ଏପିସିୟ 5:1 - New Testament in Pengo Parja Language

¹ ଏପେଙ୍ଗ୍ ଈଶ୍ୱର ହିମ୍‌ଣା କାଦେର୍ ଆରେ ହେୱାନ୍ ମିଙ୍ଗେଙ୍ଗ୍ ଲାଡ୍ କିଦ୍‌ନାନ୍। ଲାଗିଙ୍ଗ୍ ଏପେଙ୍ଗ୍ ହେୱାନ୍ ଲେକେ ଆଦେଙ୍ଗ୍ ଉପାୟ୍ କିୟାଟ୍।

ସତ୍‌ ବଚନ୍‌ ପୁନି ନିୟମ୍‌

¹ ଏପେଙ୍ଗ୍‌ ଇସ୍ୱର୍‌ତି ୱାରିନି ମାଜ଼ିକାଦେର୍‌, ଇଚିସ୍‌ ତା ପାଚେ ହାଞ୍ଜେଙ୍ଗ୍‌ ସେସ୍ଟା କିୟା ।

ଏପିସିୟ 5:1 ပူးပေါင်းရင်းမြစ်များ

ମାତିଉ 5:45

ହେଲେକେ କିତିସ୍ ଏପେଙ୍ଗ୍ ମି ସରଗ୍‌ନି ଆବା ମେହି ଆନାଦେର୍। ହେୱାନ୍ ତ ବାନ୍ୟା ଆରେ ହାର୍‌ଦାକାନ୍ ଇ ରିକାର୍ ଜପି ପା ଜାର୍ ୱେଡ଼ାନି ଅଜଡ଼୍‌ତିଙ୍ଗ୍ ହପିକିନାନ୍, ମାତର୍ ହାର୍ଦି ଆରେ ବାନ୍ୟା ମାନାୟ୍ ଜପି ପା ବାର୍ହା ପଡିକିନାନ୍।

ମାତିଉ 5:48

ଲାଗିଙ୍ଗ୍ ମି ସରଗ୍‌ନି ଆବା ଇନେସ୍‌କି ହାର୍ ମାନାନ୍, ଏପେଙ୍ଗ୍ ପା ହେଲେକେ ହାର୍ ଆଡୁ।”

ଜହନ୍‌ 1:12

ଇମ୍‌ଣାକାର୍ ହେୱାନିଙ୍ଗ୍ ଆସ୍ତାର୍, ଆରେ ତାବେ ପାର୍ତି କିତାର୍, ହେୱାନ୍ ହେୱାରିଙ୍ଗ୍ ଈଶ୍ୱର ମେହି ଆଦେଙ୍ଗ୍ ଆଦିକାର୍ ହିତାନ୍।

ଏପିସିୟ 4:32

ଆରେ ଏପେଙ୍ଗ୍ ଜାର୍-ଜାର୍‌ତିଙ୍ଗ୍ ସାଇଜ କିୟାଟ୍ ଆରେ ଦୟା ଚଚାଟ୍। ଆରେ ଖ୍ରୀଷ୍ଟତାକେ ରବେ ଆତି କାଜିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ଇନେସ୍ କେମା କିତ୍‌ତାନ୍‌ନା, ହେଲେକେ ଜାର୍-ଜାର୍‌ତିଙ୍ଗ୍ କେମା କିୟାଟ୍।

ପିଲିପିୟ 2:15

ଲାଗିଙ୍ଗ୍ ଇନେର୍ ପା ମିଙ୍ଗେଙ୍ଗ୍ ଦସି ଇଞ୍ଜି ୱେଚ୍‌ଚେଙ୍ଗ୍ ଆଡ଼୍‌ଦୁର୍, ଆରେ ଏପେଙ୍ଗ୍ ଦରମ୍ ମାନାୟ୍ ଆନାଦେର୍। କରାପ୍ ମାନାୟାର୍ ବିତ୍ରେ ମାନ୍‌ଞ୍ଜି ପା ଏପେଙ୍ଗ୍ ଇନାକା କରାପ୍ କାମାୟ୍ କିୱାଦାଙ୍ଗ୍ ଏପେଙ୍ଗ୍ ଈଶ୍ୱର ହିମ୍‌ଣାଙ୍ଗ୍ ଲେକେ ଆଜି ମାନାଟ୍। ଏପେଙ୍ଗ୍ ଜିବୁନ୍ ହିଦ୍‌ନି କାତାତିଙ୍ଗ୍ ଆସ୍ତି ବାଦାଡ଼୍‌ନି ହୁକା ଲେକେ ଆଜି ହେୱାର୍ ବିତ୍ରେ ଅଜଡ଼୍ ଆଡ।

କଲସିୟ 3:12

ଈଶ୍ୱର ମିଙ୍ଗେଙ୍ଗ୍ ପବିତ୍ର ମାନାୟ୍ କିଜି ବାଚି କିତ୍‌ତାନ୍‌ନା ଆରେ ଲାଡ୍ କିତ୍‌ତାନ୍‌ନା। ଲାଗିଙ୍ଗ୍ ଏପେଙ୍ଗ୍ ଜେକନିକାରିଙ୍ଗ୍ ସାଇଜ କିୟାଟ୍, ଦୟା କିୟାଟ୍ ଜାର୍‌ତିଙ୍ଗ୍ ହିରୁ କିୟାଟ୍, ମି ଆଦିକାର୍ ଚଚ୍‌ମାଟ୍ ଆରେ ସାହାସ୍ ଆସ୍ତି ମାନାଟ୍।

୧ ଯୋହନ 4:11

ଏ ନା ଲାଡ୍‌ନି ସାଙ୍ଗ କାଦେର୍, ଈଶ୍ୱର ମାଙ୍ଗେଙ୍ଗ୍ ଇଲେକେ ଲାଡ୍ କିତ୍‌ତାନ୍। ଲାଗିଙ୍ଗ୍ ଆସେଙ୍ଗ୍ ପା ଜାର୍-ଜାର୍‌ବିତ୍ରେ ଲାଡ୍‌କିନି ଦର୍‌କାର୍।