ଏପିସିୟ 6:8 - New Testament in Pengo Parja Language

⁸ ଇନେସ୍‌କି ଏପେଙ୍ଗ୍ ପୁଚାଦେର୍‌ନା ଯେ ଦାସ୍ ଆୟେନ୍ କି ଦାସ୍ ଆୱାଦାଙ୍ଗ୍ କାମାୟ୍ କିନାକାନ୍, ଇନେର୍ ହାର୍ଦି କାମାୟ୍ କିନାନ୍, ହେୱାନ୍ ମାପୃତାଙ୍ଗ୍ ହେବେନି ପୁରଷ୍କାର୍ ଆୟାଆନାନ୍।

ସତ୍‌ ବଚନ୍‌ ପୁନି ନିୟମ୍‌

⁸ ମନ୍ତ ଇଟାଟ୍‌, ହେୱାନ୍‌ କଡ଼୍‌କାଆଡ଼ିଏନ୍‌ ଆଏନ୍‌ କି ଜାର୍‌ ଇଚାତ ଆଏନ୍‌ ମାପ୍ରୁ ୱିଜ଼ାରିଂ ତାଦି ହାର୍‌ଦି କାମାୟ୍‌ କାଜିଂ ଇନାମ୍‌ ହିଦ୍‌ନାନ୍‌ ।

ଏପିସିୟ 6:8 ပူးပေါင်းရင်းမြစ်များ

ମାତିଉ 16:27

ଆରେ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ଜାର୍ ଆବା ଗୌରବ ହୁଦାଙ୍ଗ୍ ଜାର୍ ଦୁତ୍‌କୁ ହୁଦାଙ୍ଗ୍ ୱାନାନ୍। ଆରେ ହେପାଦ୍ନା ଯୀଶୁ ୱିଜୁ ମାନାୟାରିଙ୍ଗ୍ ତା କିତି କାମାୟ୍‌ତାଙ୍ଗ୍ ପାଡ଼୍‌ ହିଦ୍‌ନାନ୍।

ମାତିଉ 20:7

ହେୱାର୍ ହେୱାନିଙ୍ଗ୍ ୱେଚ୍‌ଚାର୍, ଇନେର୍ ପା ମାଙ୍ଗେଙ୍ଗ୍ କାମାୟ୍ କିଦେଙ୍ଗ୍ ହିର୍‌ବା ଆଦ୍‌ୱାତାର୍‌ନା। ହେୱାନ୍ ହେୱାରିଙ୍ଗ୍ ଇଚାନ୍, ଟିକ୍ ମାନାତ୍ ଲାଗିଙ୍ଗ୍ ଏପେଙ୍ଗ୍ ୱିଜାକାଦେର୍ ନା ଅଙ୍ଗୁର୍ ବାଡ଼୍‍ଦ ହାଲ୍‌ଜି କାମାୟ୍ କିୟାଟ୍।

ମାତିଉ 5:12

ଲାଗିଙ୍ଗ୍ ୱାରି କିୟାଟ୍ ଆରେ ସାର୍‌ଦା ଆଡୁ, ଇନେସ୍‌କି ମି କାଜିଙ୍ଗ୍ ସରଗ୍‌ତାକେ ଗାଜା ପୁରଷ୍କାର୍ ମାନାତ୍। ହେଲେକେନେ ହେୱାର୍ ଆଗେନି ଭବିଷ୍ଯତବକ୍ତାରିଙ୍ଗ୍ ପା ଇନସ୍ତାକିଜି ମାଚାର୍।

ମାତିଉ 6:1

“ମାନାୟ୍ ଚଚ୍‌ନି କାଜିଙ୍ଗ୍ ହେୱାର୍ ମୁମ୍‌ଦ ହେଲେକେ ହାର୍ଦି କାମାୟ୍ କିମାଟ୍, ନଇଲେ ମିଙ୍ଗେଙ୍ଗ୍ ସରଗ୍‌ନି ଆବା ମିଙ୍ଗେଙ୍ଗ୍ ପୁରଷ୍କାର୍ ହିଦୁନ୍, ଇଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ସାବ୍‌ଦାନ୍ ଆଜି ମାନାଟ୍।

ମାତିଉ 6:4

ହେଲେକେ ମି ଦାନ୍ ହିନାକା ଡ଼ୁକ୍‌ଚି ହିତିଲେକେ ଆନାତ୍, ଆରେ ମି ସରଗ୍‌ନି ଆବା ପା ହେ ୱିଜୁ ହୁଡ଼୍‌ଦାନାନ୍, ହେୱାନ୍ ମିଙ୍ଗେଙ୍ଗ୍ ପାଡ଼୍‌ ହିଦ୍‌ନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 14:14

ଇ ମାନାୟାରିଙ୍ଗ୍ ଇନାକା ହିଲ୍‌ୱିତିଲେ ହେୱାର୍ ନିଙ୍ଗେଙ୍ଗ୍ ଦାନ୍‌ହିନି ବାଦୁଲ୍ ଇନାକା ହିତ୍‌ଦେଙ୍ଗ୍ ଆଡ଼୍‌ଦୁର୍। ଲାଗିଙ୍ଗ୍ ଇଦାଙ୍ଗ୍ ମି କାଜିଙ୍ଗ୍ ଆଶ୍ରିବାଦ୍ ପାୟାଆନାଦେର୍। ମାତର୍ ଏଚେପାଦ୍ନା ଦରମ୍ ମାନାୟାର୍ ହାଃତାକାର୍‌ତାଙ୍ଗ୍ ଆରେରଗ ଜିବୁନ୍ ଆନାର୍, ହେପାଦ୍ନା ଏପେଙ୍ଗ୍ ମି ପୁରଷ୍କାର୍ ପାୟାଆନାଦେର୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 6:35

ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଜାର୍ ଶାତ୍ରୁରିଙ୍ଗ୍ ଲାଡ୍ କିୟାଟ୍। ହେୱାରିଙ୍ଗ୍ ଉପ୍‌କାର୍ କିୟାଟ୍। ଆରେ ଡାବୁଙ୍ଗ୍ ଗାଟାଆୱି ଆହା ଇଟ୍‌ୱାଦାଙ୍ଗ୍ ହେୱାରିଙ୍ଗ୍ ଡାବୁଙ୍ଗ୍ ରୁଣ୍ ହିୟାଟ୍। ଇଦାଙ୍ଗ୍ କିତିସ୍ ମିଙ୍ଗେଙ୍ଗ୍ ବେସି ପୁରଷ୍କାର୍ ଗାଟାଆଦ୍‍ନାତ୍। ଏପେଙ୍ଗ୍ ୱିଜୁ ଶାକ୍ତିନିକାନ୍ ଗାଜା ଈଶ୍ୱର ମେହି ଆନାଦେର୍। ଇନେସ୍‌କି ହେୱାନ୍ ହାର୍ଦି ମାନାୟ୍‌ତିଙ୍ଗ୍ ଆରେ ବାନ୍ୟା ମାନାୟାରିଙ୍ଗ୍ ପା ଦୟା ଚଚ୍‌ଚାନାନ୍।

୧ କରନ୍ତିୟ 12:13

ଲାଗିଙ୍ଗ୍ ଆସେଙ୍ଗ୍ ଯିହୁଦି ଆଜି ମାଚିସ୍ କି, ବିନ୍‌ଜାତି ଆଜି ମାଚିସ୍ କି, ଚାକର୍ ଆଜି ମାଚିସ୍ କି, ଆରେ ଚାକର୍ ଆୱାଦାଙ୍ଗ୍ ମାଚିସ୍ ପା ଆସେଙ୍ଗ୍ ୱିଜାକାସ୍ ର ଆତ୍ମା କାଜିଙ୍ଗ୍ ଡୁବନ୍ ଅଜି ଈଶ୍ୱର ଗାଗାଡ଼୍‌ତାକେ ଏକ୍ ଆତାପ୍‌ନା, ଆରେ ଆପେଙ୍ଗ୍ ହେ ଆତ୍ମାତିଙ୍ଗ୍ ନେ ପାୟାଆତାପ୍‌ନା।

୨ କରନ୍ତିୟ 5:10

ଇନେସ୍‌କି ଆସେଙ୍ଗ୍ ବିଚାର୍ ଆନି କାଜିଙ୍ଗ୍ ଯୀଶୁ ଖ୍ରୀଷ୍ଟ ବିଚାର୍‌କିନି ବାହାତାକେ ନିଲ୍‌ୟା ଆନାତ୍, ଆସେଙ୍ଗ୍ ଇନାକା ମା ଗାଗାଡ଼୍‌ତାକେ କିଜି ମାନାସ୍ ହେୱାନ୍ ମାଙ୍ଗେଙ୍ଗ୍ ମା ହାର୍ ଆରେ କରାପ୍ କାମାୟ୍ କାଜିଙ୍ଗ୍ ପୁରଷ୍କାର୍ ହିଦ୍‌ନାନ୍।

ଗାଲାତିୟ 3:28

ଲାଗିଙ୍ଗ୍ ଯିହୁଦି ଜାତି କି ବିନ୍‌ଜାତି, ଦାସ୍ କି ଦାସ୍ ଆୱିତି ମାନାୟ୍, ଆଣ୍ଡ୍ରା କି କଗ୍‌ଲେ ବିତ୍ରେ ଇନାକା ପା ଜେକ ଆକାୟ୍। ଇନେସ୍‌କି ଏପେଙ୍ଗ୍ ଯୀଶୁ ଖ୍ରୀଷ୍ଟତାକେ ରବେ ଆତାଦେର୍‌ନା।

କଲସିୟ 3:11

ଇଦାଙ୍ଗ୍ କାଜିଙ୍ଗ୍ ବିନ୍‌ଜାତି କି ଯିହୁଦି ଜାତିର୍ ବିତ୍ରେ, ସୁନତ ବିଦି ମାନିକିନାକାର୍ କି ମାନିକିୱାକାର୍, ବାର୍ ଦେସ୍‌ତାକାର୍‌ କି ଆଦିବାସିନି ମାନାୟାର୍, ଦାସ୍ କି ଦାସ୍ ଆୱି ମାନାୟାର୍ ବିତ୍ରେ ଇନା ବେଦ୍‌ବାବ୍ ଆକାୟ୍। ମାତର୍ ଖ୍ରୀଷ୍ଟ ନେ ୱିଜୁତାଙ୍ଗ୍ ମୁକ୍ଯା ଆରେ ହେୱାନ୍ ତାଙ୍ଗେଙ୍ଗ୍ ପାର୍ତିକିନି ମାନାୟାର୍‌ତାକେ ବାହା କିନାନ୍।

କଲସିୟ 3:24

ଏପେଙ୍ଗ୍ ମାନେ କିୟାଟ୍ ଯେ, ଏପେଙ୍ଗ୍ ଇମ୍‌ଣି ମାଲିକ୍‌ତିଙ୍ଗ୍ ହେବା କିନାଦେର୍ ହେୱାନ୍ ଖ୍ରୀଷ୍ଟ, ଲାଗିଙ୍ଗ୍ ମାପୃ ମିଙ୍ଗେଙ୍ଗ୍ ପୁରଷ୍କାର୍ ଲେକେ ଆଦିକାର୍ ହିଦ୍‌ନାନ୍।

କଲସିୟ 3:25

ମାତର୍ ଏପେଙ୍ଗ୍ ଯଦି ବୁଲ୍ କାମାୟ୍ କିଜି ମାନ୍‌ଗାନାଦେର୍, ହେ ବୁଲ୍ କାମାୟ୍‌ନି ପାଡ଼୍‌ ପାୟାଆନାଦେର୍। ଇନେସ୍‌କି ଈଶ୍ୱର ମୁମ୍ ହୁଡ଼୍‌ଜି ବିଚାର୍ କିଉନ୍।

ଏବ୍ରି 10:35

ଲାଗିଙ୍ଗ୍ ଇନାକା ୱିଜୁ ଆତିସ୍‌ପା, ମାପୃତାକେ ପାର୍ତିକିନି ସାହାସ୍‌ତିଙ୍ଗ୍ ଏପେଙ୍ଗ୍ ପିହ୍‌ମାଟ୍। ହେବେ ଗାଜା ପୁରଷ୍କାର୍ ମାନାତ୍ ଇଞ୍ଜି ମାନ୍ତ ଇଟାଟ୍।

ଏବ୍ରି 11:26

ଆରେ ହେୱାନ୍ ମିସର ଦେସ୍‌ନି ଦନ୍‌ସମ୍ଫତି ବାଦୁଲ୍ ଖ୍ରୀଷ୍ଟ କାଜିଙ୍ଗ୍ ନିନ୍ଦା ପାୟାଆନାକା ୱିଜୁତାଙ୍ଗ୍ ଗାଜା ଦନ୍ ଇଞ୍ଜି ବାବିକିତାନ୍। ଇନେସ୍‌କି ଈଶ୍ୱର ହେୱାନିଙ୍ଗ୍ ଗାଜା ପୁରଷ୍କାର୍ ହିଦ୍‌ନାନ୍ ଇଞ୍ଜି ହେୱାନ୍ କାସି ମାଚାନ୍।