ପକ୍ୟାତାକା 7:44 - New Testament in Pengo Parja Language

⁴⁴ ମା ଆକଦାଦିର୍ ଟାଙ୍ଗ୍ରାବାହାତାକେ ମାନିହିଙ୍ଗ୍ ଈଶ୍ୱର ମାନି ପୁଟ୍‌ତିଙ୍ଗ୍ ହେବା କିତାର୍। ଈଶ୍ୱର ମୋଶାଙ୍ଗ୍ ଇନେସ୍ କିଜି ଆଦେସ୍ ହିଜିମାଚାନ୍ ହେଲେକେ ହେୱାର୍ ରଞ୍ଜାଙ୍ଗ୍ ପୁଟ୍ ରସ୍ତାର୍। ସିନୟ ମାଡ଼ିତାକେ ଇନେସ୍ ଲେଗ୍‌ଦାକା ମଶା ହୁଡ଼୍‌ଜି ମାଚାନ୍ ହେଲେକେ ନେ ଇଦାଙ୍ଗ୍ ପା ମାଚାତ୍।

ସତ୍‌ ବଚନ୍‌ ପୁନି ନିୟମ୍‌

⁴⁴ “ବାଟାତ ମା ଆଗେନି ଆବାର୍‌ଲାତ୍ରା ଲାହାଂ ଇସ୍ୱର୍‌ତି ମାନାକା ତାକେ ସାକି ତୁମ୍‌ ମାଚାତ୍‌ । ଇସ୍ୱର୍‌ ମସାଙ୍ଗ୍‌ ଇନେସ୍‌ ରଚ୍‌ଚି ୱେଚ୍‌ଚି ମାଚାନ୍‌ ଆରି ମସାଂ ଇମ୍‌ଣି ହାର୍ଦାକା ଚଚ୍‌ଚି ମାଚାନ୍‌, ଇଦାଂ ହେ ଲାକେ ରଚ୍‌ୟାଜ଼ି ମାଚାତ୍‌ ।

ପକ୍ୟାତାକା 7:44 ပူးပေါင်းရင်းမြစ်များ

ଏବ୍ରି 8:2

ସରଗ୍‌ତାକେ ମାନି ସତ୍ ପୁଟ୍ କୁଡ଼ିଆନି ସତ୍ ପବିତ୍ର ବାହାତାକେ ମା ପ୍ରଦାନ୍ ମୁଡ଼୍‌ଦି ପୁଜାରି ହେବା କିନାନା। ମାନାୟ୍ ଇଦାଙ୍ଗ୍ ରହ୍‌ୱାତାର୍‌ନା, ମାତର୍ ଈଶ୍ୱର ରସ୍ତାନ୍‌ନା।

ଏବ୍ରି 8:5

ଇ ପୁଜାରିର୍ ଇମ୍‌ଣି ମୁକ୍ଯ ପବିତ୍ର ମନ୍ଦିର୍‌ତାକେ ହେବା କିନାର୍, ହେଦାଙ୍ଗ୍ ସରଗ୍‌ତାକେ ମାନି ବିଷୟତିଙ୍ଗ୍ ର ନକ୍‌ଲି ଆରେ ଡ଼ିଗା ଲେକେ ଚନ୍‌ଞ୍ଚି ବିଷୟ। ହେଦାଙ୍ଗ୍ କାଜିଙ୍ଗ୍ ମୋଶା ଏଚେପାଦ୍ନା ପୁଟ୍ କୁଡ଼ିଆ ରସ୍ତେଙ୍ଗ୍ ରେଡି ଆଜି ମାଚାନ୍, ଈଶ୍ୱର ଜାଗ୍ରତ୍ କିୟିକିଜି ୱେଚ୍‌ଚାନ୍, “ସାବ୍‌ଦାନ୍, ଆନେଙ୍ଗ୍ ଇ ମାଡ଼ିତାକେ ନିଙ୍ଗେଙ୍ଗ୍ ଇମ୍‌ଣି ଡିଜେନ୍ ଚଚ୍‌ଚାତାଙ୍ଗ୍‌ନା, ହେଲେକେ ୱିଜୁ ରହା।”