ପକ୍ୟାତାକା 7:36 - New Testament in Pengo Parja Language

³⁶ ଆରେ ହେୱାନ୍ ମିସର ଦେସ୍‌ତାଙ୍ଗ୍ ହେୱାରିଙ୍ଗ୍ ହପ୍‌ଚି ତାତାନ୍‌। ହେୱାନ୍ ମିସର ଦେସ୍‌ତାକେ, ସୁପ ହାମ୍‌ଦୁର୍‌ତାକେ ଆରେ ଚାଲିଶ୍ ବାର୍ହୁ ପାତେକ୍ ଟାଙ୍ଗ୍ରାବାହାତାକେ ବାରବିନି ଚାନିଆଆନି କାମାୟ୍ କିତାନ୍।

ସତ୍‌ ବଚନ୍‌ ପୁନି ନିୟମ୍‌

³⁶ ଇ ମୁଣିକା ମିସର୍‌ ଦେସ୍‌, ନେତେର୍‌ ହାମ୍‌ଦୁର୍‌ ଆରି ରିକଡ଼ି ବାର୍ହୁ ପାତେକ୍‌ ବାଟାତ ବାର୍‍ବିନି କାବାନି କାମାୟ୍‌ ଆରି ଚିନ୍‌କୁ ସାଦନ୍‌ କିଜ଼ି ହେୱାରିଂ ହପ୍‍ଚି ତାହିୱାତାନ୍‌ ।

ପକ୍ୟାତାକା 7:36 ပူးပေါင်းရင်းမြစ်များ

ଜହନ୍‌ 4:48

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ଚାନିଆଆନି କାମାୟ୍ ହୁଡ଼୍‌ୱିତିସ୍, ଏପେଙ୍ଗ୍ ଇନାୱେଡ଼ାଙ୍ଗ୍ ନାଙ୍ଗେଙ୍ଗ୍ ପାର୍ତି କିଦୁଦେର୍।”

ପକ୍ୟାତାକା 13:18

ହେୱାର୍ ଈଶ୍ୱରତିଙ୍ଗ୍ ମାନିକିୱାଦାଙ୍ଗ୍ ମାଚିସ୍ ପା, ହେୱାନ୍ ହେ ମାନାୟାରିଙ୍ଗ୍ ଚାଲିଶ୍ ବାର୍ହୁ ପାତେକ୍ ଟାଙ୍ଗ୍ରାବାହାତାକେ ଜାତୁନ୍ କିତାନ୍।

ପକ୍ୟାତାକା 7:42

ଲାଗିଙ୍ଗ୍ ଈଶ୍ୱର ହେୱାରିଙ୍ଗ୍ ରିସାଆଜି ୱେଡ଼ା, ଲେଞ୍ଜ୍ ଆରେ ବାଦାଡ଼୍‌ନି ହୁକାକାଙ୍ଗ୍ ପୁଜା କିଦେଙ୍ଗ୍ ପିସ୍ତି ହିତାନ୍। ଇନେସ୍‌କି ଭବିଷ୍ଯତବକ୍ତାର୍ ସାସ୍ତର୍‌ତାକେ ଈଶ୍ୱର ୱେଚ୍‌ଚାନ୍‌ନା, ‘ଏ ଇସ୍ରାଏଲ ଜାତିନି ମାନାୟାର୍, ଟାଙ୍ଗ୍ରାବାହାତାକେ ଚାଲିଶ୍ ବାର୍ହୁ ପାତେକ୍ ଏପେଙ୍ଗ୍ ମା କାଜିଙ୍ଗ୍ ପଶୁକାଙ୍ଗ୍ ବଲିପୁଜା କିତାଦେର୍, ଆରେ ବାରବିନି ଜିନିଷ୍ ହିତାଦେର୍ କି?

ଏବ୍ରି 3:8

ଲାଗିଙ୍ଗ୍ ଟାଙ୍ଗ୍ରାବାହାତାକେ ପରିକ୍ଷା ଆନି ଦିନ୍‌ତ ଇନେସ୍ ମି ଆକଦାଦିର୍ ଈଶ୍ୱରତିଙ୍ଗ୍ ମାନିକିୱାଦାଙ୍ଗ୍ ମାଚାର୍। ହେଲେକେ ଏପେଙ୍ଗ୍ ଜାର୍-ଜାର୍ ଗରବ୍‌ତିଙ୍ଗ୍ ମାନ୍ ଆଟ୍‌ୱା କିମାଟ୍।”

ଏବ୍ରି 3:9

“ହେ ଟାଙ୍ଗ୍ରାବାହାତାକେ ଚାଲିଶ୍ ବାର୍ହୁ ପାତେକ୍ ହେୱାର୍ ଆନେଙ୍ଗ୍ କିତି ଚାନିଆଆନି କାମାୟ୍ ହୁଡ଼୍‌ତି ପାଚେ ପା, ମି ଆକଦାଦିର୍ ନାଙ୍ଗେଙ୍ଗ୍ ପରିକ୍ଷା କିଜି ଚେକ୍ କିଜି ମାନ୍‌ଞ୍ଚାର୍।”

ଏବ୍ରି 8:9

ଆନେଙ୍ଗ୍ ହେୱାର୍ ଆକାଦାଦିରିଙ୍ଗ୍ କେଇ ଆସ୍ତି ମିସର ଦେସ୍‌ତାଙ୍ଗ୍ ହପ୍‌ଚି ତାସିୱାତିହିଙ୍ଗ୍, ଇମ୍‌ଣି ପାର୍ମାଣ୍ ୱେଚ୍‌ଚି ମାନ୍‌ଞ୍ଚାଙ୍ଗ୍, ହେଲେକେ ଇ ପୁନି ପାର୍ମାଣ୍ ଆଉତ୍। ଇନେସ୍‌କି ହେୱାର୍ ଆନେଙ୍ଗ୍ ହିଜିମାଚି ନିୟମ୍‌ତିଙ୍ଗ୍ ମାନି କିୱାତାର୍, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ହେୱାର୍ କାଜିଙ୍ଗ୍ ଦିୟାନ୍ ହିୱାତାଙ୍ଗ୍, ଇଦାଙ୍ଗ୍ ମାପୃ ୱେଚ୍‌ନାନା।