ପକ୍ୟାତାକା 7:35 - New Testament in Pengo Parja Language

³⁵ ଇ ମୋଶାଙ୍ଗ୍ ଇସ୍ରାଏଲ ଜାତି ନିକାର୍ ମାନିକିୱାଦାଙ୍ଗ୍ ମାଚାର୍। ଆରେ ହେୱାର୍ ହେୱାନିଙ୍ଗ୍ ୱେଚ୍‌ଚାର୍, ‘ମାଙ୍ଗେଙ୍ଗ୍ ସାସନ୍ କିଦେଙ୍ଗ୍ ଆରେ ବିଚାର୍ କିଦେଙ୍ଗ୍ ଇନେର୍ ନିଙ୍ଗେଙ୍ଗ୍ ବାଚି କିତ୍‌ତାନ୍‌ନା?’ ମାତର୍ ଈଶ୍ୱର ବୁଟାତାଙ୍ଗ୍ ମଶାଙ୍ଗ୍ ଚଞ୍ଜିଆତାନ୍, ଆରେ ଦୁତ୍ ମଶାଙ୍ଗ୍ ହେୱାରିଙ୍ଗ୍ ସାସନ୍ କିଦେଙ୍ଗ୍ ଆରେ ମିସର ଦେସ୍‌ନି ହଲିଆ କାମାୟ୍‌ତାଙ୍ଗ୍ ଉଦାର୍ କିଦେଙ୍ଗ୍ ହେୱାନିଙ୍ଗ୍ ପକ୍ତାନ୍‌ନା

ସତ୍‌ ବଚନ୍‌ ପୁନି ନିୟମ୍‌

³⁵ “ଇନେର୍‌ ନିଂ ମୁଡ଼୍‌ଦାକାନ୍‌ ଆରି ବିଚାର୍‌କାର୍‌ୟା ଲାକେ ବାଚି କିତ୍‌ତାନ୍‌ ଇଞ୍ଜି ଇଞ୍ଜି ଇ ଇମ୍‌ଣି ମସାଙ୍ଗ୍‌ ହେୱାର୍‌ ମାନିକିୱାଦାଂ ମାଚାର୍‌, ହେୱାନିଂ ଇସ୍ୱର୍‌ ବୁଟାତ ଚଞ୍ଜ୍ୟା ଆଜ଼ି ଦୁତ୍‌ତି ଉପ୍‌କାର୍‌ତାଂ ସାସନ୍‌ ଆରି ଉଦାର୍‌କାର୍‌ୟା କିଜ଼ି ପକ୍‌ତାନ୍‌ ।

ପକ୍ୟାତାକା 7:35 ပူးပေါင်းရင်းမြစ်များ

ମାର୍କ 12:26

ଏପେଙ୍ଗ୍ ମୋଶା ଲେକିକିତି ସାସ୍ତର୍ ପଡ଼ି କିୱାତାଦେର୍‍ନା କି? କାଚାଆନି ବୁଟାତାଙ୍ଗ୍ ଈଶ୍ୱର ମଶାଙ୍ଗ୍ ବେଣ୍‌କିତାନ୍ ଆରେ ୱେଚ୍‌ଚାନ୍, ‘ଆନେଙ୍ଗ୍ ମି ଆକଦାଦିର୍, ଅବ୍ରାହାମ୍‌, ଇସାକ ଆରେ ଯାକୁବ ଇନେରିଙ୍ଗ୍ ହେବାକିଜି ମାଚାର୍ ଆନେଙ୍ଗ୍ ହେ ଈଶ୍ୱର।’

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 19:14

ମାତର୍ ତା ଦେସ୍ତି ମାନାୟାର୍ ହେୱାନିଙ୍ଗ୍ ଗିଣ୍‌କିଜି ମାଚାର୍। ଆରେ ହେୱାର୍ କେତେକ୍ ଡାଣ୍ଡାସିରିଙ୍ଗ୍ ମହା ରାଜାତାକେ ଇ କାତା ୱେଚ୍‌ଚି ପକ୍ତାର୍। ‘ଇୱାନ୍ ରାଜାଆଜି ମାଙ୍ଗେଙ୍ଗ୍ ସାସନ୍ କିଦେନ୍ ଇଞ୍ଜି ମା ଇଚା ଆକାୟ୍।’

ଜହନ୍‌ 18:40

ମାତର୍ ଯିହୁଦିର୍ ଗାଜାକାଟ୍ କିଜି ୱେଚ୍‌ଚାର୍, “ଆକାୟ୍, ଇୱାନିଙ୍ଗ୍ ଆକାୟ୍। ବାରବ୍‌ବାଙ୍ଗ୍ ପିସ୍ତିହିଦା।” ଇ ବାରବ୍‌ବା ରକାନ୍ ଚର୍ ମାଚାନ୍।

ଜହନ୍‌ 19:15

ଯିହୁଦିର୍ ଗାଜାକାଟ୍ କିଜି ୱେଚ୍‌ଚାର୍, “ଇୱାନିଙ୍ଗ୍ ଦେହା ଅସାହାଲାଟ୍। ଇୱାନିଙ୍ଗ୍ କୃଶକାଟ୍‌ତାକେ ଦୁପ୍‌ଚି ଅହାଟ୍।” ପିଲାତ ଗବର୍‌ନର୍ ଯିହୁଦିରିଙ୍ଗ୍ ୱେନ୍‌ବାତାନ୍, “ଏପେଙ୍ଗ୍ ଇନାକା ଇଚା କିନାଦେରା? ଆନେଙ୍ଗ୍ ମି ରାଜାଙ୍ଗ୍ କୃଶକାଟ୍‌ତାକେ ଦୁପ୍‌ଚି ଅହ୍‌ନାଙ୍ଗ୍?” ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍ ଚେରାଆଜି ୱେଚ୍‌ଚାର୍‌, “କାଇସର୍ ମହା ରାଜା ନେ ମା ରାଜା।”

ପକ୍ୟାତାକା 2:36

ଲାଗିଙ୍ଗ୍ ୱିଜାକାଦେର୍ ଇସ୍ରାଏଲ ଜାତିରିଙ୍ଗ୍ ହାତ୍‌ପା ପୁନାଟ୍, ଇମ୍‌ଣି ଯୀଶୁଙ୍ଗ୍ ଏପେଙ୍ଗ୍ କୃଶକାଟ୍‌ତାକେ ଅସ୍ତାଦେର୍, ହେୱାନିଙ୍ଗ୍ ଈଶ୍ୱର, ମାପୃ ଆରେ ଖ୍ରୀଷ୍ଟ ଇ ପାଦ୍ ପାୟାଆତାନ୍‌ନା।”

ପକ୍ୟାତାକା 3:22

ମୋଶା ଭବିଷ୍ଯତବକ୍ତା ୱେଚ୍‌ଚି ମାଚାନ୍, ‘ମାପୃ ଈଶ୍ୱର ମି ଟଣ୍ଡାର୍ ବିତ୍ରେତାଙ୍ଗ୍ ମି କାଜିଙ୍ଗ୍, ନା ଲେଗ୍‌ଦି ରକାନ୍ ଭବିଷ୍ଯତବକ୍ତାତିଙ୍ଗ୍ ପକ୍ତାନାନ୍। ଇମ୍‌ଣି-ଇମ୍‌ଣି ବିଷୟତିଙ୍ଗ୍ ହେୱାନ୍ ମିଙ୍ଗେଙ୍ଗ୍ ୱେଚ୍‌ଚାନାନ୍। ହେ ୱିଜୁ ବିଷୟତିଙ୍ଗ୍ ଏପେଙ୍ଗ୍ ୱେନାଦେର୍।

ପକ୍ୟାତାକା 5:31

ଈଶ୍ୱର ହେୱାନିଙ୍ଗ୍ ସରଗ୍‌ଜପି ଅଜି ଆଦିକାର୍ ହିତାନ୍‌ନା, ଆରେ ହେୱାନ୍ ଯୀଶୁଙ୍ଗ୍ ଉଦାର୍ କିଦ୍‌ନାକାନ୍ ଲେକେ ରସ୍ତାନ୍‌ନା। ଇନେସ୍‌କି ହେୱାନ୍ ଇସ୍ରାଏଲ ଜାତିନି ମାନାୟାରିଙ୍ଗ୍ ତା ପାପ୍ କାମାୟ୍ ପିସ୍ତି ଈଶ୍ୱରତାକେ ୱାଦେଙ୍ଗ୍ ସାଇଜ କିନାନ୍। ଆରେ ହେୱାର୍ ପାପ୍‌ତିଙ୍ଗ୍ କେମା କିନାନ୍।

ପକ୍ୟାତାକା 7:30

ମୋଶା ମିଦିୟନ ଦେସ୍‌ତାକେ ଚାଲିଶ୍ ବାର୍ହୁ ବାହାକିତି ପାଚେ, ସିନୟ ମାଡ଼ିନି ଟାଙ୍ଗ୍ରାବାହାତାକେ ରଞ୍ଜାଙ୍ଗ୍ କାଚାଆନି ବୁଟାତାଙ୍ଗ୍ ଈଶ୍ୱର ଦୁତ୍ ଲେକେ ଆଜି ମୋଶାଙ୍ଗ୍ ଚଞ୍ଜିଆତାନ୍।

ପକ୍ୟାତାକା 7:51

ସ୍ତିପାନ ଆରେରଗ ୱେଚ୍‌ଚାନ୍, “ଏପେଙ୍ଗ୍ ବେସି ଅବୁଜା ମାନାୟ୍ କାଦେର୍। ଲାଗିଙ୍ଗ୍ ଏପେଙ୍ଗ୍ ଈଶ୍ୱର କାତାତିଙ୍ଗ୍ ୱେନୁଦେରା କି ମାନି କିଉଦେରା। ଏପେଙ୍ଗ୍ ମି ଆକଦାଦିର୍ ପାପ୍ କିତିଲେକେ ଏପେଙ୍ଗ୍ ପାପ୍ କିତାଦେର୍‌ନା। ହେଦାଙ୍ଗ୍ କାଜିଙ୍ଗ୍ ପବିତ୍ର ଆତ୍ମାତିଙ୍ଗ୍ ବିରଦ୍ କିନାଦେରା।

କଲସିୟ 1:15

ଆପେଙ୍ଗ୍ ଇନାୱେଡ଼ାଙ୍ଗ୍ ଈଶ୍ୱରତିଙ୍ଗ୍ ହୁଡ଼୍‌ୱାତାପ୍‌ନା, ମାତର୍ ଏଚେପାଦ୍ନା ତା ମେହି ଯୀଶୁ ଖ୍ରୀଷ୍ଟ ମାନାୟ୍ ରୁପ୍ ଆଜି ୱାତାନ୍, ହେୱାନ୍ ଈଶ୍ୱର ଇନେସ୍ ଚଞ୍ଜ୍‌ନାନା ହେଦାଙ୍ଗ୍ ବୁଜା ଆଦେଙ୍ଗ୍ ମାଙ୍ଗେଙ୍ଗ୍ ସାଇଜ କିତ୍‌ତାନ୍। ଇନେସ୍‌କି ହେୱାନ୍ ଈଶ୍ୱରଲେକେ ମାଚାନ୍। ଈଶ୍ୱର ଉବ୍‌ଜାଇ କିତି ଆଗେ ହେୱାନ୍ ମାଚାନ୍ ଆରେ ୱିଜୁ ଉବ୍‌ଜାଇ କିଜି ଜିନିଷ୍ ଜପି ଗାଜା ଆଦିକାରି ମାଚାନ୍।

ଏବ୍ରି 2:2

ଈଶ୍ୱର ଦୁତ୍‌କୁତାଙ୍ଗ୍ ହିତ୍‌ତି ନିୟମ୍‌ତିଙ୍ଗ୍ ୱିଜୁଦିନ୍ ଟିକ୍ ଇଞ୍ଜି ପାର୍ମାଣ୍ କିଜି ଚଚିୟା ଆତାତ୍‌ନା। ଆରେ ହେ ନିୟମ୍‌ତିଙ୍ଗ୍ ୱେନ୍‌ୱି ଆରେ ମାନିକିୱି ମାନାୟାରିଙ୍ଗ୍ ଈଶ୍ୱର ଦଣ୍ଡ୍ ହିତାନ୍‌ନା।

ହତ୍‌ତି 15:3

ଆରେ ହେୱାର୍ ଈଶ୍ୱର ଦାସ୍ ମୋଶା ହିକାୟ୍ କିତି କେର୍‌କଣ୍ ଆରେ ମେଣ୍ଢା ଇନେର୍‌କି ଯୀଶୁ ଲେକେ, ତା କେର୍‌କଣ୍ କେର୍‌ଜି ମାଚାର୍। “ହେ ମାପୃ ୱିଜୁ ଶାକ୍ତିମାନି ଈଶ୍ୱର, ଏନେଙ୍ଗ୍ କିନି ୱିଜୁ କାମାୟ୍ ଗାଜା ଆରେ ମାଙ୍ଗେଙ୍ଗ୍ ଚାନିଆ କିଦ୍‌ନାୟା, ଏନେଙ୍ଗ୍‍ନେ ୱିଜୁ ଦେସ୍ତି ରାଜା, ଏନେଙ୍ଗ୍ କିନି ୱିଜୁ କାମାୟ୍ ଟିକ୍ ଆରେ ଦରମ୍।