ଏପିସିୟ 3:16 - New Testament in Pengo Parja Language

¹⁶ ଆନେଙ୍ଗ୍ ଇଦାଙ୍ଗ୍ ପାର୍ତାନା କିନାଙ୍ଗା ଯେ ତା ଗୌରବନି ଦନ୍ ତା ଆତ୍ମାତାଙ୍ଗ୍ ମି ଆତ୍ମା ଶାକ୍ତି ଆୟେତ୍।

ସତ୍‌ ବଚନ୍‌ ପୁନି ନିୟମ୍‌

¹⁶ ଇନେସ୍‌ ହେୱାନ୍‌ ଜାର୍‌ ଜାଜ୍‌ମାଲ୍‌ ଲାକେ ଦନ୍‌ ଇସାବ୍‌ରେ ଜାର୍‌ ଜିବୁନ୍ତି ହୁକେ ମିଙ୍ଗେଙ୍ଗ୍‌ ଜାର୍‌ ମାନାୟ୍‌ତାଂ ସାକ୍ତି ପାୟା ଆଜ଼ି ବାପୁ ଆଦେଂ ହିଦ୍‌ନାନ୍‌ ହେଦାଂ କାଜିଂ ପାର୍ତାନା କିନାଙ୍ଗା,

ଏପିସିୟ 3:16 ပူးပေါင်းရင်းမြစ်များ

ମାତିଉ 6:13

ଆରେ ମାଙ୍ଗେଙ୍ଗ୍ ଶୟତାନ ପରିକ୍ଷାତାକେ ତାତ୍‌ମା, ମାତର୍ ଶୟତାନନି ପାପ୍ କାମାୟ୍‌ତାଙ୍ଗ୍ ରକ୍ଷା କିଦା। (ହେଲେକେ ନି ରାଜି, ସାକ୍ତି ଆରେ ନି ଜୟ୍-ଜୟ୍ ଯୁଗ୍ ଯୁଗ୍‌ତ ଆୟେତ୍। ଆମେନ୍।)’

ରୋମିୟ 2:29

ମାତର୍ ମି ଗରବ୍ ଈଶ୍ୱର ହୁଦାଙ୍ଗ୍ ଟିକ୍‌ଆଜି ମାନାତ୍, ଲାଗିଙ୍ଗ୍ ଏପେଙ୍ଗ୍ ସତ୍ ଯିହୁଦି। ଆରେ ସତ୍ ସୁନତ ଇଲେକେ ଯେ, ଗାଗାଡ଼୍‌ନି ଜିନିଷ୍ ହଣ୍ଡ୍‌ନାକା ଆକାୟ୍, ମାତର୍ ଈଶ୍ୱର ଆତ୍ମା ସାଇଜତାଙ୍ଗ୍ ଜାର୍ ଗରବ୍‌ତିଙ୍ଗ୍ ବାଦ୍‌ଲାୟ୍ କିନାକା। ହେ ଲେଗ୍‌ଦି ମାନାୟ୍ ଈଶ୍ୱରତାଙ୍ଗ୍ ଜୟ୍-ଜୟ୍ ପାୟା ଆନାନ୍, ମାତର୍ ମାନାୟାର୍‌ତାଙ୍ଗ୍ ପାୟା ଆଉନ୍।

ରୋମିୟ 7:22

ଆନେଙ୍ଗ୍ ନା ଗରବ୍‌ତାଙ୍ଗ୍ ଈଶ୍ୱର ଦରମ୍ ସାସ୍ତର୍‌ନି ନିୟମ୍‌ତିଙ୍ଗ୍ ଲାଡ୍ କିନାଙ୍ଗା,

ରୋମିୟ 9:23

ଈଶ୍ୱର ଇମ୍‌ଣାକାରିଙ୍ଗ୍ ଆଗେ ଦୟାକିଜି ତା ଗୌରବ ହିନି କାଜିଙ୍ଗ୍ ବାଚିକିଜି ମାଚାନ୍, ହେୱାର୍ ପା ତା ଗୌରବ ପାୟାଆନି ଅଦିକାର୍ ମାନାତ୍।

୧ କରନ୍ତିୟ 16:13

ଏପେଙ୍ଗ୍ ହୁଞ୍ଜ୍‌କାର୍ ଲେକେ ଆମାଟ୍, ମାତର୍ ଆଦିକ୍‌ତାଙ୍ଗ୍ ଆଦିକ୍ ପାର୍ତି କିଜି ମାନାଟ୍। ଏପେଙ୍ଗ୍ ସାସ୍ ମାନାକାଦେର୍ ଆଡ ଆରେ ଆଦିକ୍‌ତାଙ୍ଗ୍ ଆଦିକ୍ ପାର୍ତିକିୟାଟ୍।

୨ କରନ୍ତିୟ 12:9

ଆରେ, ହେୱାନ୍ ନାଙ୍ଗେଙ୍ଗ୍ ୱେଚ୍‌ଚି ମାନ୍‌ଞ୍ଚାନ୍ ନା ଦୟାନି କାଜିଙ୍ଗ୍ ଜତେଷ୍ଟ, ଇନେସ୍‌କି ଏନେଙ୍ଗ୍ ଦୁର୍‌ବଲ୍ ମାଚିସ୍ ନେ ନା ଶାକ୍ତି ନିତାକେ ପୁରାଆନାତ୍। ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ନା ଦୁର୍‌ବଲ୍ କାଜିଙ୍ଗ୍ ବାଟ୍‌ପାଣ୍ ଆନାଙ୍ଗା, ଲାଗିଙ୍ଗ୍ ଖ୍ରୀଷ୍ଟ ଶାକ୍ତି ନା ଜପି ମାନ୍‌ଗାନାତ୍।

୨ କରନ୍ତିୟ 4:16

ମା ଗାଗାଡ଼୍ ହାଃଜି ମାଚିସ୍ ପା ଆପେଙ୍ଗ୍ ହାର୍ଦିକାବୁର୍ ଶୁଣାୟ୍ କିନାକା ବନ୍ଦ୍ କିଉପା, ମାତର୍ ମା ଆତ୍ମା ୱିଜୁଦିନ୍ ପୁନାକା ଆନାତା।

ଏପିସିୟ 1:18

ଈଶ୍ୱର ମିଙ୍ଗେଙ୍ଗ୍ ଇମ୍‌ଣି ଆହା କାଜିଙ୍ଗ୍ କୁକ୍ତାତାନ୍‌ନା, ଆରେ ଈଶ୍ୱର ସାଦୁ ମାନାୟାର୍ କାଜିଙ୍ଗ୍ କେତେକ୍ ଗାଜା ଆରେ ଗୌରବନି ଆଶ୍ରିବାଦ୍ ପାର୍ମାଣ୍ କିତ୍‌ତାନ୍‌ନା। ଇବିଷୟ ଏପେଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାଦେର୍ ହେଦାଙ୍ଗ୍ କାଜିଙ୍ଗ୍ ଈଶ୍ୱର ମି ଗରବ୍‌ତିଙ୍ଗ୍ ଜେତେନ୍ ଇଞ୍ଜି ଆନେଙ୍ଗ୍ ପାର୍ତାନା କିନାଙ୍ଗ୍।

ଏପିସିୟ 1:7

ଈଶ୍ୱର ବେସି ଦୟାତାଙ୍ଗ୍ ଆସେଙ୍ଗ୍ ହେ ଯୀଶୁ ଖ୍ରୀଷ୍ଟନି ନେତେର୍ କାଜିଙ୍ଗ୍ ମୁକ୍ତି ପାୟାଆତାସ୍, ଇଦାଙ୍ଗ୍‌ନି ଅର୍‌ତ ଈଶ୍ୱର ମା ପାପ୍ ୱିଜୁତିଙ୍ଗ୍ କେମା କିତ୍‌ତାନ୍‌ନା।

ଏପିସିୟ 2:7

ତା ଦୟା ଯେ କେତେକ୍‌ ଗାଜା, ହେଦାଙ୍ଗ୍ ଜେକନିକାର୍‌ତାକେ ଆଗେ ୱାନି ଦିନ୍‌ତ ପୁନିକିଦେଙ୍ଗ୍ ଈଶ୍ୱର ଇଦାଙ୍ଗ୍ କିତାନ୍‌ନା। ଆରେ ଯୀଶୁ ଖ୍ରୀଷ୍ଟ ଇନାକା ମା କାଜିଙ୍ଗ୍ କିତାନ୍‌ନା, ହେଦାଙ୍ଗ୍ କାଜିଙ୍ଗ୍ ହେୱାନ୍ ମାଙ୍ଗେଙ୍ଗ୍ ଦୟା କିତ୍‌ତାନ୍‌ନା।

ଏପିସିୟ 3:8

ଈଶ୍ୱର ୱିଜୁ ମାନାୟାର୍ ବିତ୍ରେ ଆନେଙ୍ଗ୍ ରକାଙ୍ଗ୍ ହିରୁକାଙ୍ଗ୍। ମାତର୍ ବିନ୍‌ଜାତିନି ମାନାୟାରିଙ୍ଗ୍ ଖ୍ରୀଷ୍ଟତାକେ ମାନି ୱିଜ୍‌ୱି ହେବାକିନି ବାବ୍‌ନାତାଙ୍ଗ୍ ଆଦିକ୍ ଆଶ୍ରିବାଦ୍‌ନି ହାର୍ଦିକାବୁର୍ ଆନେଙ୍ଗ୍ ୱେଚ୍‌ଚେଙ୍ଗ୍ ଆଡ୍‌ନାଙ୍ଗ୍।

ଏପିସିୟ 6:10

ସେସ୍ କାତା ଇଦାଙ୍ଗ୍, ମାପୃତାଙ୍ଗ୍ ଶାକ୍ତି ପାୟାଆଜି ତା ଶାକ୍ତିତାଙ୍ଗ୍ ବାଡ଼୍‌କାସ୍ ଆଡ।

ପିଲିପିୟ 4:13

ନାଙ୍ଗେଙ୍ଗ୍ ଶାକ୍ତି ହିଦ୍‌ନି ଖ୍ରୀଷ୍ଟ ସାଇଜତାଙ୍ଗ୍ ଆନେଙ୍ଗ୍ ୱିଜୁ ବିଷୟ କିଦେଙ୍ଗ୍ ଆଡ୍‌ନାଙ୍ଗ୍।

ପିଲିପିୟ 4:19

ନା ଈଶ୍ୱର ଯୀଶୁ ଖ୍ରୀଷ୍ଟ ତା ଗୌରବ ଶାକ୍ତିତାଙ୍ଗ୍ ମିଙ୍ଗେଙ୍ଗ୍ ଦର୍‌କାର୍ ଆଦ୍‌ନି ଜିନିଷ୍‌ତିଙ୍ଗ୍ ହିଦ୍‌ନାନ୍।

କଲସିୟ 1:11

ଆପେଙ୍ଗ୍ ଈଶ୍ୱରତିଙ୍ଗ୍ ପାର୍ତାନା କିନାପା ଯେ, ତା ମହିମା ଶାକ୍ତିନି ସାଇଜତାଙ୍ଗ୍ ମିଙ୍ଗେଙ୍ଗ୍ ଶାକ୍ତି ହିଦେନ୍। ଇନେସ୍‌କି ଏପେଙ୍ଗ୍ ୱିଜୁ ପର୍‌କାର୍ କଷ୍ଟ ୱେଡ଼ାଙ୍ଗ୍ ପା ସାସ୍ ଆରେ ସମ୍ବାଲି କିଜି ୱାରିତାଙ୍ଗ୍ ମାଞ୍ଜେଙ୍ଗ୍ ଆଡ୍‌ନାଦେର୍।

କଲସିୟ 1:27

ଖ୍ରୀଷ୍ଟତି ଗୌରବନି ଦନ୍ ବିନ୍‌ଜାତିନି ମାନାୟାରିଙ୍ଗ୍ ପା ମାନାତ୍ ଇଞ୍ଜି ଈଶ୍ୱର ତା ମାନାୟାରିଙ୍ଗ୍ ପୁନିକିଦେଙ୍ଗ୍ ଇଚା କିତାନ୍। ଖ୍ରୀଷ୍ଟ ମି ବିତ୍ରେ ବାହା କିନାନ୍ ହେଦାଙ୍ଗ୍ ଆନାତା ଡ଼ୁଗ୍‌ତି ବିଷୟ। ତା ଗୌରବ ପାୟାଆନି କାଜିଙ୍ଗ୍ ଇଦାଙ୍ଗ୍ ମାଙ୍ଗେଙ୍ଗ୍ ଆହା ହିଦ୍‌ନାତ୍।

କଲସିୟ 2:2

ହେୱାର୍ ପାର୍ତିତାଙ୍ଗ୍ ସାସ୍ କିଦେଙ୍ଗ୍ ଆରେ ଲାଡ୍‌ତାଙ୍ଗ୍ ଜାର୍-ଜାର୍‌ବିତ୍ରେ ମିତ୍ରଆଜି ମାଞ୍ଜେଙ୍ଗ୍ ଆନେଙ୍ଗ୍ ଇଚା କିନାଙ୍ଗା। ଈଶ୍ୱରତି ଡ଼ୁକ୍‌ତି ବିଷୟ ଯୀଶୁ ଖ୍ରୀଷ୍ଟଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାର୍ ଆରେ ପୁରାପୁରି ଆହା ଇଡ଼୍‌ଦେଙ୍ଗ୍ ଆଡ୍‌ନାର୍, ଇଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ଇଦାଙ୍ଗ୍ ୱେଚ୍‌ନାଙ୍ଗା।

୨ ତିମଥି 4:17

ମାତର୍ ମାପୃ ନା ନିପଣ୍ ଆଜି ନାଙ୍ଗେଙ୍ଗ୍ ଶାକ୍ତି କିତ୍‌ତାନ୍, ଆରେ ଆନେଙ୍ଗ୍ ଇନେସ୍ ହାର୍ଦିକାବୁର୍ ପୁରାପୁରି କିଲେର୍ କିଜି ଶୁଣାୟ୍ କିଦେଙ୍ଗ୍ ଆଡ୍‌ନାଙ୍ଗ୍। ଆରେ ବିନ୍‌ଜାତିର୍ ୱିଜୁ ମାନାୟାର୍ ହେଦାଙ୍ଗ୍ ୱେଞ୍ଜେଙ୍ଗ୍ ଆଡ୍‌ନାର୍, ଇଦାଙ୍ଗ୍ କାଜିଙ୍ଗ୍ ହେୱାନ୍ ନାଙ୍ଗେଙ୍ଗ୍ ହାଃନିତାଙ୍ଗ୍ ରକ୍ଷା କିତ୍‌ତାନ୍।

ଏବ୍ରି 11:34

ନାଣି ହେୱାରିଙ୍ଗ୍ କାଡିକିଦେଙ୍ଗ୍ ଆଡ୍‌ୱାତାତ୍, ଆରେ କାଣ୍ଡା ହେୱାରିଙ୍ଗ୍ ଅସ୍ତେଙ୍ଗ୍ ଆଡ୍‌ୱାତାତ୍। ଇମ୍‌ଣାକାର୍ ଦୁର୍‌ବଲ୍ ମାଚାର୍ ହେୱାର୍ ଶାକ୍ତି ଆଜି ଯୁଜ୍‌ତାକେ ଜିତା ଆତାର୍। ଆରେ ହେୱାର୍ ତା ଶତ୍ରୁନି ସେନାରିଙ୍ଗ୍ ପେସ୍ତାର୍।

୧ ପିତର 3:4

ମାତର୍ ତା ବାଦୁଲ୍‌ରେ ମି ବ୍ୟବହାର୍‌ତିଙ୍ଗ୍ ହୋଲି କିୟାଟ୍, ହେ ହଲ୍‌ନାକା ଇନାୱେଡ଼ାଙ୍ଗ୍ ପା ନଷ୍ଟ ଆୱି ଦରମ୍ ଆରେ ଶାନ୍ତି ଆତ୍ମା ଆରେ ହେଦାଙ୍ଗ୍ ଈଶ୍ୱର କାଜିଙ୍ଗ୍ ବେସି ଦାମ୍‌ଦି ବିଷୟ।