Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




କଲସିୟ 2:18 - New Testament in Pengo Parja Language

18-19 ଖ୍ରୀଷ୍ଟ ତା ଗାଗାଡ଼୍ ଲେକ ମଣ୍ଡ୍‌ଲିନି ମୁକ୍ୟା। ହେୱାନ୍ ତା ଗାଗାଡ଼୍‌ନି ୱିଜୁ ଜିନିଷ୍‌ତିଙ୍ଗ୍ ଜାତୁନ୍ କିନାନ୍ ଆରେ ୱିଜୁତିଙ୍ଗ୍ ମାହାଇ କିଜି ଇଡ଼୍‌ତାନ୍‌ନା। ଲାଗିଙ୍ଗ୍ ଈଶ୍ୱର ଇଚାତାଙ୍ଗ୍ ଇଦାଙ୍ଗ୍ ବାଡା ଆନାତ୍। ବାଟ୍‌ପାଣ୍ ଆଜି ଜାର୍‌ତିଙ୍ଗ୍ ହିରୁ କିନାକା ଆରେ ଦୁତ୍‌କୁକାଙ୍ଗ୍ ପୁଜା କିୟାଟ୍ ଇଞ୍ଜି ୱେଚ୍‌ଚି ଇନେର୍ ମିଙ୍ଗେଙ୍ଗ୍ ଟକାୟ୍ କିଦୁର୍। ଇ ବିଷୟରେ ହେୱାର୍ କେଚ୍‍କଣ୍‌ତ ହୁଡ଼୍‌ତାପ୍‌ନା ଇଞ୍ଜି ୱେଚ୍‌ନାର୍। ମାତର୍ ହେୱାର୍ ତା ମୁର୍କ କାଜିଙ୍ଗ୍ ବାଟ୍‌ପାଣିଆ ଆତାର୍‌ନା।

အခန်းကိုကြည့်ပါ။ ကော်ပီ

ସତ୍‌ ବଚନ୍‌ ପୁନି ନିୟମ୍‌

18 ଆରେ ଇମ୍‌ଣାକାର୍‌ ଦାର୍ମି ଆରି ଦୁତ୍‌ର୍‌ ପୁଜାତ ହାର୍‌ ପାୟାଜ଼ି କ୍ଡେଞ୍ଜ୍‌କଣ୍‌ ହୁଡ଼୍‌ଜି ମାନି ବିସ୍ରେନିକିଂ ଦାସ୍ତି ଆରି ଜାର୍‌ ସଁସାର୍‌ନି ମାନାୟ୍‌ ମାନ୍‌ ହୁକେ ପଲ୍ୟା ଗାର୍ବି ଆଜ଼ି କାପ୍‌ଡ଼ା ଲାକେ ଇନେନ୍‌ କ୍ରିସ୍ଟ, ହେୱାନିଂ ଆହ୍‌ୱାଦାଂ ଇନାମ୍‌ତାଂ ମିଙ୍ଗେଙ୍ଗ୍‌ ବାଚାୟ୍‌ କିଦ୍‌ମେତ୍‌;

အခန်းကိုကြည့်ပါ။ ကော်ပီ




କଲସିୟ 2:18
42 ပူးပေါင်းရင်းမြစ်များ  

ମିଚ୍‌ୱା ଖ୍ରୀଷ୍ଟ ଆରେ ମିଚ୍‌ୱା ଭବିଷ୍ଯତବକ୍ତାର୍ ଚଞ୍ଜିଆଆଦ୍‌ନାର୍। ଆରେ ହେୱାର୍ ଗାଜାଗାଜା କାମାୟ୍ କିନାର୍ ଆରେ ଚାନିଆ କାମାୟ୍ କିଜି ଈଶ୍ୱର ବାଚିକିତି ମାନାୟାରିଙ୍ଗ୍ ପା ବୁଲ୍‌କାଇ କିନାର୍।


ହେୱାର୍ ଈଶ୍ୱରତି ସତ୍ ବିଷୟତିଙ୍ଗ୍ ପୁନ୍‌ଞ୍ଜି ପା ପାର୍ତି କିୱାତାର୍, ଆରେ ହେୱାର୍ ଜାର୍ ଇଚା ଅନୁସାରେ ମିଚ୍ ବିଷୟତିଙ୍ଗ୍ ପାର୍ତି କିତାର୍। ଇମ୍‌ଣି ଈଶ୍ୱର ୱିଜୁଦିନ୍ ପୁଜା ପାୟାଆନି ଦର୍‌କାର୍ ମାଚାତ୍ ହେୱାର୍ ହେ ଈଶ୍ୱରତିଙ୍ଗ୍ ପୁଜାକିୱାତାର୍‌। ମାତର୍ ହେୱାନ୍ ଉବ୍‌ଜାଇ କିତି ଜିନିସ୍‌ତିଙ୍ଗ୍ ପୁଜା କିତାର୍। ଆମେନ୍।


ହେ ଲେଗ୍‌ଦି ମାନାୟାର୍ ମା ମାପୃ ଯୀଶୁ ଖ୍ରୀଷ୍ଟଙ୍ଗ୍‌ ହେବା କିଉରା, ହେୱାର୍ ଜାର୍‌ତିଙ୍ଗ୍‌ ହେବାକିନାରା। ହେୱାର୍ ଦରମ୍ ମାନାୟାରିଙ୍ଗ୍ ଟକାୟ୍ କିଦେଙ୍ଗ୍ ଚିକ୍‌ଣାୟ୍ କିଜି କାତା ଇନାର୍।


ଇମ୍‌ଣାକାର୍ ଜେକନିକାରିଙ୍ଗ୍ ଲାଡ୍ କିନାର୍, ହେୱାର୍ ୱିଜୁ ବିଷୟତିଙ୍ଗ୍ ସାମ୍ୱାଲି କିନାର୍ ଆରେ ୱିଜାକାରିଙ୍ଗ୍ ଦୟା କିନାର୍। ହେୱାର୍ ଆକାର୍ ଆଉର୍, ହେୱାର୍ ବାଟ୍‌ପାଣ୍ ଆଉର୍ ଆରେ ମାନ୍ ଗାର୍‌ବିୟା ଆଉର୍, ହେୱାର୍ ଜେକନିକାରିଙ୍ଗ୍ କରାପ୍ ବ୍ୟବହାର୍ କିଉର୍।


ଏପେଙ୍ଗ୍ ନଙ୍ଗୟ୍ ପାତେକ୍ ପୁର୍ତିନି ମାନାୟାର୍ ବ୍ଯବହାର୍ କିନିଲେକେ ବ୍ଯବହାର୍ କିନାଦେରା। ଏପେଙ୍ଗ୍ ଜାର୍-ଜାର୍‌ବିତ୍ରେ ଆକାର୍ ଆଜି ଗଣ୍ଡ୍‍ଗଲ୍ ଆନାଦେରା, ହେଦାଙ୍ଗ୍ କାଜିଙ୍ଗ୍ ପୁନ୍ୟା ଆନାତା ଯେ, ଏପେଙ୍ଗ୍ ଜାର୍ ଇଚା ଅନୁସାରେ ଜିବୁନ୍ କାଟି କିନାଦେରା, ଆରେ ମାପୃ ଯୀଶୁ ଖ୍ରୀଷ୍ଟଙ୍ଗ୍ ପୁନ୍‌ୱିତି ମାନାୟାର୍‌ଲେକେ ବ୍ଯବହାର୍ କିନାଦେରା।


ଆନେଙ୍ଗ୍ ପୁଚାଙ୍ଗ୍‌ନା ମି ବିତ୍ରେତାଙ୍ଗ୍ କେତେକ୍ ମାନାୟାର୍ ବାବିକିନାରା। ଆନେଙ୍ଗ୍ ଆରେ ମିଙ୍ଗେଙ୍ଗ୍ ହୁଡ଼୍‌ଗା ୱାଦେଙ୍ଗ୍ ୱାଉଙ୍ଗ୍, ଇନେସ୍‌କି ହେୱାର୍ ଗରବ୍ ଆତାର୍‌ନା।


ଏ ଟଣ୍ଡାର୍‌କାଦେର୍, ଆପୋଲ ଆରେ ଆନେଙ୍ଗ୍ ଜାର୍‌ତିଙ୍ଗ୍ ଚଚ୍‌ଚି, ହେ ଅର୍ତତିଙ୍ଗ୍ ବୁଜା ଆଦେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ଦରମ୍ ସାସ୍ତର୍‌ତାକେ ଇନାକା ଲେକାଆତାତ୍‌ନା ତା ହାନ୍ଦିନି ବାର୍ତ ହାଲ୍‌ମାଟ୍। ଯଦି ଏପେଙ୍ଗ୍ ରକାନିଙ୍ଗ୍ ସନ୍‌ମାନ୍ ହିନାଦେରା ଆରେ ରକାନିଙ୍ଗ୍ ଇନସ୍ତା କିନାଦେର୍ ଲାଗିଙ୍ଗ୍ ଏପେଙ୍ଗ୍ ହେଦାଙ୍ଗ୍ ଟିକ୍ କିଉଦେରା।


ଆନେଙ୍ଗ୍ ନଙ୍ଗୟ୍ ମିଙ୍ଗେଙ୍ଗ୍ ମୁର୍ତିତିଙ୍ଗ୍ ହିଜି ପୁଜାକିନି କାଦି ବିଷୟରେ ୱେଚ୍‌ଚାନାଙ୍ଗା, ଏପେଙ୍ଗ୍ କେତ୍‌ଜାଣ୍ ଇଞ୍ଜ୍‌ନାଦେରା ଯେ ମାଙ୍ଗେଙ୍ଗ୍ ୱିଜୁ ଜିନିଷ୍‌ନି ଜ୍ଞାନ୍ ମାନାତ୍, ଆରେ ଆପେଙ୍ଗ୍ ହେଦାଙ୍ଗ୍ ପୁଚାପ୍‌ନା। ଜ୍ଞାନ୍ ପୁନ୍‌ଞ୍ଜି ମାଚିସ୍ ମାଙ୍ଗେଙ୍ଗ୍ ବାଟ୍‌ପାଣ୍ କିଦ୍‌ନାତ୍, ମାତର୍ ଜାର୍-ଜାର୍‌ବିତ୍ରେ ଲାଡ୍ କିତିସ୍ ନେ ମଣ୍ଡ୍‌ଲିନି ୱିଜାର୍ ମାନାୟାରିଙ୍ଗ୍ ବିନ୍-ବିନ୍ ସାଇଜ କିୟାଆନାତ୍।


କେତେକ୍ ମାନାୟାର୍ ହନ୍‌ନି କେଲ୍‌ତାକେ ହନ୍‌ନାର୍, ମାତର୍ ରକାନ୍ ନେ ପୁରଷ୍କାର୍ ପାୟା ଆନାନ୍। ଏପେଙ୍ଗ୍ ପା ହେ ଲେକେ ଈଶ୍ୱରତାକେ ପୁରଷ୍କାର୍ ଜିତାଆନି କାଜିଙ୍ଗ୍ ହନାଟ୍।


ମାତର୍ ପାର୍ତୁମ୍ କଗ୍‌ଲେଙ୍ଗ୍ ହବାଙ୍ଗ୍ ଶୟ୍‌ତାନ୍ ରାଚ୍ ହେଲେକେ ଆଜି ଟକାୟ୍ କିତାତ୍। ହେଲେକେ ଶୟ୍‌ତାନ୍ ମିଚ୍ ହିକ୍ଷାହିନି ମାନାୟାର୍‌ଲେକେ ଆଜି ମିଙ୍ଗେଙ୍ଗ୍ ପା ଚାଲାକି କିଜି ଟକାୟ୍ କିଦ୍‌ନାତ୍ ଆରେ ଏପେଙ୍ଗ୍ ଖ୍ରୀଷ୍ଟଙ୍ଗ୍ ହେବା କିନାକା ବନ୍ଦ୍ କିନାଦେର୍ ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ପାଣ୍ଡ୍ରାଆନାଙ୍ଗା।


ଆନେଙ୍ଗ୍ ଏଚେପାଦ୍ନା ମିତାକେ ୱାନାଙ୍ଗ୍, ଆନେଙ୍ଗ୍ ମିଙ୍ଗେଙ୍ଗ୍ ଇନେସ୍ ହୁଡ଼୍‌ଦେଙ୍ଗ୍ ଇଚା କିତାଙ୍ଗ୍‌ନା ହେଲେକେ ହୁଡ଼୍‌ଦିୱିତିସ୍, ଆନେଙ୍ଗ୍ ଇନେସ୍ ବ୍ଯବହାର୍ କିଦ୍‌ନାଙ୍ଗ୍ ହେଦାଙ୍ଗ୍‌ତିଙ୍ଗ୍ ଆହୁଦେର୍ ଇଞ୍ଜି ଆନେଙ୍ଗ୍ ପାଣ୍ଡ୍ରାଆନାଙ୍ଗା। ଇନେସ୍‌କି ମି ବିତ୍ରେ ଗଣ୍ଡ୍‍ଗଲ୍, ଆକାର୍, ରିସା, ଲବ୍ ଆନି ବୁଦି, ଲକାର୍ ବିରୁଦ୍‌ତାକେ ଇନାକା, ଲକାର୍ ବିରୁଦ୍‌ତାକେ ଗାଣ୍‌ଜୁ କିନାକା ଆରେ କରାପ୍ ବ୍ୟବହାର୍ କିନି ବିଷୟରେ ଆନେଙ୍ଗ୍ ପାଣ୍ଡ୍ରାଆନାଙ୍ଗା।


ଲାଗିଙ୍ଗ୍ ଆନେଙ୍ଗ୍ ମାପୃ ଆଦିକାର୍‌ତାକେ ବିଷେସ୍‌କିଜି ଗୁୱାରି କିନାଙ୍ଗା, ପାର୍ତିକିୱାକାର୍ ଇନେସ୍ ଜାର୍-ଜାର୍ ଚିନ୍ତାତାକେ ଲାବ୍ ଆୱି ଜିବୁନ୍‌ତିଙ୍ଗ୍ କାଟିକିନାର୍, ଏପେଙ୍ଗ୍ ହେଲେକେ ଜିବୁନ୍ କାଟି କିମାଟ୍।


ଲାଗିଙ୍ଗ୍ ମିଙ୍ଗେଙ୍ଗ୍ ଇନେର୍‌ପା ଟକାଇ କିଦ୍‌ମେର୍ ଯେ ଇ ୱିଜୁ ବିଷୟ କିତିସ୍ ଦଣ୍ଡ୍ ଗାଟାଆଦୁତ୍। ଇନେସ୍‌କି ଇମ୍‌ଣାକାର୍ ତା ଆଦେସ୍‌ତିଙ୍ଗ୍ ମାନିକିଉର୍ ହେୱାରିଙ୍ଗ୍ ଈଶ୍ୱର ଦଣ୍ଡ୍ ହିନାନ୍।


ଆଗେ ଇନକା ଗଟାଆଜି ମାଚାତ୍ ହେଦାଙ୍ଗ୍‌ତିଙ୍ଗ୍ ଆନେଙ୍ଗ୍ ବାଣା ଆଜି, ଆଗେ ଇନାକା ଗଟାଆନାତ୍ ହେ ବିଷୟତିଙ୍ଗ୍ ମାନ୍‌ଦିୟାନ୍ ହିନାଙ୍ଗା। ଆରେ ସରଗ୍‌ନି ପୁରଷ୍କାର୍ ଜିତାଆନି କାଜିଙ୍ଗ୍ ଆନେଙ୍ଗ୍ ହନ୍‌ନାଙ୍ଗା। ଯୀଶୁ ଖ୍ରୀଷ୍ଟ ନା କାଜିଙ୍ଗ୍ ହାଃତିଲେ ଈଶ୍ୱର ସରଗ୍‌ତାକେ ନାଙ୍ଗେଙ୍ଗ୍ ହିର୍‌ବାଆତ୍‌ତାନ୍‌ନା ଇଦାଙ୍ଗ୍ ଆନାତା ଗାଜା ପୁରଷ୍କାର୍।


ଇ ୱିଜୁ ପୁର୍ତିନି ନିତି ନିୟମ୍ ବେସି ବୁଦି ହିତ୍‌ତି ଲେକେ ଚଞ୍ଜ୍‌ଜାନାତା, ଇଦାଙ୍ଗ୍ ହେୱାର୍ ଜବର୍ ଦସ୍ତ୍ ଦରମ୍ ଇଞ୍ଜି ଚଚିୟାଆଜି ଈଶ୍ୱରତିଙ୍ଗ୍ ପୁଜା କିଦେଙ୍ଗ୍ ରସ୍ତାର୍‌ନା। ଆରେ ହେୱାର୍ ଜାର୍‌ତିଙ୍ଗ୍ ଦୁକ୍‌କଷ୍ଟ ହିନାରା ଆରେ ବାଟ୍‌ପାଣ୍ ଆଜି ଜାର୍‌ତିଙ୍ଗ୍ ହିରୁ କିନାରା। ମାତର୍ ଇ ୱିଜୁ ନିତି ନିୟମ୍‌ତିଙ୍ଗ୍ ମାନିକିତିସ୍ ପା ହେୱାର୍ ପାପ୍ କାମାୟ୍ କିନାରା।


ମାନାୟାର୍ ମିଚ୍ ହିକ୍ଷାହିଜି ମିଙ୍ଗେଙ୍ଗ୍ ଇନେସ୍ ଟକାୟ୍ କିଦ୍‌ମେର୍, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ଇଦାଙ୍ଗ୍ ୱେଚ୍‌ଚାନାଙ୍ଗା।


ଏପେଙ୍ଗ୍ ଜାଗ୍ରତ୍ ଆଜି ମାନାଟ୍, ଇନେର୍ ପା ମିଙ୍ଗେଙ୍ଗ୍ ମୁଲ୍ୟ ହିଲ୍‌ୱି ଦର୍‍ମନି ହିକ୍ଷା ଆରେ ବେକାର୍ ଉପାୟ୍‌ନି ହିକ୍ଷାହିଜି ମିଙ୍ଗେଙ୍ଗ୍ ଜାଲ୍‌ଦ ରାତ୍‌ତେମେର୍। ଇନେସ୍‌କି ଇ ଲେକେ ହିକ୍ଷା ଖ୍ରୀଷ୍ଟତି ହିକ୍ଷା ଆକାୟ୍, ମାତର୍ ମାନାୟ୍‌ନି ଜ୍ଞାନ୍‌ନି ହିକ୍ଷା ଆରେ ପୁର୍ତିନି ମାନାୟାର୍ ହିକ୍ଷା।


ହେୱାର୍ ପଣ୍ଡିତ୍‌ ଆଦେଙ୍ଗ୍ ଇଚାକିନାର୍। ମାତର୍ ହେୱାର୍ ଇନାକା ଜେକନିକାରିଙ୍ଗ୍ ହିକାଇ କିଦେଙ୍ଗ୍ ଇଚାକିନାର୍ ଆରେ ଜବର୍‌ଦସ୍ତିରେ ଟିକ୍ ଇଞ୍ଜି ୱେଚ୍‌ନାର୍ ହେଦାଙ୍ଗ୍ ନିଜେ ହେୱାରିଙ୍ଗ୍ ଜାଣା ଆକାୟ୍।


ନଙ୍ଗୟ୍ ପବିତ୍ର ଆତ୍ମା ହାର୍‌ଦାଙ୍ଗ୍ ୱେଚ୍‌ଚାନାତା, ଇ ସେସ୍ କାଡ଼୍‌ଦ କେତେକ୍ ହେନି ଖ୍ରୀଷ୍ଟାନ୍ ହିକ୍ଷାତିଙ୍ଗ୍ ପାର୍ତି କିଉର୍। ଆରେ ଜେକ ହାଜ୍‌ଦିଙ୍ଗ୍ ଅସାହାନି କରାପ୍ ଆତ୍ମା ହିକ୍ଷାତିଙ୍ଗ୍ ଆହ୍‌ନାର୍, ଆରେ ବୁତ୍ଆତ୍ମାକାଙ୍ଗ୍ ୱାନି ବୁଲ୍ ହିକ୍ଷାତିଙ୍ଗ୍ ପାର୍ତିକିନାର୍।


ହେୱାର୍ ହୁଡ଼୍‌ତି କଗ୍‌ଲେକ୍‌ତାଙ୍ଗ୍ ଦାରି କାମାୟ୍ କିଦେଙ୍ଗ୍ ଇଚା କିନାର୍। ହେୱାର୍ ପାପ୍ କାମାୟ୍ କିନି ସୁଯଗ୍‌ତିଙ୍ଗ୍ ପିହୁର୍। ଖ୍ରୀଷ୍ଟତାକେ ଇମ୍‌ଣାକାର୍ ଷ୍ଟ୍ରଙ୍ଗ୍‌କିଜି ପାର୍ତି କିଉର୍, ହେୱାରିଙ୍ଗ୍ ଇ ବୁଲ୍ ହିକ୍ଷାହିନି ମାଷ୍ଟେରାର୍ ଟକାୟ୍ କିନାର୍, ଆରେ ହେୱାରିଙ୍ଗ୍ ଇ ମାଷ୍ଟେରାର୍ ପାପ୍ କାମାୟ୍ କିୟିକିନାର୍। ଆରେ ହେୱାର୍ ବେସି ଲବ୍ରା ଆତି କାଜିଙ୍ଗ୍, ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାନ୍।


ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ମିଚ୍ ହିକ୍ଷାହିଜି ଟକାୟ୍ କିଦ୍‌ଦେଙ୍ଗ୍ ଉପାୟ୍ କିନି ମାନାୟାର୍‌ତାଙ୍ଗ୍ ଏପେଙ୍ଗ୍ ଜାଗ୍ରତ୍ ଆଜି ମାନାଟ୍।


ଲାଗିଙ୍ଗ୍ ହେ ରାଚ୍ ଆରେ ତା ଦୁତ୍‌କୁକାଙ୍ଗ୍ ପୁର୍ତିତାକେ ତୁସିହିତାର୍, ହେ ରାଚ୍‌ତିଙ୍ଗ୍ ଆଗେ ପୁର୍‌ବେନି ଶୟତାନ୍ ଇନେର୍ ପୁର୍ତିନି ୱିଜୁ ମାନାୟାରିଙ୍ଗ୍ ଟକାୟ୍ କିନାତା। ହେୱାନ୍ ନେ ଗାଜା ରାଚ୍ ଲେକେ ଚଞ୍ଜ୍‌ନାତା।


ହେ ପାର୍ତୁମ୍ ପଶୁନି ବାଦୁଲ୍‌ତାଙ୍ଗ୍ ଦୁଇ ନମ୍ବର୍ ପଶୁତିଙ୍ଗ୍ ଚାନିଆ କାମାୟ୍ କିନି ଅଦିକାର୍ ଈଶ୍ୱର ହିଜିମାଚାନ୍। ହେ ପଶୁ ଚାନିଆଆନି କାମାୟ୍ କିଜି ପୁର୍ତିନି ୱିଜାର୍ ମାନାୟାରିଙ୍ଗ୍ ଟକାୟ୍ କିଜି ମାଚାତ୍। ହେ ପଶୁ ମାନାୟାରିଙ୍ଗ୍ ପାର୍ତୁମ୍ ପଶୁନି ମୁର୍ତି ରସ୍ତେଙ୍ଗ୍ ଆଦେସ୍ ହିତାନ୍, ଇମ୍‌ଣି ପାର୍ତୁମ୍ ପଶୁ କାଣ୍ଡାତାଙ୍ଗ୍ ହାଃଜି ମାଚାତ୍ ମାତର୍ ଆରେରଗ ଜିବୁନ୍ ଆତାତ୍‌ନା।


ଆରେ ପୁର୍ତିନି ୱିଜାର୍ ମାନାୟାର୍ ହେ ପଶୁତିଙ୍ଗ୍ ପୁଜା କିତାର୍, ମାତର୍ ମେଣ୍ଢା ଇନେର୍‌କି ଯୀଶୁ ଜିବୁନ୍ ପାୟାଆନି ମାନାୟାର୍ ତର୍‌ ଲେକାଆତି ବହିତାକେ ଇମ୍‌ଣାକାର୍ ତର୍‌ ଲେକାଆଜି ମାଚାତ୍ ହେୱାର୍ ନେ ହେ ପଶୁତିଙ୍ଗ୍ ପୁଜା କିୱାତାର୍‌ନା। ହେ ମେଣ୍ଢା ଇନେର୍‌କି ଯୀଶୁ ନେ ପୁର୍ତି ଉବ୍‌ଜା ଆନିତାଙ୍ଗ୍ ହେୱାର୍ କାଜିଙ୍ଗ୍ ହାଃଜି ମାଚାନ୍।


ତାପାଚେ ଆନେଙ୍ଗ୍ ହେ ଦୁତ୍ କାଲ୍‌ପାନାତାକେ ମୁଣ୍ଡିଆ ଇଡ଼୍‌ଜି ପୁଜା କିତାଙ୍ଗ୍, ମାତର୍ ହେୱାନ୍ ନାଙ୍ଗେଙ୍ଗ୍ ୱେଚ୍‌ଚାତାତ୍, “ଆକାୟ୍ ନାଙ୍ଗେଙ୍ଗ୍ ମୁଣ୍ଡିଆ ଇଡ଼୍‌ଦାମା। ଇନେସ୍‌କି ଆନେଙ୍ଗ୍ ପା ନିଲେକେ ଆରେ ଜେକନି ଟଣ୍ଡାର୍‌ଲେକେ ଈଶ୍ୱର ଦାସ୍ ଇମ୍‌ଣି ମାନାୟାର୍ ଯୀଶୁଙ୍ଗ୍ ପାର୍ତିକିନାରା ଇଞ୍ଜି ପୁନାରା ଲାଗିଙ୍ଗ୍ ଏନେଙ୍ଗ୍ ଈଶ୍ୱରତିଙ୍ଗ୍ ପୁଜାକିୟା। ଇନେସ୍‌କି ପବିତ୍ର ଆତ୍ମା ହେ ମାନାୟ୍ ଇନେର୍ ମାନାୟାରିଙ୍ଗ୍ ଯୀଶୁ ଖ୍ରୀଷ୍ଟ ସତ୍ ବିଷୟ ଶୁଣାୟ୍ କିଦେଙ୍ଗ୍ ସାଇଜ କିନାତା।”


ହୁଡ଼ାଟ୍ ଆନେଙ୍ଗ୍ ବେଗି ୱାନାଙ୍ଗା, ଲାଗିଙ୍ଗ୍ ଏପେଙ୍ଗ୍ ନାଙ୍ଗେଙ୍ଗ୍ ଆଦିକ୍ ପାର୍ତି କିଜି ମାଞ୍ଜାଟ୍, ଆରେ ଇନେର୍ ପା ମି ପୁରଷ୍କାର୍‌ନି ମୁକୁଟ୍ ଜେଲ୍‌ଜି ଅଦେଙ୍ଗ୍ ଆଡୁର୍।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ