୟ 3:14

ଖ୍ରୀଷ୍ଟତି ଇ କାମାୟ୍ କାଜିଙ୍ଗ୍, ଈଶ୍ୱର ଅବ୍ରାହାମତିଙ୍ଗ୍ କିଜିମାଚି ମାର୍ମାଣ୍‌ନି ହାମାନ୍ ଆଶ୍ରିବାଦ୍ ବିନ୍‌ଜାତିନି ମାନାୟାରିଙ୍ଗ୍ ହିତାନ୍। ଖ୍ରୀଷ୍ଟତାକେ ପାର୍ତିକିନି କାଜିଙ୍ଗ୍ ଈଶ୍ୱର ପାର୍ମାଣ୍‌କିତି ପବିତ୍ର ଆତ୍ମାତିଙ୍ଗ୍ ମାଙ୍ଗେଙ୍ଗ୍ ହିତ୍‌ତାନ୍‌ନା।

ଗାଲାତିୟ 3:26

ଲାଗିଙ୍ଗ୍ ଯୀଶୁ ଖ୍ରୀଷ୍ଟତାକେ ପାର୍ତିକିତି କାଜିଙ୍ଗ୍ ଆସେଙ୍ଗ୍ ଈଶ୍ୱର ହିମ୍‌ଣା ଆତାସ୍‌ନା।

ଗାଲାତିୟ 4:14

ନା ଗାଗାଡ଼୍ ହାର୍ ହିଲିତିସ୍ ପା, ଏପେଙ୍ଗ୍ ନାଙ୍ଗେଙ୍ଗ୍ ଇନସ୍ତା କିଦ୍‌ୱାତାଦେର୍ କି ଗିଣ୍ କିଦ୍‌ୱାତାଦେର୍। ମାତର୍ ଏପେଙ୍ଗ୍ ନାଙ୍ଗେଙ୍ଗ୍ ରକାନ୍ ଈଶ୍ୱର ଦୁତ୍ ଲେକେ ଜାତୁନ୍ କିତ୍‌ତାଦେର୍, ଆରେ ଯୀଶୁ ଖ୍ରୀଷ୍ଟଙ୍ଗ୍ ଆସ୍ତି ଲେକେ ନାଙ୍ଗେଙ୍ଗ୍ ଆସ୍ତାତାଦେର୍।

ଗାଲାତିୟ 5:24

ଇମ୍‌ଣାକାର୍ ଯୀଶୁ ଖ୍ରୀଷ୍ଟନି ମାନାୟ୍, ହେୱାର୍ ତା ଗାଗାଡ଼୍‌ନି ଇଚା ଆରେ କରାପ୍ ଚିନ୍ତାତିଙ୍ଗ୍ ତା କୃଶକାଟ୍‌ତାକେ ଅସ୍ତାର୍‌ନା।

ଗାଲାତିୟ 5:6

ସୁନତ ବିଦି ମାନିକିତିସ୍ କି କିୱିତିସ୍ ଇନା ମୁଲ୍ୟ ଆକାୟ୍, ଏଚେପାଦ୍ନା ଆପେଙ୍ଗ୍ ଯୀଶୁ ଖ୍ରୀଷ୍ଟତାକେ ପାର୍ତି କିନାପା। ଲାଗିଙ୍ଗ୍ ମୁଡ଼୍ ବିଷୟ ଆନାତା ଖ୍ରୀଷ୍ଟଙ୍ଗ୍ ପାର୍ତି କିନାସ୍, ହେଦାଙ୍ଗ୍ ଜେକନିକାରିଙ୍ଗ୍ ଲାଡ୍‌କିନି କାଜିଙ୍ଗ୍ ମାଙ୍ଗେଙ୍ଗ୍ ସାଇଜ କିଦ୍‌ନାତା।

ଏପିସିୟ 1:1

ଆନେଙ୍ଗ୍ ପାଉଲ ଈଶ୍ୱର ଇଚାତାଙ୍ଗ୍ ଯୀଶୁ ଖ୍ରୀଷ୍ଟନି ରକାଙ୍ଗ୍ ବାଚିକିତି ଚେଲା। ଏପିସ ସହର୍‌ତାକେ ମାନି ସାଦୁ ଆରେ ଖ୍ରୀଷ୍ଟତାକେ ପାର୍ତିକିନି ମାନାୟାର୍ ଲାଗାୟ୍ ଆନେଙ୍ଗ୍ ଇ ଚିଟି ଲେକିକିନାଙ୍ଗା।

ଏପିସିୟ 4:4

ମା ୱିଜୁ ପାର୍ତି କିନାକାଦେର୍ ର ଗାଗାଡ଼୍‌ନି ଜିନିଷ୍ ଲେକେ, ଆସେଙ୍ଗ୍ ୱିଜାକାସ୍ ହାମାନ୍ ଆତ୍ମା ପାୟାଆତାସ୍‌ନା, ହେଲେକେ ଈଶ୍ୱର ତା ମାନାୟ୍ ଲେକେ କୁକ୍ତିନିହିଙ୍ଗ୍ ଏପେଙ୍ଗ୍ ହାମାନ୍ ଆହା ପାୟା ଆତାଦେର୍‌ନା।

ପିଲିପିୟ 1:1

ଆପେଙ୍ଗ୍, ପାଉଲ ଆରେ ତିମତି, ରିକାପ୍ ଯୀଶୁ ଖ୍ରୀଷ୍ଟନି ଦାସ୍। ଫିଲିପ ସହର୍‌ତାକେ ମାନି ଯୀଶୁ ଖ୍ରୀଷ୍ଟନି ୱିଜାକାର୍ ଈଶ୍ୱର ମାନାୟାର୍ ଲାଗାୟ୍, ବିଶପ୍‌ ଆରେ ମଣ୍ଡ୍‌ଲିତାକେ ହେବା କିନାକାର୍ ଲାଗାୟ୍ ଆନେଙ୍ଗ୍ ପାଉଲ ଇ ଚିଟି ଲେକିକିନାଙ୍ଗା।

କଲସିୟ 1:4

ଆପେଙ୍ଗ୍ ୱେଚାପ୍ ଯେ, ଏପେଙ୍ଗ୍ ଯୀଶୁ ଖ୍ରୀଷ୍ଟଙ୍ଗ୍ ଆହା କିନାଦେରା ଆରେ ଈଶ୍ୱର ମାନାୟାରିଙ୍ଗ୍ ଲାଡ୍ କିନାଦେରା।

କଲସିୟ 3:11

ଇଦାଙ୍ଗ୍ କାଜିଙ୍ଗ୍ ବିନ୍‌ଜାତି କି ଯିହୁଦି ଜାତିର୍ ବିତ୍ରେ, ସୁନତ ବିଦି ମାନିକିନାକାର୍ କି ମାନିକିୱାକାର୍, ବାର୍ ଦେସ୍‌ତାକାର୍‌ କି ଆଦିବାସିନି ମାନାୟାର୍, ଦାସ୍ କି ଦାସ୍ ଆୱି ମାନାୟାର୍ ବିତ୍ରେ ଇନା ବେଦ୍‌ବାବ୍ ଆକାୟ୍। ମାତର୍ ଖ୍ରୀଷ୍ଟ ନେ ୱିଜୁତାଙ୍ଗ୍ ମୁକ୍ଯା ଆରେ ହେୱାନ୍ ତାଙ୍ଗେଙ୍ଗ୍ ପାର୍ତିକିନି ମାନାୟାର୍‌ତାକେ ବାହା କିନାନ୍।

୧ ତିମତି 1:12

ମା ମାପୃ ଯୀଶୁ ଖ୍ରୀଷ୍ଟଙ୍ଗ୍ ଆନେଙ୍ଗ୍ ଦନ୍ଯବାଦ୍ ହିନାଙ୍ଗା, ଇନେସ୍‌କି ହେୱାନ୍ ନାଙ୍ଗେଙ୍ଗ୍ ତା ହେବା କିଦେଙ୍ଗ୍ ଶାକ୍ତି ହିତ୍‌ତାନ୍‌ନା, ହେୱାନ୍ ନାଙ୍ଗେଙ୍ଗ୍ ବିସ୍‌ବାସ୍ କିଜି ତା ହେବା କାମାୟ୍ କିଦେଙ୍ଗ୍ ଦାୟିତ୍‌ପ ହିତ୍‌ତାନ୍‌ନା।

୨ ତିମଥି 1:1

ଆନେଙ୍ଗ୍ ପାଉଲ ଇ ଚିଟି ପକ୍ତାନାଙ୍ଗା। ଯୀଶୁ ଖ୍ରୀଷ୍ଟତାକେ ପାର୍ତିକିନି କାଜିଙ୍ଗ୍ ଈଶ୍ୱର ଇମ୍‌ଣି ୱିଜ୍‌ୱି ଜିବୁନ୍ ହିଦ୍‌ନି କାଜିଙ୍ଗ୍ ପାର୍ମାଣ୍ କିତ୍‌ତାନ୍‌ନା, ହେ କାତା ଶୁଣାୟ୍ କିନି କାଜିଙ୍ଗ୍, ଈଶ୍ୱର ନାଙ୍ଗେଙ୍ଗ୍ ଖ୍ରୀଷ୍ଟନି ରକାନ୍ ବାଚିକିତି ଚେଲା କିତ୍‌ତାନ୍‌ନା।