ଗାଲାତିୟ 3:21 - New Testament in Pengo Parja Language

²¹ ଲାଗିଙ୍ଗ୍ ମୋଶା ନିୟମ୍ ସାସ୍ତର୍ ଈଶ୍ୱରକିତି ପାର୍ମାଣ୍‌ତିଙ୍ଗ୍ ବିରଦ୍ କିନାତା କି? ହେଲେକେ ଇନାୱେଡ଼ାଙ୍ଗ୍ ପା ଆଦେଙ୍ଗ୍ ଆଡୁତ୍। ନିୟମ୍ ସାସ୍ତର୍ ମାନିକିନି କାଜିଙ୍ଗ୍ ଯଦି ୱିଜ୍‌ୱି ଜିବୁନ୍ ପାୟାଆତାଦେର୍‌ମା, ଲାଗିଙ୍ଗ୍ ହେ ନିୟମ୍‌ତିଙ୍ଗ୍ ମାନିକିଜି ଆପେଙ୍ଗ୍ ଈଶ୍ୱର ଲାଗାୟ୍ ପା ଦରମ୍ ମାନାୟ୍ ଆଦେଙ୍ଗ୍ ଆଡ଼୍‌ତାପ୍‌ମା।

ସତ୍‌ ବଚନ୍‌ ପୁନି ନିୟମ୍‌

²¹ ଇଦାଂନି ଅରତ୍‌ ଇନାକା ? ବିଦି ଇନାକା ଇସ୍ୱର୍ତି ପାର୍ମାଣ୍‌ ବିରୁଦ୍ କିନାତ୍‌ ? ଆକାୟ୍‌ ମୁଲେ ଆକାୟ୍‌ ! ଇନେକିଦେଂକି ମାନାୟ୍‌ତିଂ ଜିବୁନ୍‌ ହିନି ଲାକେ ଜଦି ର ବିଦି କିତିସ୍‌, ଲାଗିଂ ହେଦାଂ ପାଲି କିଦେଙ୍ଗ୍‌ ହୁକେ ନେ ମାନାୟ୍‌ ଇସ୍ୱର୍‌ତି କାଣ୍‌କୁତ ଦସ୍‌ହିଲ୍‌ୱାକାନ୍‌ ଆତାନ୍‌ମା ।

ଗାଲାତିୟ 3:21 ပူးပေါင်းရင်းမြစ်များ

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 20:16

ମାଲିକ୍ ୱାଜି ଆଦି ଆସ୍ତାକାରିଙ୍ଗ୍ ଅହ୍‌ନାନ୍। ଆରେ ଅଲଗାଲଗାଙ୍ଗ୍ ଅଙ୍ଗୁର୍ ବାଡ଼୍ ହିନାନ୍।’ ମାନାୟାର୍ ଇ ବେଣ୍‌ତିଙ୍ଗ୍ ୱେନ୍‌ଞ୍ଜି ୱେଚ୍‌ଚାର୍, ‘ଈଶ୍ୱରଲେକେ କିମେନ୍।’ ”

ରୋମିୟ 3:31

ଲାଗିଙ୍ଗ୍ ଆସେଙ୍ଗ୍ ପାର୍ତି କାଜିଙ୍ଗ୍ ନିୟମ୍‌ତିଙ୍ଗ୍ ଗୁଚାୟ୍ କିନାସା କି? ହେଦାଙ୍ଗ୍ ଇନାୱେଡ଼ାଙ୍ଗ୍ ପା ଆମେତ୍, ମାତର୍ ଆପେଙ୍ଗ୍ ଦରମ୍ ସାସ୍ତର୍‌ତିଙ୍ଗ୍ ପୁରା କିନାପ୍।

ରୋମିୟ 3:4

ପୁର୍ତିନି ୱିଜୁ ମାନାୟାର୍ ମିଚ୍ ୱେଚ୍‌ନାର୍, ମାତର୍ ଈଶ୍ୱର ୱିଜୁଦିନ୍ ସତ୍ ୱେଚ୍‌ନାନ୍, ଇନେସ୍‌କି ଇଲେକେ ଦରମ୍ ସାସ୍ତର୍‌ତାକେ ଈଶ୍ୱର ବିଷୟରେ ଲେକା ମାନାତ୍, ଏପେଙ୍ଗ୍ ୱେଚ୍‌ନି ୱିଜୁ କାତା ଟିକ୍ ଆନାତ୍, ଆରେ ବିଚାର୍ କିଦ୍‌ନି ବାହାତାକେ ଏପେଙ୍ଗ୍ ଜିତା ଆନାଦେର୍।

ରୋମିୟ 3:6

ହେଦାଙ୍ଗ୍ ଇନାୱେଡ଼ାଙ୍ଗ୍ ପା ଆମେତ୍, ଯଦି ଈଶ୍ୱର ଯିହୁଦି ଜାତିନି ମାନାୟାରିଙ୍ଗ୍ ନ୍ୟାୟ୍ ବିଚାର୍ କିଦେଙ୍ଗ୍ ଆଡୁନା, ଲାଗିଙ୍ଗ୍ ଈଶ୍ୱର ଇନେସ୍ କିଜି ପୁର୍ତିନି ମାନାୟାରିଙ୍ଗ୍ ନ୍ୟାୟ୍ ବିଚାର୍ କିନାନ୍।

ରୋମିୟ 9:31

ମାତର୍ ଇସ୍ରାଏଲ ଜାତିନି ମାନାୟାର୍ ଦରମ୍ ସାସ୍ତର୍‌ନି ନିୟମ୍‌ତିଙ୍ଗ୍ ମାନିକିଜି ଈଶ୍ୱର ଆଗେ ଦରମ୍ ମାନାୟ୍ ଆନି କାଜିଙ୍ଗ୍ ବେସି ଉପାୟ୍ କିତାର୍, ହେୱାର୍ ତା ଆଗେ ଦରମ୍ ମାନାୟ୍ ଆଦେଙ୍ଗ୍ ଆଡ୍‌ୱାତାର୍।

୨ କରନ୍ତିୟ 3:7

ଏଚେପାଦ୍ନା ମୋଶା ଲେକିକିତି ଦରମ୍ ସାସ୍ତର୍ କାଲ୍‌ଜପି ଲେକାଆଜି ମାଚାତ୍, ହେପାଦ୍ନା ଈଶ୍ୱର ଅଜଡ଼୍‌ଲେକେ ଗୌରବ ଚଞ୍ଜିଆଆଜି ମାଚାତ୍। ହେ ଗୌରବ ଅଲପ୍ ସମୟ୍ ନେ ମାଚାତ୍, ଆତିସ୍‌ପା ଇସ୍ରାଏଲନି ମାନାୟାର୍ ହେ ଗୌରବତିଙ୍ଗ୍ ହୁଡ଼୍‌ଦେଙ୍ଗ୍ ଆଡ୍‌ୱାତାର୍।

ଗାଲାତିୟ 2:17

ଆପେଙ୍ଗ୍ ଖ୍ରୀଷ୍ଟତାକେ ପାର୍ତି କିଜି ଦରମ୍ ମାନାୟ୍ ଇଞ୍ଜି ଗାଣାକିୟା ଆଦେଙ୍ଗ୍ ଉପାୟ୍ କିଜି ମାଚିଲେ, କେତେକ୍ ଯିହୁଦିର୍ ନଙ୍ଗୟ୍ ମାଙ୍ଗେଙ୍ଗ୍ ହେୱାର୍ ନିୟମ୍‌ୱିଜୁ ମାନି କିଉରା ଇଞ୍ଜି ୱେଚ୍‌ଚି ଦସି କିଦ୍‌ନାରା। ଲାଗିଙ୍ଗ୍ ଇଦାଙ୍ଗ୍‌ନି ଅର୍ତ ଇନାକା, ଖ୍ରୀଷ୍ଟ ମାଙ୍ଗେଙ୍ଗ୍ ପାପ୍ କାମାୟ୍ କିଦେଙ୍ଗ୍ ଉସ୍‌କାଇ କିଦ୍‌ନାନା କି? ହେଲେକେ ଇନାୱେଡ଼ାଙ୍ଗ୍ ପା ଆଦେଙ୍ଗ୍ ଆଡୁତ୍।

ଗାଲାତିୟ 2:19

ଆନେଙ୍ଗ୍ ଏଚେପାଦ୍ନା ନିୟମ୍‌ତିଙ୍ଗ୍ ମାନି କିଦେଙ୍ଗ୍ ଉପାୟ୍ କିତାଙ୍ଗ୍, ଇଦାଙ୍ଗ୍ ନାଙ୍ଗେଙ୍ଗ୍ ଦସି କିତ୍‌ତାତ୍। ଆରେ ଆନେଙ୍ଗ୍ ନିୟମ୍ କାଜିଙ୍ଗ୍ ହାଃତାଙ୍ଗ୍‌ନା, ଲାଗିଙ୍ଗ୍ ଆନେଙ୍ଗ୍ ଇନେସ୍ ଈଶ୍ୱର କାଜିଙ୍ଗ୍ ଜିଜି ମାନାଙ୍ଗ୍, ଇଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ଆରେ ନିୟମ୍ ୱିଜୁତିଙ୍ଗ୍ ମାନି କିଦେଙ୍ଗ୍ ଉପାୟ୍ କିଉଙ୍ଗା।

ଗାଲାତିୟ 2:21

ଈଶ୍ୱର ମାଙ୍ଗେଙ୍ଗ୍ ଦୟାକିଜି ଉଦାର୍ କିଦ୍‌ନି ବିଷୟତିଙ୍ଗ୍ ଆନେଙ୍ଗ୍ ବେକାରେ କିଉଙ୍ଗ୍। ଇନେସ୍‌କି ନିୟମ୍ ସାସ୍ତର୍ ମାନିକିନି କାଜିଙ୍ଗ୍ ଯିଦି ଦରମ୍ ଗାଟାଆଦ୍‍ନାତ୍, ଲାଗିଙ୍ଗ୍ ଖ୍ରୀଷ୍ଟ ହାଃନାକା ପା ବେକାରେ ଆନାତ୍।”

ଗାଲାତିୟ 6:14

ମା ମାପୃ ଯୀଶୁ ଖ୍ରୀଷ୍ଟନି କୃଶକାଟ୍‌ତିଙ୍ଗ୍ ପିସ୍ତି, ଆନେଙ୍ଗ୍ ଆରେ ଇନାକାତାକେ ପା ଗର୍ବ କିଉଙ୍ଗ୍। ଇନେସ୍‌କି ଖ୍ରୀଷ୍ଟ କାଜିଙ୍ଗ୍, ଇ ଜଗତ୍‌ତାକେ ମାନି ନା ଇଚା କୃଶକାଟ୍‌ତାକେ ହାଃତାତ୍‌ନା, ଆରେ ନାବେ ମାନି ପୁର୍ତିନି ଇଚା ପା ହାଃତାତ୍‌ନା।

ଏବ୍ରି 11:7

ପାର୍ତି କାଜିଙ୍ଗ୍ ନୋହ ତା ପରିବାର୍‌ତିଙ୍ଗ୍ ବନ୍ୟାତାଙ୍ଗ୍ ଉଦାର୍ କିନି କାଜିଙ୍ଗ୍ ରଞ୍ଜାଙ୍ଗ୍ ଜାଜ୍ ରସ୍ତାନ୍। ହେପାଦ୍ନା ଇନାୱେଡ଼ାଙ୍ଗ୍ ଗଟାଆୱି ବନ୍ୟା ବିଷୟରେ ଈଶ୍ୱର ନୋହଙ୍ଗ୍ ୱେଚ୍‌ଚାନ୍, ଆରେ ହେୱାନ୍ ଈଶ୍ୱର କାତାତିଙ୍ଗ୍ ମାନି କିତାନ୍। ତା ହେ ପାର୍ତି କାଜିଙ୍ଗ୍, ଇ ପୁର୍ତିତାକେ ପାର୍ତିକିୱି ମାନାୟାରିଙ୍ଗ୍ ହେୱାନ୍ ଦସି କିତାନ୍ ଆରେ ଈଶ୍ୱର ହେୱାନିଙ୍ଗ୍ ଦରମ୍ ମାନାୟ୍ ଇଞ୍ଜି ସାକି ହିତାନ୍।

ଏବ୍ରି 7:18

ପୁଜାରି ଆନି କାଜିଙ୍ଗ୍ ମୋଶା ଲେକିକିତି ନିୟମ୍ ଇନାକା କିନି ଦର୍‌କାର୍ ହେଦାଙ୍ଗ୍ କିଦେଙ୍ଗ୍ ଆଡ଼୍‌ତି କାଜିଙ୍ଗ୍ ଆରେ ଇନା ମୁଲ୍ୟ ହିଲ୍‌ୱି କାଜିଙ୍ଗ୍, ଇଦାଙ୍ଗ୍‌ତିଙ୍ଗ୍ ବାଦ୍‌ଲାୟ୍ କିତାର୍‌ନା।

ଏବ୍ରି 7:19

ଇନେସ୍‌କି ମୋଶା ଲେକିକିତି ନିୟମ୍ ସାସ୍ତର୍ ଇମ୍‌ଣି ବିଷୟ ପା ପୁରାପୁରି ଟିକ୍‌କିଜି ଆଡ୍‌ୱାଦାଙ୍ଗ୍ ମାଚାତ୍। ମାତର୍ ନଙ୍ଗୟ୍ ଆପେଙ୍ଗ୍ ଯୀଶୁ ଖ୍ରୀଷ୍ଟତାକେ ହାର୍ ଆହା ଇଡ଼୍‌ତାପ୍‌ନା, ଆରେ ହେୱାନ୍ କାଜିଙ୍ଗ୍ ଆପେଙ୍ଗ୍ ଈଶ୍ୱର ଲାଗାୟ୍ ଆଦେଙ୍ଗ୍ ଆଡ୍‌ନାପା।