ପକ୍ୟାତାକା 9:27 - New Testament in Pengo Parja Language

²⁷ ମାତର୍ ବାଚିକିତି ଚେଲାହିର୍ ଲାଗାୟ୍ ବର୍ଣ୍ଣବା ତର୍‍ଦାକାନ୍ ରକାନ୍ ମାନାୟ୍ ଶାଉଲତିଙ୍ଗ୍ ତାସିୱାତାନ୍। ଦମେସକ ସହର୍‌ତାକେ ହାନି ହାଜ୍‌ଦ ଶାଉଲ ଯୀଶୁ ମାପୃଙ୍ଗ୍ ହୁଡ଼୍‌ତି ବିଷୟ ହେୱାରିଙ୍ଗ୍ ୱେଚ୍‌ଚାନ୍। ଆରେ ଶାଉଲ ଦମେସକ ସହର୍‌ତାକେ ଯୀଶୁ ବିଷୟରେ ଶାସ୍ ହୁଦାଙ୍ଗ୍ ଶୁଣାୟ୍ କିତି ବିଷୟ ପା ହେୱାନ୍ ହେୱାରିଙ୍ଗ୍ ୱେଚ୍‌ଚାନ୍।

ସତ୍‌ ବଚନ୍‌ ପୁନି ନିୟମ୍‌

²⁷ ମାତର୍‌ ବର୍ଣ୍ଣବା ତାଙ୍ଗ୍‌ ରଚେ ଅଜ଼ି ପକ୍ୟାତାକାର୍‌ତି ଲାଗେ ତାହିୱାତାନ୍‌, ଆରେ ହାସ୍‌ଦ ହେୱାନ୍‌ ଇନେସ୍‌ ମାପ୍ରୁତି ଚଞ୍ଜ୍ୟାତାକା ଆରି ହେୱାନ୍‌ ଜେ ହେୱାନ୍‌ ହୁକେ କାତାବାର୍ତା କିଜ଼ି ମାଚାନ୍‌, ଆରେ ଇନେସ୍‌ବାନି ହେୱାନ୍‌ ଦମ୍ମେସକ୍‌ତ ଜିସୁତି ତର୍‌ଦ ସାସ୍‌ତାଂ ପର୍‌ଚାର୍‌ କିଜ଼ି ମାଚାନ୍‌, ଇ ସବୁ ହେୱାନ୍‌ ହେୱାର୍‌ତି ଲାଗେ ବାକ୍‌ଣାୟ୍‌ କିତାନ୍‌ ।

ପକ୍ୟାତାକା 9:27 ပူးပေါင်းရင်းမြစ်များ

ପକ୍ୟାତାକା 11:22

ଆନ୍ତିୟକିଆ ସହର୍‌ତାକେ ବିନ୍‌ଜାତିନି ମାନାୟାର୍ ଯୀଶୁଙ୍ଗ୍ ପାର୍ତିକିନି କାବୁର୍, ଯିରୁଶାଲାମ ସହର୍‌ତାକେ ମାନି ମଣ୍ଡ୍‌ଲିନି ମାନାୟାର୍ ୱେଚାର୍। ହେବେତାଙ୍ଗ୍ ହେୱାର୍ ଆନ୍ତିୟକିଆ ସହର୍‌ତାକେ ବର୍ଣ୍ଣବାଙ୍ଗ୍ ପକ୍ତାର୍।

ପକ୍ୟାତାକା 11:25

ବର୍ଣ୍ଣବା ଆନ୍ତିୟକିଆ ସହର୍ ପିସ୍ତି ଶାଉଲତିଙ୍ଗ୍ ଦାସ୍ତେଙ୍ଗ୍ ତାର୍ଷ ସହର୍‌ତାକେ ହାଚାନ୍।

ପକ୍ୟାତାକା 12:25

ବର୍ଣ୍ଣବା ଆରେ ଶାଉଲ ଯିହୁଦା ଜିଲ୍ଲାତାକେ ମାନି ପାର୍ତି କିନାକାରିଙ୍ଗ୍ ସାଇଜ କିଦେଙ୍ଗ୍ ଡାବୁଙ୍ଗ୍ ହିତି ପାଚେ, ହେୱାର୍ ଯିରୁଶାଲାମ ସହର୍‌ତାଙ୍ଗ୍ ଆନ୍ତିୟକିଆ ସହର୍‌ତାକେ ୱାତାର୍। ହେୱାର୍ ମାର୍କଙ୍ଗ୍ ଆସ୍ତି ହାଚାର୍ ହେୱାନିଙ୍ଗ୍ ଯୋହନ ଇଞ୍ଜି ଇନାର୍।

ପକ୍ୟାତାକା 13:2

ହେୱାର୍ ଉପାସ୍ କିଜି ମାପୃତିଙ୍ଗ୍ ପୁଜାକିଜି ମାଚାର୍। ହେପାଦ୍ନା ପବିତ୍ର ଆତ୍ମା ହେୱାରିଙ୍ଗ୍ ୱେଚ୍‌ଚାତ୍, “ଇମ୍‌ଣି କାମାୟ୍ କାଜିଙ୍ଗ୍ ଆପେଙ୍ଗ୍ ବର୍ଣ୍ଣବାଙ୍ଗ୍ ଆରେ ଶାଉଲତିଙ୍ଗ୍ କୁକ୍‌ତାପ୍‌ନା, ହେଦାଙ୍ଗ୍ କାଜିଙ୍ଗ୍ ହେୱାରିଙ୍ଗ୍ ଜେକ କିୟାଟ୍।”

ପକ୍ୟାତାକା 15:2

ଲାଗିଙ୍ଗ୍ ବାଚିକିତି ଚେଲା ପାଉଲ ଆରେ ବର୍ଣ୍ଣବା ହେୱାର୍ ହିକ୍ଷାତାଙ୍ଗ୍ ମେହା ଆୱାତାର୍ ଆରେ ହେୱାର୍ ହୁଦାଙ୍ଗ୍ ଜୁକ୍ତି କିବାଆତାର୍। ଲାଗିଙ୍ଗ୍ ପାର୍ତି କିନାକାର୍ ଆରେ ପ୍ରାଚିନାର୍ ହୁଦାଙ୍ଗ୍ ଇ ବିଷୟରେ ଆଲ୍‌ଚାନା କିଦେଙ୍ଗ୍, ମଣ୍ଡ୍‌ଲିନି ମାନାୟାର୍ ପାଉଲ, ବର୍ଣ୍ଣବା ଆରେ କେତେକ୍ ପାର୍ତି କିନାକାରିଙ୍ଗ୍ ଯିରୁଶାଲାମ୍ ସହର୍‌ତାକେ ପକ୍ତେଙ୍ଗ୍ ବାଚିକିତାର୍।

ପକ୍ୟାତାକା 4:13

ହେୱାର୍ ପିତର ଆରେ ଯୋହନ ସାହାସ୍ ହୁଡ଼୍‌ଜି, ଆରେ ହେୱାର୍ ପାଟ୍ ପଡ଼ିକିୱାତାର୍ ଆରେ ବୁଦି ହିଲାକାର୍ ଇଞ୍ଜି ପୁନ୍‌ଞ୍ଜି, ଇଦାଙ୍ଗ୍ ବୁଜାଆଜି ଚାନିଆଆତାର୍। ଆରେ ହେୱାର୍ ଯୀଶୁ ହୁଦାଙ୍ଗ୍ ମାଚାର୍ ଇଞ୍ଜି ହେୱାରିଙ୍ଗ୍ ଚିନ୍ କିତାର୍।

ପକ୍ୟାତାକା 4:29

ଏ ମାପୃ ନଙ୍ଗୟ୍ ହେୱାର୍ ମାଙ୍ଗେଙ୍ଗ୍ ଅସ୍ତାନାପ୍ ଇଞ୍ଜି ପାଣ୍ଡ୍ରୁ କିଦ୍‌ନାରା ହେ ବିଷୟରେ ଏନେଙ୍ଗ୍ ଅଲପ୍ ବାବିକିଜି ହୁଡ଼ା। ଆରେ ନି ହେବାକିନି ଇ ମାନାୟାରିଙ୍ଗ୍ ନି ବିଷୟରେ ସାହାସ୍ ହୁଦାଙ୍ଗ୍ ୱେଚ୍‌ଚେଙ୍ଗ୍ ଶାକ୍ତି ହିୟା।

ପକ୍ୟାତାକା 4:36

ଲେବି ଲାତ୍ରାନି ଯୋଷେପ ତର୍‍ଦାକାନ୍ ରକାନ୍ ମାନାୟ୍ ମାଚାନ୍। ହେୱାନ୍ କୁପ୍ର ଦ୍ୱିପ୍ ନିକାନ୍ ମାଚାନ୍, ବାଚିକିତି ଚେଲାହିର୍ ହେୱାନିଙ୍ଗ୍ ବର୍ଣ୍ଣବା ଇଞ୍ଜି ତର୍‌ ହିତାର୍। ଇ ତର୍‌ନି ଅର୍ତ, ସାଇଜ କିନାକାନ୍।

ପକ୍ୟାତାକା 9:17

ହେବେତାଙ୍ଗ୍ ହନନିୟ ଶାଉଲ ଇଞ୍ଜ ହାଚାନ୍। ହେୱାନ୍ ଶାଉଲ ଜପି କେଇ ଇଡ଼୍‌ଜି ୱେଚ୍‌ଚାନ୍, “ଏ ଶାଉଲ ଟଣ୍ଡେନ୍, ଏନେଙ୍ଗ୍ ଇନେସ୍ ଆରେରଗ ହୁଡ଼୍‌ଦେଙ୍ଗ୍ ଆଡ୍‌ନାଇ ଆରେ ପବିତ୍ର ଆତ୍ମାତାଙ୍ଗ୍ ପୁରା ଆନାୟ୍। ହେଦାଙ୍ଗ୍ କାଜିଙ୍ଗ୍ ଯୀଶୁ ମାପୃ ଇନେରିଙ୍ଗ୍ ଏନେଙ୍ଗ୍ ୱାନିହିଙ୍ଗ୍ ହାଜ୍‌ଦ ହୁଡ଼୍‌ତାୟ୍ ହେୱାନ୍ ନାଙ୍ଗେଙ୍ଗ୍ ନି ଲାଗାୟ୍ ପକ୍ତାତାନ୍‌ନା।”

ପକ୍ୟାତାକା 9:29

ହେୱାନ୍ ଗ୍ରୀକ୍ ବାଷା କିନି ଯିହୁଦି ଜାତିନି ମାନାୟାରିଙ୍ଗ୍ ପା ଯୀଶୁ ବିଷୟରେ ୱେଚ୍‌ଚାନ୍, ଆରେ ହେୱାନ୍ ହେୱାର୍ ହୁଦାଙ୍ଗ୍ ଜୁକ୍ତି କିଜି ମାଚାନ୍। ମାତର୍ ହେୱାର୍ ହେୱାନିଙ୍ଗ୍ ମାର୍ନେ ଅସ୍ତେଙ୍ଗ୍ ଉପାୟ୍ କିଦେଙ୍ଗ୍ ଲାଗାତାର୍।

୧ କରନ୍ତିୟ 15:8

ଆନେଙ୍ଗ୍ ହେୱାନିଙ୍ଗ୍ ହୁଡ଼୍‌ଦେଙ୍ଗ୍ ଯଗ୍ୟ ହିଲିତିସ୍ ପା ୱିଜାକାର୍ ପାଚେ ହେୱାନ୍ ନାଙ୍ଗେଙ୍ଗ୍ ଚଞ୍ଜିଆଆଜି ମାନ୍‌ଞ୍ଚାନ୍।

୧ କରନ୍ତିୟ 9:6

ଏପେଙ୍ଗ୍ ଜେକନି ଚେଲାରିଙ୍ଗ୍ ସାଇଜ କିତିଲେକେ ବର୍ଣ୍ଣବା ଆରେ ଆନେଙ୍ଗ୍ ମି ସାଇଜ ପାୟାଆନି ଅଦିକାର୍ ମାନାତ୍।

ଗାଲାତିୟ 2:13

ହେଲେକେ ଆନ୍ତିୟକିଆ ସହର୍‌ତାକେ ମାନି ଜେକନି ଯିହୁଦି ପାର୍ତି କିନାକାର୍ ପା ପିତର ଲେକେ ବାଟ୍‌ପାଣ୍ ଆଜି ବୁଲ୍ ବ୍ୟବହାର୍ କିତାର୍। ଇଲେକେକି ବର୍ଣ୍ଣବା ପା ହେୱାର୍ ଲେକେ ବୁଲ୍ ବ୍ୟବହାର୍ କିତାନ୍।

ଗାଲାତିୟ 2:9

ଈଶ୍ୱର ନାଙ୍ଗେଙ୍ଗ୍ ହିଜି ମାନ୍‌ଞ୍ଚି ବର୍‌ଦାନ୍ ବିଷୟରେ ଏଚେପାଦ୍ନା ହେୱାର୍ ବୁଜାଆତାର୍। ଲାଗିଙ୍ଗ୍ ମଣ୍ଡ୍‌ଲିତାକେ ର କମ୍‌ମୁଣ୍ଡା ଲେକେ ମାନି ଯାକୁବ, ପିତର ଇନେରିଙ୍ଗ୍ କେପା ଇଞ୍ଜି ଇନାର୍ ଆରେ ଯୋହନ, ନାଙ୍ଗେଙ୍ଗ୍ ଆରେ ବର୍ଣ୍ଣବାଙ୍ଗ୍ କେଇ ମାହାଇ କିଜି ରାଜି ଆତାର୍। ଆରେ ହେୱାର୍ ମାଙ୍ଗେଙ୍ଗ୍ ବିନ୍‌ଜାତିନି ମାନାୟାର୍‌ତାକେ ଶୁଣାୟ୍ କିଦେଙ୍ଗ୍ ସାହାସ୍ କିତ୍‌ତାର୍, ଆରେ ହେୱାର୍ ଯିହୁଦି ଜାତିନି ମାନାୟାର୍ ଲାଗାୟ୍ ଶୁଣାୟ୍ କିଦେଙ୍ଗ୍ ଲାଗାତାର୍।