କଲସିୟ 3:19 - New Testament in Pengo Parja Language

¹⁹ ଏ ଆଣ୍ଡ୍ରା କାଦେର୍ ଜାର୍-ଜାର୍ କଗ୍‍ଲେକାଙ୍ଗ୍ ଲାଡ୍ କିୟାଟ୍, ଆରେ ହେୱେକ୍ ହୁଦାଙ୍ଗ୍ ହାର୍ଦି ବ୍ଯବହାର୍ କିୟାଟ୍।

ସତ୍‌ ବଚନ୍‌ ପୁନି ନିୟମ୍‌

¹⁹ ହେ ଆଣ୍ଡ୍ରାକାଦେର୍‌, ଜାର୍‌ ଜାର୍‌ କଗ୍‌ଲେକାଂ ଜିଉନୱାଟ୍‌, ହେୱେକ୍‌ ହୁଦାଂ ବାଦିକିନି ଲାକେ ଚିନ୍ତା କିମାଟ୍‌ ।

କଲସିୟ 3:19 ပူးပေါင်းရင်းမြစ်များ

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 14:26

“ଯଦି ରକାନ୍ ନା ଲାଗାୟ୍ ୱାନାନ୍, ମାତର୍ ନାବେତାଙ୍ଗ୍ ଲାତ୍ରାହି, ତାଞ୍ଜିୟା, ଡକ୍ରୁହି, ହିମ୍‌ଣା, ଟଣ୍ଡାର୍ ତଣ୍‌ଦେଲିଙ୍ଗ୍, ଆରେ ତା ଜାର୍ ଜିବୁନ୍‌ତିଙ୍ଗ୍ ଆଦିକ୍ ଲାଡ୍ କିନାନ୍, ଲାଗିଙ୍ଗ୍ ହେୱାନ୍ ନା ଚେଲା ଆଦେଙ୍ଗ୍ ଆଡୁନ୍। ରକାନ୍ ତା ଜାର୍‌ତିଙ୍ଗ୍ ନାଙ୍ଗେଙ୍ଗ୍ ଆଦିକ୍ ଲାଡ୍ କିତ୍‌ଦେଙ୍ଗ୍ ଆନାତ୍।

ରୋମିୟ 3:14

ହେୱାର୍ ୱିଜୁଦିନ୍ ମାନାୟାରିଙ୍ଗ୍ ଅବିଶାପ୍ ହିନାର୍ ଆରେ ଗିଣ୍ କିନାର୍।

ଏପିସିୟ 4:31

ଜେକନିକାରିଙ୍ଗ୍ ବାନ୍ୟା ଆନାକା, ରିସା ଆରେ ଜଗ୍‌ଡ଼ା କିନାକା ବନ୍ଦ୍ କିୟାଟ୍। ହେୱାରିଙ୍ଗ୍ ନିନ୍ଦା କିମାଟ୍ ଆରେ ଇନେରିଙ୍ଗ୍ ଗିଣ୍ କିମାଟ୍।

ଏପିସିୟ 5:25

ଏ ଆଣ୍ଡ୍ରା କାଦେର୍, ଖ୍ରୀଷ୍ଟ ଇନେସ୍ ମଣ୍ଡ୍‌ଲିତିଙ୍ଗ୍ ଲାଡ୍ କିତାନ୍, ଏପେଙ୍ଗ୍ ପା ହେଲେକେ ଜାର୍-ଜାର୍ କଗ୍‍ଲେକାଙ୍ଗ୍ ଲାଡ୍ କିୟାଟ୍। ଖ୍ରୀଷ୍ଟ ମଣ୍ଡ୍‌ଲି କାଜିଙ୍ଗ୍ ଜାର୍ ଜିବୁନ୍ ହିତାନ୍,

ଏପିସିୟ 5:33

ଇଦାଙ୍ଗ୍ ମି କାଜିଙ୍ଗ୍ ପା, ଲାଗିଙ୍ଗ୍ ଏପେଙ୍ଗ୍ ୱିଜାକାଦେର୍ ଜାର୍-ଜାର୍ କଗ୍‍ଲେକାଙ୍ଗ୍ ଜାର୍‌ତିଙ୍ଗ୍ ଲାଡ୍ କିତିଲେକେ ଲାଡ୍ କିୟାଟ୍। ଆରେ କଗ୍‍ଲେକ୍ ପା ଜାର୍ ଆଣ୍ଡ୍ରାକାଙ୍ଗ୍ ସନ୍‌ମାନ୍ କିୟେକ୍।

କଲସିୟ 3:21

ଏ ଆବା କାଦେର୍ ମି ହିମ୍‌ଣାକାଙ୍ଗ୍ ୱିଜୁଦିନ୍ ଗୁଜ୍-ଗୁଜ୍‌ଆଜି ରିସା କିୟିକିମାଟ୍, ଏଲେଙ୍ଗ୍ କିତିସ୍ ହେୱାର୍ ତା ସାହାସ୍‌ତିଙ୍ଗ୍ ଆରାୟ୍ କିନାର୍।

ଜାକ୍‌ବ 3:14

ଯଦି ବେସି ଆକାର୍ ଆନାକା ଆରେ ଜାର୍ ବିଷୟତିଙ୍ଗ୍ ଚିନ୍ତା କିନାକା ମି ମାନ୍ ବିତ୍ରେ ମାଚିସ୍, ଲାଗିଙ୍ଗ୍ ଏପେଙ୍ଗ୍ ଜ୍ଞାନ୍ ମାନାତ୍ ଇଞ୍ଜି ବାଟ୍‌ପାଣ୍ ଆମାଟ୍ ଆରେ ହେଲେକେ ପା ମିଚ୍ କାତା ୱେଚ୍‌ମାଟ୍।

୧ ପିତର 3:7

ଏ ଆଣ୍ଡ୍ରା କାଦେର୍, ଏପେଙ୍ଗ୍ ଜାର୍ କଗ୍‍ଲେକାଙ୍ଗ୍ ସନ୍‌ମାନ୍ ହିୟାଟ୍, ଆରେ ଜାର୍ ଡକ୍ରିକ୍ ହୁଦାଙ୍ଗ୍ ବୁଜାମାନା ଆଜି ହାମାନ୍ ଆଜି ମାନାଟ୍। ମି ଡକ୍ରୁଦି ମିବେତାଙ୍ଗ୍ ଦୁର୍‌ବଲ୍ ଆଜି ମାନ୍‌ଗାନାତ୍, ମାତର୍ ଈଶ୍ୱର ଦୟାକିଜି ହିତ୍‌ତି ପୁନି ଜିବୁନ୍‌ନି ଦାନ୍‌ତିଙ୍ଗ୍ ମି ଡକ୍ରୁଦି ପା ମିହୁଦାଙ୍ଗ୍ ହାମାନ୍ ଅଦିକାର୍ ପାୟାଆନାତ୍। ଲାଗିଙ୍ଗ୍ ଏପେଙ୍ଗ୍ ମି ଡକୃଦିକାଙ୍ଗ୍ ସନ୍‌ମାନ୍ ହୁଦାଙ୍ଗ୍ ବ୍ୟବହାର୍ କିୟାଟ୍ ଆରେ ଈଶ୍ୱର ମି ପାର୍ତାନାତିଙ୍ଗ୍ ୱେନାନ୍।