ଏପିସିୟ 2:19 - New Testament in Pengo Parja Language

¹⁹ ଇଦାଙ୍ଗ୍ କାଜିଙ୍ଗ୍ ହେ ବିନ୍‌ଜାତିନି ମାନାୟାର୍, ଏପେଙ୍ଗ୍ ଆରେ ଇଦେସ୍ କି ବିନ୍‌ଦେସ୍ ଆକାୟ୍। ମାତର୍ ସାଦୁ ମାନାୟାର୍ ହୁଦାଙ୍ଗ୍ ମାହାଆଜି ର ବାହାତାକେ ବାହାକିନି ମାନାୟ୍ ଆରେ ଈଶ୍ୱରନି ପରିବାର୍।

ସତ୍‌ ବଚନ୍‌ ପୁନି ନିୟମ୍‌

¹⁹ ଲାଗିଂ, ଏପେଙ୍ଗ୍‌ ନଙ୍ଗ୍‌ ବିଦେସିୟା କି ଜାର୍‌ ଦେସ୍‌ନି ମାନାୟ୍‌ ଆକାୟ୍‌ ମାତର୍‌ ସାଦୁର୍‌ ଲାହାଂ ଏପେଙ୍ଗ୍‌ ଇସ୍ୱର୍‌ତି ପୁଇପୁୟା ଲକୁ ଲାହାଂ ଏପେଙ୍ଗ୍‌ ପା ତା ରାଜିନି ବାହା କିନାକାନ୍‌ ଆରି ଇସ୍ୱର୍‌ତି କୁଟୁମ୍‌ ଆତାଦେର୍ଣ୍ଣା ।

ଏପିସିୟ 2:19 ပူးပေါင်းရင်းမြစ်များ

ମାତିଉ 10:25

ଚେଲା ତା ଗୁରୁ ଲେକେ ଆରେ ହଲିଆ ତା ମାଲିକ୍ ଲେକେ ଆଦେଙ୍ଗ୍ ଆଡ଼୍‌ତିସ୍ ହାର୍। ମାତର୍ ଇଲ୍ ମାଲିକ୍‌ତିଙ୍ଗ୍ ବାଲ୍‌ଜିବୁଲ୍ ଶୟତାନ ଇଞ୍ଜି କୁକ୍ତିସ୍, ଆରେ ଇଲ୍‌ନି ଜେକନିକାରିଙ୍ଗ୍ ତ ଆଦିକ୍ ବାନ୍ୟା ତର୍‍ଦାଙ୍ଗ୍ କୁକିୟା ଆନାତ୍।”

ଗାଲାତିୟ 6:10

ଲାଗିଙ୍ଗ୍ ଏଚେପାଦ୍ନା ମାଙ୍ଗେଙ୍ଗ୍ ସୁଯଗ୍ ଗାଟାଆଦ୍‍ନାତ୍, ୱିଜୁ ମାନାୟାର୍ କାଜିଙ୍ଗ୍ ବିଶେସ୍ କିଜି ପାର୍ତିକିନି ମାନାୟାରିଙ୍ଗ୍ ହାର୍ଦି କାମାୟ୍‌ତାକେ ସାଇଜ କିୟାଟ୍।

ଏପିସିୟ 2:12

ହେପାଦ୍ନା ଏପେଙ୍ଗ୍ ଖ୍ରୀଷ୍ଟତାଙ୍ଗ୍ ଜେକ ମାଚାଦେର୍। ଈଶ୍ୱର ବାଚିକିଜି ମାଚି ଇସ୍ରାଏଲନି ମାନାୟାର୍ ବିତ୍ରେ ଏପେଙ୍ଗ୍ ହିଲ୍‌ୱାତାଦେର୍ ଆରେ ଈଶ୍ୱର ହେୱାରିଙ୍ଗ୍ ପାର୍ମାଣ୍ କିଜିମାଚି ନିୟମ୍‌ନି ବାଗ୍ ଆୱାଦାଙ୍ଗ୍ ମାଚାଦେର୍। ଏପେଙ୍ଗ୍ ଈଶ୍ୱରତିଙ୍ଗ୍ ପୁନ୍‌ୱାଦାଙ୍ଗ୍ ମାଚାଦେର୍ ଆରେ ୱିଜ୍‌ୱି ଜିବୁନ୍‌ନି ଆହା ଇଟ୍‌ୱାଦାଙ୍ଗ୍ ଇ ପୁର୍ତିତାକେ ଜିବୁନ୍ କାଟିକିଜି ମାଚାଦେର୍।

ଏପିସିୟ 3:6

ଈଶ୍ୱର ଡ଼ୁକ୍‌ତି ଜଜ୍‌ନା ଇଦାଙ୍ଗ୍ ଯେ, ହାର୍ଦିକାବୁର୍ କାଜିଙ୍ଗ୍ ଯୀଶୁ ଖ୍ରୀଷ୍ଟତାକେ ଆପେଙ୍ଗ୍ ରବେ ଆତି କାଜିଙ୍ଗ୍ ବିନ୍‌ଜାତିର୍ ପା ଯିହୁଦିର୍ ଲେକେ ହାମାନ୍ ଆଦିକାର୍ ପାୟାଆତାର୍‌ନା। ହେୱାର୍ ର ଗାଗାଡ଼୍, ଆରେ ଈଶ୍ୱର ପାର୍ମାଣ୍‌ତାକେ ମାହା ଆତାର୍‌ନା।

ପିଲିପିୟ 3:20

ମାତର୍ ଆପେଙ୍ଗ୍ ସରଗ୍ ଦେସ୍‌ତ ବାହାକିନି ମାନାୟ୍। ଆରେ ଆପେଙ୍ଗ୍ ସରଗ୍‌ତାଙ୍ଗ୍ ପୁର୍ତିତାକେ ୱାନି ମା ମାପୃ ଯୀଶୁ ଖ୍ରୀଷ୍ଟ ଉଦାର୍ କିଦ୍‌ନାକାନିଙ୍ଗ୍ ଆପେଙ୍ଗ୍ କାକୁଲ୍‌ତି ଆଜି କାତାପ୍‌ନା।

ଏବ୍ରି 11:13

ଈଶ୍ୱର ଇନାକା ପାର୍ମାଣ୍ କିଜି ମାଚାନ୍, ହେଦାଙ୍ଗ୍ ପାୟାଆୱାଦାଙ୍ଗ୍ ଇ ୱିଜୁ ପାର୍ତିକିନି ମାନାୟ୍ ହାଃତାର୍, ମାତର୍ ହେୱାର୍ ଈଶ୍ୱର ପାର୍ମାଣ୍‌ତିଙ୍ଗ୍ ଦେହାତାଙ୍ଗ୍ ହୁଡ଼୍‌ଜି ଆସ୍ତାର୍। ଲାଗିଙ୍ଗ୍ ହେୱାର୍ ଇ ପୁର୍ତିତାକେ ବିନେନି ଦେସ୍ତି ମାନାୟ୍ ଆରେ ଚିନ୍ କିୱିତି ମାନାୟ୍ ଲେକେ ଆଜି ମାଚାର୍।

ଏବ୍ରି 13:14

ଇନେସ୍‌କି ଇ ପୁର୍ତିତାକେ ମା କାଜିଙ୍ଗ୍ ୱିଜୁଦିନ୍ ମାନି ଇଲ୍ ଆକାୟ୍, ମାତର୍ ସରଗ୍‌ତାକେ ମାନି ମା ସହର୍‌ତିଙ୍ଗ୍ ଆପେଙ୍ଗ୍ ଡେକ୍‌ନାପା, ହେ ସହର୍ ୱାନାକା ମାନାତ୍।

୧ ପିତର 2:11

ଏ ଲାଡ୍‌ନି ସାଙ୍ଗ କାଦେର୍, ଏପେଙ୍ଗ୍ ବିନ୍‌ଦେସ୍ ଆରେ ପୁନ୍‌ୱିତି ମାନାୟ୍ ଲେକେ ଇ ପୁର୍ତିତାକେ ମାନାଦେରା। ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ଗୁୱାରି କିଦ୍‌ନାଙ୍ଗା ଯେ, ଏପେଙ୍ଗ୍ ୱିଜୁ ପର୍‌କାର୍ ପାପ୍ କାମାୟ୍‌ତାଙ୍ଗ୍ ଦେହା ମାନାଟ୍, ଇନେସ୍‌କି ହେଦାଙ୍ଗ୍ ମି ଜିବୁନ୍ ବିରୁଦ୍‌ତାକେ ଜୁଜ୍ କିଦ୍‌ନାତ୍।

୧ ଯୋହନ 3:1

ମା ଆବା ଈଶ୍ୱର ମାଙ୍ଗେଙ୍ଗ୍ ବେସି ଲାଡ୍ କିଦ୍‌ନାନ୍ ଯେ, ଆସେଙ୍ଗ୍ ମେହିକାସ୍ ଆଦେଙ୍ଗ୍ ଆଡ୍‌ନାସ୍, ଆରେ ଆସେଙ୍ଗ୍ ହାତ୍‌ପା ତା ମେହିକାସ୍। ହେଦାଙ୍ଗ୍ କାଜିଙ୍ଗ୍ ଇ ପୁର୍ତିନି ମାନାୟାର୍ ମାଙ୍ଗେଙ୍ଗ୍ ଚିନ୍ କିଦୁର୍, ଇନେସ୍‌କି ହେୱାର୍ ଈଶ୍ୱରତିଙ୍ଗ୍ ପା ଚିନ୍ କିୱାଦାଙ୍ଗ୍ ମାଚାର୍।