କଲସିୟ 2:9 - New Testament in Pengo Parja Language

⁹ ଲାଗିଙ୍ଗ୍ ଇ ମାନାୟାର୍ ମିଙ୍ଗେଙ୍ଗ୍ ଟକାଇ କିଦ୍‌ମେର୍, ଇନେସ୍‌କି ଖ୍ରୀଷ୍ଟ ମାନାୟ୍ ରୁପ୍ ଆତିହିଙ୍ଗ୍ ଈଶ୍ୱରନି ୱିଜୁ ଗୁଣ୍ ଆରେ ଶାକ୍ତି ତାବେ ମାଚାତ୍।

ସତ୍‌ ବଚନ୍‌ ପୁନି ନିୟମ୍‌

⁹ କେବଲ୍‌ ନାର୍‌ ଲାକେ କ୍ରିସ୍ଟତି ତାକେ ଇସ୍ୱର୍‌ତି ଜାତିମୁର୍ତି ପୁରାବାର୍ତି ମାନାତ୍‌ ।

କଲସିୟ 2:9 ပူးပေါင်းရင်းမြစ်များ

ମାତିଉ 1:23

“ହୁଡ଼ାଟ୍, ରଞ୍ଜେଲ୍ ୱାଟା ଜିପଲି ଗରବ୍‌ତ ଆସ୍ତି ବପାଙ୍ଗ୍ ଜନମ୍ କିନାତ୍, ଆରେ ହେୱାର୍ ହେୱାନିଙ୍ଗ୍ ଇମାନୁୟେଲ୍ ଇଞ୍ଜି ଇନାର୍,” ଇ ତରନି “ଅର୍ତ ମା ଲାହାଙ୍ଗ୍ ଈଶ୍ୱର ମାନାନ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 14:22

ପାଚେ ହଲିଆହି ୱେଚ୍‌ଚାନ୍, ‘ଏ ମାଲିକ୍, ଏନେଙ୍ଗ୍ ଇନାକା ୱେଚ୍‌ଚାତାଇ ହେଦାଙ୍ଗ୍ ଆନେଙ୍ଗ୍ କିତାଙ୍ଗ୍‌ନା। ଆତିସ୍‌ପା ଆରେ ଆଦିକ୍ ମାନାୟାର୍ କାଜିଙ୍ଗ୍ ବାହା ଉବ୍ରା ଆତାତ୍‌ନା।’

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 3:22

ପବିତ୍ର ଆତ୍ମା ସରଗ୍‌ତାଙ୍ଗ୍ ପାର୍‌ୱା ଲେକେ ତା ଜପି ୱାତାତ୍। ଆରେ ଈଶ୍ୱର ସରଗ୍‌ତାଙ୍ଗ୍ ଯୀଶୁଙ୍ଗ୍ ୱେଚ୍‌ଚାନ୍, “ଏନେଙ୍ଗ୍ ନା ଲାଡ୍ ମାଜି, ଆନେଙ୍ଗ୍ ନିତାକେ ବେସି ୱାରି।”

ଜହନ୍‌ 1:14

ହେ ବେଣ୍ ମାନାୟ୍ ରୁପ୍ ଆତାତ୍, ଆରେ ମା ହୁଦାଙ୍ଗ୍ ବାହାକିତାତ୍‌। ହେୱାନ୍ ଦୟା ଆରେ ସତ୍ ବିଷୟ ବାର୍ତି ମାଚାତ୍। ଆବା ଈଶ୍ୱର ର ମେହିତାକେ ଇନେସ୍ ଲେକେ ଗୌରବ ମାନାତ୍, ହେଲେକେ ଗୌରବ ଆପେଙ୍ଗ୍ ହୁଡ଼୍‌ତାପ୍।

ଜହନ୍‌ 1:16

ହେୱାନ୍ ଦୟା ଆରେ ସତ୍‌ତାଙ୍ଗ୍ ବାର୍ତିଆଜି ମାଚାନ୍। ହେଦାଙ୍ଗ୍ କାଜିଙ୍ଗ୍ ଆପେଙ୍ଗ୍ ହେୱାନ୍‌ତାଙ୍ଗ୍ ବେସି ଆଶ୍ରିବାଦ୍ ଜପି ଆଶ୍ରିବାଦ୍ ପାୟାଆତାପ୍।

ଜହନ୍‌ 10:30

ଆନେଙ୍ଗ୍ ଆରେ ନା ଆବା ଈଶ୍ୱର ରିୟାପ୍ ନେ ରକାପ୍‌।”

ଜହନ୍‌ 10:38

ନା ଆବା ଈଶ୍ୱର ଇନାକା କିନାନ୍, ହେଦାଙ୍ଗ୍ ଆନେଙ୍ଗ୍ କିନାଙ୍ଗ୍, ଲାଗିଙ୍ଗ୍ ଏପେଙ୍ଗ୍ ନା କିତି କାମାୟ୍‌ତିଙ୍ଗ୍ ପାର୍ତିକିନି ଦର୍‌କାର୍। ଲାଗିଙ୍ଗ୍ ଏପେଙ୍ଗ୍ ପୁନାଦେର୍ ଆରେ ବୁଜାଆନାଦେର୍ ଯେ ଆବା ଈଶ୍ୱର ନାବେ ମାନାନ୍ ଆରେ ଆନେଙ୍ଗ୍ ତାବେ ମାନାଙ୍ଗ୍।”

ଜହନ୍‌ 14:20

ଏପେଙ୍ଗ୍ ହେ ଦିନ୍ ପୁନାଦେର୍ ଯେ, ଆନେଙ୍ଗ୍ ଆବା ଈଶ୍ୱରତାକେ ମାନାଙ୍ଗା। ଆରେ ଏପେଙ୍ଗ୍ ନାବେ ଆରେ ଆନେଙ୍ଗ୍ ମିବେ ମାନାଙ୍ଗ୍।

ଜହନ୍‌ 17:21

ଏ ଆବା ଈଶ୍ୱର, ଆନେଙ୍ଗ୍ ନିବେ ପାର୍ତାନା କିଦ୍‌ନାଙ୍ଗା, ଇନେସ୍ ପାର୍ତି କିନାକାର୍ ରବେ ଆଦେଙ୍ଗ୍ ଆଡ୍‌ନାର୍। ଇନେସ୍‌କି ଏନେଙ୍ଗ୍ ନାବେ ମାନାଇ ଆରେ ଆନେଙ୍ଗ୍ ନିବେ ମାନାଙ୍ଗ୍। ହେଲେକେ ଇୱାର୍ ପା ମାବେ ମାନ୍‌ଗାନାର୍। ଲାଗିଙ୍ଗ୍ ଏନେଙ୍ଗ୍ ନାଙ୍ଗେଙ୍ଗ୍ ପକ୍ତାତାଇନା ଇଞ୍ଜି ପୁର୍ତିନି ୱିଜୁ ମାନାୟାର୍ ପାର୍ତିକିନାର୍।

ଜହନ୍‌ 2:21

ମାତର୍ ଯୀଶୁ ଜାର୍ ଗାଗାଡ଼୍‌ନି ବିଷୟରେ ୱେଚ୍‌ଚି ଈଶ୍ୱର ମାନି ମନ୍ଦିର୍‌ ବିଷୟରେ ୱେଚ୍‌ଚି ମାଚାନ୍।

ପକ୍ୟାତାକା 17:29

ହେଦାଙ୍ଗ୍ କାଜିଙ୍ଗ୍ ମାନାୟାର୍ ରସ୍ତି ହନା, ରୁପା କି କାଲ୍ ପୁତ୍‌ଡ଼ାତିଙ୍ଗ୍ ଈଶ୍ୱର ଇଞ୍ଜି ବାବିକିନି ଦର୍‌କାର୍ ଆକାୟ୍, ଇନେସ୍‌କି ଆସେଙ୍ଗ୍ ଈଶ୍ୱର ମେହିକାସ୍।

୨ କରନ୍ତିୟ 5:19

ଇନେସ୍‌କି ଈଶ୍ୱର ଖ୍ରୀଷ୍ଟ ବିତ୍ରେ ମାଚାନ୍, ଆରେ ହେୱାନ୍ ନିଜେ ପୁର୍ତିନି ମାନାୟାରିଙ୍ଗ୍ ତା ହୁଦାଙ୍ଗ୍ ମାହାୟ୍ କିନାନା, ଆରେ ହେୱାନ୍ ମାନାୟାର୍ ପାପ୍‌ତିଙ୍ଗ୍ ତା ବିରଦ୍‌ତାଙ୍ଗ୍ ଗାଣା କିଉନ୍। ଇ ଚାନିଆଆନି ହାର୍ଦିକାବୁର୍ ହେୱାନ୍ ମାଙ୍ଗେଙ୍ଗ୍ ମାନାୟାରିଙ୍ଗ୍ ୱେଚ୍‌ନି କାଜିଙ୍ଗ୍ ହିତ୍‌ତାନ୍‌ନା।

କଲସିୟ 1:19

ଇନେସ୍‌କି ଆବା ଈଶ୍ୱର ଇଚା କିତାନ୍ ଯେ ଈଶ୍ୱର ୱିଜୁ ଗୁଣ୍ ଖ୍ରୀଷ୍ଟତାକେ ବାହା କିୟେତ୍।

୧ ତିମତି 3:16

ଈଶ୍ୱର ମାଙ୍ଗେଙ୍ଗ୍ ଇନାକା ୱେଚ୍‌ଚାତାନ୍‌ନା ହେଦାଙ୍ଗ୍ ପୁରାପୁରି ସତ୍, ଇଦାଙ୍ଗ୍ ଇନେର୍ ପା ବୁଲ୍ ଇଞ୍ଜି ୱେଚ୍‌ଚେଙ୍ଗ୍ ଆଡୁର୍। ଖ୍ରୀଷ୍ଟ ମାନାୟ୍ ରୁପ୍ ଆଜି ୱାତାନ୍, ହେୱାନ୍ ଈଶ୍ୱର ମେହି ଇଞ୍ଜି ଈଶ୍ୱର ଆତ୍ମା ପୁନି କିତାତ୍। ଦୁତ୍‌କୁ ହେୱାନିଙ୍ଗ୍ ହୁଡ଼୍‌ତିକ୍, ଈଶ୍ୱର ହେୱାନିଙ୍ଗ୍ ସରଗ୍‌ଜପି ଅତାନ୍, ଚେଲାହିର୍ ତା ବିଷୟରେ ୱିଜୁଜାତି ନିପଣ୍ ଶୁଣାୟ୍ କିତାର୍। ଆରେ ପୁର୍ତିନି ମାନାୟାର୍ ପାର୍ତି କିତାର୍।

ତୀତସ 2:13

ଆରେ ଇମ୍‌ଣି ଆହା ମାଙ୍ଗେଙ୍ଗ୍ ୱାରି କିଦ୍‌ନାତ୍, ଆରେ ମା ଗାଜା ଈଶ୍ୱର ଆରେ ଉଦାର୍ କିଦ୍‌ନି ଯୀଶୁ ଖ୍ରୀଷ୍ଟ ଗୌରବତାଙ୍ଗ୍ ୱାନାକାଦିଙ୍ଗ୍ କାସିମାଞ୍ଜେଙ୍ଗ୍ ଈଶ୍ୱର ମାଙ୍ଗେଙ୍ଗ୍ ଦୟା ହିକାୟ୍ କିତ୍‌ତାନ୍‌ନା।

୧ ଯୋହନ 5:20

ଆସେଙ୍ଗ୍ ପୁଚାସ୍‌ନା ଯେ, ଈଶ୍ୱର ତା ମେହିଙ୍ଗ୍ ପୁର୍ତିତାକେ ପକ୍ତାତାନ୍‌ନା। ଆରେ ହେୱାନ୍ ମାଙ୍ଗେଙ୍ଗ୍ ସତ୍ ଈଶ୍ୱରତିଙ୍ଗ୍ ପୁଞ୍ଜେଙ୍ଗ୍ ସାଇଜ କିତ୍‌ତାନ୍‌ନା। ନଙ୍ଗୟ୍ ଆପେଙ୍ଗ୍ ଈଶ୍ୱର ଆରେ ତା ମେହି ଯୀଶୁ ଖ୍ରୀଷ୍ଟତାକେ ମାହାଆଜି ମାନାପ୍। ହେୱାନ୍‌ନେ ରକାନ୍ ସତ୍ ଈଶ୍ୱର, ଆରେ ହେୱାନ୍‌ନେ ୱିଜ୍‌ୱି ଜିବୁନ୍।

୧ ଯୋହନ 5:7

ଆରେ ଯୀଶୁ ପୁର୍ତିତାକେ ୱାତାକା ତିନ୍‌ଗଟା ଚିନ୍ ସାକି ହିନିକା, ପବିତ୍ର ଆତ୍ମା, ଏଜୁକାଙ୍ଗ୍ ଡୁବନ୍ ଅନାକା ଆରେ କୃଶକାଟ୍‌ତାକେ ତା ନେତେର୍ ବଡ଼ାଆଜି ହାଃତାକା, ଆରେ ଇ ତିନ୍‌ଗଟା ବିଷୟରେ ସାକି ହିନାକା ସତ୍।