ପକ୍ୟାତାକା 8:12 - New Testament in Pengo Parja Language

¹² ମାତର୍ ପିଲିପତାଙ୍ଗ୍ ଏଚେପାଦ୍ନା ଈଶ୍ୱର ରାଜି ଆରେ ଯୀଶୁ ଖ୍ରୀଷ୍ଟ ତା ତର୍‌ ବିଷୟରେ ହାର୍ଦିକାବୁର୍ ଶୁଣାୟ୍ କିତାକା ହେୱାର୍ ୱେଚାର୍, ଆରେ ହେୱାର୍ ଯୀଶୁଙ୍ଗ୍ ପାର୍ତି କିତାର୍। ହେପାଦ୍ନା ଆଣ୍ଡ୍ରା ଆରେ କଗ୍‌ଲେ ଡୁବନ୍ ଆଦେଙ୍ଗ୍ ଲାଗାତାର୍।

ସତ୍‌ ବଚନ୍‌ ପୁନି ନିୟମ୍‌

¹² ମାତର୍‌ ପିଲିପ୍‌ ଇସ୍ୱର୍‌ତି ରାଜି ଆରି ଜିସୁ କ୍ରିସ୍ଟତି ତର୍‌ ବିସ୍ରେ ନେକ୍ରିକାବୁର୍‌ ସୁଣାୟ୍‌ କିତିଲେ ହେୱାର୍‌ ଏଚେକାଡ଼୍‌ଦ ହେୱାନ୍ତି କାତାତ ପାର୍ତି କିତାର୍‌, ହେ ଏଚେକାଡ଼୍‌ଦ ଆଣ୍ଡ୍ରାଙ୍ଗ୍‌ ଆରି କଗ୍‌ଲେକ୍‌ ୱିଜ଼ାର୍‌ ବାପ୍ତିସିମ୍‌ ଅଦେଂ ଲାଗାତାର୍‌ ।

ପକ୍ୟାତାକା 8:12 ပူးပေါင်းရင်းမြစ်များ

ମାତିଉ 28:19

ଲାଗିଙ୍ଗ୍ ଏପେଙ୍ଗ୍ ହାଲାଟ୍ ଆରେ ୱିଜୁଜାତି ମାନାୟାରିଙ୍ଗ୍ ନା ଚେଲା ରହାଟ୍। ଆବା ଈଶ୍ୱର ଆରେ ତା ମେହି ଯୀଶୁ ଖ୍ରୀଷ୍ଟ ଆରେ ପବିତ୍ର ଆତ୍ମା ତର୍‍ଦାଙ୍ଗ୍ ଏପେଙ୍ଗ୍ ହେୱାରିଙ୍ଗ୍ ଡୁବନ୍ ହିୟାଟ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:2

ଯୀଶୁ ତା ଚେଲାହିରିଙ୍ଗ୍ ଈଶ୍ୱର ସାସନ୍ କିନି ରାଜିନି ହାର୍ଦିକାବୁର୍ ଶୁଣାୟ୍ କିଦେଙ୍ଗ୍, ଆରେ ରଗିୟାରିଙ୍ଗ୍ ହାର୍‌କିଦେଙ୍ଗ୍ ପକ୍ତାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:60

ମାତର୍ ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ହାଃତାକାର୍ ହାଃତି ମାନାୟ୍‌ତିଙ୍ଗ୍ ମୁଚେର୍‌। ମାତର୍ ଏପେଙ୍ଗ୍ ହାଲ୍‌ଜି ଈଶ୍ୱର ସାସନ୍ କିନି ରାଜିନି ବିଷୟରେ ମାନାୟାରିଙ୍ଗ୍ ଶୁଣାୟ୍ କିୟାଟ୍।”

ପକ୍ୟାତାକା 1:3

ଯୀଶୁ ନିଜେ ଦୁକ୍‌କଷ୍ଟ ପାୟାଆଜି କୃଶକାଟ୍‌ତାକେ ହାଃତି ପାଚେ, ହେୱାନ୍ ଆରେରଗ ଜିବୁନ୍ ପାୟାଆତାନ୍‌। ଆରେ ତା ବାଚିକିତି ଚେଲାହିରିଙ୍ଗ୍ ଜାର୍‌ତିଙ୍ଗ୍ ଜିବୁନ୍ ଆତାଙ୍ଗ୍‌ନା ଇଞ୍ଜି ଚଚିୟାଆତାନ୍। ହେୱାନ୍ ଚାଲିଶ୍ ଦିନ୍ ପାତେକ୍ ବାରମ୍-ବାରମ୍ ହେୱାରିଙ୍ଗ୍ ଚଚିୟାଆତାନ୍। ଆରେ ହେୱାନ୍ ଈଶ୍ୱର ସାସନ୍ ରାଜିନି ବିଷୟରେ ହେୱାରିଙ୍ଗ୍ ୱେଚ୍‌ଚି ମାଚାନ୍।

ପକ୍ୟାତାକା 11:20

ମାତର୍ ହେୱାର୍ ବିତ୍ରେତାଙ୍ଗ୍ କେତେକ୍ କୁପ୍ରିୟ ଦ୍ୱିପ୍ ଆରେ କୁରିଣିୟ ସହର୍‌ନି ମାନାୟାର୍ ଆନ୍ତିୟକିଆ ସହର୍‌ତାକେ ୱାତାର୍। ଆରେ ହେୱାର୍ ଗ୍ରୀକ୍ ଜାତି ମାନାୟାର୍‌ତାକେ ଯୀଶୁ ଖ୍ରୀଷ୍ଟ ବିଷୟରେ ହାର୍ଦିକାବୁର୍ ଶୁଣାୟ୍ କିତାର୍।

ପକ୍ୟାତାକା 18:8

ତାପାଚେ ପାର୍ତାନା ଇଲ୍‌ନି ମୁକ୍ୟା କ୍ରିଷ୍ପ ଆରେ ତା ପରିବାର୍‌ନି ମାନାୟାର୍‌ ମାପୃତାକେ ପାର୍ତି କିତାର୍। ଆରେ ପାଉଲ କାତା କରନ୍ତିୟ ସହର୍‌ତାକେ ମାନି କେତେକ୍ ମାନାୟ୍ ପାର୍ତି କିତାର୍, ଆରେ ଡୁବନ୍ ଅତାର୍।

ପକ୍ୟାତାକା 19:5

ହେୱାର୍ ପାଉଲ କାତା ୱେନ୍‌ଞ୍ଜି ମାପୃ ଯୀଶୁ ତର୍‍ଦାଙ୍ଗ୍ ଡୁବନ୍ ଆତାର୍।

ପକ୍ୟାତାକା 2:38

ପିତର ହେୱାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ୱିଜାକାଦେର୍ ପାପ୍ କାମାୟ୍ ପିସ୍ତି ମାପୃତାକେ ୱାଡ, ଆରେ ପାପ୍ କେମା ପାୟା ଆଦେଙ୍ଗ୍ ଯୀଶୁ ଖ୍ରୀଷ୍ଟ ତର୍‍ଦାଙ୍ଗ୍ ଡୁବନ୍ ଆଡ, ଲାଗିଙ୍ଗ୍ ଏପେଙ୍ଗ୍ ପବିତ୍ର ଆତ୍ମାନି ଦାନ୍ ପାୟାଆନାଦେର୍।

ପକ୍ୟାତାକା 2:41

ହେବେତାଙ୍ଗ୍ ଇମ୍‌ଣାକାର୍ ହେୱାନ୍ କାତା ୱେଚାର୍, ହେୱାର୍ ଡୁବନ୍ ଅତାର୍, ଆରେ ହେ ଦିନ୍ ପାକାପାକି ତିନ୍ ହାଜାର୍ ମାନାୟାର୍ ମଣ୍ଡ୍‌ଲି ହୁଦାଙ୍ଗ୍ ମେହାଆତାର୍।

ପକ୍ୟାତାକା 20:21

ପାପ୍ କାମାୟ୍ ପିସ୍ତି ଈଶ୍ୱରତାକେ ୱାଦେଙ୍ଗ୍ ଆରେ ମା ମାପୃ ଯୀଶୁତାକେ ପାର୍ତିକିନି କାଜିଙ୍ଗ୍, ଯିହୁଦି ଆରେ ବିନ୍‌ଜାତିନି ମାନାୟାରିଙ୍ଗ୍ ଶୁଣାୟ୍ କିତ୍‌ତାଙ୍ଗ୍‌ନା।

ପକ୍ୟାତାକା 20:25

ଆନେଙ୍ଗ୍ ମି ବିତ୍ରେ ଈଶ୍ୱର ସାସନ୍ କିନି ରାଜି ବିଷୟରେ ଶୁଣାୟ୍ କିତ୍‌ତାଙ୍ଗ୍‌ନା। ଆରେ ନଙ୍ଗୟ୍ ଏପେଙ୍ଗ୍ ୱେନାଟ୍, ଏପେଙ୍ଗ୍ ନାଙ୍ଗେଙ୍ଗ୍ ହୁଡ଼୍‌ଦୁଦେର୍।

ପକ୍ୟାତାକା 28:31

ଆରେ ତା ଲାଗାୟ୍ ୱାଜିମାଚାର୍ ହେ ୱିଜାକାରିଙ୍ଗ୍ ଶାସ୍ ହୁଦାଙ୍ଗ୍ ଆରେ ପାଣ୍ଡ୍ରା ଆୱାଦାଙ୍ଗ୍ ଈଶ୍ୱର ସାସନ୍ କିନି ରାଜି ବିଷୟରେ ଶୁଣାୟ୍ କିଜି ମାଚାନ୍, ଆରେ ମାପୃ ଯୀଶୁ ଖ୍ରୀଷ୍ଟ ବିଷୟରେ ହିକ୍ଷା କିଜି ମାଚାନ୍।

ପକ୍ୟାତାକା 5:14

ଆରେ ଆଦିକ୍‌ତାଙ୍ଗ୍ ଆଦିକ୍ ଆଣ୍ଡ୍ରା ହିମ୍‌ଣାଙ୍ଗ୍ ଆରେ କଗ୍‍ଲେକ୍ ପାର୍ତି କିଜି ମାପୃ ହୁଦାଙ୍ଗ୍ ମେହାଆଦେଙ୍ଗ୍ ଲାଗାତାର୍।

ପକ୍ୟାତାକା 8:4

ଇମ୍‌ଣି ପାର୍ତି କିନାକାର୍ ଯିରୁଶାଲାମ ସହର୍ ପିସ୍ତି ଚିନ୍‌ବିନ୍ ଆଜି ମାଚାର୍। ହେୱାର୍ ଇମେନିପଣ୍ ହାଲ୍‌ଜି ମାଚାର୍, ହେଇନି ହାର୍ଦିକାବୁର୍ ଶୁଣାୟ୍ କିଜି ମାଚାର୍।

ରୋମିୟ 10:10

ଆସେଙ୍ଗ୍ ଯଦି ଦରମ୍ ମାନାୟ୍ ଆନି କାଜିଙ୍ଗ୍ ଗରବ୍‌ତାଙ୍ଗ୍ ପାର୍ତି କିନାସ୍ ଆରେ ଉଦାର୍ ପାୟାଆନି କାଜିଙ୍ଗ୍ ଜାର୍ ୱେଇଦାଙ୍ଗ୍ ଖ୍ରୀଷ୍ଟ ନେ ମାପୃ ଇଞ୍ଜି ୱେଚ୍‌ନାସ୍ ଆସେଙ୍ଗ୍ ଉଦାର୍ ପାୟାଆନାସ୍‌।

୧ କରନ୍ତିୟ 11:11

ମାତର୍ ମାପୃଙ୍ଗ୍ ପାର୍ତିକିନି ମାନାୟାର୍ ବିତ୍ରେତାଙ୍ଗ୍, କଗ୍‌ଲେକ୍‌ତାଙ୍ଗ୍ ଆଣ୍ଡ୍ରାଙ୍ଗ୍ ବିନେ ମାଞ୍ଜେଙ୍ଗ୍ ଆଡୁର୍, ଆରେ ଆଣ୍ଡ୍ରାଙ୍ଗ୍‌ତାଙ୍ଗ୍‌ କଗ୍‍ଲେକ୍ ବିନେ ମାଞ୍ଜେଙ୍ଗ୍ ଆଡୁକ୍।

ଗାଲାତିୟ 3:28

ଲାଗିଙ୍ଗ୍ ଯିହୁଦି ଜାତି କି ବିନ୍‌ଜାତି, ଦାସ୍ କି ଦାସ୍ ଆୱିତି ମାନାୟ୍, ଆଣ୍ଡ୍ରା କି କଗ୍‌ଲେ ବିତ୍ରେ ଇନାକା ପା ଜେକ ଆକାୟ୍। ଇନେସ୍‌କି ଏପେଙ୍ଗ୍ ଯୀଶୁ ଖ୍ରୀଷ୍ଟତାକେ ରବେ ଆତାଦେର୍‌ନା।

୧ ପିତର 3:21

ହେୱାର୍ ଆଗେ ଉଦାର୍ ପାୟାଆତାକା, ହେଦାଙ୍ଗ୍ ନଙ୍ଗୟ୍ ଇଲେକେ ଅର୍ତ ହିନାତା ଏଚେପାଦ୍ନା ଆସେଙ୍ଗ୍ ଡୁବନ୍ ଅନାସ୍‌ ଆସେଙ୍ଗ୍ ଉଦାର୍ ପାୟାଆନାସ୍‌। ଆସେଙ୍ଗ୍ ଇମ୍‌ଣି ଏଜୁକାଙ୍ଗ୍ ଡୁବନ୍ ଆନାସ୍ ହେଦାଙ୍ଗ୍ ଗାଗାଡ଼୍‌ନି ପାପ୍‌ତିଙ୍ଗ୍ ନୁଜୁତ୍, ମାତର୍ ଆସେଙ୍ଗ୍ ଈଶ୍ୱରତିଙ୍ଗ୍ କେମା ଏନ୍‌ତାପ୍‌ନା ଇଞ୍ଜି ହେଦାଙ୍ଗ୍ ର ଚିନ୍। ଲାଗିଙ୍ଗ୍ ମା ମାନ୍ କିଲେର୍ ଆନାତ୍ ଯେ ଆସେଙ୍ଗ୍ ଈଶ୍ୱର ହୁଦାଙ୍ଗ୍ ମାହାଆତାସ୍‌ନା, ଈଶ୍ୱର ମାଙ୍ଗେଙ୍ଗ୍ କେମା କିଦ୍‌ନାନ୍ ଇନେସ୍‌କି ଯୀଶୁ ଖ୍ରୀଷ୍ଟ ହାଃତିତାଙ୍ଗ୍ ଆରେରଗ ଜିବୁନ୍ ଆତାନ୍‌ନା,