Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




କଲସିୟ 1:23 - New Testament in Pengo Parja Language

23 ହେୱାନ୍ ମିଙ୍ଗେଙ୍ଗ୍ ପବିତ୍ର କିତ୍‌ତାନ୍‌ନା, ମାତର୍ ଏପେଙ୍ଗ୍ ୱିଜୁଦିନ୍ ଖ୍ରୀଷ୍ଟତାକେ ପାର୍ତି କିଜି ମାନାଟ୍। ଇନେସ୍‌କି ର ବାଡ଼୍‌କାସ୍ ପାଉଣ୍ଡେସେନ୍ ତାକେ ଇଲ୍ ମାନ୍‌ଗାନାତ୍ ହେଲେକେ ପାର୍ତି ଖ୍ରୀଷ୍ଟତାକେ ବାଡ଼୍‌କାସ୍ ଆଜି ମାନେତ୍। ହାର୍ଦିକାବୁର୍ ୱେନ୍‌ଞ୍ଜି ଇମ୍‌ଣି ଆହା ପାୟା ଆତାଦେର୍‌ନା ହେ ଆହାତିଙ୍ଗ୍ ଏପେଙ୍ଗ୍ ପିହ୍‌ମାଟ୍। ଇ ହାର୍ଦିକାବୁର୍ ପୁର୍ତିନି ଚାରିବେଣ୍‌ତାଙ୍ଗ୍ ଶୁଣାୟ୍ କିନାରା। ଆରେ ଆନେଙ୍ଗ୍ ପାଉଲ ଈଶ୍ୱର ଦାସ୍ ଆଜି ଇ ହାର୍ଦିକାବୁର୍ ଶୁଣାୟ୍ କିନାଙ୍ଗା।

အခန်းကိုကြည့်ပါ။ ကော်ပီ

ସତ୍‌ ବଚନ୍‌ ପୁନି ନିୟମ୍‌

23 ଏପେଙ୍ଗ୍‌ ର ଡାଟ୍‌ ଆରି ହାତ୍‌ପା କୁନାଦି ଜପି ୱିସ୍ତି ରଚ୍‌ୟାଜ଼ି ମାନାଟ୍‌ ଆରି ନେକ୍ରିକାବୁର୍‌ ୱେନି ସମୁତ ଇମ୍‌ଣି ବାର୍ସି ଲାବ୍‌ କିଜ଼ି ମାଚାଦେର୍‌, ହେବେଣ୍ଡାଂ ଏନେତେନେ ଆନି କାଜିଂ ପାବ୍‌ ହିମାଟ୍‌ । ହେ ନେକ୍ରିକାବୁର୍‌ ନେ ଆକାସ୍‌ନି ୱିଜ଼ାର୍‌ ଲାଗାଂ ପର୍‌ଚାର୍‌ ଆନାତା ଆରି ଆନ୍‌ ପାଉଲ୍‌, ହେୱାନ୍ତି ରୱାଙ୍ଗ୍‌ ପାର୍ତି କିନାକାଂ ହେବାକାର୍‌ୟା ।

အခန်းကိုကြည့်ပါ။ ကော်ပီ




କଲସିୟ 1:23
72 ပူးပေါင်းရင်းမြစ်များ  

ଆରେ, ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ୱିଜୁ ଜଗତ୍‍ନିପଣ୍ ହାଲ୍‌ଜି ୱିଜୁ ମାନାୟାରିଙ୍ଗ୍ ହାର୍ଦିକାବୁର୍ ଶୁଣାୟ୍ କିୟାଟ୍।


ମାତର୍ ଏପେଙ୍ଗ୍ ନାଙ୍ଗେଙ୍ଗ୍ ପାର୍ତି କିଜି ମାଞ୍ଜାଟ୍, ଇଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମି କାଜିଙ୍ଗ୍ ପାର୍ତାନା କିନାଙ୍ଗା, ଏପେଙ୍ଗ୍ ୱିଜୁ ପାପ୍ କାମାୟ୍ ପିସ୍ତି ମାପୃତାକେ ୱାତି ପାଚେ ମି ଟଣ୍ଡାରିଙ୍ଗ୍ ନା ଜପି ପାର୍ତି କିଦେଙ୍ଗ୍ ୱେଚାଟ୍।”


ହେୱାନ୍ କାଲ୍‌କୁ ଜପି କୁନାଦି କିଜି ହାର୍‌ଦାଙ୍ଗ୍ ଇଲ୍ ଗାଚ୍‌ନି ମାନାୟ୍ ଲେକେ। ଇ ଇଲ୍ ହାର୍‌ଦାଙ୍ଗ୍ ଗାଚ୍‌ଚି ମାଚିଲେ, ଏଚେକାଡ଼୍‌ଦ ପା ବାତ୍ୟା ୱାଜି ଡୁକା ଆତିସ୍‌ପା ହେ ଇଲ୍ ବାଡ଼୍‌ହା ଆଉତ୍।


ଇନେର୍ ଯଦି ନାବେ ମାନ୍‌ଗୁନ୍, ଲାଗିଙ୍ଗ୍ ହେୱାନିଙ୍ଗ୍ କେନ୍ଦାଲେକେ ହଣ୍‌ଜି ବାର୍ତ ତୁସିହିନାର୍। ଆରେ ହେ ତୁସିହିତି କେନ୍ଦା ୱାଚ୍‌ନାତ୍। ମାନାୟାର୍ ୱାଚ୍‌ଚି କେନ୍ଦାତିଙ୍ଗ୍ ଅଜି ନାଣିତାକେ ଦେହ୍‌ନାର୍। ହେଦାଙ୍ଗ୍ କାଡ୍‌ନାତ୍।


ଯୀଶୁ ହେୱାନିଙ୍ଗ୍ ପା ମା ଲେକେ ବାଚିକିଜି ମାଚାନ୍, ଆରେ ହେୱାନ୍ ପା ହେବାକିନି ପାଦ୍ ପାୟାଆଜି ମାଚାନ୍।


ମାତର୍ ଏପେଙ୍ଗ୍ ର ବିଷୟ ପୁନି ଦର୍‌କାର୍ ଯେ, ପବିତ୍ର ଆତ୍ମା ମି ଜପି ୱାନାତ୍, ଆରେ ଏପେଙ୍ଗ୍ ଶାକ୍ତି ପାୟ୍ଆନାଦେର୍। ହେପାଦ୍ନା ଏପେଙ୍ଗ୍ ଯିରୁଶାଲାମ ସହର୍, ଯିହୁଦା ଜିଲ୍ଲାନି ଚାରିବେଣ୍‌ତାଙ୍ଗ୍ ଆରେ ଶମିରଣିୟ ଜିଲ୍ଲା ଆରେ ପୁର୍ତିନି ଚାରିବେଣ୍‌ତାଙ୍ଗ୍ ନା ବିଷୟରେ ମାନାୟାରିଙ୍ଗ୍ ୱେଚ୍‌ନାଦେର୍।”


ହେୱାନ୍ ହେବେ ଏକିସ୍ ଈଶ୍ୱର ଦୟା ହୁଡ଼୍‌ଜି ୱାରି ଆତାନ୍। ଆରେ ଯୀଶୁ ମାପୃତାକେ ନେ ପାର୍ତି କିଜି ମାଞ୍ଜେଙ୍ଗ୍ ହେୱାନ୍ ହେୱାରିଙ୍ଗ୍ କେତେକ୍ କାତା ୱେଚ୍‌ଚି ସାହାସ୍ କିୟିକିତ୍‌ତାନା।


ଆରେ ହେୱାର୍ ୱିଜୁ ସହର୍‌ତାକେ ମାନି ପାର୍ତିକିନି ଚେଲାହିର୍ ମେହାଆଜି ହେୱାରିଙ୍ଗ୍ ଶାନ୍ତି କିଜି ମାଚାର୍। ଆରେ ହେୱାର୍ ହେୱାରିଙ୍ଗ୍ ପାର୍ତି କିଜି ମାଞ୍ଜେଙ୍ଗ୍ ସାହାସ୍‌ନି କାତା ୱେଚ୍‌ଚାର୍। ଆରେ ହେୱାର୍ ୱେଚ୍‌ଚାର୍, “ଈଶ୍ୱର ସାସନ୍ କିନି ରାଜିତାକେ ହାଞ୍ଜେଙ୍ଗ୍ ମାଙ୍ଗେଙ୍ଗ୍ ବେସି ଦୁକ୍‌କଷ୍ଟ ପାୟାଆନାକା ଆନାତ୍।”


ହେପାଦ୍ନା ଈଶ୍ୱରତିଙ୍ଗ୍ ପାଣ୍ଡ୍ରାଆନି ଯିହୁଦିର୍ ପୁର୍ତିନି ବିନ୍-ବିନ୍‌ଜାତି ନିକାର୍ ଆରେ ବିନ୍-ବିନ୍ ଦେସ୍ତାକାର୍‌ ପେଣ୍ଟିକଷ୍ଟ ପାର୍ବୁଚିଞ୍ଜେଙ୍ଗ୍ ଯିରୁଶାଲାମ ସହର୍‌ତାକେ ୱାଜିମାଚାର୍।


ଈଶ୍ୱର ଇମ୍‌ଣି ଦୟା ଚଚ୍‌ଚାତାନ୍‌ନା ହେ ବିଷୟରେ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍, ମାପୃ ଯୀଶୁ ନାଙ୍ଗେଙ୍ଗ୍ ହିତ୍‌ତାନ୍‌ନା ଇ କାମାୟ୍‌ତିଙ୍ଗ୍ ପୁରା କିଜି ୱିହ୍‌ୱି ପାତେକ୍ ଆନେଙ୍ଗ୍ ନା ଜିବୁନ୍‌ତିଙ୍ଗ୍ କିଚି ମୁଲ୍ଯ ଆକାୟ୍ ଇଞ୍ଜି ବାବିକିନାଙ୍ଗା।


ନଙ୍ଗୟ୍ ଏନେଙ୍ଗ୍ ନିଙ୍ଗା, ଇନେସ୍‌କି ଆନେଙ୍ଗ୍ ନିଙ୍ଗେଙ୍ଗ୍ ନା କାଜିଙ୍ଗ୍ କାମାୟ୍ କିଦେଙ୍ଗ୍ ବାଚି କିତ୍‌ତାଙ୍ଗ୍‌ନା, ଆରେ ନା ବିଷୟରେ ଇନାକା ହୁଡ଼୍‌ତାୟ୍ ଆରେ ଆଗେ ପା ହୁଡ଼୍‌ନାୟ୍ ହେ ବିଷୟରେ ସାକି ଆଦେଙ୍ଗ୍ ଆନେଙ୍ଗ୍ ନିଙ୍ଗେଙ୍ଗ୍ ଚଞ୍ଜିଆ ଆତ୍‌ତାଙ୍ଗ୍।


ଯୀଶୁଙ୍ଗ୍ ପିସ୍ତି ଆରେ ଇନେର୍‌ତାକେ ପା ଉଦାର୍ ଗାଟାଆଦୁତ୍। ଇନେସ୍‌କି ବାଦାଡ଼୍ ତାରେନ୍ ମାନାୟାର୍ ବିତ୍ରେତାଙ୍ଗ୍ ହେଲେକେ ଇନେର୍ ତର୍‌ ହିଲୁତ୍, ତା ତର୍‍ଦାଙ୍ଗ୍ ରକ୍ଷା ପାୟାଆନାସ୍।”


ମାତର୍ ଯିହୁଦି ଜାତିନି ମାନାୟାର୍ ବିଷୟରେ, ଆସେଙ୍ଗ୍ ଇନାକା ଇଞ୍ଜି ୱେଚ୍‌ନାସ୍? ହେୱାର୍ ହାତ୍‌ପା ହାର୍ଦିକାବୁର୍‌ତିଙ୍ଗ୍ ୱେଚାର୍‌ନା କି? ଆଁ, ହେୱାର୍ ୱେଚାର୍‌ନା। ଇନେସ୍‌କି ସାସ୍ତର୍‌ତାକେ ଲେକାଆତାତ୍‌ନା, ଈଶ୍ୱର ପୁର୍ତି ଉବ୍‌ଜାଇ କିତି ବିଷୟ ୱିଜାର୍ ମାନାୟାର୍ ପୁଚାର୍‌ନା, ଆରେ ତା କାତା ପୁର୍ତିନି ୱିଜୁ ବାହାତାକେ ଇକାତାତ୍‌ନା।”


ଆନେଙ୍ଗ୍ ଯୀଶୁ ଖ୍ରୀଷ୍ଟଙ୍ଗ୍ ହେବା କିନି କାଜିଙ୍ଗ୍ ବିନ୍‌ଜାତିନି ମାନାୟାର୍ ବିତ୍ରେ ପୁଜାରି ଲେକେ କାମାୟ୍ କିନାଙ୍ଗା, ଆନେଙ୍ଗ୍ ହାର୍ଦିକାବୁର୍ ହିକ୍ଷାହିଜି ଈଶ୍ୱରତିଙ୍ଗ୍ ହେବା କିନାଙ୍ଗା। ଲାଗିଙ୍ଗ୍ ବିନ୍‌ଜାତିନି ଈଶ୍ୱରତିଙ୍ଗ୍ ହିନି ଦାନ୍‌ଲେକେ ଆନାର୍, ଆରେ ଈଶ୍ୱର ହେୱାରିଙ୍ଗ୍ ଆହ୍‌ନାନ୍। ଲାଗିଙ୍ଗ୍ ଏପେଙ୍ଗ୍ ପବିତ୍ର ଆତ୍ମା ସାଇଜରେ ପବିତ୍ର ଆନାଦେର୍ ଆରେ ତାଙ୍ଗେଙ୍ଗ୍ ୱାରି କିନାଦେର୍।


ମାତର୍ ଇମ୍‌ଣାକାର୍ ସାସ୍ ଆଜି ହାର୍ କାମାୟ୍ କିନାର୍, ଗୌରବ, ସନ୍‌ମାନ୍ ଆରେ ୱିଜ୍‌ୱି ଜିବୁନ୍ ପାୟାଆନି କାଜିଙ୍ଗ୍ ୱିଜୁଦିନ୍ ଦାହ୍‌ନାର୍, ଈଶ୍ୱର ହେୱାରିଙ୍ଗ୍ ୱିଜ୍‌ୱି ଜିବୁନ୍ ହିନାତ୍।


ଏଚେପାଦ୍ନା ଆସେଙ୍ଗ୍ ଈଶ୍ୱରତିଙ୍ଗ୍ ଆହା କିନାସ୍ ମାଙ୍ଗେଙ୍ଗ୍ ଇମ୍‌ଣି ମାନାୟ୍ ପା ଲାଜ୍ କିଦ୍‌ଦେଙ୍ଗ୍ ଆଡ଼୍‌ଦୁନ୍, ଇନେସ୍‌କି ଈଶ୍ୱର ମାଙ୍ଗେଙ୍ଗ୍ ପବିତ୍ର ଆତ୍ମା ହିତ୍‌ତାନ୍‌ନା ଆରେ ହେୱାନ୍ ତା ଲାଡ୍‌ତିଙ୍ଗ୍ ମା ଗରବ୍ ବିତ୍ରେ ହିତ୍‌ତାନ୍‌ନା।


ଲାଗିଙ୍ଗ୍, ଏ ଟଣ୍ଡାର୍‌କାଦେର୍, ଏପେଙ୍ଗ୍ ଖ୍ରୀଷ୍ଟଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ପାର୍ତି କିଜି ମାନାଟ୍, ଆରେ ମିଚ୍ ହିକ୍ଷା ଶୁଣାୟ୍ କିନି ମାନାୟାର୍‌ତାଙ୍ଗ୍ ଦେହା ହାଲ୍‌ମାଟ୍। ଇନେସ୍‌କି ତା କାମାୟ୍ କିଦେଙ୍ଗ୍ କଷ୍ଟ କିନାକା ବେକାର୍ ଆଉତ୍, ଇନେସ୍‌କି ଏପେଙ୍ଗ୍ ହାର୍ କିଜି ପୁଚାଦେର୍‌ନା ଯେ, ତା କାଜିଙ୍ଗ୍ କିନି କାମାୟ୍ ମି କାଜିଙ୍ଗ୍ ଲାବ୍ ଆଦ୍‌ନାତ୍।


ପାଉଲ ଆରେ ଆପୋଲ ଈଶ୍ୱରନି ଦାସ୍। ମା କାଜିଙ୍ଗ୍ ଏପେଙ୍ଗ୍ ଖ୍ରୀଷ୍ଟଙ୍ଗ୍ ପାର୍ତି କିତାଦେର୍। ମାପୃ ମାଙ୍ଗେଙ୍ଗ୍ ଅଲ୍‌ଗା-ଅଲ୍‌ଗା କାମାୟ୍ ହିତ୍‌ତାନ୍‌ନା।


ଆନେଙ୍ଗ୍ ପାଉଲ, ଖ୍ରୀଷ୍ଟ ଲେକେ ଆନେଙ୍ଗ୍ ଦୟା ଆରେ ଦରମ୍‌ଆଜି ୱେଚ୍‌ଚାନାଙ୍ଗା। କେତ୍‌ଜାଣ୍ ନାଙ୍ଗେଙ୍ଗ୍ ଇଞ୍ଜ୍‌ନାରା ଯେ, ଆନେଙ୍ଗ୍ ମିହୁଦାଙ୍ଗ୍ ମାନିହିଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚେଦେଙ୍ଗ୍ ଆନେଙ୍ଗ୍ ଲାଜା ଆନାଙ୍ଗା, ମାତର୍ ମିବେତାଙ୍ଗ୍ ଦେହା ମାନିହିଙ୍ଗ୍ ସାସ୍ ଆଜି ଚିଟିତାକେ ଲେକି କିନାନା।


ଯଦି ହେୱାର୍ ଖ୍ରୀଷ୍ଟଙ୍ଗ୍ ହେବା କିନାପା ଇଞ୍ଜି ବାଟ୍‌ପାଣ୍ ଆତିସ୍, ଆନେଙ୍ଗ୍ ରକାଙ୍ଗ୍ ପାଗଲ୍ ମାନାୟ୍ ୱେଚ୍‌ଚିଲେକେ ଆନେଙ୍ଗ୍ ହେୱାର୍‌ତାଙ୍ଗ୍ ବେସି ବାଟ୍‌ପାଣ୍ ଆଜି ୱେଚ୍‌ଚାଙ୍ଗ୍‌ମା। ଇନେସ୍‌କି ଆନେଙ୍ଗ୍ ଖ୍ରୀଷ୍ଟଙ୍ଗ୍ ହେବାକିନି କାଜିଙ୍ଗ୍ ବେସି କଷ୍ଟ କାମାୟ୍ କିତାଙ୍ଗ୍‌ନା। ହେ କାମାୟ୍ କାଜିଙ୍ଗ୍ କେତେହଟ୍ ଜଇଲ୍ ଇଞ୍ଜ ହାଲ୍‌ଜି ମାଚାଙ୍ଗ୍। ମାନାୟାର୍ ନାଙ୍ଗେଙ୍ଗ୍ କେତ୍‌ହଟ୍ ଟ୍ରାକ୍ତାତାର୍‌ନା ଆରେ ମାନାୟାର୍ ନାଙ୍ଗେଙ୍ଗ୍ ମାର୍ନେ ଅସ୍ତେଦେଙ୍ଗ୍ ଉପାୟ୍ କିଜି ମାଚାର୍।


ଈଶ୍ୱର ତା ପୁନି ନିୟମ୍‌ନି ସାସ୍ତର୍ ହେବା କିନାକାର୍ ମାଙ୍ଗେଙ୍ଗ୍ କିତ୍‌ତାନ୍‌ନା। ଚିଟି ଲେକେ ଇ ପୁନି ନିୟମ୍ ଆକାୟ୍, ମାତର୍ ପବିତ୍ର ଆତ୍ମାକାଙ୍ଗ୍ ଇ ପୁନି ନିୟମ୍ ଲେକାଆତାତ୍‌ନା। ପାନି ନିୟମ୍ ମାରାଣ୍ ତାସିୱାନାତ୍, ମାତର୍ ପବିତ୍ର ଆତ୍ମା ଜିବୁନ୍ ହିଦ୍‌ନାତ୍।


ହେଦାଙ୍ଗ୍ କାଜିଙ୍ଗ୍ ଆପେଙ୍ଗ୍ ଈଶ୍ୱରତାଙ୍ଗ୍ ଦୟା ପାୟାଆତାପ୍‌ନା ଆରେ ଆପେଙ୍ଗ୍ ତା ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ସାସ୍ ଆତାପ୍‌ନା।


ଆନେଙ୍ଗ୍ ଈଶ୍ୱର ହୁଦାଙ୍ଗ୍ ମାହାଆଜି କାମାୟ୍ କିନାଙ୍ଗା, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ଗୁୱାରି କିଜି ୱେଚ୍‌ଚାନାଙ୍ଗା ଯେ, ହେୱାନ୍ ମିଙ୍ଗେଙ୍ଗ୍ ଦୟାକିଜି ହିତ୍‌ତି ଚାନିଆଆନି ହାର୍ଦିକାବୁର୍‌ତିଙ୍ଗ୍ ଆହାଟ୍।


ଲାଗିଙ୍ଗ୍ ମି କାଜିଙ୍ଗ୍ ଆନେଙ୍ଗ୍ ଇମ୍‌ଣି କାମାୟ୍ କିତାଙ୍ଗ୍‌ନା, ହେଦାଙ୍ଗ୍ ବେକାରେ ଆନାତ୍ ଇଞ୍ଜି ବାବିକିଜି ଆନେଙ୍ଗ୍ ପାଣ୍ଡ୍ରାଆନାଙ୍ଗା।


ଇନେସ୍‌କି ଈଶ୍ୱର ମାଙ୍ଗେଙ୍ଗ୍ ହିଜି ମାନ୍‌ଞ୍ଚି ପାର୍ମାଣ୍‌ତାଙ୍ଗ୍ ଦରମ୍ ମାନାୟ୍ ଆନି କାଜିଙ୍ଗ୍, ଆପେଙ୍ଗ୍ ଖ୍ରୀଷ୍ଟତାକେ ପାର୍ତି କିଜି ଆରେ ପବିତ୍ର ଆତ୍ମା ସାଇଜତାଙ୍ଗ୍ ବେସି ଆହାକିଜି କାନାପା।


ଇନେସ୍ ରକାନ୍ ମାନାୟ୍ ହନ୍‌ନି କେଲ୍‌ତାକେ ବାଗ୍ ଅଜି ହାର୍ କିଜି ହନ୍‌ନାନ୍, ହେଲେକେ ଏପେଙ୍ଗ୍ ପା ଖ୍ରୀଷ୍ଟ ହୁଦାଙ୍ଗ୍ ହାର୍‌ଦାଙ୍ଗ୍ ଜିଜି ମାନାଦେର୍। ଲାଗିଙ୍ଗ୍ ସତ୍ ବିଷୟତିଙ୍ଗ୍ ମାନି କିୱେଦେଙ୍ଗ୍ ଇନେର୍ ମିଙ୍ଗେଙ୍ଗ୍ ବାଦା ହିତ୍‌ତାର୍?


ଲାଗିଙ୍ଗ୍ ଆସେଙ୍ଗ୍ ହାର୍ଦି କାମାୟ୍ କିଦେଙ୍ଗ୍ ବିଜାର୍ ଆଉସ୍। ଆସେଙ୍ଗ୍ ଯଦି ବିଜାର୍ ଆୱାଦାଙ୍ଗ୍ ହାର୍ଦି କାମାୟ୍ କିଜି ମାନ୍‌ଙ୍ଗାନାସ୍, ଲାଗିଙ୍ଗ୍ ଟିକ୍ ସମୟ୍‌ତ ଆଶ୍ରିବାଦ୍ ପାୟାଆନାସ୍।


ଈଶ୍ୱର ମିଙ୍ଗେଙ୍ଗ୍ ଇମ୍‌ଣି ଆହା କାଜିଙ୍ଗ୍ କୁକ୍ତାତାନ୍‌ନା, ଆରେ ଈଶ୍ୱର ସାଦୁ ମାନାୟାର୍ କାଜିଙ୍ଗ୍ କେତେକ୍ ଗାଜା ଆରେ ଗୌରବନି ଆଶ୍ରିବାଦ୍ ପାର୍ମାଣ୍ କିତ୍‌ତାନ୍‌ନା। ଇବିଷୟ ଏପେଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାଦେର୍ ହେଦାଙ୍ଗ୍ କାଜିଙ୍ଗ୍ ଈଶ୍ୱର ମି ଗରବ୍‌ତିଙ୍ଗ୍ ଜେତେନ୍ ଇଞ୍ଜି ଆନେଙ୍ଗ୍ ପାର୍ତାନା କିନାଙ୍ଗ୍।


ଆରେ ହେୱାନ୍‌ତାକେ ୱିଜୁ ଇଲ୍‌ତିଙ୍ଗ୍ ରବେ କିତାନ୍‌ନା ଆରେ ଈଶ୍ୱରତି ପବିତ୍ର ମନ୍ଦିର୍‌ ଲେକେ ଆନି କାଜିଙ୍ଗ୍ ହେୱାନ୍ ୱିଜାକାରିଙ୍ଗ୍ ମାହାଇ କିତ୍‌ତାନ୍‌ନା।


ଆରେ ଏପେଙ୍ଗ୍ ହେୱାନ୍‌ତାକେ ପାର୍ତିକିନି କାଜିଙ୍ଗ୍ ଖ୍ରୀଷ୍ଟ ମି ଗରବ୍ ବିତ୍ରେ ବାହା କିଦେନ୍।


ଖ୍ରୀଷ୍ଟତାକେ ପାର୍ତିକିନି ମାନାୟାର୍ ତା ଗାଗାଡ଼୍‌ନି ଜିନିଷ୍ ଲେକେ। ର ମାନାୟ୍‌ନି ଗାଗାଡ଼୍‌ନି ଜିନିଷ୍ ମାହାଆଜି ମାନ୍‌ଞ୍ଜି ଟିକ୍ ବାବ୍‌ରେ କାମାୟ୍ କିତିସ୍ ଗାଗାଡ଼୍ ଇନେସ୍ ବାଡ଼୍‌କାସ୍ ଆଜି ବାଡା ଆନାତ୍। ହେଲେକେ ଖ୍ରୀଷ୍ଟ ମାଙ୍ଗେଙ୍ଗ୍ ହିଜି ମାନ୍‌ଞ୍ଚି କାମାୟ୍‌ତିଙ୍ଗ୍ ଯଦି ମାହାଆଜି କିତିସ୍ ଆସେଙ୍ଗ୍ ବାଡ଼୍‌କାସ୍ ଆଜି ଜିନାସ୍ ଆରେ ଜାର୍-ଜାର୍‌ତିଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ଲାଡ୍ କିଦେଙ୍ଗ୍ ଆଡ୍‌ନାସ୍।


ଈଶ୍ୱର କାତା ପୁରା-ପୁରି ମିଙ୍ଗେଙ୍ଗ୍ ବୁଜାଇକିନି କାଜିଙ୍ଗ୍ ହେୱାନ୍ ନାଙ୍ଗେଙ୍ଗ୍ ଦାୟିତ୍‌ପ ହିତ୍‌ତାନ୍‌ନା। ଇଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ନଙ୍ଗୟ୍ ମଣ୍ଡ୍‌ଲିନି ଦାସ୍ ଆତାଙ୍ଗ୍‌ନା।


ଆରେ ମାର୍‌ତି ଚିରା ଇନେସ୍ ମେଦ୍‌ନିତାକେ ହାଲ୍‌ଜି ଆଟ୍‌ୱା ଆଜି ମାନାତ୍, ହେଲେକେ ଏପେଙ୍ଗ୍ ହେୱାନ୍‌ତାକେ ବେସି ଆଟ୍‌ୱା ଆଜି ମାନାଟ୍। ମି ଜିବୁନ୍ ହେୱାନ୍‌ତାକେ ବାଡା ଆୟେତ୍, ଲାଗିଙ୍ଗ୍ ଏପେଙ୍ଗ୍ ଇମ୍‌ଣି ହିକ୍ଷା ପାୟା ଆତାଦେର୍‌ନା ହେ ଅନୁସାରେ ମି ପାର୍ତି ସତ୍‌ତାକେ ଆଦିକ୍‌ତାଙ୍ଗ୍ ଆଦିକ୍ ଆଟ୍‌ୱା ଆନାତ୍‌। ଆରେ ଆଦିକ୍‌ତାଙ୍ଗ୍ ଆଦିକ୍ ଏପେଙ୍ଗ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିନାଦେର୍।


ଏପେଙ୍ଗ୍ ଦୁଃକ୍ କଷ୍ଟ ପାୟାଆତିସ୍ ପା ଖ୍ରୀଷ୍ଟଙ୍ଗ୍ ପିହ୍‌ମାଟ୍, ଇନେସ୍‌କି ଏପେଙ୍ଗ୍ ପୁଚାଦେର୍‌ନା ଯେ, ଆସେଙ୍ଗ୍ ଦୁଃକ୍ କଷ୍ଟ ପାୟାଆନି ଦର୍‌କାର୍, ହେଦାଙ୍ଗ୍ ଈଶ୍ୱର ଇଚା।


ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍, ଏପେଙ୍ଗ୍ ଖ୍ରୀଷ୍ଟତାକେ ବେସି ପାର୍ତି କିନାଦେରା କି ଆକାୟ୍ ଇଞ୍ଜି ପୁଞ୍ଜେଙ୍ଗ୍ ତିମତିତିଙ୍ଗ୍ ମିତାକେ ପକ୍ତାତାଙ୍ଗ୍। ଇନେସ୍‌କି ଆନେଙ୍ଗ୍ ପାଣ୍ଡ୍ରାଆଜି ମାଚାଙ୍ଗ୍ ଯେ, ଶୟତାନ୍ ମାନାୟାରିଙ୍ଗ୍ ପରିକ୍ଷା କିନାତା, ହେଦାଙ୍ଗ୍ କାଜିଙ୍ଗ୍ ମିଙ୍ଗେଙ୍ଗ୍ ପରିକ୍ଷା କିଜି ମାଞ୍ଜ୍‌ନାତ୍, ଆରେ ମା କିତି କଷ୍ଟ କାମାୟ୍ ବେକାର୍ ଆନାତ୍।


ମାତର୍ ଆପେଙ୍ଗ୍ ଅଜଡ଼୍‌ନି ମାନାୟ୍ ଆଦେଙ୍ଗ୍ ଜାର୍‌ତିଙ୍ଗ୍ କଣ୍ଟ୍ରୁଲ୍ ଆଜି ମାନି ଦର୍‌କାର୍। ଇନେସ୍‌କି ର ସେନା ତା ଉଦାର୍ କାଜିଙ୍ଗ୍ ପିତାଡ଼୍ ଆଙ୍ଗି ରସ୍ତି ଜପି ଉସ୍‌ପାନାନ୍, ହେଲେକେ ଏପେଙ୍ଗ୍ ପାର୍ତି ଆରେ ଜାର୍-ଜାର୍‌ବିତ୍ରେ ଲାଡ୍‌କିନି ଦର୍‌କାର୍। ଆରେ ସେନା ଜାର୍ କାପ୍‌ଡ଼ାତିଙ୍ଗ୍ ରକ୍ଷା କିନି କାଜିଙ୍ଗ୍ ପିତାଡ଼୍‌ତାଙ୍ଗ୍ ରସ୍ତି ହେଲ୍‌ମେଟ୍ ଆହା ଇଡ଼୍‌ଜି ତୁଜ୍‌ନାନ୍, ହେଲେକେ ଈଶ୍ୱର ମାଙ୍ଗେଙ୍ଗ୍ ୱିଜୁ ଦିନ୍‌ତି ଦଣ୍ଡ୍‌ତାଙ୍ଗ୍ ରକ୍ଷା କିତ୍‌ତାନ୍‌ନା।


ଆସେଙ୍ଗ୍ ପାର୍ତାନା କିନାସା ଯେ, ମା ମାପୃ ଯୀଶୁ ଖ୍ରୀଷ୍ଟ, ଆରେ ମା ଆବା ଈଶ୍ୱର ମାଙ୍ଗେଙ୍ଗ୍ ଲାଡ୍ କିଦ୍‌ନାର୍, ଆରେ ହେୱାର୍ ମାଙ୍ଗେଙ୍ଗ୍ ଦୟାକିଜି ୱିଜ୍‌ୱିଦିନ୍‌ନି ସାସ୍, ଆରେ ହାର୍ ଆହା ହିଦେନ୍।


ମା ମାପୃ ଯୀଶୁ ଖ୍ରୀଷ୍ଟଙ୍ଗ୍ ଆନେଙ୍ଗ୍ ଦନ୍ଯବାଦ୍ ହିନାଙ୍ଗା, ଇନେସ୍‌କି ହେୱାନ୍ ନାଙ୍ଗେଙ୍ଗ୍ ତା ହେବା କିଦେଙ୍ଗ୍ ଶାକ୍ତି ହିତ୍‌ତାନ୍‌ନା, ହେୱାନ୍ ନାଙ୍ଗେଙ୍ଗ୍ ବିସ୍‌ବାସ୍ କିଜି ତା ହେବା କାମାୟ୍ କିଦେଙ୍ଗ୍ ଦାୟିତ୍‌ପ ହିତ୍‌ତାନ୍‌ନା।


ଇଦାଙ୍ଗ୍‌ କାଜିଙ୍ଗ୍ ଈଶ୍ୱର ନାଙ୍ଗେଙ୍ଗ୍ ରକାନ୍ ଶୁଣାୟ୍ କିନାକାନ୍, ରକାନ୍ ବାଚିକିତି ଚେଲା, ସତ୍ ଆରେ ପାର୍ତିକିନି ବିଷୟରେ ବିନ୍‌ଜାତିନି ମାନାୟାରିଙ୍ଗ୍ ହିକାଇ କିନି କାଜିଙ୍ଗ୍ ର ମାଷ୍ଟେର୍ ଲେକେ ନାଙ୍ଗେଙ୍ଗ୍ ବାଚି କିତ୍‌ତାନ୍‌ନା। ଆନେଙ୍ଗ୍ ଇଦାଙ୍ଗ୍ ମିଚ୍ ଆକାୟ୍ ସତ୍ ୱେଚ୍‌ଚାନାଙ୍ଗା।


ଈଶ୍ୱର ମାଙ୍ଗେଙ୍ଗ୍ ଇନାକା ୱେଚ୍‌ଚାତାନ୍‌ନା ହେଦାଙ୍ଗ୍ ପୁରାପୁରି ସତ୍, ଇଦାଙ୍ଗ୍ ଇନେର୍ ପା ବୁଲ୍ ଇଞ୍ଜି ୱେଚ୍‌ଚେଙ୍ଗ୍ ଆଡୁର୍। ଖ୍ରୀଷ୍ଟ ମାନାୟ୍ ରୁପ୍ ଆଜି ୱାତାନ୍, ହେୱାନ୍ ଈଶ୍ୱର ମେହି ଇଞ୍ଜି ଈଶ୍ୱର ଆତ୍ମା ପୁନି କିତାତ୍। ଦୁତ୍‌କୁ ହେୱାନିଙ୍ଗ୍ ହୁଡ଼୍‌ତିକ୍, ଈଶ୍ୱର ହେୱାନିଙ୍ଗ୍ ସରଗ୍‌ଜପି ଅତାନ୍, ଚେଲାହିର୍ ତା ବିଷୟରେ ୱିଜୁଜାତି ନିପଣ୍ ଶୁଣାୟ୍ କିତାର୍। ଆରେ ପୁର୍ତିନି ମାନାୟାର୍ ପାର୍ତି କିତାର୍।


ଈଶ୍ୱର ଇଦାଙ୍ଗ୍ ୱେଚ୍‌ଚାତାନ୍‌ନା, ଇନେସ୍ ଆସେଙ୍ଗ୍ ତା ଦୟାତାଙ୍ଗ୍ ଦରମ୍ ମାନାୟ୍ ଇଞ୍ଜି ଗାଣାକିୟା ଆନାପ୍‌, ଆରେ ପୁରା ଆହାତାଙ୍ଗ୍ ୱିଜ୍‌ୱି ଜିବୁନ୍‌ନି ଆଦିକାର୍ ଆଦେଙ୍ଗ୍ ଆଡ୍‌ନାପ୍।


ଆରେ ଦରମ୍ ମାନାୟ୍ ପାର୍ତିତାଙ୍ଗ୍ ଜିନାନ୍, ମାତର୍ ଇମ୍‌ଣି ମାନାୟ୍ ନାଙ୍ଗେଙ୍ଗ୍ ଆସ୍‌ତୁନ୍, ହେୱାନ୍‌ତାକେ ଆନେଙ୍ଗ୍ ୱାରି ଆଉଙ୍ଗ୍।”


ଇନେସ୍‌କି ଆଗେତାଙ୍ଗ୍ ମା ପାର୍ତି ଇନେସ୍ ଈଶ୍ୱର ଜପି ମାଚାତ୍, ହେଲେକେ ପାର୍ତି ଯଦି ଆସେଙ୍ଗ୍ ଜିଜି ମାନି ପାତେକ୍ ଷ୍ଟ୍ରଙ୍ଗ୍‌କିଜି ଆସ୍ତି ମାନାସ୍, ଲାଗିଙ୍ଗ୍ ଖ୍ରୀଷ୍ଟନି ୱିଜୁ ବିଷୟନି ବାଗ୍ ପାୟାଆନାସ୍।


ମାତର୍ ଖ୍ରୀଷ୍ଟ ହିମ୍‌ଣା ଲେକେ ଆନି କାଜିଙ୍ଗ୍ ଈଶ୍ୱର ପରିବାର୍‌ନି ମାନାୟାର୍ ଜପି ବିସ୍‌ବସ୍ତ ମାନାନ୍। ଆରେ ଯଦି ଆସେଙ୍ଗ୍ ମା ସାହାସ୍‌ତିଙ୍ଗ୍ ଆରେ ଖ୍ରୀଷ୍ଟତାକେ ଇଡ଼୍‌ତି ଆହାତିଙ୍ଗ୍ କଣ୍ଟ୍ରୁଲ୍‌କିଜି ସେସ୍ ପାତେକ୍ ଆସ୍ତି ମାନାସ୍, ଲାଗିଙ୍ଗ୍ ଆସେଙ୍ଗ୍ ନିଜେ ହେ ପରିବାର୍‌ନି ମାନାୟ୍ ଆନାସ୍।


ଇମ୍‌ଣି ଯୀଶୁ ସରଗ୍‌ଜପି ହାଚାନ୍‌ନା, ହେୱାନ୍ ଈଶ୍ୱର ମେହି। ହେୱାନ୍ ମା ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରି। ଲାଗିଙ୍ଗ୍ ଆସେଙ୍ଗ୍ ଇନାକା ପାର୍ତି କିତାସ୍‌ନା, ହେଦାଙ୍ଗ୍ ଷ୍ଟ୍ରଙ୍ଗ୍‌କିଜି ଆସ୍ତି ମାନାସ୍।


ଲଙ୍ଗର୍ ଇନେସ୍ ଡଙ୍ଗାତିଙ୍ଗ୍ ଷ୍ଟ୍ରଙ୍ଗ୍ ଆରେ ମଜ୍‌ବୁତ୍ କିଜି ଆସ୍ତି ମାନାତ୍, ହେଲେକେ ଇ ଆହା ମା ଜିବୁନ୍‌ତିଙ୍ଗ୍ ଷ୍ଟ୍ରଙ୍ଗ୍ ଆରେ ମଜ୍‌ବୁତ୍ କିଜି ଆସ୍ତି ମାଞ୍ଜ୍‌ନାତ୍। ଇଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ଯୀଶୁତାକେ ମା ଆହା ଇଡ଼୍‌ତାସ୍‌ନା। ପବିତ୍ର ପୁଟ୍ କୁଡ଼ିଆନି ପାର୍‌ଦା ଆନି ମାନି ଈଶ୍ୱରତି ବେସି ପବିତ୍ର ବାହାତାକେ ଯୀଶୁ ହାଚାନ୍‌ନା।


ମା ମାପୃ ଯୀଶୁ ଖ୍ରୀଷ୍ଟ ଆବା ଈଶ୍ୱରତିଙ୍ଗ୍ ଜୟ୍-ଜୟ୍ ଆୟେତ୍, ଈଶ୍ୱର ମାଙ୍ଗେଙ୍ଗ୍ ବେସି ଦୟାକିଜି ମାନ୍‌ଞ୍ଚି କାଜିଙ୍ଗ୍ ହେୱାନ୍ ମାଙ୍ଗେଙ୍ଗ୍ ପୁନି ଜିବୁନ୍ ହିତ୍‌ତାନ୍। ଇନେସ୍‌କି ଈଶ୍ୱର ଯୀଶୁ ଖ୍ରୀଷ୍ଟଙ୍ଗ୍ ହାଃତିତାଙ୍ଗ୍ ଆରେରଗ ଜିବୁନ୍ କିଜି ନିକ୍‌ଚି ମାଚାନ୍, ଆରେ ହେୱାନ୍ ମାଙ୍ଗେଙ୍ଗ୍ ସାହାସ୍ ହୁଦାଙ୍ଗ୍ ଜିନି କାଜିଙ୍ଗ୍ ସାଇଜ କିତ୍‌ତାନ୍‌ନା। ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ହେୱାନ୍ କିଜିମାଚି ପାର୍ମାଣ୍‌ତିଙ୍ଗ୍ ପାୟାଆନି କାଜିଙ୍ଗ୍ ଆପେଙ୍ଗ୍ ଆହା କିନାପା।


ଏପେଙ୍ଗ୍ ଯୀଶୁଙ୍ଗ୍ ପାର୍ତି କିଜିମାଚି କାଜିଙ୍ଗ୍ ଈଶ୍ୱର ତା ଶାକ୍ତିତାଙ୍ଗ୍ ମିଙ୍ଗେଙ୍ଗ୍ ରକ୍ଷା କିଦ୍‌ନାନା। ଯୀଶୁ ଖ୍ରୀଷ୍ଟ ଆରେରଗ ୱାନି ସେସ୍‌ଦିନ୍ ପାତେକ୍ ହେୱାନ୍ ମିଙ୍ଗେଙ୍ଗ୍ ଉଦାର୍ କିଜି ମାଞ୍ଜ୍‌ନାନ୍। ଲାଗିଙ୍ଗ୍ ଏପେଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାଦେର୍ ଯେ ଈଶ୍ୱର ମିଙ୍ଗେଙ୍ଗ୍ ପାପ୍ ଆରେ ହାଃନିତାଙ୍ଗ୍ ପୁରାପୁରି ଉଦାର୍ କିତ୍‌ତାନ୍‌ନା।


ମାତର୍ ଖ୍ରୀଷ୍ଟ ମିଙ୍ଗେଙ୍ଗ୍ ପବିତ୍ର ଆତ୍ମା ହିତ୍‌ତାନ୍‌ନା, ଆରେ ହେୱାନ୍ ମି ବିତ୍ରେ ମାନାନା। ଲାଗିଙ୍ଗ୍ ମିଙ୍ଗେଙ୍ଗ୍ ଇନେର୍ ପା ସତ୍ ହିକାୟ୍ କିଦ୍‌ଦେଙ୍ଗ୍ ଦର୍‌କାର୍ ଆକାୟ୍। ଇନେସ୍‌କି ହେ ପବିତ୍ର ଆତ୍ମା ସତ୍ ହିକାୟ୍ କିଦ୍‌ନାତ୍, ଆରେ ୱିଜୁ ବିଷୟତିଙ୍ଗ୍ ହିକାୟ୍ କିଦ୍‌ନାତ୍। ଲାଗିଙ୍ଗ୍ ହେୱାନ୍ ହିକାୟ୍ କିତ୍‌ତିଲେକେ ଯିବୁନ୍ କାଟିକିଜି ଖ୍ରୀଷ୍ଟତାକେ ମାନାଟ୍।


ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଦୁଃକ୍ କଷ୍ଟ ପାୟାଆନାପା ଇଞ୍ଜି ପାଣ୍ଡ୍ରା ଆମାଟ୍। ମି ବିତ୍ରେତାଙ୍ଗ୍ କେତ୍‌ଜାଣ୍‌ତିଙ୍ଗ୍ ଶୟତାନ୍ ବନ୍ଦିକିଜି ଜଇଲ୍ ଇଞ୍ଜ ଇଡ଼୍‌ଦାନାତ୍ ଆରେ ମିଙ୍ଗେଙ୍ଗ୍ ପରିକ୍ଷା କିଦ୍‌ନାତ୍। ଏପେଙ୍ଗ୍ ଦଶ୍‌ଦିନ୍ ପାତେକ୍ ବେସି ଦୁଃକ୍ କଷ୍ଟ ପାୟାଆନାଦେର୍। ମାତର୍ ଯଦି ହେୱାନ୍ ମିଙ୍ଗେଙ୍ଗ୍ ମାର୍ନେ ଅସ୍ତିତିସ୍ ପା ନାଙ୍ଗେଙ୍ଗ୍ ପାର୍ତି କିଦ୍‌ନାକା ବନ୍ଦ୍ କିମାଟ୍, ଇନେସ୍‌କି ଏପେଙ୍ଗ୍ ଜିତାଆତି କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱିଜୁଦିନ୍ ମାନି ଜିବୁନ୍ ପୁରଷ୍କାର୍ ହିଦ୍‌ନାଙ୍ଗ୍।”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ