ପକ୍ୟାତାକା 7:38 - New Testament in Pengo Parja Language

³⁸ ହେୱାର୍ ଏଚେପାଦ୍ନା ଟାଙ୍ଗ୍ରାବାହାତାକେ ରବେଆଜି ମାଚାର୍, ହେପାଦ୍ନା ଇ ମଶା ମା ଆକଦାଦିର୍ ଭବିଷ୍ଯତବକ୍ତା ମାଚାନ୍। ଈଶ୍ୱର ମଶା ଲାଗାୟ୍ ର ଦୁତ୍‌ତିଙ୍ଗ୍ ପକ୍ତାନ୍, ହେ ଦୁତ୍ ହେୱାନ୍ ହୁଦାଙ୍ଗ୍ ସିନୟ ମାଡ଼ିତାକେ ବେଣ୍‌କିତାନ୍, ଆରେ ମା ନିୟମ୍ ସାସ୍ତର୍ ହେୱାନିଙ୍ଗ୍ ହିତାର୍। ଆରେ ମଶା ମା ଆକଦାଦିରିଙ୍ଗ୍ ହେ ନିୟମ୍ ସାସ୍ତର୍ ହିତ୍‌ତାନ୍। ଈଶ୍ୱର ମଶାଙ୍ଗ୍ ଜିବୁନ୍‌ହିନି କାତାହିତାନ୍‌, ଆରେ ହେୱାନ୍ ମାଙ୍ଗେଙ୍ଗ୍ ହିତ୍‌ତାନ୍‌ନା।

ସତ୍‌ ବଚନ୍‌ ପୁନି ନିୟମ୍‌

³⁸ ଇ ମୁଣିକା ମଣ୍ଡ୍‌ଲି ବିତ୍ରେ ମାନ୍‌ଞ୍ଜି ସିନୟ୍‌ ମାଡ଼ିତ ହେୱାନ୍‌ ହୁକେ କାତା ଇଞ୍ଜିମାଚି ଦୁତ୍‌ତି ଆରି ମା ଆକର୍‌ ବିତ୍ରେ ମାଦ୍‌ଣାକାନ୍‌ ମାଚାନ୍‌; ହେୱାନ୍‌ ମିଙ୍ଗ୍‌ ଦାନ୍‌ କିଦ୍‍ଦେଂ କାଜିଂ ଜିଜ଼ି ମାନାକା ବଚନ୍‌ ପାୟାତାନ୍‌ ।

ପକ୍ୟାତାକା 7:38 ပူးပေါင်းရင်းမြစ်များ

ଜହନ୍‌ 1:17

ଈଶ୍ୱର ମାଙ୍ଗେଙ୍ଗ୍ ମୋଶା ଲେକିକିତି ନିୟମ୍‌ନି ସାସ୍ତର୍‌ତାଙ୍ଗ୍ ହିତ୍‌ତାନ୍‌ନା। ମାତର୍ ଯୀଶୁ ଖ୍ରୀଷ୍ଟତାଙ୍ଗ୍ ଦୟା ଆରେ ସତ୍ ବିଷୟ ହିତ୍‌ତାନ୍‌ନା।

ଜହନ୍‌ 6:63

ଗାଗାଡ଼୍ ମାନାୟ୍‌ତିଙ୍ଗ୍ ଜିବୁନ୍ କିଦୁତ୍। ମାତର୍ ଈଶ୍ୱରଆତ୍ମା ଜିବୁନ୍ ହିଦ୍‌ନାତ୍। ଆନେଙ୍ଗ୍ ମିଙ୍ଗେଙ୍ଗ୍ ଇନାକା ୱେଚ୍‌ଚାତାଙ୍ଗ୍ ହେଦାଙ୍ଗ୍ ଆତ୍ମା, ଲାଗିଙ୍ଗ୍ ଇୱିଜୁ ବିଷୟ ଜିବୁନ୍ ହିଦ୍‌ନାତ୍।

ପକ୍ୟାତାକା 7:30

ମୋଶା ମିଦିୟନ ଦେସ୍‌ତାକେ ଚାଲିଶ୍ ବାର୍ହୁ ବାହାକିତି ପାଚେ, ସିନୟ ମାଡ଼ିନି ଟାଙ୍ଗ୍ରାବାହାତାକେ ରଞ୍ଜାଙ୍ଗ୍ କାଚାଆନି ବୁଟାତାଙ୍ଗ୍ ଈଶ୍ୱର ଦୁତ୍ ଲେକେ ଆଜି ମୋଶାଙ୍ଗ୍ ଚଞ୍ଜିଆତାନ୍।

ପକ୍ୟାତାକା 7:35

ଇ ମୋଶାଙ୍ଗ୍ ଇସ୍ରାଏଲ ଜାତି ନିକାର୍ ମାନିକିୱାଦାଙ୍ଗ୍ ମାଚାର୍। ଆରେ ହେୱାର୍ ହେୱାନିଙ୍ଗ୍ ୱେଚ୍‌ଚାର୍, ‘ମାଙ୍ଗେଙ୍ଗ୍ ସାସନ୍ କିଦେଙ୍ଗ୍ ଆରେ ବିଚାର୍ କିଦେଙ୍ଗ୍ ଇନେର୍ ନିଙ୍ଗେଙ୍ଗ୍ ବାଚି କିତ୍‌ତାନ୍‌ନା?’ ମାତର୍ ଈଶ୍ୱର ବୁଟାତାଙ୍ଗ୍ ମଶାଙ୍ଗ୍ ଚଞ୍ଜିଆତାନ୍, ଆରେ ଦୁତ୍ ମଶାଙ୍ଗ୍ ହେୱାରିଙ୍ଗ୍ ସାସନ୍ କିଦେଙ୍ଗ୍ ଆରେ ମିସର ଦେସ୍‌ନି ହଲିଆ କାମାୟ୍‌ତାଙ୍ଗ୍ ଉଦାର୍ କିଦେଙ୍ଗ୍ ହେୱାନିଙ୍ଗ୍ ପକ୍ତାନ୍‌ନା

ପକ୍ୟାତାକା 7:53

ଏପେଙ୍ଗ୍ ସରଗ୍ ଦୁତ୍‌ତାଙ୍ଗ୍ ଈଶ୍ୱର ନିୟମ୍‌ତିଙ୍ଗ୍ ପାୟା ଆତାଦେର୍‌ନା, ମାତର୍ ହେ ନିୟମ୍‌ତିଙ୍ଗ୍ ମାନ୍‌କିୱାତାଦେର୍।”

ରୋମିୟ 3:2

ଆଁ, ଯିହୁଦି ମାନାୟ୍ ଆନାକା ବେସି ଲାବ୍ ମାନାତ୍। ଇନେସ୍‌କି ଈଶ୍ୱର ହିତ୍‌ତି ଦରମ୍ ସାସ୍ତର୍ ହେୱାର୍‌ତାକେ ମାନାତ୍, ହେଦାଙ୍ଗ୍‌ନେ ହେୱାର୍ କାଜିଙ୍ଗ୍ ବେସି ଗାଜା ଲାବ୍।

ରୋମିୟ 9:4

ହେୱାର୍ ଇସ୍ରାଏଲନି ମାନାୟାର୍, ଈଶ୍ୱର ହେୱାରିଙ୍ଗ୍ ନେ ତା ମେହିର୍ ଆନି କାଜିଙ୍ଗ୍ ବାଚିକିଜି ମାଚାନ୍। ଈଶ୍ୱର ତା ଗୌରବ ହେୱାରିଙ୍ଗ୍ ହିଜିମାଚାନ୍। ହେୱାନ୍ ହେୱାର୍ ହୁଦାଙ୍ଗ୍ ପାର୍ମାଣ୍ କିଜି ମାଚାନ୍, ଆରେ ହେୱାନ୍ ତା ଦରମ୍ ସାସ୍ତର୍‌ତିଙ୍ଗ୍ ହିତାନ୍। ହେୱାର୍ ତାଙ୍ଗେଙ୍ଗ୍ ପୁଜାକିନି ସୁଯଗ୍ ପାୟାଆତାର୍ ଆରେ ହେୱାରିଙ୍ଗ୍ କାବା ଆନି ପାର୍ମାଣ୍ ୱିଜୁ ଈଶ୍ୱର କିତାନ୍।

ଗାଲାତିୟ 3:19

ଲାଗିଙ୍ଗ୍ ଈଶ୍ୱର ଇନାକିଦେଙ୍ଗ୍ ମୋଶାଙ୍ଗ୍ ନିୟମ୍ ସାସ୍ତର୍ ହିତାନ୍‌ନା? ମାନାୟାରିଙ୍ଗ୍ ଦସି କିଦେଙ୍ଗ୍ ନିୟମ୍ ସାସ୍ତର୍ ହିୟାଆତାତ୍‌ନା। ପାର୍ମାଣ୍ କିଜିମାଚି ହିମ୍‌ଣା ୱାୱାଦାଙ୍ଗ୍ ହେ ନିୟମ୍ ସାସ୍ତର୍ ଚାଲାଆଜି ମାଚାତ୍। ଈଶ୍ୱର ଦୁତ୍‌କୁତାଙ୍ଗ୍ ମୋଶାଙ୍ଗ୍ ହିଜିମାଚାନ୍ ହେୱାନ୍ ଈଶ୍ୱର ଆରେ ମାନାୟାର୍ ବିତ୍ରେ ମାଦି ମାନ୍‌ଞ୍ଜି କାମାୟ୍ କିତାନ୍।

ଏବ୍ରି 2:2

ଈଶ୍ୱର ଦୁତ୍‌କୁତାଙ୍ଗ୍ ହିତ୍‌ତି ନିୟମ୍‌ତିଙ୍ଗ୍ ୱିଜୁଦିନ୍ ଟିକ୍ ଇଞ୍ଜି ପାର୍ମାଣ୍ କିଜି ଚଚିୟା ଆତାତ୍‌ନା। ଆରେ ହେ ନିୟମ୍‌ତିଙ୍ଗ୍ ୱେନ୍‌ୱି ଆରେ ମାନିକିୱି ମାନାୟାରିଙ୍ଗ୍ ଈଶ୍ୱର ଦଣ୍ଡ୍ ହିତାନ୍‌ନା।

ଏବ୍ରି 4:12

ଇନେସ୍‌କି ଈଶ୍ୱର କାତାତାକେ ଜିବୁନ୍ ଆରେ ଶାକ୍ତି ମାନାତ୍। ରିପଣ୍ଡାଙ୍ଗ୍ ଦାରା ମାନି ହୁରିତାଙ୍ଗ୍ ପା ଇଦାଙ୍ଗ୍ ଆଦିକ୍ ଦାରା ମାନାତ୍, ଆରେ ମାନ୍ ଆରେ ପାରାଣ୍, ଗାଟିଙ୍ଗ୍ ଆରେ ପେଣ୍‌ନି ରାସ୍‌ତିଙ୍ଗ୍ ଜେକ-ଜେକ କିଜି ବାଗ୍ କିନାତ୍। ଇଦାଙ୍ଗ୍ ମା ମାନ୍ତି ଚିନ୍ତା ଆରେ ବାବ୍‌ନାତିଙ୍ଗ୍ ଚଚ୍‌ଚାନାତ୍।

ଏବ୍ରି 5:12

ଏପେଙ୍ଗ୍ ବେସି ଦିନ୍‌ନି ଖ୍ରୀଷ୍ଟାନ୍ ମାନାୟ୍ କାଦେର୍, ଆରେ ଏପେଙ୍ଗ୍ ଜେକନିକାରିଙ୍ଗ୍ ହିକ୍ଷାହିନି ଦର୍‌କାର୍ ମାଚାତ୍। ମାତର୍ ମିଙ୍ଗେଙ୍ଗ୍ ଈଶ୍ୱର କାତାନି ମୁଡ଼୍ ବିଷୟ ଆରେରଗ ହିକାଇ କିଦ୍‌ଦେଙ୍ଗ୍ ଆରେ ରକାନ୍ ମାଷ୍ଟେର୍ ଦର୍‌କାର୍ ଆଦ୍‌ନାତା। ହିରୁ ହିମ୍‌ଣା ଇନେସ୍ କାଦି ଚିଞ୍ଜେଙ୍ଗ୍ ଆଡ୍‌ୱାଦାଙ୍ଗ୍ ମାଁୟ୍ ଉଣ୍‌ଜି ମାନାନ୍, ହେଲେକେ ଏପେଙ୍ଗ୍ ହିରୁ ହିମ୍‌ଣା ଆତାଦେର୍‌ନା।

୧ ପିତର 4:11

ହେଦାଙ୍ଗ୍ ଇଲେକେ, ଯଦି ଈଶ୍ୱର ମିଙ୍ଗେଙ୍ଗ୍ ଶୁଣାୟ୍ କିନି ଦାନ୍ ହିତ୍‌ତାନ୍‌ନା, ଲାଗିଙ୍ଗ୍ ଏପେଙ୍ଗ୍ ଈଶ୍ୱର ହାର୍ଦିକାବୁର୍‌ତିଙ୍ଗ୍ ଶୁଣାୟ୍ କିନି ଦର୍‌କାର୍। ଯଦି ଈଶ୍ୱର ମିଙ୍ଗେଙ୍ଗ୍ ଜେକନିକାରିଙ୍ଗ୍ ସାଇଜ କିଦେଙ୍ଗ୍ ଦାନ୍ ହିତ୍‌ତାନ୍‌ନା, ଲାଗିଙ୍ଗ୍ ଏପେଙ୍ଗ୍ ଯୀଶୁ ଖ୍ରୀଷ୍ଟ କାଜିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ହିତ୍‌ତି ୱିଜୁ ଶାକ୍ତିତାଙ୍ଗ୍ ହେଦାଙ୍ଗ୍ କିୟାଟ୍। ଆରେ ଏପେଙ୍ଗ୍ ୱିଜୁ ଜିନିଷ୍ କିତିସ୍ ଖ୍ରୀଷ୍ଟ କାଜିଙ୍ଗ୍ ଈଶ୍ୱର ଗୌରବ ପାୟା ଆନାନ୍, ଇନେସ୍‌କି ୱିଜୁ ଗୌରବ ଆରେ ଶାକ୍ତି ଈଶ୍ୱରତି ଇମ୍‌ଣାକା କି ୱିଜୁଦିନ୍ କାଜିଙ୍ଗ୍ ମାନ୍‌ଗାନାତ୍। ଆମେନ୍।