କଲସିୟ 3:24 - New Testament in Pengo Parja Language24 ଏପେଙ୍ଗ୍ ମାନେ କିୟାଟ୍ ଯେ, ଏପେଙ୍ଗ୍ ଇମ୍ଣି ମାଲିକ୍ତିଙ୍ଗ୍ ହେବା କିନାଦେର୍ ହେୱାନ୍ ଖ୍ରୀଷ୍ଟ, ଲାଗିଙ୍ଗ୍ ମାପୃ ମିଙ୍ଗେଙ୍ଗ୍ ପୁରଷ୍କାର୍ ଲେକେ ଆଦିକାର୍ ହିଦ୍ନାନ୍। အခန်းကိုကြည့်ပါ။ସତ୍ ବଚନ୍ ପୁନି ନିୟମ୍24 ମାନ୍ତ ଇଟାଟ୍, ଇସ୍ୱର୍ ତା ଲକୁ କାଜିଂ ଇନାକା ଇଟ୍ତାନ୍ନା, ହେଦାଂ ହେୱାନ୍ ମିଙ୍ଗେଙ୍ଗ୍ ଇନାମ୍ ଲାକେ ହିଦ୍ନାନ୍ । ଇନେକିଦେଂକି କ୍ରିସ୍ଟନେ ମି ହାତ୍ପା ମାପ୍ରୁ, ଇନେର୍ତି ହେବା ଏପ୍ କିନାଦେରା । အခန်းကိုကြည့်ပါ။ |
କଲସିୟ 3:24
31 ပူးပေါင်းရင်းမြစ်များ
ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଜାର୍ ଶାତ୍ରୁରିଙ୍ଗ୍ ଲାଡ୍ କିୟାଟ୍। ହେୱାରିଙ୍ଗ୍ ଉପ୍କାର୍ କିୟାଟ୍। ଆରେ ଡାବୁଙ୍ଗ୍ ଗାଟାଆୱି ଆହା ଇଟ୍ୱାଦାଙ୍ଗ୍ ହେୱାରିଙ୍ଗ୍ ଡାବୁଙ୍ଗ୍ ରୁଣ୍ ହିୟାଟ୍। ଇଦାଙ୍ଗ୍ କିତିସ୍ ମିଙ୍ଗେଙ୍ଗ୍ ବେସି ପୁରଷ୍କାର୍ ଗାଟାଆଦ୍ନାତ୍। ଏପେଙ୍ଗ୍ ୱିଜୁ ଶାକ୍ତିନିକାନ୍ ଗାଜା ଈଶ୍ୱର ମେହି ଆନାଦେର୍। ଇନେସ୍କି ହେୱାନ୍ ହାର୍ଦି ମାନାୟ୍ତିଙ୍ଗ୍ ଆରେ ବାନ୍ୟା ମାନାୟାରିଙ୍ଗ୍ ପା ଦୟା ଚଚ୍ଚାନାନ୍।
ଆନେଙ୍ଗ୍ ଇମ୍ଣି ହିକ୍ଷା ହିତ୍ତାଙ୍ଗ୍ନା, ହେଦାଙ୍ଗ୍ ଆନେଙ୍ଗ୍ ମାପୃତାଙ୍ଗ୍ ପାୟାଆତାଙ୍ଗ୍ନା, ଇମ୍ଣି ମିକା ଯୀଶୁଙ୍ଗ୍ ସତୃର୍ କେଇଦ ଆହିକିତାର୍। ହେୱାନ୍ ହେୱାରିଙ୍ଗ୍ ୱେଚ୍ଚାନ୍ ନାଙ୍ଗେଙ୍ଗ୍ ଏତ୍କିଦ୍ଦେଙ୍ଗ୍ ଇଲେକେ କିୟାଟ୍ ଆରେ ହେୱାର୍ ତିନିହିଙ୍ଗ୍ ଯୀଶୁ ରୁଟି ଆସ୍ତି ଈଶ୍ୱରତିଙ୍ଗ୍ ଦନ୍ଯବାଦ୍ କିତାନ୍ ଆରେ ରୁଟି ଡ୍ରିକ୍ଚି ଚେଲାହିରିଙ୍ଗ୍ ହିଜି ୱେଚ୍ଚାନ୍, “ଆହାଟ୍, ଆରେ ତିନାଟ୍ ଇଦାଙ୍ଗ୍ ନା ଗାଗାଡ଼୍।”
ଇମ୍ଣି ମାନାୟ୍ ମାର୍ ରୁସ୍ତାନ୍ନା ଆରେ ଇମ୍ଣି ମାନାୟ୍ ମାର୍ତିଙ୍ଗ୍ ଏଜୁଙ୍ଗ୍ ହିନାନା ହେୱାର୍ ର ଲେଗ୍ଦି କାମାୟ୍ କିନାରା। ହେଲେକେ ଆନେଙ୍ଗ୍ ମିଙ୍ଗେଙ୍ଗ୍ ହାର୍ଦିକାବୁର୍ ୱେଚ୍ଚାତାଙ୍ଗ୍ ଆରେ ଈଶ୍ୱର କାତାତିଙ୍ଗ୍ ହିକାୟ୍ କିତ୍ତାଙ୍ଗ୍, ଆରେ ଆପୋଲ ପା ମିଙ୍ଗେଙ୍ଗ୍ ହିକ୍ଷା ହିତ୍ତାନ୍। ମାତର୍ ଆପେଙ୍ଗ୍ ରିୟାପ୍ ର ଲେଗ୍ଦି କାମାୟ୍ କିନାପା, ଆରେ ଆପେଙ୍ଗ୍ କଷ୍ଟ କିତି ଅନୁସାରେ ଈଶ୍ୱର ମାଙ୍ଗେଙ୍ଗ୍ ବିନ୍-ବିନ୍ ପୁରଷ୍କାର୍ ହିଦ୍ନାନ୍।
ଖ୍ରୀଷ୍ଟ ତା ଗାଗାଡ଼୍ ଲେକ ମଣ୍ଡ୍ଲିନି ମୁକ୍ୟା। ହେୱାନ୍ ତା ଗାଗାଡ଼୍ନି ୱିଜୁ ଜିନିଷ୍ତିଙ୍ଗ୍ ଜାତୁନ୍ କିନାନ୍ ଆରେ ୱିଜୁତିଙ୍ଗ୍ ମାହାଇ କିଜି ଇଡ଼୍ତାନ୍ନା। ଲାଗିଙ୍ଗ୍ ଈଶ୍ୱର ଇଚାତାଙ୍ଗ୍ ଇଦାଙ୍ଗ୍ ବାଡା ଆନାତ୍। ବାଟ୍ପାଣ୍ ଆଜି ଜାର୍ତିଙ୍ଗ୍ ହିରୁ କିନାକା ଆରେ ଦୁତ୍କୁକାଙ୍ଗ୍ ପୁଜା କିୟାଟ୍ ଇଞ୍ଜି ୱେଚ୍ଚି ଇନେର୍ ମିଙ୍ଗେଙ୍ଗ୍ ଟକାୟ୍ କିଦୁର୍। ଇ ବିଷୟରେ ହେୱାର୍ କେଚ୍କଣ୍ତ ହୁଡ଼୍ତାପ୍ନା ଇଞ୍ଜି ୱେଚ୍ନାର୍। ମାତର୍ ହେୱାର୍ ତା ମୁର୍କ କାଜିଙ୍ଗ୍ ବାଟ୍ପାଣିଆ ଆତାର୍ନା।
ଈଶ୍ୱର ଇମ୍ଣାକାରିଙ୍ଗ୍ କୁକ୍ଚି ୱିଜ୍ୱି ଆଶ୍ରିବାଦ୍ ହିନି କାଜିଙ୍ଗ୍ ପାର୍ମାଣ୍ କିତାନ୍ନା, ହେୱାର୍ ଇନେସ୍ ହେଦାଙ୍ଗ୍ ଆହ୍ନାର୍, ଇଦାଙ୍ଗ୍ କାଜିଙ୍ଗ୍ ଈଶ୍ୱର ଆରେ ମାନାୟାର୍ ହୁଦାଙ୍ଗ୍ ଖ୍ରୀଷ୍ଟ ମାଦିଆଜି ର ପୁନି ନିୟମ୍ କିତାନ୍ନା। ଇଦାଙ୍ଗ୍ ପୁରା ଆଦେଙ୍ଗ୍ ଆଡ୍ନାତ୍, ଇନେସ୍କି ହେୱାର୍ ପାର୍ତୁମ୍ ନିୟମ୍ନି ତାରେନ୍ ମାନ୍ଞ୍ଜି କିଜିମାଚି ପାପ୍ନି ଦଣ୍ଡ୍ତାଙ୍ଗ୍, ଖ୍ରୀଷ୍ଟ ହେୱାରିଙ୍ଗ୍ ମୁକ୍ତିକିନି କାଜିଙ୍ଗ୍ ହାଃତାନ୍ନା।
ଈଶ୍ୱର ମା କାଜିଙ୍ଗ୍ ଇଡ଼୍ଜି ମାଚି ହାର୍ଦି ଜିନିଷ୍ତିଙ୍ଗ୍ ପାୟାଆନି କାଜିଙ୍ଗ୍ ଆପେଙ୍ଗ୍ କାନାପା, ଆରେ ଇନେର୍ ପା ଇନାୱେଡ଼ାଙ୍ଗ୍ ପା ହେ ଜିନିଷ୍ତିଙ୍ଗ୍ ନଷ୍ଟ କିଦେଙ୍ଗ୍ ଆଡୁର୍। ହେୱିଜୁ ଜିନିଷ୍ ପାନାକା ଆଉତ୍ କି ପ୍ରାଲ୍ ତିନୁତ୍, ଆରେ ହେଦାଙ୍ଗ୍ତିଙ୍ଗ୍ ଇନାକା ପା କରାପ୍ କିଉତ୍। ଇମ୍ଣାକା ଈଶ୍ୱର ମାଙ୍ଗେଙ୍ଗ୍ ହିଦ୍ନି କାଜିଙ୍ଗ୍ ସରଗ୍ତାକେ ଇଡ଼୍ତାନ୍ନା।
ଆନେଙ୍ଗ୍ ଶିମନ ପିତର ଯୀଶୁ ଖ୍ରୀଷ୍ଟନି ରକାଙ୍ଗ୍ ଦାସ୍ ଆରେ ବାଚିକିତି ଚେଲା ଇ ଚିଟି ଲେକିକିନାଙ୍ଗା। ଯୀଶୁ ଖ୍ରୀଷ୍ଟତି ମା ଈଶ୍ୱର ଆରେ ଉଦାର୍ କିଦ୍ନାକାନ୍, ହେୱାନ୍ ଈଶ୍ୱର ଲାଗାୟ୍ ମାଙ୍ଗେଙ୍ଗ୍ ଦରମ୍ ମାନାୟ୍ କିତ୍ତାନ୍ନା। ଆରେ ହେୱାନ୍ ମାଙ୍ଗେଙ୍ଗ୍ ବେସି ମୁଲ୍ୟକାଟି ପାର୍ତି ହିତ୍ତାନ୍ନା, ଆରେ ଇମ୍ଣାକାର୍ ମା ଲେକେ ହାମାନ୍ ପାର୍ତି ପାୟାଆତାର୍ନା, ହେୱାର୍ ଲାଗାୟ୍ ଆନେଙ୍ଗ୍ ଇ ଚିଟି ଲେକିକିନାଙ୍ଗା।
ကြော်ငြာတွေ