ଗାଲାତିୟ 3:26 - New Testament in Pengo Parja Language

²⁶ ଲାଗିଙ୍ଗ୍ ଯୀଶୁ ଖ୍ରୀଷ୍ଟତାକେ ପାର୍ତିକିତି କାଜିଙ୍ଗ୍ ଆସେଙ୍ଗ୍ ଈଶ୍ୱର ହିମ୍‌ଣା ଆତାସ୍‌ନା।

ସତ୍‌ ବଚନ୍‌ ପୁନି ନିୟମ୍‌

²⁶ ପାର୍ତି ହୁକେ କ୍ରିସ୍ଟ ଜିସୁତି ଲାହାଂ ବାଚିକିୟାଜ଼ି ଏପେଙ୍ଗ୍‌ ୱିଜ଼ାକାଦେର୍‌ ଇସ୍ୱର୍‌ତି ହିମ୍‌ଣାଂ ଆତାଦେର୍ଣ୍ଣା ।

ଗାଲାତିୟ 3:26 ပူးပေါင်းရင်းမြစ်များ

ଜହନ୍‌ 1:7

ହେୱାନ୍ ମାନାୟାରିଙ୍ଗ୍ ହେ ଅଜଡ଼୍ ବିଷୟରେ ୱେଚ୍‌ଚେଙ୍ଗ୍ ୱାଜିମାଚାନ୍। ଇନେସ୍‌କି ମାନାୟାର୍ ତା ବେଣ୍ ୱେନ୍‌ଞ୍ଜି ହେ ଅଜଡ଼୍ ବିଷୟରେ ପାର୍ତି କିଦେଙ୍ଗ୍ ଆଡ୍‌ନାର୍।

ଜହନ୍‌ 20:17

ଯୀଶୁ ହେଦେଲିଙ୍ଗ୍ ୱେଚ୍‌ଚାନ୍, “ନାଙ୍ଗେଙ୍ଗ୍ ଆସ୍ତେଦେଙ୍ଗ୍ ଉପାୟ୍ କିଦ୍‌ମା। ଆନେଙ୍ଗ୍ ନଙ୍ଗୟ୍ ପାତେକ୍ ଆବା ଈଶ୍ୱରତାକେ ହାଲ୍‌ୱାତାଙ୍ଗ୍‌ନା। ମାତର୍ ଏନେଙ୍ଗ୍ ହାଲ୍‌ଜି ନା ଟଣ୍ଡାରିଙ୍ଗ୍ ୱେଚା, ଆନେଙ୍ଗ୍ ମି ଆରେ ନା ଆବାତାକେ ହାନାଙ୍ଗା। ଆରେ ମି ଆରେ ନା ଈଶ୍ୱରତାକେ ହାନାଙ୍ଗା।”

ରୋମିୟ 8:1

ଲାଗିଙ୍ଗ୍ ନଙ୍ଗୟ୍ ଏଚେଜାଣ୍ ଯୀଶୁ ଖ୍ରୀଷ୍ଟନି ଲକ୍ ଆତାର୍‌ନା, ହେୱାରିଙ୍ଗ୍ ଈଶ୍ୱର ଦସ୍ କିଉନ୍।

ରୋମିୟ 8:19

ଇନେସ୍‌କି ଈଶ୍ୱର ଉବ୍‌ଜାଇ କିତି ୱିଜୁ ଜିନିଷ୍ କାତାତ୍‌ନା ଯେ, ଈଶ୍ୱର ଇନାୱେଡ଼ାଙ୍ଗ୍ ତା ସତ୍ ହିମ୍‌ଣାକାଙ୍ଗ୍ ଚଚ୍‌ଚାନାନ୍।

୨ କରନ୍ତିୟ 1:1

ପାଉଲ ଆରେ ମା ପାର୍ତିକିନି ଟଣ୍ଡେନ୍ ତିମତି କରନ୍ତିୟ ସହର୍ ଈଶ୍ୱର ମଣ୍ଡ୍‌ଲିନି ପାର୍ତିକିନି ଟଣ୍ଡାର୍ କାଜିଙ୍ଗ୍, ଆରେ ଆକାୟା ସହର୍‌ନି ୱିଜୁ ପାର୍ତିକିନି ଟଣ୍ଡାର୍ କାଜିଙ୍ଗ୍ ଇ ଚିଟି ଲେକିକିନାପା। ଯୀଶୁ ଖ୍ରୀଷ୍ଟନି ବାଚିକିତି ଚେଲା ଆନି କାଜିଙ୍ଗ୍ ଈଶ୍ୱର ମାଙ୍ଗେଙ୍ଗ୍ ବାଚି କିତ୍‌ତାନ୍‌ନା।

୨ କରନ୍ତିୟ 6:18

ୱିଜୁ ଶାକ୍ତିମାନି ଈଶ୍ୱର ଇଲେକେ ଇନାତା ଯେ, ଆନେଙ୍ଗ୍ ମି ଆବା ଆନାଙ୍ଗ୍ ଆରେ ଏପେଙ୍ଗ୍ ନା ହିମ୍‌ଣାଙ୍ଗ୍ ଆନାଦେର୍।”

ଗାଲାତିୟ 3:28

ଲାଗିଙ୍ଗ୍ ଯିହୁଦି ଜାତି କି ବିନ୍‌ଜାତି, ଦାସ୍ କି ଦାସ୍ ଆୱିତି ମାନାୟ୍, ଆଣ୍ଡ୍ରା କି କଗ୍‌ଲେ ବିତ୍ରେ ଇନାକା ପା ଜେକ ଆକାୟ୍। ଇନେସ୍‌କି ଏପେଙ୍ଗ୍ ଯୀଶୁ ଖ୍ରୀଷ୍ଟତାକେ ରବେ ଆତାଦେର୍‌ନା।

ଗାଲାତିୟ 4:14

ନା ଗାଗାଡ଼୍ ହାର୍ ହିଲିତିସ୍ ପା, ଏପେଙ୍ଗ୍ ନାଙ୍ଗେଙ୍ଗ୍ ଇନସ୍ତା କିଦ୍‌ୱାତାଦେର୍ କି ଗିଣ୍ କିଦ୍‌ୱାତାଦେର୍। ମାତର୍ ଏପେଙ୍ଗ୍ ନାଙ୍ଗେଙ୍ଗ୍ ରକାନ୍ ଈଶ୍ୱର ଦୁତ୍ ଲେକେ ଜାତୁନ୍ କିତ୍‌ତାଦେର୍, ଆରେ ଯୀଶୁ ଖ୍ରୀଷ୍ଟଙ୍ଗ୍ ଆସ୍ତି ଲେକେ ନାଙ୍ଗେଙ୍ଗ୍ ଆସ୍ତାତାଦେର୍।

ଗାଲାତିୟ 5:24

ଇମ୍‌ଣାକାର୍ ଯୀଶୁ ଖ୍ରୀଷ୍ଟନି ମାନାୟ୍, ହେୱାର୍ ତା ଗାଗାଡ଼୍‌ନି ଇଚା ଆରେ କରାପ୍ ଚିନ୍ତାତିଙ୍ଗ୍ ତା କୃଶକାଟ୍‌ତାକେ ଅସ୍ତାର୍‌ନା।

ଗାଲାତିୟ 5:6

ସୁନତ ବିଦି ମାନିକିତିସ୍ କି କିୱିତିସ୍ ଇନା ମୁଲ୍ୟ ଆକାୟ୍, ଏଚେପାଦ୍ନା ଆପେଙ୍ଗ୍ ଯୀଶୁ ଖ୍ରୀଷ୍ଟତାକେ ପାର୍ତି କିନାପା। ଲାଗିଙ୍ଗ୍ ମୁଡ଼୍ ବିଷୟ ଆନାତା ଖ୍ରୀଷ୍ଟଙ୍ଗ୍ ପାର୍ତି କିନାସ୍, ହେଦାଙ୍ଗ୍ ଜେକନିକାରିଙ୍ଗ୍ ଲାଡ୍‌କିନି କାଜିଙ୍ଗ୍ ମାଙ୍ଗେଙ୍ଗ୍ ସାଇଜ କିଦ୍‌ନାତା।

ଏପିସିୟ 1:1

ଆନେଙ୍ଗ୍ ପାଉଲ ଈଶ୍ୱର ଇଚାତାଙ୍ଗ୍ ଯୀଶୁ ଖ୍ରୀଷ୍ଟନି ରକାଙ୍ଗ୍ ବାଚିକିତି ଚେଲା। ଏପିସ ସହର୍‌ତାକେ ମାନି ସାଦୁ ଆରେ ଖ୍ରୀଷ୍ଟତାକେ ପାର୍ତିକିନି ମାନାୟାର୍ ଲାଗାୟ୍ ଆନେଙ୍ଗ୍ ଇ ଚିଟି ଲେକିକିନାଙ୍ଗା।

ଏପିସିୟ 1:5

ଈଶ୍ୱର ମାଙ୍ଗେଙ୍ଗ୍ ଲାଡ୍ କିତ୍‌ତାନ୍। ଲାଗିଙ୍ଗ୍ ହେୱାନ୍ ଯୀଶୁ ଖ୍ରୀଷ୍ଟତାଙ୍ଗ୍ ମାଙ୍ଗେଙ୍ଗ୍ ତା ଜାର୍ ମାଜି କିନି କାଜିଙ୍ଗ୍ ଆଗେତାଙ୍ଗ୍ ନେ ଜଜ୍‌ନା କିଜି ମାଚାନ୍। ଇଦାଙ୍ଗ୍ ଈଶ୍ୱର ତା ଇଚା ଆରେ ୱାରିତାଙ୍ଗ୍ କିତାନ୍‌ନା।

ଏପିସିୟ 5:1

ଏପେଙ୍ଗ୍ ଈଶ୍ୱର ହିମ୍‌ଣା କାଦେର୍ ଆରେ ହେୱାନ୍ ମିଙ୍ଗେଙ୍ଗ୍ ଲାଡ୍ କିଦ୍‌ନାନ୍। ଲାଗିଙ୍ଗ୍ ଏପେଙ୍ଗ୍ ହେୱାନ୍ ଲେକେ ଆଦେଙ୍ଗ୍ ଉପାୟ୍ କିୟାଟ୍।

ପିଲିପିୟ 1:1

ଆପେଙ୍ଗ୍, ପାଉଲ ଆରେ ତିମତି, ରିକାପ୍ ଯୀଶୁ ଖ୍ରୀଷ୍ଟନି ଦାସ୍। ଫିଲିପ ସହର୍‌ତାକେ ମାନି ଯୀଶୁ ଖ୍ରୀଷ୍ଟନି ୱିଜାକାର୍ ଈଶ୍ୱର ମାନାୟାର୍ ଲାଗାୟ୍, ବିଶପ୍‌ ଆରେ ମଣ୍ଡ୍‌ଲିତାକେ ହେବା କିନାକାର୍ ଲାଗାୟ୍ ଆନେଙ୍ଗ୍ ପାଉଲ ଇ ଚିଟି ଲେକିକିନାଙ୍ଗା।

ପିଲିପିୟ 1:8

ଯୀଶୁ ଖ୍ରୀଷ୍ଟନି ଲାଡ୍‌ତାଙ୍ଗ୍ ମିଙ୍ଗେଙ୍ଗ୍ ମାହା ଆଦ୍‌ଦେଙ୍ଗ୍ ବେସି ଇଚା କିଦ୍‌ନାଙ୍ଗା ଇ ବିଷୟରେ ଈଶ୍ୱର ନେ ସାକି ଆନାନ୍।

ପିଲିପିୟ 2:15

ଲାଗିଙ୍ଗ୍ ଇନେର୍ ପା ମିଙ୍ଗେଙ୍ଗ୍ ଦସି ଇଞ୍ଜି ୱେଚ୍‌ଚେଙ୍ଗ୍ ଆଡ଼୍‌ଦୁର୍, ଆରେ ଏପେଙ୍ଗ୍ ଦରମ୍ ମାନାୟ୍ ଆନାଦେର୍। କରାପ୍ ମାନାୟାର୍ ବିତ୍ରେ ମାନ୍‌ଞ୍ଜି ପା ଏପେଙ୍ଗ୍ ଇନାକା କରାପ୍ କାମାୟ୍ କିୱାଦାଙ୍ଗ୍ ଏପେଙ୍ଗ୍ ଈଶ୍ୱର ହିମ୍‌ଣାଙ୍ଗ୍ ଲେକେ ଆଜି ମାନାଟ୍। ଏପେଙ୍ଗ୍ ଜିବୁନ୍ ହିଦ୍‌ନି କାତାତିଙ୍ଗ୍ ଆସ୍ତି ବାଦାଡ଼୍‌ନି ହୁକା ଲେକେ ଆଜି ହେୱାର୍ ବିତ୍ରେ ଅଜଡ଼୍ ଆଡ।

କଲସିୟ 1:4

ଆପେଙ୍ଗ୍ ୱେଚାପ୍ ଯେ, ଏପେଙ୍ଗ୍ ଯୀଶୁ ଖ୍ରୀଷ୍ଟଙ୍ଗ୍ ଆହା କିନାଦେରା ଆରେ ଈଶ୍ୱର ମାନାୟାରିଙ୍ଗ୍ ଲାଡ୍ କିନାଦେରା।

କଲସିୟ 2:6

ନଙ୍ଗୟ୍ ଏପେଙ୍ଗ୍ ଯୀଶୁ ଖ୍ରୀଷ୍ଟଙ୍ଗ୍ ମାପୃ ଇଞ୍ଜି ଆସ୍ତାଦେର୍‌ନା, ଲାଗିଙ୍ଗ୍ ଏପେଙ୍ଗ୍ ତା ହୁଦାଙ୍ଗ୍ ମାହାଆତି ମାନାୟ୍ ଆଜି ଜିବୁନ୍ କାଟିକିୟାଟ୍।

ଫିଲୀମୋନ 1:1

ଆନେଙ୍ଗ୍ ପାଉଲ ଇ ଚିଟି ଲେକିକିତାଙ୍ଗ୍‌ନା। ଆନେଙ୍ଗ୍ ଯୀଶୁ ଖ୍ରୀଷ୍ଟ ବିଷୟରେ ଶୁଣାୟ୍ କିନି କାଜିଙ୍ଗ୍ ନଙ୍ଗୟ୍ ଆନେଙ୍ଗ୍ ଜଇଲ୍ ଇଞ୍ଜ ମାନାଙ୍ଗ୍। ଫିଲୀମୋନ, ଆନେଙ୍ଗ୍ ଆରେ ମା ପାର୍ତିକିନି ଟଣ୍ଡାର୍ ତିମତି ନିଙ୍ଗେଙ୍ଗ୍ ଜୱାର୍ କିଦ୍‌ନାପା। ଏନେଙ୍ଗ୍ ମା ଲାଡ୍‌ନି ସାଙ୍ଗ ମା ହୁଦାଙ୍ଗ୍ ମାନ୍‌ଞ୍ଜି କାମାୟ୍ କିନାକାୟ୍‌।

ହତ୍‌ତି 21:7

ଇମ୍‌ଣି ମାନାୟାର୍ ଶୟତାନତିଙ୍ଗ୍ ଆରାୟ୍ କିଜି ଜିତାଆଜି ମାନାର୍, ହେୱାର୍ ଇ ୱିଜୁ ଆଶ୍ରିବାଦ୍‌ତିଙ୍ଗ୍ ପାୟାଆନାର୍‌, ଆନେଙ୍ଗ୍ ହେୱାର୍ ଈଶ୍ୱର ଆନାଙ୍ଗ୍ ଆରେ ହେୱାର୍ ନା ହିମ୍‌ଣାୱାକ୍‌ଡ଼ା ଆନାର୍।