କଲସିୟ 4:17 - New Testament in Pengo Parja Language

¹⁷ ଆର୍କିପଙ୍ଗ୍ ୱେଚାଟ୍, “ମାପୃ ହିଜି ମାନ୍‌ଞ୍ଚି ହେବା କାମାୟ୍‌ତିଙ୍ଗ୍ ଜାଗ୍ରତ୍ ଆଜି ପୁରା କିୟା।”

ସତ୍‌ ବଚନ୍‌ ପୁନି ନିୟମ୍‌

¹⁷ ଆର୍କିପ୍‌ତିଂ ୱେଚାଟ୍‌, ଏପେଙ୍ଗ୍‌ “ମାପ୍ରୁତି କାମାୟ୍‌ତ ଇମ୍‌ଣି ହେବାନି ପାଦ୍‌ ପାୟା ଆତାଦେର୍ଣ୍ଣା, ହେଦାଂ ପୁରା କିଦେଙ୍ଗ୍‌ ଜାଗ୍ରତ୍‌ ଆଜ଼ି ମାନାଟ୍‌ ।”

କଲସିୟ 4:17 ပူးပေါင်းရင်းမြစ်များ

ମାତିଉ 25:17

ହେଲେକେ ଇମ୍‌ଣି ହଲିଆହି ଦୁଇହାଜାର୍ ରୁପାଡାବୁ ଅଜି ମାଚାନ୍, ହେୱାନ୍ ପା ଡାବୁଙ୍ଗ୍ ବେପାର୍‌ବାଟ୍‌ କିନି କାମାୟ୍‌ତାକେ ଲାଗାୟ୍ କିତାନ୍ ଆରେ ଦୁଇହାଜାର୍ ରୁପାଡାବୁ ଆର୍ଜା ଆତାନ୍।

ପକ୍ୟାତାକା 1:17

ଯୀଶୁ ହେୱାନିଙ୍ଗ୍ ପା ମା ଲେକେ ବାଚିକିଜି ମାଚାନ୍, ଆରେ ହେୱାନ୍ ପା ହେବାକିନି ପାଦ୍ ପାୟାଆଜି ମାଚାନ୍।

ପକ୍ୟାତାକା 14:23

ପାଉଲ ଆରେ ବର୍ଣ୍ଣବା ୱିଜୁ ମଣ୍ଡ୍‌ଲିତାକେ ପ୍ରାଚିନାରିଙ୍ଗ୍ ବାଚିକିତାର୍ ଆରେ ଉପାସ୍ କିଜି ପାର୍ତାନା କିତାର୍। ହେୱାର୍ ପାର୍ତିକିନି ମାପୃ ଲାଗାୟ୍ ପ୍ରାଚିନ୍‌ ଆରେ ପାର୍ତିକିନି ମାନାୟାରିଙ୍ଗ୍ ହାର୍‌ପି କିଜି ହିତାର୍।

ପକ୍ୟାତାକା 20:28

ଏପେଙ୍ଗ୍ ଆରେ ପାର୍ତି କିନାକାଦେର୍ ଜାଗ୍ରତ୍ ଆଜି ମାନାଟ୍। ଇନେସ୍‌କି ପବିତ୍ର ଆତ୍ମା ଇ ମାନାୟାର୍ ବିତ୍ରେ ବିଶପ୍‌ କିଜି ଦାଇତ୍‌ପ ହିତ୍‌ତାନ୍‌ନା। ଆରେ ଈଶ୍ୱର ତା ମେହି ଯୀଶୁ ନେତେର୍‌ତାଙ୍ଗ୍ ଇମ୍‌ଣି ମଣ୍ଡ୍‌ଲିତିଙ୍ଗ୍ କଡ଼୍‌ତାନ୍‌ନା, ହେ ମଣ୍ଡ୍‌ଲିନି ଗଡ଼ିୟା ଆଜି ମାନାଟ୍।

ଏପିସିୟ 4:11

ହେ ଖ୍ରୀଷ୍ଟ ନେ ମଣ୍ଡ୍‌ଲିତିଙ୍ଗ୍ ଇ ବର୍‌ଦାନ୍ ହିତାନ୍‌ନା, ହେୱାନ୍ ଇନେ-ଇନେରିଙ୍ଗ୍ ବାଚିକିତି ଚେଲା, ଆରେ ଇନେ-ଇନେରିଙ୍ଗ୍ ଭବିଷ୍ଯତବକ୍ତା ଇନାର୍। ଆରେ ଇନେ-ଇନେରିଙ୍ଗ୍ ହାର୍ଦିକାବୁର୍ ଶୁଣାୟ୍ କିନାକାନ୍, ଇନେ-ଇନେରିଙ୍ଗ୍ ପାଷ୍ଟେର୍ ଆରେ ମାଷ୍ଟେର୍ ଲେକେ ବାଚି କିତାନ୍‌ନା।

୧ ତିମତି 4:14

ପ୍ରାଚିନାର୍ ନି କାପ୍‌ଡ଼ା ଜପି କେଇ ଇଡ଼୍‌ଜି ଈଶ୍ୱର ହିତ୍‌ତି ଇମ୍‌ଣି କାତାତିଙ୍ଗ୍ ନିଙ୍ଗେଙ୍ଗ୍ ୱେଚ୍‌ଚାତାର୍‌ନା, ହେ ବିଷୟତିଙ୍ଗ୍ ଏନେଙ୍ଗ୍ ଏଲା ଆମା।

୧ ତିମତି 4:16

ଏନେଙ୍ଗ୍ ଇନାକା ହିକ୍ଷା ହିନାୟା ଆରେ ନି ଚାଲିଚଲନ୍‌ତିଙ୍ଗ୍ ଜାଗ୍ରତ୍ ଆଜି ମାନା। ଇ ୱିଜୁ ବିଷୟରେ ୱିଜୁଦିନ୍ କିଜି ମାନା, ଇନେସ୍‌କି ହେଦାଙ୍ଗ୍ କିତିସ୍ ଈଶ୍ୱର ନିବେତାଙ୍ଗ୍ ନିଙ୍ଗେଙ୍ଗ୍ ଆରେ ନି କାତା ୱେନାକାରିଙ୍ଗ୍ ଦଣ୍ଡ୍‌ତାଙ୍ଗ୍ ଉଦାର୍ କିଦ୍‌ନାନ୍।

୧ ତିମତି 4:6

ଏନେଙ୍ଗ୍ ଯଦି ପାର୍ତିକିନି ଟଣ୍ଡାର୍‌ରିଙ୍ଗ୍ ୱିଜୁ ବିଷୟରେ ହିକ୍ଷା ହିନାୟ୍‌, ଲାଗିଙ୍ଗ୍ ଏନେଙ୍ଗ୍ ଯୀଶୁ ଖ୍ରୀଷ୍ଟନି ର ହାର୍‌ଦାଙ୍ଗ୍ ହେବାକିନାକାୟ୍ ଆନାୟ୍। ଆରେ ଏନେଙ୍ଗ୍ ଇମ୍‌ଣି ପାର୍ତି ଆରେ ହାର୍ଦି ହିକ୍ଷାତିଙ୍ଗ୍ ମାନିକିୟା, ହେ କାତାକାଜିଙ୍ଗ୍ ଏନେଙ୍ଗ୍ ବେସି ଦରମ୍ ଜିବୁନ୍ କାଟି କିଦେଙ୍ଗ୍ ଆଡ୍‌ନାୟ୍।

୧ ତିମତି 6:20

ଏ ଟଣ୍ଡେନ୍ ତିମତି ନିଙ୍ଗେଙ୍ଗ୍ ଇନାକା ହିତ୍‌ତାର୍‌ନା, ହେଦାଙ୍ଗ୍‌ତିଙ୍ଗ୍ ରକ୍ଷା କିୟା। ଈଶ୍ୱରତିଙ୍ଗ୍ ପୁନ୍‌ୱି ଲକାର୍‌ତାଙ୍ଗ୍ ଆରେ ବେକାର୍ କାତା ୱେଚ୍‌ନାକାର୍‌ତାଙ୍ଗ୍ ଦେହା ଆଜି ମାନା।

୨ ତିମଥି 1:6

ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ମାନ୍ତ ଏତୁକିୟି କିଦେଙ୍ଗ୍ ଇଚା କିନାଙ୍ଗା ଯେ ଆନେଙ୍ଗ୍ ମି କାପ୍‌ଡ଼ା ଜପି କେଇ ଡ଼ାପ୍‌ତିହିଙ୍ଗ୍ ଇମ୍‌ଣି ଈଶ୍ୱର ଦାନ୍ ପାୟା ଆତାଦେର୍‌ନା, ହେଦାଙ୍ଗ୍‌ତିଙ୍ଗ୍ ଆରେରଗ ଦିରେ-ଦିରେ କିଜି କାଚାୟ୍ କିୟାଟ୍।

୨ ତିମଥି 2:2

ଆନେଙ୍ଗ୍ ନିଙ୍ଗେଙ୍ଗ୍ ବେସି ମାନାୟାର୍ ମୁମ୍‌ଦ ଯୀଶୁ ଖ୍ରୀଷ୍ଟ ବିଷୟରେ ୱେଚ୍‌ନାକା ୱେଚାଙ୍ଗ୍‌ନା। ଇମ୍‌ଣାକାର୍ ଜେକନିକାରିଙ୍ଗ୍ ପା ହିକ୍ଷାହିଦେଙ୍ଗ୍ ଆଡ୍‌ନାର୍, ଇଲେକେ ବିଶ୍ୱସ୍ତ ମାନାୟାରିଙ୍ଗ୍ ହେ କାତା ୱେଚା।

ଫିଲୀମୋନ 1:2

ଆରେ ମା ପାର୍ତିକିନି ତଣ୍‌ଦେଲ୍ ଆପିୟା, ଆରେ ସେନାର୍ ଲେକେ ମାପୃତିଙ୍ଗ୍ ହେବାକିନି ଆର୍କିପ, ଆରେ ମିଞ୍ଜ ପାର୍ତାନା କିଦେଙ୍ଗ୍ କୁଚ୍‌ନି ପାର୍ତିକିନି ମଣ୍ଡ୍‌ଲିନି ମାନାୟାରିଙ୍ଗ୍ ପା ମା ଜୱାର୍।