ଏପିସିୟ 4:2 - New Testament in Pengo Parja Language

² ଇଦାଙ୍ଗ୍‌ନି ଅର୍‌ତ ଯେ ଏପେଙ୍ଗ୍ ଇନାକାପା ଜାର୍‌ତିଙ୍ଗ୍ ହିରୁ ଆଜି କିୟାଟ୍, ମି ଆଦିକାର୍ ଚଚ୍‌ମାଟ୍, ସାସ୍ ଆସ୍ତି ମାନାଟ୍, ଆରେ ଜେକନିକାରିଙ୍ଗ୍ ବ୍ଯବହାର୍‌ତାଙ୍ଗ୍ ରିସା ଆୱାଦାଙ୍ଗ୍ ଜାର୍-ଜାର୍‌ତିଙ୍ଗ୍ ଲାଡ୍ କିୟାଟ୍।

ସତ୍‌ ବଚନ୍‌ ପୁନି ନିୟମ୍‌

² ସବୁୱେଡ଼ାଙ୍ଗ୍‌ ହୁଦାର୍‌, ହିତ୍‌ଡ଼ି ଆରି ସାହାସ୍‌ ଆଡ । ହାରି ଲାମାହୁଦାର୍‌ ଆଜ଼ି ଜିଉନନିତ ହାରି କାଜିଂ ହୁଞ୍ଚ୍‌ନାକାଦେର୍‌ ଆଡ;

ଏପିସିୟ 4:2 ပူးပေါင်းရင်းမြစ်များ

ମାତିଉ 11:29

ଏପେଙ୍ଗ୍ ନା ପାଚେ ୱାଡୁ, ଆନେଙ୍ଗ୍ ମିଙ୍ଗେଙ୍ଗ୍ ହିକାୟ୍ କିଦ୍‌ନାଙ୍ଗ୍। ଇନେସ୍‌କି ଆନେଙ୍ଗ୍ ର ସାଦାସିଦା ଆରେ ଦରମ୍ ମାନାୟ୍‌ତଙ୍ଗ୍‌। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଜିବୁନ୍ ପାୟାଆନାଦେର୍।

ମାର୍କ 9:19

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ପାର୍ତି କିୱାକାଦେର୍। ଆନେଙ୍ଗ୍ ମିହୁଦାଙ୍ଗ୍ କେତେକ୍ ଦିନ୍ ମାନାଙ୍ଗ୍? ଆରେ ଏପେଙ୍ଗ୍ ପାର୍ତିକିନି ପାତେକ୍ ଆନେଙ୍ଗ୍ ମିହୁଦାଙ୍ଗ୍ ଏଚେକ୍ ଦିନ୍ ମାନାଙ୍ଗ୍? ହେ ହିମ୍‌ଣାତିଙ୍ଗ୍ ନା ଲାଗାୟ୍ ତାହି ୱାଡ।” ହେୱାର୍ ଯୀଶୁତାକେ ହେୱାନିଙ୍ଗ୍ ତାତାର୍।

ପକ୍ୟାତାକା 20:19

ଯିହୁଦି ନେତାର୍ ନାଙ୍ଗେଙ୍ଗ୍ ଅସ୍ତେଦେଙ୍ଗ୍ ଉପାୟ୍ କିତିଲେ ଆନେଙ୍ଗ୍ ବେସି ଦୁକ୍‌କଷ୍ଟ ପାୟାଆତାଙ୍ଗ୍‌ନା, ମାତର୍ ଆନେଙ୍ଗ୍ ଆଡ଼୍‌ବିସ୍‌-ଆଡ଼୍‌ବିସ୍‌ ନିଜେତିଙ୍ଗ୍ ହିରୁ କିଜି ମାପୃତିଙ୍ଗ୍ ହେବା କିତାଙ୍ଗ୍‌ନା।

ରୋମିୟ 15:1

ଆପେଙ୍ଗ୍ ପୁଚାପ୍‌ନା ଯେ, ଇ ୱିଜୁ ବିଷୟରେ ଇନା ଅର୍ତ ହିଲେତ୍, ମାତର୍ ଆପେଙ୍ଗ୍ ଜାର୍‌ତିଙ୍ଗ୍ ୱାରିକିନି କାଜିଙ୍ଗ୍ ଇ ୱିଜୁ କାମାୟ୍ କିୱି ଦର୍‌କାର୍। ମାତର୍ ଆସେଙ୍ଗ୍ ପାର୍ତିନି ଉଣା ମାନି ମାନାୟାର୍ ବିଷୟରେ ଚିନ୍ତା କିନି ଦର୍‌କାର୍, ଇମ୍‌ଣି ମାନାୟାର୍ ଇ ୱିଜୁ ବିଷୟତିଙ୍ଗ୍ ହାର୍ ଇଞ୍ଜି ବାବିକିନାରା।

୧ କରନ୍ତିୟ 13:7

ଇମ୍‌ଣାକାର୍ ସତ୍ ଲାଡ୍ କିନାରା, ହେୱାର୍ ୱିଜୁଦିନ୍ ସମ୍ବାଲି କିନାର୍, ହେୱାର୍ ପାର୍ତି ଇନାୱେଡ଼ାଙ୍ଗ୍ ଉଣା ଆଉତ୍, ହେୱାର୍ ୱିଜୁଦିନ୍ ଈଶ୍ୱରତାକେ ଆହା ଇଟ୍‌ନାର୍ ଆରେ ଇମ୍‌ଣି ପର୍‌କାର୍ ପରିସ୍ତିତି ମାଚିସ୍ ପା ସମ୍ବାଲି କିନାର୍।

ଗାଲାତିୟ 6:2

ଏଚେପାଦ୍ନା ଦୁକ୍‌କଷ୍ଟ ୱାନାତ୍ ଏପେଙ୍ଗ୍ ଜାର୍-ଜାର୍‌ବିତ୍ରେ ସାଇଜ କିବା ଆଡ। ଇଲେକେ ଏପେଙ୍ଗ୍ ଖ୍ରୀଷ୍ଟ ନିୟମ୍‌ତିଙ୍ଗ୍ ମାନି କିୟାଟ୍।

ଏପିସିୟ 1:4

ଇଦାଙ୍ଗ୍‌ନି ଅର୍ତ ଇନେସ୍ ଆସେଙ୍ଗ୍ ଈଶ୍ୱର ମୁମ୍‌ଦ ପବିତ୍ର ଆରେ ଦସି ଆଉସ୍। ଇଦାଙ୍ଗ୍ କାଜିଙ୍ଗ୍ ହେୱାନ୍ ପୁର୍ତିତିଙ୍ଗ୍ ଉବ୍‌ଜାଇ କିୱି ଆଗେ, ଖ୍ରୀଷ୍ଟ କାଜିଙ୍ଗ୍ ମାଙ୍ଗେଙ୍ଗ୍ ବାଚି କିତ୍‌ତାନ୍‌ନା।

କଲସିୟ 1:11

ଆପେଙ୍ଗ୍ ଈଶ୍ୱରତିଙ୍ଗ୍ ପାର୍ତାନା କିନାପା ଯେ, ତା ମହିମା ଶାକ୍ତିନି ସାଇଜତାଙ୍ଗ୍ ମିଙ୍ଗେଙ୍ଗ୍ ଶାକ୍ତି ହିଦେନ୍। ଇନେସ୍‌କି ଏପେଙ୍ଗ୍ ୱିଜୁ ପର୍‌କାର୍ କଷ୍ଟ ୱେଡ଼ାଙ୍ଗ୍ ପା ସାସ୍ ଆରେ ସମ୍ବାଲି କିଜି ୱାରିତାଙ୍ଗ୍ ମାଞ୍ଜେଙ୍ଗ୍ ଆଡ୍‌ନାଦେର୍।

୧ ତିମତି 6:11

ଏ ଈଶ୍ୱରତିଙ୍ଗ୍ ହେବାକିନି ତିମତି, ଏନେଙ୍ଗ୍ ଇ ୱିଜୁ ବିଷୟତାଙ୍ଗ୍ ଜେକ ଆନି ଦର୍‌କାର୍। ଆରେ ଏନେଙ୍ଗ୍ ଇନାକା ଟିକ୍ ହେଦାଙ୍ଗ୍ କିଦେଙ୍ଗ୍ ଉପାୟ୍ କିୟା, ଈଶ୍ୱରତିଙ୍ଗ୍ ସନ୍‌ମାନ୍ ଆତିଲେକେ ଜିବୁନ୍ କାଟି କିୟା, ଖ୍ରୀଷ୍ଟଙ୍ଗ୍ ପାର୍ତି କିୟା, ଜେକନିକାରିଙ୍ଗ୍ ଲାଡ୍ କିୟା। ବିପତ୍ ୱେଡ଼ାଙ୍ଗ୍ ସାହାସ୍ ଆସ୍ତି ମାନା, ରିସା ଆୱାଦାଙ୍ଗ୍ ଜେକନିକାର୍‌ତାକେ ହାର୍ ଆଜି ମାନା।

୨ ତିମଥି 2:25

ହେୱାନିଙ୍ଗ୍ ବିରଦ୍ କିନି ମାନାୟାରିଙ୍ଗ୍ ଶାନ୍ତିତାଙ୍ଗ୍ ସତ୍ ବିଷୟରେ ବୁଜାଇକିନି ଦର୍‌କାର୍। ଇନେସ୍‌କି ଶୟତାନ ତା ଇଚାତାଙ୍ଗ୍ ଚାଲାଇ କିଦେଙ୍ଗ୍ ଇ ମାନାୟାରିଙ୍ଗ୍ ଜାଲ୍‌ଦ ରାତ୍‌ତାତାତ୍‌ନା। ମାତାର୍ ଇନେସ୍ ହେୱାର୍ ଇଦାଙ୍ଗ୍ ପୁନ୍‌ଞ୍ଜି ହେ ଜାଲ୍‌ଦାଙ୍ଗ୍ ମୁକ୍ତି ଆଦେଙ୍ଗ୍ ଆଡ୍‌ନାର୍, ଇଦାଙ୍ଗ୍ କାଜିଙ୍ଗ୍ କେଜାଣେ ଈଶ୍ୱର ହେୱାରିଙ୍ଗ୍ ସତ୍ ବିଷୟରେ ପୁଞ୍ଜେଙ୍ଗ୍ ଆରେ ପାପ୍ କାମାୟ୍ ପିସ୍ତି ମାପୃତାକେ ୱାଦେଙ୍ଗ୍ ସାଇଜ କିଦ୍‌ନାନ୍।

ଜାକ୍‌ବ 1:21

ହେଦାଙ୍ଗ୍ କାଜିଙ୍ଗ୍ ୱିଜୁ ପର୍‌କାର୍ କରାପ୍ କାମାୟ୍ କିନାକା ପିହାଟ୍, ଆରେ ୱିଜୁଦିନ୍ କିନି ଦୁଷ୍ଟ କାମାୟ୍ ବନ୍ଦ୍ କିୟାଟ୍। ଆରେ ମିବେ ମାନି ଈଶ୍ୱର କାତାତିଙ୍ଗ୍ ସଦ୍‌ଦରମ୍ ଆଜି ଆହାଟ୍ ହେଦାଙ୍ଗ୍ ମି ଜିବୁନ୍‌ତିଙ୍ଗ୍ ଉଦାର୍ କିଦ୍‌ଦେଙ୍ଗ୍ ଶାକ୍ତି ହିଦ୍‌ନାତ୍‌।

୧ ପିତର 3:15

ଏପେଙ୍ଗ୍ ଖ୍ରୀଷ୍ଟଙ୍ଗ୍ ମାପୃ ଇଞ୍ଜି ହେବା କିନି ଦର୍‌କାର୍। ଆରେ ଇନେର୍ ଯଦି ମିଙ୍ଗେଙ୍ଗ୍ ୱେନ୍‌ବା ଆଦ୍‌ନାର୍ ଏପେଙ୍ଗ୍ ଇନାକିଦେଙ୍ଗ୍ ଖ୍ରୀଷ୍ଟଙ୍ଗ୍ ଆହା କିନାଦେରା, ଲାଗିଙ୍ଗ୍ ଏପେଙ୍ଗ୍ ହେୱାରିଙ୍ଗ୍ ବୁଜାୟ୍ କିନି କାଜିଙ୍ଗ୍ ୱିଜୁନାଞ୍ଜିଙ୍ଗ୍‌ ରେଡି ମାନି ଦର୍‌କାର୍।

୧ ପିତର 3:8

ସେସ୍ ୱେଡ଼ାଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା ଯେ, ୱିଜାକାଦେର୍ ର ମାନ୍ କିନି ଦର୍‌କାର୍। ଏପେଙ୍ଗ୍ ଜାର୍-ଜାର୍ କାଜିଙ୍ଗ୍ କାନିକରମ୍‌ ଆନି ଦର୍‌କାର୍ ଆରେ ର କୁଟୁମ୍‌ନି ମାନାୟାର୍‌ଲେକେ ଜାର୍-ଜାର୍‌ବିତ୍ରେ ଲାଡ୍ କିୟାଟ୍, ଏପେଙ୍ଗ୍ ଜାର୍-ଜାର୍‌ବିତ୍ରେ ଦୟା କିୟାଟ୍ ଆରେ ଦରମ୍ ଆଡ।