ଏପିସିୟ 5:17 - New Testament in Pengo Parja Language

¹⁷ ଲାଗିଙ୍ଗ୍ ବୁଦିହିଲ୍‌ୱି ମାନାୟ୍ ଲେକେ ଆୱାଦାଙ୍ଗ୍ ବୁଦି ମାନିଲେକେ ଆଡ, ଆରେ ମାପୃ ଇଚା ଇନାକା ହେଦାଙ୍ଗ୍ ବୁଜାଆଡ।

ସତ୍‌ ବଚନ୍‌ ପୁନି ନିୟମ୍‌

¹⁷ ଲାଗିଂ ବୁଦିହିଲ୍‌ୱି ଲାକେ ଆମାଟ୍‌, ମାତର୍‌ ମାପ୍ରୁତି ଇଚା ଇନାକା, ହେଦାଂ ବୁଜାଆଦେଂ ସେସ୍ଟା କିୟାଟ୍‌ ।

ଏପିସିୟ 5:17 ပူးပေါင်းရင်းမြစ်များ

ଜହନ୍‌ 7:17

ଇମ୍‌ଣାକାନ୍ ଆବା ଈଶ୍ୱର ଇଚାତାଙ୍ଗ୍ ପୁରା କିଦେଙ୍ଗ୍ ଇଚାକିନାନ୍। ହେୱାନ୍‌ନେ ପୁଞ୍ଜେଙ୍ଗ୍ ଆଡ୍‌ନାନ୍ ଇଦାଙ୍ଗ୍ ଈଶ୍ୱରନି ହିକ୍ଷା କି ନା ଜାର୍ ହିକ୍ଷା।

ରୋମିୟ 12:2

ଏପେଙ୍ଗ୍ ଇ ପୁର୍ତିନି ମାନାୟାର୍ ବ୍ୟବହାର୍ କିନିଲେକେ କିମାଟ୍, ମାତର୍ ଈଶ୍ୱର ମି ମାନ୍ତି ବାବ୍‌ନାତିଙ୍ଗ୍ ବାଦ୍‌ଲାୟ୍ କିଜି ପୁନି ମାନାୟ୍ ଲେକେ କିଦେନ୍, ଆରେ ଏପେଙ୍ଗ୍ ହାର୍ ବାବ୍‌ନା ବାବିକିଦେଙ୍ଗ୍ ଆଡ୍‌ନାଦେର୍। ଲାଗିଙ୍ଗ୍ ଏପେଙ୍ଗ୍ ଈଶ୍ୱର ଇଚାକିତି କାମାୟ୍ ୱିଜୁତିଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାଦେର୍ ଆରେ ହେଲେକେ କିନାଦେର୍। ଆରେ ଏପେଙ୍ଗ୍ ପୁନାଦେର୍ ଯେ, ହେୱାନ୍ ହାର୍ କି, ଟିକ୍ ଆରେ ୱାରି କିନିଲେକେ କାମାୟ୍ କିଦେଙ୍ଗ୍ ଇଚା କିନାନା।

ଏପିସିୟ 5:15

ଇଦାଙ୍ଗ୍ କାଜିଙ୍ଗ୍ ମି ବ୍ଯବାହାର୍‌ତାକେ ଜାଗ୍ରତ୍ ଆଡ। ଏପେଙ୍ଗ୍ ବୁଦିହିଲ୍‌ୱି ଲେକେ ଆୱାଦାଙ୍ଗ୍ ବୁଦି ମାନିଲେକେ ବ୍ଯବାହାର୍ କିୟାଟ୍।

କଲସିୟ 1:9

ହେଦାଙ୍ଗ୍ କାଜିଙ୍ଗ୍ ହେ କାତା ୱେଚି ଦିନ୍‌ତାଙ୍ଗ୍ ୱିଜୁଦିନ୍ ଆପେଙ୍ଗ୍ ମି କାଜିଙ୍ଗ୍ ପାର୍ତାନା କିନାପା। ଆପେଙ୍ଗ୍ ପାର୍ତାନା କିନାପା ଯେ, ମିଙ୍ଗେଙ୍ଗ୍ ଈଶ୍ୱର ଆତ୍ମା ଜ୍ଞାନ୍ ଆରେ ବୁଦି ହିଦେନ୍, ଇନେସ୍‌କି ଏପେଙ୍ଗ୍ ତା ଇଚାତାଙ୍ଗ୍ ପୁରାପୁରି ପୁଞ୍ଜେଙ୍ଗ୍ ଆଡ୍‌ନାଦେର୍।

କଲସିୟ 4:5

ପାର୍ତିକିୱି ମାନାୟାରିଙ୍ଗ୍ ବୁଦି ହୁଦାଙ୍ଗ୍ ବ୍ଯବହାର୍ କିୟାଟ୍, ଆରେ ୱିଜୁ ସୁଯଗ୍‌ତିଙ୍ଗ୍ ହାର୍‌ଦାଙ୍ଗ୍ ବ୍ଯବହାର୍ କିୟାଟ୍।

୧ ଥେସଲନୀକିୟ 5:18

ଏପେଙ୍ଗ୍ ଦୁଃକ୍ ୱାତିସ୍ କି ସୁକ୍ ୱାତିସ୍ ପା ୱିଜୁଦିନ୍ ଈଶ୍ୱରତିଙ୍ଗ୍ ଦନ୍ଯବାଦ୍‍କିଜି ମାନାଟ୍। ଈଶ୍ୱର ହେଦାଙ୍ଗ୍ ମିବେତାଙ୍ଗ୍ ଇଚା କିତାନ୍‌ନା, ଇନେସ୍‌କି ଏପେଙ୍ଗ୍ ଯୀଶୁ ଖ୍ରୀଷ୍ଟନି ମାନାୟ୍ କାଦେର୍।

୧ ପିତର 4:2

ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ମି ୱିଜୁ ଜିବୁନ୍ ପୁର୍ତିତାକେ କରାପ୍ କାମାୟ୍ କିଜି ଜିବୁନ୍ କାଟି କିଉତ୍, ମାତର୍ ଈଶ୍ୱର ଇଚାକିତି କାମାୟ୍ ଏପେଙ୍ଗ୍ କିନାଦେର୍।