କଲସିୟ 3:14 - New Testament in Pengo Parja Language

¹⁴ ଆରେ ଇ ୱିଜୁତାଙ୍ଗ୍ ଜାର୍-ଜାର୍‌ବିତ୍ରେ ଲାଡ୍ କିନାକା ନେ ମୁକ୍ୟ। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଟିକ୍ ବାବ୍‌ରେ ଏକ୍ ଆଜି ମାନାଦେର୍।

ସତ୍‌ ବଚନ୍‌ ପୁନି ନିୟମ୍‌

¹⁴ ଆରେ, ଇ ୱିଜ଼ୁ ଗୁଣ୍‌ ଲାହାଂ ଜିଉତିଂ ମେହାୟ୍‌ କିୟାଟ୍‌ । ଜିଉନନାକା ୱିଜ଼ୁ ବିସ୍ରେତିଂ ବାର୍ତି କିଜ଼ି ରବେ କିନାତ୍‌ ।

କଲସିୟ 3:14 ပူးပေါင်းရင်းမြစ်များ

ଜହନ୍‌ 13:34

ଆନେଙ୍ଗ୍ ମିଙ୍ଗେଙ୍ଗ୍ ପୁନି ଆଦେସ୍ ହିଦ୍‌ନାଙ୍ଗା। ଏପେଙ୍ଗ୍ ଜାର୍-ଜାର୍‌ତିଙ୍ଗ୍ ଲାଡ୍ କିୟାଟ୍। ଆନେଙ୍ଗ୍ ମିଙ୍ଗେଙ୍ଗ୍ ଇନେସ୍‌କିଜି ଲାଡ୍ କିଦ୍‌ନାଙ୍ଗା, ଏପେଙ୍ଗ୍ ପା ଜାର୍-ଜାର୍‌ତିଙ୍ଗ୍ ହେଲେକେ ଲାଡ୍‌କିନି କାତା।

ଜହନ୍‌ 15:12

ଆନେଙ୍ଗ୍ ମିଙ୍ଗେଙ୍ଗ୍ ଇ ଆଦେସ୍ ହିଦ୍‌ନାଙ୍ଗା! ଇନେସ୍ ଲେକେ ଆନେଙ୍ଗ୍ ମିଙ୍ଗେଙ୍ଗ୍ ଲାଡ୍ କିତ୍‌ତାଙ୍ଗ୍‌ନା, ହେଲେକେ ଏପେଙ୍ଗ୍ ପା ଜାର୍-ଜାର୍‌ବିତ୍ରେ ଲାଡ୍ କିୟାଟ୍।

ଜହନ୍‌ 17:23

ଆନେଙ୍ଗ୍ ହେୱାର୍‌ତାକେ ମାନ୍‌ଗାନାଙ୍ଗ୍, ଆରେ ଏନେଙ୍ଗ୍ ନାବେ ମାନ୍‌ଗାନାଇ। ଲାଗିଙ୍ଗ୍ ହେୱାର୍ ପୁରା ଏକ୍ ଆଦେଙ୍ଗ୍ ଆଡ୍‌ନାର୍। ହେଦାଙ୍ଗ୍ ଆତିସ୍ ଇ ପୁର୍ତିନି ମାନାୟାର୍ ପୁଞ୍ଜେଙ୍ଗ୍ ଆଡ୍‌ନାର୍, ଏନେଙ୍ଗ୍ ନାଙ୍ଗେଙ୍ଗ୍ ପକ୍ତାତାଇନା। ଇ ପୁର୍ତିନି ମାନାୟାର୍ ପୁନାର୍, ଏନେଙ୍ଗ୍ ନାଙ୍ଗେଙ୍ଗ୍ ଇନେସ୍ ଲାଡ୍‌କିଜି ମାନ୍‌ଞ୍ଚାଇ, ହେଲେକେ ଇ ମାନାୟାରିଙ୍ଗ୍ ପା ଲାଡ୍ କିୟା।

ରୋମିୟ 13:8

ଏପେଙ୍ଗ୍ ଜାର୍ ଜାର୍‌ବିତ୍ରେ ଲାଡ୍ କିନାକା ପିସ୍ତି ଜେକନିକାର୍‌ତାଙ୍ଗ୍ ରୁଣ୍ ଲାଗା ଆମାଟ୍। ଏପେଙ୍ଗ୍ ଇନାୱେଡ଼ାଙ୍ଗ୍ ପା ହୁଜାଆଦେଙ୍ଗ୍ ଆଡୁଦେର୍। ଯଦି ଏପେଙ୍ଗ୍ ଜାର୍-ଜାର୍‌ବିତ୍ରେ ଲାଡ୍ କିନାଦେର୍, ଲାଗିଙ୍ଗ୍ ଏପେଙ୍ଗ୍ ଈଶ୍ୱର ଦରମ୍ ସାସ୍ତର୍‌ନି ନିୟମ୍‌ତିଙ୍ଗ୍ ପୁରା କିନାଦେରା।

ଏପିସିୟ 1:4

ଇଦାଙ୍ଗ୍‌ନି ଅର୍ତ ଇନେସ୍ ଆସେଙ୍ଗ୍ ଈଶ୍ୱର ମୁମ୍‌ଦ ପବିତ୍ର ଆରେ ଦସି ଆଉସ୍। ଇଦାଙ୍ଗ୍ କାଜିଙ୍ଗ୍ ହେୱାନ୍ ପୁର୍ତିତିଙ୍ଗ୍ ଉବ୍‌ଜାଇ କିୱି ଆଗେ, ଖ୍ରୀଷ୍ଟ କାଜିଙ୍ଗ୍ ମାଙ୍ଗେଙ୍ଗ୍ ବାଚି କିତ୍‌ତାନ୍‌ନା।

ଏପିସିୟ 4:3

ଜାର୍-ଜାର୍ ମାହାଆଜି ମାନି କାଜିଙ୍ଗ୍ ପବିତ୍ର ଆତ୍ମା ଇମ୍‌ଣି ଶାନ୍ତି ହିଦ୍‌ନାତ୍, ହେ ବିଷୟରେ ମାଞ୍ଜେଙ୍ଗ୍ ଉପାୟ୍ କିୟାଟ୍।

ଏପିସିୟ 5:2

ଖ୍ରୀଷ୍ଟ ଇନେସ୍ ମିଙ୍ଗେଙ୍ଗ୍ ଲାଡ୍ କିତ୍‌ତାନ୍, ହେଲେକେ ଏପେଙ୍ଗ୍ ଜେକନିକାରିଙ୍ଗ୍ ଲାଡ୍ କିୟାଟ୍। ହେୱାନ୍ ମିଙ୍ଗେଙ୍ଗ୍ ଲାଡ୍ କିତିଲେ, ମି ପାପ୍‌ତିଙ୍ଗ୍ ଦେହା କିଦେଙ୍ଗ୍ ହେୱାନ୍ ନିଜେ ଜାର୍ ଜିବୁନ୍‌ତିଙ୍ଗ୍ ପୁଜା କିତିଲେକେ ବଲିଦାନ୍ କିୟିଆତାନ୍। ଈଶ୍ୱର ତା ବଲିଦାନ୍‌ତାଙ୍ଗ୍ ୱାରି ଆତାନ୍, ଇନେସ୍‌କି ହେୱାନ୍ ବଲିଦାନ୍ ବାସ୍ନା ଚିକାଣ୍ ଲେକେ ମାଚାତ୍।

କଲସିୟ 2:2

ହେୱାର୍ ପାର୍ତିତାଙ୍ଗ୍ ସାସ୍ କିଦେଙ୍ଗ୍ ଆରେ ଲାଡ୍‌ତାଙ୍ଗ୍ ଜାର୍-ଜାର୍‌ବିତ୍ରେ ମିତ୍ରଆଜି ମାଞ୍ଜେଙ୍ଗ୍ ଆନେଙ୍ଗ୍ ଇଚା କିନାଙ୍ଗା। ଈଶ୍ୱରତି ଡ଼ୁକ୍‌ତି ବିଷୟ ଯୀଶୁ ଖ୍ରୀଷ୍ଟଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାର୍ ଆରେ ପୁରାପୁରି ଆହା ଇଡ଼୍‌ଦେଙ୍ଗ୍ ଆଡ୍‌ନାର୍, ଇଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ଇଦାଙ୍ଗ୍ ୱେଚ୍‌ନାଙ୍ଗା।

୧ ଥେସଲନୀକିୟ 4:9

ଆନେଙ୍ଗ୍, ପାର୍ତିକିନି ଟଣ୍ଡାରିଙ୍ଗ୍ ଲାଡ୍‌କିନି ବିଷୟରେ ଲେକିକିନି ଦର୍‌କାର୍ ଆକାୟ୍, ଇନେସ୍‌କି ଏପେଙ୍ଗ୍ ଈଶ୍ୱରନି ଲକ୍, ଆରେ ଈଶ୍ୱର ମିଙ୍ଗେଙ୍ଗ୍ ଜାର୍-ଜାର୍‌ବିତ୍ରେ ଲାଡ୍ କିନାକା ହିକାୟ୍ କିତ୍‌ତାନ୍‌ନା।

୧ ତିମତି 1:5

ଆନେଙ୍ଗ୍ ୱେଚ୍‌ଚିନି ଅର୍ତ ଇଦାଙ୍ଗ୍ ଯେ, ଏପେଙ୍ଗ୍ ମି ବିତ୍ରେ ଲାଡ୍ କିବା ଆନାଦେର୍। ଆରେ ଇ ଲାଡ୍ ହାର୍ଦି ମାନ୍, ହାର୍ଦି ଚିନ୍ତା ଆରେ ସତ୍ ପାର୍ତିତାଙ୍ଗ୍ ଆନି ଦର୍‌କାର୍।

ଏବ୍ରି 6:1

ଲାଗିଙ୍ଗ୍ ଖ୍ରୀଷ୍ଟ ବିଷୟରେ ଆସେଙ୍ଗ୍ ପାର୍ତୁମ୍ ହିକାଆତି ବିଷୟତିଙ୍ଗ୍ ବାର୍‌ମ୍-ବାରମ୍ ହିକାଆୱାଦାଙ୍ଗ୍, ପାର୍ତିତାଙ୍ଗ୍ ବାଡାଆନି ହିକ୍ଷାତିଙ୍ଗ୍ ହିକାଆନି ଦର୍‌କାର୍। ପାପ୍ କାମାୟ୍ ପିସ୍ତି ଈଶ୍ୱର ଲାଗାୟ୍ ୱାନି ହିକ୍ଷା, ଈଶ୍ୱରତାକେ ପାର୍ତିକିନି ହିକ୍ଷା,

୧ ପିତର 4:8

ଆନେଙ୍ଗ୍ ମି କାଜିଙ୍ଗ୍ ର ମୁକ୍ୟ ବିଷୟ ୱେଚ୍‌ଚାନାଙ୍ଗା, ଏପେଙ୍ଗ୍ ଜାର୍-ଜାର୍‌ବିତ୍ରେ ସତ୍ ଲାଡ୍ କିବା ଆଡ। ଇନେସ୍‌କି ଯଦି ମାନାୟାରିଙ୍ଗ୍ ଲାଡ୍ କିନାଦେର୍, ଲାଗିଙ୍ଗ୍ ଏପେଙ୍ଗ୍ ହେୱାର୍ କିତି ୱିଜୁ ପାପ୍‌ତିଙ୍ଗ୍ ଏପେଙ୍ଗ୍ କେମା କିଦେଙ୍ଗ୍ ୱିଜୁନାଞ୍ଜିଙ୍ଗ୍‌ ରେଡି ଆଜି ମାନାଦେର୍।

୨ ପିତର 1:7

ଏପେଙ୍ଗ୍ ଆପ୍‌କା ଈଶ୍ୱରତିଙ୍ଗ୍ ସନ୍‌ମାନ୍ କିତିଲେକେ ଜିବୁନ୍ କାଟି କିମାଟ୍, ମି ଜାର୍ ପରିବାର୍ ମାନାୟ୍ ଲେକେ ଜେକନିକାରିଙ୍ଗ୍ ପା ଲାଡ୍ କିୟାଟ୍।

୧ ଯୋହନ 3:10

ଇମ୍‌ଣି ମାନାୟ୍ ଦରମ୍ କାମାୟ୍ କିଉନ୍, ଆରେ ତା ଟଣ୍ଡାହିରିଙ୍ଗ୍ ଲାଡ୍ କିଉନ୍। ହେୱାନ୍ ଈଶ୍ୱର ଲକ୍ ଆକାୟ୍। ଇବେତାଙ୍ଗ୍ ଆସେଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାସ୍ ଯେ, ଇନେର୍ ଈଶ୍ୱର ମେହି, ଆରେ ଇନେର୍ ଶୟତାନ ମେହି।

୧ ଯୋହନ 3:23

ଈଶ୍ୱର ମାଙ୍ଗେଙ୍ଗ୍ ଇ ଆଦେସ୍ ହିତ୍‌ତାନ୍‌ନା ଯେ, ତା ମେହି ଯୀଶୁ ଖ୍ରୀଷ୍ଟଙ୍ଗ୍ ପାର୍ତିକିନି ଦର୍‌କାର୍, ଆରେ ହେୱାନ୍ ହିତ୍‌ତି ଆଦେସ୍ ଅନୁସାରେ ଜାର୍-ଜାର୍‌ବିତ୍ରେ ଲାଡ୍ କିୟାଆନାତ୍।

୧ ଯୋହନ 4:21

ଆରେ ଈଶ୍ୱର ନିଜେ ଇ ଆଦେସ୍ ହିତ୍‌ତାନ୍‌ନା, ଇନେର୍ ଈଶ୍ୱରତିଙ୍ଗ୍ ଲାଡ୍ କିନାନା ହେୱାନ୍ ତା ଟଣ୍ଡାହିଙ୍ଗ୍ ପା ଲାଡ୍ କିନାନ୍।