କଲସିୟ 4:18 - New Testament in Pengo Parja Language

¹⁸ ଆନେଙ୍ଗ୍ ପାଉଲ ଇ ଚିଟି ନିଜେ ଲେକିକିଜି ଜୱାର୍ କିଦ୍‌ନାଙ୍ଗା। ଆନେଙ୍ଗ୍ ଜଇଲ୍ ଇଞ୍ଜ ମାନାକା ଏତୁକିଜି ନା କାଜିଙ୍ଗ୍ ପାର୍ତାନା କିୟାଟ୍। ଈଶ୍ୱର ମିଙ୍ଗେଙ୍ଗ୍ ଦୟା କିଦେନ୍।

ସତ୍‌ ବଚନ୍‌ ପୁନି ନିୟମ୍‌

¹⁸ ଆନ୍‌ ପାଉଲ୍‌ ନା ନିଜେ କେଇଦ ଇ ଜୁୱାର୍‌ ଲେକିକିନାଙ୍ଗା । ନା ଗାଚ୍‌ୟାତାକା ଏତୁ କିୟାଟ୍‌ । ଇସ୍ୱର୍‌ତି ଉପ୍‌କାର୍‌ ମି ଲାହାଙ୍ଗ୍‌ ଆଏତ୍‌ ।

କଲସିୟ 4:18 ပူးပေါင်းရင်းမြစ်များ

ରୋମିୟ 16:20

ଲାଗିଙ୍ଗ୍ ଶାନ୍ତି ହିଦ୍‌ନି ଈଶ୍ୱର ବେଗି ଶୟତାନ ସାକ୍ତିତିଙ୍ଗ୍ ବିନାସ୍ କିଜି ମି ତାରେନ୍ ତାହିୱାନାତ୍, ମା ମାପୃ ଯୀଶୁ ଖ୍ରୀଷ୍ଟ ମିଙ୍ଗେଙ୍ଗ୍ ଦୟା କିଦେନ୍।

ରୋମିୟ 16:22

ଆନେଙ୍ଗ୍ ତର୍ତ୍ତିୟ ଇ ଚିଟି ପାଉଲ ୱେଚ୍‌ଚିତିଲେ ଲେକିକିତାଙ୍ଗ୍‌ନା, ଆରେ ଆନେଙ୍ଗ୍ ପା ରକାଙ୍ଗ୍ ଖ୍ରୀଷ୍ଟାନ୍‌ତଙ୍ଗ୍‌ ମାପୃ ତର୍‍ଦାଙ୍ଗ୍ ଜୁୱାର୍ ଜଣାୟ୍ କିଦ୍‌ନାଙ୍ଗା।

ରୋମିୟ 16:23

ନା ହୁଦାଙ୍ଗ୍ ମାନି ପାର୍ତିକିନି ଟଣ୍ଡେନ୍ ଗାୟସ୍ ମିଙ୍ଗେଙ୍ଗ୍ ଜୁୱାର୍ କିଦ୍‌ନାନା। ମଣ୍ଡ୍‌ଲିନି ୱିଜାର୍ ପାର୍ତିକିନି ଟଣ୍ଡାର୍ ତା ଇଞ୍ଜ ପାର୍ତାନା କିନି କାଜିଙ୍ଗ୍ ରୁଣ୍ଡା ଆନାପା। ଆରେ ଇ ସହର୍‌ନି ଏରାଷ୍ଟ ଟଣ୍ଡେନ୍ ଇନେର୍ ଡାବୁଙ୍ଗ୍ ବିଷୟରେ ଦେକାଶୁଣା କିନାନା, ଆରେ କ୍ୱାର୍ତ୍ତପା ମିଙ୍ଗେଙ୍ଗ୍ ଜୁୱାର୍ କିଦ୍‌ନାନା।

୧ କରନ୍ତିୟ 16:21

ଆନେଙ୍ଗ୍ ପାଉଲ ଇ ଚିଟି ଜାର୍ କେଇଦାଙ୍ଗ୍ ଲେକିକିଜି ଜୱାର୍ କିଦ୍‌ନାଙ୍ଗା।

୨ କରନ୍ତିୟ 13:14

ମା ମାପୃ ଯୀଶୁ ଖ୍ରୀଷ୍ଟ ଦୟା, ଈଶ୍ୱର ଲାଡ୍, ଆରେ ପବିତ୍ର ଆତ୍ମା ମି ୱିଜାଦେର୍ ହୁଦାଙ୍ଗ୍ ମାହାଆଜି ମାନେତ୍।

ପିଲିପିୟ 1:7

ଆନେଙ୍ଗ୍ ମିଙ୍ଗେଙ୍ଗ୍ ଇ ଲେକେ ବାବି କିନାକା ଟିକ୍ ମାନ୍‌ଗାନାତ୍, ଆନେଙ୍ଗ୍ ଜଇଲ୍ ଇଞ୍ଜ ବନ୍ଦି ଆଜି ମାଚିସ୍ କି ହାର୍ଦିକାବୁର୍ ବିଷୟରେ ଜୁକ୍ତି ଆଜି ସତ୍ ଇଞ୍ଜି ପାର୍ମାଣ୍ କିନିହିଙ୍ଗ୍। ଏପେଙ୍ଗ୍ ଆରେ ଆନେଙ୍ଗ୍ ମାହାଆଜି ଯୀଶୁ ଖ୍ରୀଷ୍ଟ ବିଷୟରେ ଶୁଣାୟ୍ କିଦେଙ୍ଗ୍ ମାଙ୍ଗେଙ୍ଗ୍ ଈଶ୍ୱର ଦୟା କିତ୍‌ତାନ୍‌ନା। ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମି ୱିଜାକାରିଙ୍ଗ୍ ବେସି ଲାଡ୍ କିଦ୍‌ନାଙ୍ଗା।

କଲସିୟ 4:3

ମା କାଜିଙ୍ଗ୍ ପା ପାର୍ତାନା କିୟାଟ୍, ଈଶ୍ୱର ଇନେସ୍ ମାଙ୍ଗେଙ୍ଗ୍ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ସୁଯଗ୍ ହିଦ୍‌ନାନ୍, ଆରେ ଆପେଙ୍ଗ୍ ଖ୍ରୀଷ୍ଟନି ଡ଼ୁକ୍‌ତି ବିଷୟତିଙ୍ଗ୍ ଶୁଣାୟ୍ କିଦେଙ୍ଗ୍ ଆଡ୍‌ନାପ୍। ଆନେଙ୍ଗ୍ ଇ ହାର୍ଦିକାବୁର୍ ଶୁଣାୟ୍ କିନି କାଜିଙ୍ଗ୍ ବନ୍ଦି ଆତାଙ୍ଗ୍‌ନା।

୨ ଥେସଲନୀକିୟ 3:17

ଆନେଙ୍ଗ୍ ପାଉଲ ଜାର୍ କେଇଦାଙ୍ଗ୍ ଇ ଚିଟି ଲେକିକିଜି ଜୱାର୍ କିନାଙ୍ଗା। ନା ୱିଜୁ ଚିଟିଙ୍ଗ୍ ଚିନ୍ କିଦେଙ୍ଗ୍ ଆନେଙ୍ଗ୍ ଇଲେକେ ଲେକିକିନାଙ୍ଗା।

୧ ତିମତି 6:21

ଇନେର୍-ଇନେର୍ ହେଦାଙ୍ଗ୍ ମାନିକିୱାଦାଙ୍ଗ୍ ପାର୍ତିକିନି ବିଷୟତାଙ୍ଗ୍ ଦେହା ଆତାର୍‌ନା। ଈଶ୍ୱର ମିଙ୍ଗେଙ୍ଗ୍ ଦୟା କିଦେନ୍।

୨ ତିମଥି 1:8

ଇଦାଙ୍ଗ୍ କାଜିଙ୍ଗ୍ ଜେକନିକାରିଙ୍ଗ୍ ମାପୃ ଯୀଶୁ ଖ୍ରୀଷ୍ଟ ବିଷୟରେ ୱେଚ୍‌ନି କାଜିଙ୍ଗ୍ ଲାଜା ଆମାଟ୍, କି ଆନେଙ୍ଗ୍ ହେୱାନିଙ୍ଗ୍ ହେବା କିତି କାଜିଙ୍ଗ୍ ବନ୍ଦି ଆତି କାଜିଙ୍ଗ୍ ଲାଜା ଆମାଟ୍। ମାତର୍ ଈଶ୍ୱର ହିତ୍‌ତି ଶାକ୍ତି ବ୍ଯବହାର୍ କିୟାଟ୍ ଆରେ ନା ହୁଦାଙ୍ଗ୍ ମାହାଆଜି ହାର୍ଦିକାବୁର୍ କାଜିଙ୍ଗ୍ ଦୁକ୍‌କଷ୍ଟ ପାୟାଆଡ।

୨ ତିମଥି 4:22

ମାପୃ ମିହୁଦାଙ୍ଗ୍ ମାନେନ୍ ଆରେ ହେୱାନ୍ ମିଙ୍ଗେଙ୍ଗ୍ ଦୟା କିଦେନ୍।

ତୀତସ 3:15

ନା ହୁଦାଙ୍ଗ୍ ମାନି ୱିଜୁ ପାର୍ତି କିନାକାର୍ ମିଙ୍ଗେଙ୍ଗ୍ ଜୱାର୍ କିଦ୍‌ନାରା। କ୍ରୀତି ଦୀପ୍‌ତାକେ ମାନି ପାର୍ତି କିନାକାରିଙ୍ଗ୍ ଇମ୍‌ଣାକାର୍ ମାଙ୍ଗେଙ୍ଗ୍ ଲାଡ୍ କିଦ୍‌ନାର୍, ହେୱାରିଙ୍ଗ୍ ମା ଜୱାର୍ ପା ୱେଚାଟ୍। ମାପୃ ମି ୱିଜାକାରିଙ୍ଗ୍ ଦୟା କିଦେନ୍।

ଏବ୍ରି 13:25

ଈଶ୍ୱରତି ଦୟା ମିହୁଦାଙ୍ଗ୍ ମାନେତ୍।

ଏବ୍ରି 13:3

ଯୀଶୁତାକେ ପାର୍ତିକିତି କାଜିଙ୍ଗ୍ ଇମ୍‌ଣାକାର୍ ଜଇଲ୍ ଇଞ୍ଜ ମାନାର୍, ହେୱାରିଙ୍ଗ୍ ବାଣା ଆମାଟ୍। ହେୱାର୍ ହୁଦାଙ୍ଗ୍ ହେବେ ମାନ୍‌ଞ୍ଜି ଦୁକ୍‌କଷ୍ଟ ପାୟାଆନାଦେରା ଇଞ୍ଜି ମାନ୍ତ ବାବିକିଜି ଏପେଙ୍ଗ୍ ପା କଷ୍ଟ ପାୟାଆନାଙ୍ଗା ଇଞ୍ଜି ମାନ୍ତ ବାବି କିୟାଟ୍। ଇମ୍‌ଣାକାର୍ ଅପ୍‌ମାନ୍ ପାୟାଆନାର୍‌, ହେୱାର୍ କଷ୍ଟ ପାୟାଆନାକା ମି ଗାଗାଡ଼୍‌ତ ପା ବାବି କିୟାଟ୍।