ପକ୍ୟାତାକା 9:29 - New Testament in Pengo Parja Language

²⁹ ହେୱାନ୍ ଗ୍ରୀକ୍ ବାଷା କିନି ଯିହୁଦି ଜାତିନି ମାନାୟାରିଙ୍ଗ୍ ପା ଯୀଶୁ ବିଷୟରେ ୱେଚ୍‌ଚାନ୍, ଆରେ ହେୱାନ୍ ହେୱାର୍ ହୁଦାଙ୍ଗ୍ ଜୁକ୍ତି କିଜି ମାଚାନ୍। ମାତର୍ ହେୱାର୍ ହେୱାନିଙ୍ଗ୍ ମାର୍ନେ ଅସ୍ତେଙ୍ଗ୍ ଉପାୟ୍ କିଦେଙ୍ଗ୍ ଲାଗାତାର୍।

ସତ୍‌ ବଚନ୍‌ ପୁନି ନିୟମ୍‌

²⁹ ମାପ୍ରୁତି ତର୍‌ ସାସ୍‌ ହୁକେ ପର୍‌ଚାର୍‌ କିଦେଙ୍ଗ୍‌ ଲାଗାତାନ୍‌, ଆରେ ହେୱାନ୍‌ ଗ୍ରିକ୍‌ ବେଣ୍‍ନିକାର୍ ଜିହୁଦିର୍‌ ହୁକେ କାତାବାର୍ତା ଆରି ବେଣ୍‍ବାଟ୍ କିଜ଼ି ମାଚାନ୍‌, ମତର୍‌ ହେୱାର୍‌ ତାଙ୍ଗ୍‌ ଅସ୍ତେଙ୍ଗ୍‌ କାଜିଂ ସେସ୍ଟା କିଦେଙ୍ଗ୍‌ ଲାଗାତାର୍‌ ।

ପକ୍ୟାତାକା 9:29 ပူးပေါင်းရင်းမြစ်များ

ପକ୍ୟାତାକା 11:20

ମାତର୍ ହେୱାର୍ ବିତ୍ରେତାଙ୍ଗ୍ କେତେକ୍ କୁପ୍ରିୟ ଦ୍ୱିପ୍ ଆରେ କୁରିଣିୟ ସହର୍‌ନି ମାନାୟାର୍ ଆନ୍ତିୟକିଆ ସହର୍‌ତାକେ ୱାତାର୍। ଆରେ ହେୱାର୍ ଗ୍ରୀକ୍ ଜାତି ମାନାୟାର୍‌ତାକେ ଯୀଶୁ ଖ୍ରୀଷ୍ଟ ବିଷୟରେ ହାର୍ଦିକାବୁର୍ ଶୁଣାୟ୍ କିତାର୍।

ପକ୍ୟାତାକା 17:17

ଲାଗିଙ୍ଗ୍ ପାଉଲ ପାର୍ତାନା ଇଞ୍ଜ ଯିହୁଦିରିଙ୍ଗ୍ ଆରେ ଯିହୁଦି ଦରମ୍‌ତିଙ୍ଗ୍ ମାନିକିନି ବିନ୍‌ଜାତିରିଙ୍ଗ୍ ଆରେ ସହର୍ ଚକ୍‌ତାକେ ଇମ୍‌ଣାକାର୍ ତା ହୁଦାଙ୍ଗ୍ ଗିଟାଆଜି ମାଚାର୍, ହେୱାର୍ ହୁଦାଙ୍ଗ୍ ଯୀଶୁ ବିଷୟରେ ଆଲ୍‌ଚାନା କିଜି ମାଚାନ୍।

ପକ୍ୟାତାକା 18:19

ପାଚେ ହେୱାର୍ ଏପିସ ସହର୍‌ତାକେ ୱାତାର୍। ଆରେ ପାଉଲ ଆର୍କିଲା ଆରେ ପ୍ରିସ୍‌କିଲାଙ୍ଗ୍ ହେ ବାହାତାକେ ପିସ୍ତି ହାଚାନ୍। ତାପାଚେ ହେ ସହର୍‌ତାକେ ମାନି ପାର୍ତାନା ଇଞ୍ଜ ହାଲ୍‌ଜି ଯିହୁଦିର୍ ହୁଦାଙ୍ଗ୍ ଯୀଶୁ ବିଷୟରେ ଆଲ୍‌ଚାନା କିଦେଙ୍ଗ୍ ଲାଗାତାନ୍।

ପକ୍ୟାତାକା 19:8

ପାଚେ ପାଉଲ ପାକାପାକି ତିନ୍‌ମାସ୍‌ ପାତେକ୍ ପାର୍ତାନା ଇଞ୍ଜ ହାଲ୍‌ଜି ମାଚାନ୍। ହେୱାର୍ ଇନେସ୍ ଈଶ୍ୱର ସାସନ୍ କିନି ରାଜି ବିଷୟରେ ପାର୍ତିକିନାର୍ ହେଦାଙ୍ଗ୍ କାଜିଙ୍ଗ୍ ହେୱାର୍ ହୁଦାଙ୍ଗ୍ ଆଲ୍‌ଚାନା କିଜି ମାଚାନ୍।

ପକ୍ୟାତାକା 22:18

ହେୱାନ୍ ନାଙ୍ଗେଙ୍ଗ୍ ୱେଚ୍‌ଚାତାନ୍, ‘ଡେରି କିୱାଦାଙ୍ଗ୍ ବେଗି ଯିରୁଶାଲାମ ସହର୍‌ତାଙ୍ଗ୍ ହସିହାଲା। ଇନେସ୍‌କି ଇବେ ମାନି ମାନାୟାର୍ ନା ବିଷୟରେ ନି କାତା ୱେନୁର୍।’

ପକ୍ୟାତାକା 6:1

ହେପାଦ୍ନା ଚେଲାହିର୍ ବେସି ବାଡା ଆଜି ମାଚାର୍‌। ଲାଗିଙ୍ଗ୍ ଗ୍ରୀକ୍ ବାଷା ୱେଚ୍‌ନି ଯିହୁଦି ଚେଲାର୍, ଏବ୍ରୀ ବାଷା କିନି ଯିହୁଦି ଚେଲାରିଙ୍ଗ୍ ବିରଦ୍ କିଜି ୱେଚ୍‌ଚେଙ୍ଗ୍ ଲାଗାତାର୍। ଇନେସ୍‌କି ଏବ୍ରୀ ବାଷାନି ଯିହୁଦି ଚେଲାର୍ ରାଣ୍ଡି କଗ୍‍ଲେକାଙ୍ଗ୍ କାଦି କି ଡାବୁଙ୍ଗ୍ ହିନିହିଙ୍ଗ୍ ଗ୍ରୀକ୍ ବାଷା ୱେଚ୍‌ନି ଯିହୁଦି ଚେଲାର୍ ରାଣ୍ଡି କଗ୍‍ଲେକାଙ୍ଗ୍ ହାର୍‌ଦାଙ୍ଗ୍ ହିୱାଦାଙ୍ଗ୍ ମାଚାର୍।

ପକ୍ୟାତାକା 9:27

ମାତର୍ ବାଚିକିତି ଚେଲାହିର୍ ଲାଗାୟ୍ ବର୍ଣ୍ଣବା ତର୍‍ଦାକାନ୍ ରକାନ୍ ମାନାୟ୍ ଶାଉଲତିଙ୍ଗ୍ ତାସିୱାତାନ୍। ଦମେସକ ସହର୍‌ତାକେ ହାନି ହାଜ୍‌ଦ ଶାଉଲ ଯୀଶୁ ମାପୃଙ୍ଗ୍ ହୁଡ଼୍‌ତି ବିଷୟ ହେୱାରିଙ୍ଗ୍ ୱେଚ୍‌ଚାନ୍। ଆରେ ଶାଉଲ ଦମେସକ ସହର୍‌ତାକେ ଯୀଶୁ ବିଷୟରେ ଶାସ୍ ହୁଦାଙ୍ଗ୍ ଶୁଣାୟ୍ କିତି ବିଷୟ ପା ହେୱାନ୍ ହେୱାରିଙ୍ଗ୍ ୱେଚ୍‌ଚାନ୍।

ପକ୍ୟାତାକା 9:28

ଆରେ ଶାଉଲ ବାଚିକିତି ଚେଲାହିର୍ ହୁଦାଙ୍ଗ୍ ମାଚାନ୍। ଆରେ ଯୀଶୁ ମାପୃ ବିଷୟରେ ହେୱାନ୍ ଶାସ୍ ହୁଦାଙ୍ଗ୍ ଯିରୁଶାଲାମ ସହର୍‌ନି ୱିଜୁ ନିପଣ୍ ଶୁଣାୟ୍ କିଦେଙ୍ଗ୍ ଲାଗାତାନ୍।

୨ କରନ୍ତିୟ 11:26

ଆନେଙ୍ଗ୍ କେତ୍‌ହଟ୍ ବେସି ଦେହା ଖ୍ରୀଷ୍ଟ ହେବା କିଦେଙ୍ଗ୍ ହାଲ୍‌ଜି ମାଚାଙ୍ଗ୍। ଆନେଙ୍ଗ୍ ହାମ୍‌ଦୁର୍‌ତାକେ ହାନିହିଙ୍ଗ୍ ବିପତ୍‌ତାକେ ପଡ଼ାଆଜି ମାଚାଙ୍ଗ୍, ଆରେ କେତ୍‌ହଟ୍ ଆନେଙ୍ଗ୍ ଡାକୁର୍‌ତାକେ ଦରା ପଡ଼ାଆଜି ମାଚାଙ୍ଗ୍। ନା ଜାର୍ ଯିହୁଦି ଜାତିନି ମାନାୟାର୍ ଆରେ ବିନ୍‌ଜାତିନି ମାନାୟାର୍ ପା ନାଙ୍ଗେଙ୍ଗ୍ ମାର୍ନେ ଅସ୍ତେଦେଙ୍ଗ୍ ଉପାୟ୍ କିଜି ମାଚାର୍। ନାଙ୍ଗେଙ୍ଗ୍ ସହର୍‌ତାକେ, ଟାଙ୍ଗ୍ରାବାହାତାକେ ଆରେ ହାମ୍‌ଦୁର୍‌ତାକେ ବିପତ୍ ୱାଜି ମାଚାତ୍ ଆରେ ଇମ୍‌ଣାକାର୍ ଜାର୍‌ତିଙ୍ଗ୍ ପାର୍ତି କିନାକାପ୍ ଇଞ୍ଜି ୱେଚ୍‌ନାରା ମାତର୍ ସତ୍ ପାର୍ତି କିନାକାର୍ ଆକାୟ୍, ହେୱାର୍ ପା ନାଙ୍ଗେଙ୍ଗ୍ ବିପତ୍‌ତାକେ ପକାୟ୍ କିଜି ମାନ୍‌ଞ୍ଚାର୍।

ଜିହୁଦା 1:3

ନା ଲାଡ୍‌ନି ସାଙ୍ଗ କାଦେର୍, ଈଶ୍ୱର କିତ୍‌ତି ଉଦାର୍ ଆସେଙ୍ଗ୍ ଇମ୍‌ଣାକା ପାୟାଆତାସ୍‌ନା, ହେ ବିଷୟରେ ଆନେଙ୍ଗ୍ ମି ଲାଗାୟ୍ ଲେକିକିଦେଙ୍ଗ୍ ବେସି ଇଚା କିତାଙ୍ଗ୍। ଆରେ ଆସେଙ୍ଗ୍ ପାର୍ତିକିନି ସତ୍ ହିକ୍ଷା ନିପଣ୍, ଇନେସ୍ ଏପେଙ୍ଗ୍ ଜୁଜ୍ କିଦେଙ୍ଗ୍ ଆଡ୍‌ନାଦେର୍, ଇଦାଙ୍ଗ୍ କାଜିଙ୍ଗ୍ ମିଙ୍ଗେଙ୍ଗ୍ ସାସ୍ କିଦ୍‌ନି କାଜିଙ୍ଗ୍ ଇଦାଙ୍ଗ୍ ଆନେଙ୍ଗ୍ ଲେକିକିଦେଙ୍ଗ୍ ବାଦ୍ୟ ଆତାଙ୍ଗ୍। ଈଶ୍ୱର ତା ପବିତ୍ର ମାନାୟାରିଙ୍ଗ୍ ଇ ସତ୍ ୱିଜୁଦିନ୍ କାଜିଙ୍ଗ୍ ରଗ ହିତାନ୍‌ନା ଆରେ ଇଦାଙ୍ଗ୍ ବାଦ୍‌ଲା ଆଉତ୍।

ଜିହୁଦା 1:9

ଈଶ୍ୱରତି ମୁଡ଼୍ ଦୁତ୍ ମୀଖାୟେଲ ଇ ବୁଲ୍ ହିକ୍ଷାହିନି ମାଷ୍ଟେରାର୍‌ତାଙ୍ଗ୍ ଗାଜାକାନ୍‌ ଆତିସ୍‌ପା, ଇୱାର୍ ଲେକେ ବ୍ଯବହାର୍ କିୱାଦାଙ୍ଗ୍ ମାଚାନ୍। ଏଚେପାଦ୍ନା ମୋଶା ଭବିଷ୍ୟତବକ୍ତା ହାଃତି ଗାଗାଡ଼୍ ବିଷୟରେ ଶୟତାନ ମୀଖାୟେଲ ହୁଦାଙ୍ଗ୍ ଜୁକ୍ତି କିବାଆଜି ମାଚାର୍। ମୀଖାୟେଲ ଶୟତାନତିଙ୍ଗ୍ ନିନ୍ଦା କାତା ୱେଚ୍‌ଚି ଦସି କିୱାଦାଙ୍ଗ୍ ମାଚାନ୍, ହେୱାନ୍ ଶୟତାନତିଙ୍ଗ୍ ଏଚେକ୍ ୱେଚ୍‌ଚାନ୍ ଯେ, “ମାପୃ ନିଙ୍ଗେଙ୍ଗ୍ ଦମକ୍ ହିଦେନ୍।”