ପକ୍ୟାତାକା 6:1 - New Testament in Pengo Parja Language

¹ ହେପାଦ୍ନା ଚେଲାହିର୍ ବେସି ବାଡା ଆଜି ମାଚାର୍‌। ଲାଗିଙ୍ଗ୍ ଗ୍ରୀକ୍ ବାଷା ୱେଚ୍‌ନି ଯିହୁଦି ଚେଲାର୍, ଏବ୍ରୀ ବାଷା କିନି ଯିହୁଦି ଚେଲାରିଙ୍ଗ୍ ବିରଦ୍ କିଜି ୱେଚ୍‌ଚେଙ୍ଗ୍ ଲାଗାତାର୍। ଇନେସ୍‌କି ଏବ୍ରୀ ବାଷାନି ଯିହୁଦି ଚେଲାର୍ ରାଣ୍ଡି କଗ୍‍ଲେକାଙ୍ଗ୍ କାଦି କି ଡାବୁଙ୍ଗ୍ ହିନିହିଙ୍ଗ୍ ଗ୍ରୀକ୍ ବାଷା ୱେଚ୍‌ନି ଯିହୁଦି ଚେଲାର୍ ରାଣ୍ଡି କଗ୍‍ଲେକାଙ୍ଗ୍ ହାର୍‌ଦାଙ୍ଗ୍ ହିୱାଦାଙ୍ଗ୍ ମାଚାର୍।

ସତ୍‌ ବଚନ୍‌ ପୁନି ନିୟମ୍‌

¹ ଇ ୱେଡ଼ାଲିଂ, ଏଚେକାଡ଼୍‌ଦ ଚେଲାର୍‌ ବାଡା ଆଜ଼ି ମାଚାର୍‌, ହେୱାଡ଼ାଂ ଗ୍ରିକ୍‌ ବାସାନିକାର୍ ଜିହୁଦିର୍‌ ଏବ୍ରିୟ ବାସାନି ଜିହୁଦି ବିରୁଦ୍‍ତ ନିନ୍ଦା କିଦେଙ୍ଗ୍‌ ଲାଗାତାର୍‌, ଇନାକିଦେଂକି ନିତ୍ରେ ହେବା କିଦେଙ୍ଗ୍‌ ହେୱାର୍‌ତି ରାଣ୍ଡିକାଂ ପାଚାରି କିୱାଦାଂ ମାଚାର୍‌ ।

ପକ୍ୟାତାକା 6:1 ပူးပေါင်းရင်းမြစ်များ

ମାତିଉ 23:13

ଏ ପଣ୍ଡିତ୍‌ ଆରେ ପାରୁସିଦଳ୍‍ନି ମାନାୟ୍ କାଦେର୍, ଇନେସ୍‌କି ଏପେଙ୍ଗ୍ ସେସ୍‌ଦିନ୍ କେତେକ୍ ବୟଙ୍କାର୍! ଆରେ ହାନି ପାଟ୍‌କାର୍ ମାନାୟ୍, ଈଶ୍ୱର ସାସନ୍ କିନି ରାଜିତାକେ ହାନି ହାଜି ବନ୍ଦ୍ କିତାଦେର୍‌ନା। ଜାର୍ ହେବେ ହାଲୁଦେରା ଆରେ ଇମ୍‌ଣାକାର୍ ହାଞ୍ଜେଙ୍ଗ୍ ଉପାୟ୍ କିନାରା, ହେୱାରିଙ୍ଗ୍ ହାଞ୍ଜେଙ୍ଗ୍ ହିଉଦେରା।

ପକ୍ୟାତାକା 11:20

ମାତର୍ ହେୱାର୍ ବିତ୍ରେତାଙ୍ଗ୍ କେତେକ୍ କୁପ୍ରିୟ ଦ୍ୱିପ୍ ଆରେ କୁରିଣିୟ ସହର୍‌ନି ମାନାୟାର୍ ଆନ୍ତିୟକିଆ ସହର୍‌ତାକେ ୱାତାର୍। ଆରେ ହେୱାର୍ ଗ୍ରୀକ୍ ଜାତି ମାନାୟାର୍‌ତାକେ ଯୀଶୁ ଖ୍ରୀଷ୍ଟ ବିଷୟରେ ହାର୍ଦିକାବୁର୍ ଶୁଣାୟ୍ କିତାର୍।

ପକ୍ୟାତାକା 11:26

ହେୱାନ୍ ହେବେ ଶାଉଲତିଙ୍ଗ୍ ଗିଟାଆତାନ୍। ଆରେ ବର୍ଣ୍ଣବା ହେୱାନିଙ୍ଗ୍ ଆନ୍ତିୟକିଆ ସହର୍‌ତାକେ କୁକ୍‌ଚି ତାତାନ୍‌। ଲାଗିଙ୍ଗ୍ ଶାଉଲ ଆରେ ବର୍ଣ୍ଣବା ହେ ମଣ୍ଡ୍‌ଲି ହୁଦାଙ୍ଗ୍ ର ବାର୍ହୁ ପାତେକ୍ ମାଚାର୍, ବେସିହେନି ମାନାୟାରିଙ୍ଗ୍ ହିକ୍ଷା ହିତାର୍। ଆରେ ଆନ୍ତିୟକିଆ ସହର୍‌ତାକେ ପାର୍ତିକିନି ଚେଲାହିରିଙ୍ଗ୍ ପାର୍ତୁମ୍ ଖ୍ରୀଷ୍ଟାନ୍ ଇଞ୍ଜି ୱେଚ୍‌ଚାର୍।

ପକ୍ୟାତାକା 11:29

ଲାଗିଙ୍ଗ୍ ଚେଲାର୍ ଆନ୍ତିୟକିଆ ସହର୍‌ନି ମଣ୍ଡ୍‌ଲିନି ପାର୍ତି କିନାକାର୍ ଜାର୍ ଶାକ୍ତି ହୁଡ଼୍‌ଜି, ଯିହୁଦା ଜିଲ୍ଲାତାକେ ମାନି ପାର୍ତିକିନି ଟଣ୍ଡାରିଙ୍ଗ୍ ସାଇଜ ପକ୍ତେଙ୍ଗ୍ ଇଚାକିତାର୍।

ପକ୍ୟାତାକା 2:41

ହେବେତାଙ୍ଗ୍ ଇମ୍‌ଣାକାର୍ ହେୱାନ୍ କାତା ୱେଚାର୍, ହେୱାର୍ ଡୁବନ୍ ଅତାର୍, ଆରେ ହେ ଦିନ୍ ପାକାପାକି ତିନ୍ ହାଜାର୍ ମାନାୟାର୍ ମଣ୍ଡ୍‌ଲି ହୁଦାଙ୍ଗ୍ ମେହାଆତାର୍।

ପକ୍ୟାତାକା 2:45

ହେୱାର୍ ଜାର୍-ଜାର୍ ଦନ୍ ସମ୍ଫତିତିଙ୍ଗ୍ ପତାର୍‌। ଆରେ ଇନେରିଙ୍ଗ୍ ଏଚେକ୍ ଦର୍‌କାର୍ ହେ ଏଚେକ୍ ଲାକା ୱିଜାକାର୍ ବାଟା କିବାଆତାର୍।

ପକ୍ୟାତାକା 2:47

ମାତର୍ ୱିଜାକାରିଙ୍ଗ୍ ସାଙ୍ଗ ଆଜି ମାଚାର୍, ଆରେ ଈଶ୍ୱର ରକ୍ଷା କିନି ମାନାୟାରିଙ୍ଗ୍, ୱିଜୁଦିନ୍ ମଣ୍ଡ୍‌ଲି ହୁଦାଙ୍ଗ୍ ମେହାଇ କିଦେଙ୍ଗ୍ ଲାଗାତାର୍।

ପକ୍ୟାତାକା 4:35

ଇନେସ୍‌କି ଇମ୍‌ଣାକାରିଙ୍ଗ୍ ଏଚେକ୍ ଦର୍‌କାର୍‌ଆନି ଏଚେକ୍ ହେ ବାଚିକିତି ଚେଲାହିର୍ ହିଜି ମାଚାର୍।

ପକ୍ୟାତାକା 4:4

ମାତର୍ ଈଶ୍ୱର କାତା ୱେନି ମାନାୟାର୍ ବିତ୍ରେତାଙ୍ଗ୍ କେତେକ୍ ହେନି ଯୀଶୁଙ୍ଗ୍ ପାର୍ତି କିତାର୍। ହେ ପାର୍ତିକିନାକାର୍‌ତାଙ୍ଗ୍ ପାକାପାକି ପାଞ୍ଚ୍ ହାଜାର୍ ଆଣ୍ଡ୍ରା ହିମ୍‌ଣାଙ୍ଗ୍ ମାଚାର୍।

ପକ୍ୟାତାକା 5:14

ଆରେ ଆଦିକ୍‌ତାଙ୍ଗ୍ ଆଦିକ୍ ଆଣ୍ଡ୍ରା ହିମ୍‌ଣାଙ୍ଗ୍ ଆରେ କଗ୍‍ଲେକ୍ ପାର୍ତି କିଜି ମାପୃ ହୁଦାଙ୍ଗ୍ ମେହାଆଦେଙ୍ଗ୍ ଲାଗାତାର୍।

ପକ୍ୟାତାକା 5:28

“ଆପେଙ୍ଗ୍ ମିଙ୍ଗେଙ୍ଗ୍ ଯୀଶୁ ତର୍‍ଦାଙ୍ଗ୍ ହିକ୍ଷାହିଦେଙ୍ଗ୍ ମୁନା କିତ୍‌ତାପ୍‌ନା। ମାତର୍ ଏପେଙ୍ଗ୍ ତା ବିଷୟରେ ଯିରୁଶାଲାମ ସହର୍‌ନି ବେସି ମାନାୟାରିଙ୍ଗ୍ ହିକ୍ଷା ହିତାଦେର୍‌ନା। ଇ ମାନାୟ୍‌ତିଙ୍ଗ୍ ନେତେର୍ ହପ୍‌ଚି ଟ୍ରାକ୍‌ତି ଦସ୍ ମା ଜପି ଲେଦି କିଦ୍‌ଦେଙ୍ଗ୍ ଇଚା କିନାଦେରା।”

ପକ୍ୟାତାକା 6:2

ହେବେତାଙ୍ଗ୍ ବାରଜାଣ୍ ବାଚିକିତି ଚେଲାହିର୍ ଯିରୁଶାଲାମ ସହର୍‌ତାକେ ମାନି ଜେକନି ଚେଲାହିଙ୍ଗ୍ ଲାଗାୟ୍ କୁକ୍‌ଚି ୱେଚ୍‌ଚାର୍, “ଈଶ୍ୱର କାତା ଶୁଣାୟ୍ କିନାକା ପିସ୍ତି କାଦି କି ଡାବୁଙ୍ଗ୍ ବାଟା କିନିତାକେ ଆସେଙ୍ଗ୍ ଡାନ୍‌ଞ୍ଜି ମାନାକା ମା କାଜିଙ୍ଗ୍ ହାର୍ ଆକାୟ୍।

ପକ୍ୟାତାକା 6:7

ଲାଗିଙ୍ଗ୍ ବାଚିକିତି ଚେଲାର୍ ଈଶ୍ୱର କାତା ଶୁଣାୟ୍ କିଦେଙ୍ଗ୍‌ ବୁଲାଆଦେଙ୍ଗ୍ ଲାଗାତାର୍, ଆରେ ଯିରୁଶାଲାମ ସହର୍‌ତାକେ ଯୀଶୁତାକେ ପାର୍ତିକିନି ଚେଲାହିର୍ ଆଦିକ୍ ବାଡା ଆଦେଙ୍ଗ୍ ଲାଗାତାର୍। ହେୱାର୍ ବିତ୍ରେତାଙ୍ଗ୍ ଯିହୁଦି ପୁଜାରିର୍ ପା ବେସିହେନି ଯୀଶୁ ହାର୍ଦିକାବୁର୍‌ତିଙ୍ଗ୍ ପାର୍ତି କିତାର୍।

ପକ୍ୟାତାକା 9:29

ହେୱାନ୍ ଗ୍ରୀକ୍ ବାଷା କିନି ଯିହୁଦି ଜାତିନି ମାନାୟାରିଙ୍ଗ୍ ପା ଯୀଶୁ ବିଷୟରେ ୱେଚ୍‌ଚାନ୍, ଆରେ ହେୱାନ୍ ହେୱାର୍ ହୁଦାଙ୍ଗ୍ ଜୁକ୍ତି କିଜି ମାଚାନ୍। ମାତର୍ ହେୱାର୍ ହେୱାନିଙ୍ଗ୍ ମାର୍ନେ ଅସ୍ତେଙ୍ଗ୍ ଉପାୟ୍ କିଦେଙ୍ଗ୍ ଲାଗାତାର୍।

ପକ୍ୟାତାକା 9:39

ଲାଗିଙ୍ଗ୍ ପିତର ନିଙ୍ଗ୍‌ଞ୍ଜି ହେୱାର୍ ହୁଦାଙ୍ଗ୍ ହାଚାନ୍। ହେୱାନ୍ ୱାତି ଦାପ୍ରେ ହେୱାର୍ ହେୱାନିଙ୍ଗ୍ ହେ ମାଡ଼ା ଇଡ଼୍‌ତି ଜପ୍‌ଣି ପାଉଜ୍‍ତ ଅସାହାଚାର୍, ଆରେ ହେବେ ରାଣ୍ଡି କଗ୍‍ଲେକ୍ ୱିଜେକିକ୍ ପିତର ଚାରିବେଣ୍‌ତାଙ୍ଗ୍ ଆଜି ଆଡ଼୍‌ବିତିକ୍। ଦର୍କା ହେୱେକ୍ ହୁଦାଙ୍ଗ୍ ମାନିହିଙ୍ଗ୍ ଇମ୍‌ଣିୱିଜୁ ହେନ୍ଦ୍ରାପାଟା ସିଲାଇ କିଜି ମାଚିକ୍, ହେ ୱିଜୁ ଚଚ୍‌ଚିକ୍।

ପକ୍ୟାତାକା 9:41

ପିତର କେଇ ଆସ୍ତି ହେଦେଲିଙ୍ଗ୍ ନିକ୍ତାନ୍, ଆରେ ପାର୍ତି କିନାକାରିଙ୍ଗ୍ ଆରେ ରାଣ୍ଡି କଗ୍‍ଲେକାଙ୍ଗ୍ କୁକ୍‌ଚି ଜିବୁନ୍ କିଜି ଚଚ୍‌ଚାନ୍।

ରୋମିୟ 12:7

ଯଦି ଈଶ୍ୱର ମାନାୟାରିଙ୍ଗ୍ ହେବା କିଦେଙ୍ଗ୍ ଦାନ୍ ହିତ୍‌ତାନ୍‌ନା, ଲାଗିଙ୍ଗ୍ ଆସେଙ୍ଗ୍ ହାର୍ କିଜି ତା ହେବା କିନି ଦର୍‌କାର୍, ଆରେ ଯଦି ଈଶ୍ୱର ଇମ୍‌ଣାକାରିଙ୍ଗ୍ ହିକାୟ୍ କିନି ଦାନ୍ ହିତାନ୍‌ନା, ଲାଗିଙ୍ଗ୍ ହେୱାନ୍ ହାର୍ କିଜି ହିକାୟ୍ କିନି ଦର୍‌କାର୍।

୧ କରନ୍ତିୟ 10:10

ଆରେ ହେୱାର୍ ବିତ୍ରେତାଙ୍ଗ୍ କେତ୍‌ଜାଣ୍ ଇନେସ୍ ଈଶ୍ୱରତିଙ୍ଗ୍ ବିରଦ୍ କିଜି ୱେଚ୍‌ଚାର୍, ଲାଗିଙ୍ଗ୍ ଈଶ୍ୱର ବିନାସ୍ କିନି ଦୁତ୍‌ତିଙ୍ଗ୍ ପକ୍‌ଚି ହେୱାରିଙ୍ଗ୍ ବିନାସ୍ କିତାନ୍‌। ଲାଗିଙ୍ଗ୍ ଆସେଙ୍ଗ୍ ଈଶ୍ୱରତିଙ୍ଗ୍ ବିରଦ୍ କିଜି ଇନ୍‌ୱି ଦର୍‌କାର୍।

୨ କରନ୍ତିୟ 11:22

ହେୱାର୍ ଏବ୍ରୀ ଜାତିନି ମାନାୟ୍ ଇଞ୍ଜି ବାଟ୍‌ପାଣ୍ ଆତିସ୍, ଆନେଙ୍ଗ୍ ପା କିଦେଙ୍ଗ୍ ଆଡ଼୍‌ତାଙ୍ଗ୍‌ମା। ହେୱାର୍ ଇସ୍ରାଏଲ ଜାତିନି ମାନାୟ୍ ଇଞ୍ଜି ବାଟ୍‌ପାଣ୍ ଆତିସ୍, ଆନେଙ୍ଗ୍ ପା କିଦେଙ୍ଗ୍ ଆଡ଼୍‌ତାଙ୍ଗ୍‌ମା। ହେୱାର୍ ଅବ୍ରାହାମ କୁଟୁମ୍ ନିକାର୍ ଇଞ୍ଜି ବାଟ୍‌ପାଣ୍ ଆତିସ୍, ଆନେଙ୍ଗ୍ ପା କିଦେଙ୍ଗ୍ ଆଡ଼୍‌ତାଙ୍ଗ୍‌ମା।

ପିଲିପିୟ 3:5

ଆନେଙ୍ଗ୍ ଜନମ୍ ଆଜି ଆଡ଼୍‌ଦିନ୍‌ତ ସୁନତ ବିଦି କିତାଙ୍ଗ୍‌ନା। ଆନେଙ୍ଗ୍ ରକାଙ୍ଗ୍ ଇସ୍ରାଏଲ ଜାତିନି ମାନାୟ୍। ଆନେଙ୍ଗ୍ ବିନ୍ଯାମିନ ଲାତ୍ରା ନିକାଙ୍ଗ୍, ଆରେ ନା ଆୟାଆବା ଏବ୍ରୀ ଜାତିନି ମାନାୟ୍ ମାଚାର୍, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ପା ରକାଙ୍ଗ୍ ଏବ୍ରୀ ମାନାୟ୍। ଆରେ ଆନେଙ୍ଗ୍ ମୋଶା ଲେକିକିତି ନିୟମ୍‌ତିଙ୍ଗ୍ ମାନିକିନି ର ପାରୁସିଦଳ୍‍ନି ମାନାୟ୍ ମାଚାଙ୍ଗ୍।

୧ ତିମତି 5:3

ଇନେର୍ ହିଲ୍‌ୱି ରାଣ୍ଡି କଗ୍‍ଲେକାଙ୍ଗ୍ ସନ୍‌ମାନ୍ ହିଜି ଜାତୁନ୍ କିୟା।

୧ ତିମତି 5:9

ଇମ୍‌ଣି ରାଣ୍ଡି କଗ୍‌ଲେଙ୍ଗ୍ ଶାଟେ ବାର୍ହୁତାଙ୍ଗ୍ ଆଦିକ୍ ଆଜି ମାନ୍‌ଗାନାତ୍,

ଏବ୍ରି 13:1

ପାର୍ତିକିନି ଟଣ୍ଡେନ୍ ତଣ୍‌ଦେକ୍‌ତି ଲାଡ୍ ଲେକେ ଏପେଙ୍ଗ୍ ଲାଡ୍‌ତାଙ୍ଗ୍ ମାନାଟ୍।

ଜାକ୍‌ବ 1:27

ଟୁରା ହିମ୍‌ଣା ଆରେ ରାଣ୍ଡି କଗ୍‍ଲେକାଙ୍ଗ୍ ଜାତୁନ୍ କିଦେଙ୍ଗ୍ ଆରେ ପୁର୍ତିନି କରାପ୍ କାମାୟ୍‌ତାଙ୍ଗ୍ ମାନ୍‌ୱାଦାଙ୍ଗ୍ ଜାର୍‌ତିଙ୍ଗ୍ କରାପ୍ ଆଜି ମାନ୍‌ଗୁନ୍, ହେଦାଙ୍ଗ୍ ନେ ମା ଆବା ଈଶ୍ୱର ମୁମ୍‌ଦ ନିର୍ମଲ୍ ଆରେ ଟିକ୍‌ଟାକ୍ ଦରମ୍ ଜିବୁନ୍।

ଜାକ୍‌ବ 4:5

ଦରମ୍ ସାସ୍ତର୍‌ତାକେ ଲେକେଆତି ଇ ବିଷୟତିଙ୍ଗ୍ ଏପେଙ୍ଗ୍ ବୁଲ୍ ଇଞ୍ଜି ବାବିକିନାଦେରା କି?, ସାସ୍ତର୍‌ତାକେ ଲେକାଆତାତ୍‌ନା, “ଈଶ୍ୱର ପବିତ୍ର ଆତ୍ମାତିଙ୍ଗ୍ ମା ବିତ୍ରେ ବାହା କିଦେଙ୍ଗ୍ ହିତ୍‌ତାନ୍‌ନା। ଆରେ ହେୱାନ୍ ମାଙ୍ଗେଙ୍ଗ୍ ପୁରା ଆଦିକାର୍ କିଦେଙ୍ଗ୍ ର ମାନ୍ କିତାନ୍‌ନା।”

ଜାକ୍‌ବ 5:9

ଏ ପାର୍ତିକିନି ଟଣ୍ଡାର୍‌କାଦେର୍, ଏପେଙ୍ଗ୍ ଇନେସ୍ ଦଣ୍ଡ୍ ପାୟା ଆଉଦେର୍, ହେଦାଙ୍ଗ୍ କାଜିଙ୍ଗ୍ ଜାର୍-ଜାର୍‌ବିତ୍ରେ ଦସ୍ ହିଜି ୱେଚ୍‌ପା ଆମାଟ୍। ଇନେସ୍‌କି ଗାଜା ବିଚାର୍ କିନାକାନ୍ ଲାଗେ ମାନାନ୍।