କଲସିୟ 2:16 - New Testament in Pengo Parja Language

¹⁶ ଲାଗିଙ୍ଗ୍ ମିଙ୍ଗେଙ୍ଗ୍ ଇନେର୍ ପା ଟକାୟ୍ କିଦୁର୍। ଏପେଙ୍ଗ୍ ଇନାକା ଚିଚିସ୍ କି ଉଟିସ୍, ଆରେ ପୁର୍ଣିମା ଦିନ୍, କି ଜମ୍‌ନିଦିନ୍‌ ଇ ଲେକେ କେତେକ୍ ପାର୍ବୁ ଦିନ୍ ମାନିକିୱି କାଜିଙ୍ଗ୍ ମିଙ୍ଗେଙ୍ଗ୍ ଇନେର୍ ବିଚାର୍ କିଦୁର୍।

ସତ୍‌ ବଚନ୍‌ ପୁନି ନିୟମ୍‌

¹⁶ ଲାଗିଂ, ଇନେର୍‌ ତିନାଉଣା କି ପୁଇପୁୟା ନାଞ୍ଜିଙ୍ଗ୍‌ କି ଉଆଁଁସ୍ ପାର୍ବୁ, କି ଜମ୍‌ନିବାର୍‌ ବିସ୍ରେ ଇମ୍‌ଣାକାପା ବିଚାର୍‌ ଜାଲ୍‌ଦି କିମେନ୍‌ ।

କଲସିୟ 2:16 ပူးပေါင်းရင်းမြစ်များ

ମାତିଉ 15:11

ୱେଇଦାଙ୍ଗ୍ ଇନାକା ଚିଚିସ୍ ମାନାୟ୍‌ତିଙ୍ଗ୍ କରାପ୍ କିଦେଙ୍ଗ୍ ଆଡୁତ୍, ମାତର୍ ୱେଇଦାଙ୍ଗ୍ ଇମ୍‍ଣିବେଣ୍ ହତ୍‌ନାତ୍ ହେ ବେଣ୍ ନେ ମିଙ୍ଗେଙ୍ଗ୍ କରାପ୍ କିଦ୍‌ନାତ୍।”

ମାର୍କ 7:19

ଲାଗିଙ୍ଗ୍ ହେଦାଙ୍ଗ୍ ହେ କାଦି ଗରବ୍‌ତାକେ ହଣ୍‌ୱାଦାଙ୍ଗ୍ ପଟ ବିତ୍ରେ ହନାତ୍, ଆରେ ତାପାଚେ ଜିରା ଆଜି ବାର୍ତ ହସିହାନାତ୍।” ଏଲେଙ୍ଗ୍‌ନେ ଯୀଶୁ ପୁନିକିତାନ୍ ୱିଜୁ କାଦି ଏପେଙ୍ଗ୍ ଚିଚିସ୍ ମିଙ୍ଗେଙ୍ଗ୍ କରାପ୍ କିଦୁତ୍।

ପକ୍ୟାତାକା 15:20

ତା ବାଦୁଲ୍‌ରେ ମାନାୟାର୍ ମୁର୍ତିତିଙ୍ଗ୍ ପୁଜାକିତି କାଦିତିଙ୍ଗ୍ ତିନ୍‌ୱେଦେଙ୍ଗ୍, ଦାରି କାମାୟ୍ କିୱେଦେଙ୍ଗ୍, ହାକ୍‌ତ ମିନ୍‌ଞ୍ଜି ଅସ୍ତି ପଶୁ ଜେଇ ତିନ୍‌ୱେଦେଙ୍ଗ୍ ଆରେ ନେତେର୍ ତିନ୍‌ୱି ବିଷୟରେ, ଆସେଙ୍ଗ୍ ହେୱାର୍ ଲାଗାୟ୍ ରଞ୍ଜାଙ୍ଗ୍ ଚିଟି ଲେକିକିଜି ୱେଚ୍‌ଚିସ୍ ଆନାତ୍‌।

ରୋମିୟ 14:10

ଲାଗିଙ୍ଗ୍ ଇନାକିଦେଙ୍ଗ୍ ଏପେଙ୍ଗ୍ ଜେକନି ଖ୍ରୀଷ୍ଟାନାରିଙ୍ଗ୍ ନିନ୍ଦା କିନାଦେରା? ଆରେ ଏପେଙ୍ଗ୍ ଇନାକିଦେଙ୍ଗ୍ ଜେକନି ଖ୍ରୀଷ୍ଟାନାରିଙ୍ଗ୍ ଇନସ୍ତା କିନାଦେରା? ଏପେଙ୍ଗ୍ ମାନ୍ତ ଇଟାଟ୍ ଯେ, ମାଙ୍ଗେଙ୍ଗ୍ ୱିଜାକାରିଙ୍ଗ୍ ଈଶ୍ୱର ବିଚାର୍ କିଦ୍‌ନାନ୍ ଆରେ ଆସେଙ୍ଗ୍ ୱିଜାକାସ୍ ତା ବିଚାର୍‌କିନି ବାହାତାକେ ନିଲ୍‌ୟା ଆନାତ୍‌।

ଗାଲାତିୟ 4:10

ଏପେଙ୍ଗ୍ ଈଶ୍ୱରତାଙ୍ଗ୍ ସାଇଜ ପାୟାଆନି କାଜିଙ୍ଗ୍ ଉପାୟ୍ କିଜି କେତେକ୍ ଦିନ୍, ମାସ୍, ପର୍ବ ଆରେ ବାର୍ହୁ ମାନି କିନାଦେରା।

କଲସିୟ 2:20

ଏପେଙ୍ଗ୍ ଖ୍ରୀଷ୍ଟ ହୁଦାଙ୍ଗ୍ ହାଃତାଦେର୍‌ନା, ଲାଗିଙ୍ଗ୍ ହେୱାନ୍ ମିଙ୍ଗେଙ୍ଗ୍ ପୁର୍ତିନି ୱିଜୁ ଶୟତାନନି ଶାକ୍ତିତାଙ୍ଗ୍ ମୁକ୍ତି କିତାନ୍‌ନା। ଲାଗିଙ୍ଗ୍ ଏପେଙ୍ଗ୍ ଇନେକିଦେଙ୍ଗ୍ ଇ ପୁର୍ତିନି ନିତି ନିୟମ୍‌ତିଙ୍ଗ୍ ମାନି କିନାଦେରା।

ଏବ୍ରି 13:9

ଲାଗିଙ୍ଗ୍ ଏପେଙ୍ଗ୍ ପୁନ୍‌ୱିତି ପୁନି ହିକ୍ଷାତିଙ୍ଗ୍ ୱେଞ୍ଜେଙ୍ଗ୍ ଇଚା କିମାଟ୍। ଇନେସ୍‌କି ମି ଆତ୍ମିକ୍ ଜିବୁନ୍ ଈଶ୍ୱର ଦୟାତାଙ୍ଗ୍ ଶାକ୍ତି ଆନାତା, ତିନାକା ଉଣାକା ନିତି ନିୟମ୍ ମାନିକିତି କାଜିଙ୍ଗ୍ ଆକାୟ୍। ଇମ୍‌ଣାକାର୍ ହେ ନିୟମ୍ ମାନି କିନାରା, ହେଦାଙ୍ଗ୍ ଇନା ଲାବ୍ ଆଉତ୍।

ଏବ୍ରି 9:10

ଇନେସ୍‌କି ପାନି ନିୟମ୍ ଆପ୍‌କା, ରକାନ୍ ଇନାକା ତିନାନ୍ ଆରେ ଉଣାନ୍ ଆରେ ଜେକନି ଶୁଚି ରିତିନିତି ବିଷୟରେ ୱେଚ୍‌ଚି ମାନାତ୍। ଇ ନିତି ନିୟମ୍ ରକାନ୍ ଗରବ୍‌ତିଙ୍ଗ୍ ବାଦ୍‌ଲାୟ୍‌କିନି କାଜିଙ୍ଗ୍ ଇନା ସମ୍ପର୍କ ଆକାୟ୍। ପୁନି ନିୟମ୍ ହିଦ୍‌ୱି ପାତେକ୍ ହେଦାଙ୍ଗ୍ ମାନିକିନି କାଜିଙ୍ଗ୍ ହିୟାଆଜି ମାଚାତ୍।

ଜାକ୍‌ବ 4:11

ଏ ପାର୍ତିକିନି ଟଣ୍ଡାର୍‌କାଦେର୍, ଏପେଙ୍ଗ୍ ଜାର୍-ଜାର୍‌ବିତ୍ରେ ବିରଦ୍‌ତାକେ ଇନାକା ୱେଚ୍‌ମାଟ୍, ଇମ୍‌ଣାକାନ୍ ଟଣ୍ଡାହି ବିରଦ୍‌ତାକେ ଇନାକା ୱେଚ୍‌ନାନ୍। କି ଟଣ୍ଡାହିଙ୍ଗ୍ ବିଚାର୍ କିନାନ୍, ହେୱାନ୍ ଈଶ୍ୱର ନିୟମ୍ ବିରଦ୍‌ତାକେ ୱେଚ୍‌ନାନ୍, ଆରେ ଇ ନିୟମ୍‌ତିଙ୍ଗ୍ ବିଚାର୍ କିନାନା। ଏପେଙ୍ଗ୍ ଯଦି ନିୟମ୍‌ତିଙ୍ଗ୍ ବିଚାର୍ କିନାଦେର୍, ଏପେଙ୍ଗ୍ ହେ ନିୟମ୍‌ତିଙ୍ଗ୍ ହାତେନେ ବିଚାର୍‌କିନି ମାନାୟ୍ ଲେକେନେ ବିଚାର୍ କିନାଦେରା, ଆରେ ହେ ନିୟମ୍‌ତିଙ୍ଗ୍ ମାନି କିଉଦେରା।