କଲସିୟ 4:2 - New Testament in Pengo Parja Language

² ଏପେଙ୍ଗ୍ ୱିଜୁଦିନ୍ ପାର୍ତାନା କିଜି ମାନାଟ୍। ଏପେଙ୍ଗ୍ ପାର୍ତାନା କିନିହିଙ୍ଗ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିୟାଟ୍ ଆରେ ଜାଗ୍ରତ୍ ଆଜି ମାନାଟ୍।

ସତ୍‌ ବଚନ୍‌ ପୁନି ନିୟମ୍‌

² ସବୁୱେଡ଼ାଙ୍ଗ୍‌ ପାର୍ତାନତ ଜିବୁନ୍‌ ଜିପ୍‌କା କିୟାଟ୍‌ ଆରି ଇସ୍ୱର୍‌ତିଂ ଦନ୍ୟବାଦ୍‌ କିଜ଼ି ପାର୍ତାନାତ ଜାଗ୍ରତ୍‌ ମାନାଟ୍‌ ।

କଲସିୟ 4:2 ပူးပေါင်းရင်းမြစ်များ

ମାତିଉ 26:41

ଆରେରଗ ଯୀଶୁ ଚେଲାହିରିଙ୍ଗ୍ ୱେଚ୍‌ଚାନ୍, “ନାଙ୍ଗେଙ୍ଗ୍ କାସି ମାଞ୍ଜାଟ୍, ଆରେ ଏପେଙ୍ଗ୍ ଇନେସ୍‌କି ପରିକ୍ଷାତାକେ ପଡ଼ାଆଉଦେର୍‌ ହେଦାଙ୍ଗ୍ କାଜିଙ୍ଗ୍ ପାର୍ତାନା କିୟାଟ୍, ମି ଆତ୍ମା ସତ୍ କିଦେଙ୍ଗ୍ ଇଚା କିନାତ୍, ମାତର୍ ମି ଗାଗାଡ଼୍ ବାଡ଼୍‌କାସ୍ ହିଲେତ୍।”

ମାର୍କ 13:33

ମାତର୍ ଏପେଙ୍ଗ୍ ପାର୍ତାନାତାକେ ଜାଗ୍ରତ୍ ଆଜି କାସିମାନାଟ୍! ଇନେସ୍‌କି ହେ ଦିନ୍ ଇନାୱେଡ଼ାଙ୍ଗ୍ ଇ ଗଟ୍‌ନା ଏକିୱାନାତ୍ ହେଦାଙ୍ଗ୍ ଏପେଙ୍ଗ୍ ପୁନୁଦେର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 18:1

ଯୀଶୁ ତା ଚେଲାହିରିଙ୍ଗ୍ ହିକ୍ଷାହିଜି ମାଚାନ୍ ଯେ, ହେୱାର୍ ୱିଜୁଦିନ୍ ଆହା ଆରାଇ କିୱିଲେକେ ପାର୍ତାନା କିନି ଦର୍‌କାର୍। ଯୀଶୁ ହେୱାରିଙ୍ଗ୍ ହିକାଇ କିଦେଙ୍ଗ୍ ଇ କାତା ୱେଚ୍‌ଚାନ୍,

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 21:36

ଏପେଙ୍ଗ୍ ପାର୍ତାନା କିଜି ୱିଜୁଦିନ୍ ଜାଗ୍ରତ୍ ମାନାଟ୍। ଲାଗିଙ୍ଗ୍ ଏପେଙ୍ଗ୍ ୱାନି ଦୁକ୍‌ନି ସମୟ୍‌ତିଙ୍ଗ୍ ରକ୍ଷା ପାୟାଆନାଦେର୍। ଆରେ ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ମୁମ୍‌ଦ ସାସ୍ ଆସ୍ତି ନିଲ୍‌ତେଙ୍ଗ୍ ଆଡ୍‌ନାଦେର୍।”

ପକ୍ୟାତାକା 1:14

ଇ ବାଚିକିତି ଚେଲାହିର୍ ହୁଦାଙ୍ଗ୍ କେତେକ୍ ଜେକନି କଗ୍‍ଲେକ୍, ଆରେ ଯୀଶୁ ତେହି ମରିୟମ, ଆରେ ତା ଟଣ୍ଡାହିର୍ ହୁଦାଙ୍ଗ୍ ମେହାଆଜି ର ମାନ୍ କିଜି ପାର୍ତାନା କିଜି ମାଚାର୍।

ରୋମିୟ 12:12

ଯଦି ଏପେଙ୍ଗ୍ ଈଶ୍ୱରତିଙ୍ଗ୍ ଆହା କିନାଦେରା ଲାଗିଙ୍ଗ୍ ୱାରିୟା ଆଡ, ଇନେସ୍‌କି ଈଶ୍ୱର ମି କାଜିଙ୍ଗ୍ ହାର୍ ଉପାୟ୍ କିନାନା। ଏପେଙ୍ଗ୍ ଦୁଃକ୍ କଷ୍ଟ କାଜିଙ୍ଗ୍ ସାସ୍ ଆଜି ମାନାଟ୍, ଆରେ ଏପେଙ୍ଗ୍ ୱିଜୁଦିନ୍ ଈଶ୍ୱରତାକେ ପାର୍ତାନା କିଜି ମାନାଟ୍।

ଏପିସିୟ 6:18

ୱିଜୁଦିନ୍ ପବିତ୍ର ଆତ୍ମା ସାଇଜତାଙ୍ଗ୍ ଈଶ୍ୱରତାକେ ପାର୍ତାନା ଆରେ ଗୁୱାରି କିୟାଟ୍। ଆରେ ୱିଜୁ ସାଦୁ ମାନାୟାର୍ କାଜିଙ୍ଗ୍ କାସି ମାନ୍‌ଞ୍ଜି ପାର୍ତାନା କିୟାଟ୍।

ପିଲିପିୟ 4:6

ଏପେଙ୍ଗ୍ ଇନା ବିଷୟରେ ପା ଚିନ୍ତା କିମାଟ୍। ମାତର୍ ୱିଜୁ ବିଷୟରେ ଈଶ୍ୱରତାକେ ପାର୍ତାନା କିୟାଟ୍। ଆରେ ମିଙ୍ଗେଙ୍ଗ୍ ଇନାକା ଦର୍‌କାର୍ ହେୱାନିଙ୍ଗ୍ ଗୁୱାରି ଆରେ ଦନ୍ଯବାଦ୍ ହିଜି ଏନାଟ୍।

କଲସିୟ 1:9

ହେଦାଙ୍ଗ୍ କାଜିଙ୍ଗ୍ ହେ କାତା ୱେଚି ଦିନ୍‌ତାଙ୍ଗ୍ ୱିଜୁଦିନ୍ ଆପେଙ୍ଗ୍ ମି କାଜିଙ୍ଗ୍ ପାର୍ତାନା କିନାପା। ଆପେଙ୍ଗ୍ ପାର୍ତାନା କିନାପା ଯେ, ମିଙ୍ଗେଙ୍ଗ୍ ଈଶ୍ୱର ଆତ୍ମା ଜ୍ଞାନ୍ ଆରେ ବୁଦି ହିଦେନ୍, ଇନେସ୍‌କି ଏପେଙ୍ଗ୍ ତା ଇଚାତାଙ୍ଗ୍ ପୁରାପୁରି ପୁଞ୍ଜେଙ୍ଗ୍ ଆଡ୍‌ନାଦେର୍।

କଲସିୟ 2:7

ଆରେ ମାର୍‌ତି ଚିରା ଇନେସ୍ ମେଦ୍‌ନିତାକେ ହାଲ୍‌ଜି ଆଟ୍‌ୱା ଆଜି ମାନାତ୍, ହେଲେକେ ଏପେଙ୍ଗ୍ ହେୱାନ୍‌ତାକେ ବେସି ଆଟ୍‌ୱା ଆଜି ମାନାଟ୍। ମି ଜିବୁନ୍ ହେୱାନ୍‌ତାକେ ବାଡା ଆୟେତ୍, ଲାଗିଙ୍ଗ୍ ଏପେଙ୍ଗ୍ ଇମ୍‌ଣି ହିକ୍ଷା ପାୟା ଆତାଦେର୍‌ନା ହେ ଅନୁସାରେ ମି ପାର୍ତି ସତ୍‌ତାକେ ଆଦିକ୍‌ତାଙ୍ଗ୍ ଆଦିକ୍ ଆଟ୍‌ୱା ଆନାତ୍‌। ଆରେ ଆଦିକ୍‌ତାଙ୍ଗ୍ ଆଦିକ୍ ଏପେଙ୍ଗ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିନାଦେର୍।

କଲସିୟ 3:15

ଖ୍ରୀଷ୍ଟ ହିଜି ମାନ୍‌ଞ୍ଚି ଶାନ୍ତି ମି ଗରବ୍‌ନି ବାବ୍‌ନାତିଙ୍ଗ୍ କଣ୍ଟ୍ରୁଲ୍ କିଦେତ୍, ଇନେସ୍‌କି ଏପେଙ୍ଗ୍ ୱିଜାକାଦେର୍ ର ଗାଗାଡ଼୍‌ନି ଜିନିଷ୍ ଲେକେ। ଲାଗିଙ୍ଗ୍ ଏପେଙ୍ଗ୍ ଜାର୍‌ବିତ୍ରେ ଶାନ୍ତିତାଙ୍ଗ୍ ମାଞ୍ଜେଙ୍ଗ୍ ଈଶ୍ୱର କୁକ୍ତାତାନ୍‌ନା। ଆରେ ଏପେଙ୍ଗ୍ ୱିଜୁଦିନ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିୟାଟ୍।

କଲସିୟ 3:17

ଏପେଙ୍ଗ୍ ଇନାକା କିନାଦେର୍ କି ୱେଚ୍‌ନାଦେର୍, ହେ ୱିଜୁ ମାପୃ ଯୀଶୁ ଖ୍ରୀଷ୍ଟ ତର୍‍ଦାଙ୍ଗ୍ ଆବା ଈଶ୍ୱରତିଙ୍ଗ୍ ଦନ୍ଯବାଦ୍ ହିନାଦେର୍।

କଲସିୟ 4:12

ଏପାଫ୍ରା ମିଙ୍ଗେଙ୍ଗ୍ ଜୱାର୍ କିଦ୍‌ନାନା, ହେୱାନ୍ ମି ସହର୍‌ନି ମାନାୟ୍। ହେୱାନ୍ ରକାନ୍ ଯୀଶୁ ଖ୍ରୀଷ୍ଟଙ୍ଗ୍ ହେବା କିନାକାନ୍। ଏପେଙ୍ଗ୍ ଇନେସ୍ ଈଶ୍ୱରତାକେ ଟିକ୍‌ଆଜି ମାଞ୍ଜେଙ୍ଗ୍ ଆଡ୍‌ନାଦେର୍, ଆରେ ଈଶ୍ୱର ଇଚା ଏପେଙ୍ଗ୍ ପୁରାପୁରି ପୁଞ୍ଜେଙ୍ଗ୍ ଆଡ୍‌ନାର୍, ହେଦାଙ୍ଗ୍ କାଜିଙ୍ଗ୍ ହେୱାନ୍ ମି କାଜିଙ୍ଗ୍ ୱିଜୁଦିନ୍ ମାନ୍‌ଦିୟାନ୍ କିଜି ପାର୍ତାନା କିନାନା।

୧ ପିତର 4:7

ଇ ପୁର୍ତି ବେଗି ସେସ୍ ଆନାତ୍‌ଦେ। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ମି ମାନ୍‌ତିଙ୍ଗ୍ କିଲେର୍ କିୟାଟ୍ ଆରେ ପାର୍ତାନା କିଜି ଜାର୍‌ତିଙ୍ଗ୍ କଣ୍ଟ୍ରୁଲ୍ କିୟାଟ୍।