କଲସିୟ 1:21 - New Testament in Pengo Parja Language

²¹ ଆରେ ଆଗେ ଏପେଙ୍ଗ୍ ପାପ୍ କାମାୟ୍ କିଜି ଈଶ୍ୱରତାଙ୍ଗ୍ ଦେହା ମାଚାଦେର୍। ଆରେ ମି ମାନ୍ ବିତ୍ରେ କରାପ୍ ଚିନ୍ତା ଆରେ କରାପ୍ କାମାୟ୍ କିଜି ଏପେଙ୍ଗ୍ ହେୱାନିଙ୍ଗ୍ ଶତ୍ରୁ ଆଜି ମାଚାଦେର୍।

ସତ୍‌ ବଚନ୍‌ ପୁନି ନିୟମ୍‌

²¹ ର ସମୁତ ବାନ୍ୟା ମାନ୍‌ ଆରି ବାନ୍ୟା କାମାୟ୍‌ କିଜ଼ି ମାନି ଇସ୍ୱର୍‌ତାଂ ଏପେଙ୍ଗ୍‌ ଦେହା ମାଚାଦେର୍‌ ଆରି ହେୱାନ୍ତି ସାତ୍ରୁ ମାଚାଦେର୍‌,

କଲସିୟ 1:21 ပူးပေါင်းရင်းမြစ်များ

ରୋମିୟ 1:30

ଆରେ ହେୱାର୍ ଜାର୍-ଜାର୍‌ବିତ୍ରେ କରାପ୍ ବିଷୟ ୱେଚ୍‌ନାର୍, ଈଶ୍ୱରତିଙ୍ଗ୍ ଗିଣ୍ କିନାରା, ମାନାୟ୍‌ତିଙ୍ଗ୍ ଇନସ୍ତା କିନାରା, ଗର୍‌ବି ଆନାରା, ଆରେ ଜାର୍‌ତିଙ୍ଗ୍ ବେସି ହାର୍ ଇଞ୍ଜି ଚଞ୍ଜିଆ ଆନାରା। ହେୱାର୍ ପାପ୍ କିଦେଙ୍ଗ୍ ପୁନି ଉପାୟ୍ କିନାରା, ଆରେ ହେୱାର୍ ତା ତେହି ଲାତ୍ରାହିର୍ କାତାତିଙ୍ଗ୍ ମାନିକିଉର୍।

ଏପିସିୟ 2:12

ହେପାଦ୍ନା ଏପେଙ୍ଗ୍ ଖ୍ରୀଷ୍ଟତାଙ୍ଗ୍ ଜେକ ମାଚାଦେର୍। ଈଶ୍ୱର ବାଚିକିଜି ମାଚି ଇସ୍ରାଏଲନି ମାନାୟାର୍ ବିତ୍ରେ ଏପେଙ୍ଗ୍ ହିଲ୍‌ୱାତାଦେର୍ ଆରେ ଈଶ୍ୱର ହେୱାରିଙ୍ଗ୍ ପାର୍ମାଣ୍ କିଜିମାଚି ନିୟମ୍‌ନି ବାଗ୍ ଆୱାଦାଙ୍ଗ୍ ମାଚାଦେର୍। ଏପେଙ୍ଗ୍ ଈଶ୍ୱରତିଙ୍ଗ୍ ପୁନ୍‌ୱାଦାଙ୍ଗ୍ ମାଚାଦେର୍ ଆରେ ୱିଜ୍‌ୱି ଜିବୁନ୍‌ନି ଆହା ଇଟ୍‌ୱାଦାଙ୍ଗ୍ ଇ ପୁର୍ତିତାକେ ଜିବୁନ୍ କାଟିକିଜି ମାଚାଦେର୍।

ଏପିସିୟ 2:15

ଇନେସ୍ ହେୱାନ୍ ଯିହୁଦି ଆରେ ବିନ୍‌ଜାତିନି ମାନାୟାର୍ ବିତ୍ରେ ଶାନ୍ତି ତାତେଙ୍ଗ୍ ଆଡ୍‌ନାର୍ ଆରେ ହେୱାନ୍‌ତାକେ ହେୱାରିଙ୍ଗ୍ ର ପୁନି ଜାତି କିଦେଙ୍ଗ୍ ଆଡ୍‌ନାନ୍। ଇଦାଙ୍ଗ୍ କାଜିଙ୍ଗ୍ ହେୱାନ୍ ତା ହାଃତି କାଜିଙ୍ଗ୍, ଯିହୁଦିର୍ ୱିଜୁ ନିତି ନିୟମ୍‌ତିଙ୍ଗ୍ ବନ୍ଦ୍ କିତାନ୍‌ନା।

ଏପିସିୟ 2:19

ଇଦାଙ୍ଗ୍ କାଜିଙ୍ଗ୍ ହେ ବିନ୍‌ଜାତିନି ମାନାୟାର୍, ଏପେଙ୍ଗ୍ ଆରେ ଇଦେସ୍ କି ବିନ୍‌ଦେସ୍ ଆକାୟ୍। ମାତର୍ ସାଦୁ ମାନାୟାର୍ ହୁଦାଙ୍ଗ୍ ମାହାଆଜି ର ବାହାତାକେ ବାହାକିନି ମାନାୟ୍ ଆରେ ଈଶ୍ୱରନି ପରିବାର୍।

ଏପିସିୟ 4:18

ଇନେସ୍‌କି ହେୱାର୍ ସତ୍ ବିଷୟରେ ବୁଜା ଆଦେଙ୍ଗ୍ ଆଡୁର୍। ହେୱାର୍ ଈଶ୍ୱର ବିଷୟରେ କିଚି ପୁନ୍‌ୱାଦାଙ୍ଗ୍ ମାନ୍‌ଗାନାର୍ ଆରେ ତା ବେଣ୍ ୱେଞ୍ଜେଙ୍ଗ୍ ଇଚା କିଉର୍, ଲାଗିଙ୍ଗ୍ ହେୱାର୍ ଈଶ୍ୱର ହିଦ୍‌ନି ଜିବୁନ୍‌ତାଙ୍ଗ୍ ଦେହା ମାନାର୍।

ଜାକ୍‌ବ 4:4

ଏପେଙ୍ଗ୍ ଈଶ୍ୱରତାକେ ବିସ୍‌ବାସ୍ ହିଲ୍‌ୱିତି ମାନାୟ୍ କାଦେର୍, ଇନେସ୍‌କି ପୁର୍ତିନି ବିଷୟତିଙ୍ଗ୍ ସାଙ୍ଗ ଆତିସ୍ ଈଶ୍ୱରତିଙ୍ଗ୍ ଶତ୍ରୁ ଆନାଦେର୍, ଇଦାଙ୍ଗ୍ ମିଙ୍ଗେଙ୍ଗ୍ ଇନାକା ଜାଣା ଆକାୟ୍ କି? ଲାଗିଙ୍ଗ୍ ଇମ୍‌ଣାକାନ୍ ପୁର୍ତିନି ବିଷୟତିଙ୍ଗ୍ ସାଙ୍ଗ ଆଦେଙ୍ଗ୍ ଇଚାକିନାନ୍, ହେୱାନ୍ ନିଜେ ଈଶ୍ୱରତିଙ୍ଗ୍ ଶତ୍ରୁ ଆନାନ୍।