ପକ୍ୟାତାକା 5:19 - New Testament in Pengo Parja Language

¹⁹ ମାତର୍ ମାପୃତି ର ଦୁତ୍ ମିକା ୱାଜି ଜଇଲ୍ ଇଲ୍‌ନି ଦୁୱେର୍ ୱିଜୁ ଜେତାନ୍ ଆରେ ହେୱାରିଙ୍ଗ୍ ବାର୍ତ ହପ୍‌ଚି ୱେଚ୍‌ଚାନ୍,

ସତ୍‌ ବଚନ୍‌ ପୁନି ନିୟମ୍‌

¹⁹ ମାତର୍‌ ରୱାନ୍‌ ମାପ୍ରୁତି ଦୁତ୍‌, ନାଣାୱେଡ଼ାଲିଂ ଜଇଲ୍‍ନି ଦୁୱେର୍‌ରିଂ ରିକ୍‍ତାତ୍‌ ଆରି ହେୱାରିଂ ହପ୍‍ଚି ତାସି ଇଚାତ୍‌,

ପକ୍ୟାତାକା 5:19 ပူးပေါင်းရင်းမြစ်များ

ମାତିଉ 1:20

ହେୱାନ୍ ଇଦାଙ୍ଗ୍ ମାନ୍ କିତି ପାଚେ, ମାପୃ ଦୁତ୍ କେଚ୍‍କଣ୍‌ତ ହେୱାନିଙ୍ଗ୍ ଚଞ୍ଜିଆଆଜି ୱେଚ୍‌ଚାତ୍, “ହେ ଦାଉଦ ରାଜା ଲାତ୍ରାନି ମେହି ଯୋଷେପ, ମରିୟମତିଙ୍ଗ୍ ବିବାଆଜି ଇଞ୍ଜ ଅଦେଙ୍ଗ୍ ପାଣ୍ଡ୍ରାଆମା, ଇନେସ୍‌କି ପବିତ୍ର ଆତ୍ମା ସାକ୍ତିତାଙ୍ଗ୍ ମରିୟମ ଗରବ୍‌ତ ମାନାତ୍।

ମାତିଉ 1:24

ଇବେତାଙ୍ଗ୍ ଯୋଷେପ ହୁଚ୍‌କାଣ୍‌କୁତାଙ୍ଗ୍ ନିଙ୍ଗ୍‌ଞ୍ଜି ଈଶ୍ଵରନି ଦୁତ୍ ହେୱାନିଙ୍ଗ୍ ଇନେସ୍‌କିଜି ଆଦେସ୍ ହିଜିମାଚାତ୍‌, ହେଲେକେ ଯୋଷେପ ମରିୟମତିଙ୍ଗ୍ ବିବାଆଜି ତାଞ୍ଜ ଅତାନ୍।

ମାତିଉ 2:13

ପଣ୍ଡିତାର୍ ବେତଲିହିମ୍ ସହର୍‌ତାଙ୍ଗ୍ ହାଚି ପାଚେ ଈଶ୍ୱରତି ରକାନ୍ ଦୁତ୍ କେଚ୍‍କଣ୍‌ତ ଯୋଷେପତିଙ୍ଗ୍ ଚଞ୍ଜିଆଆଜି ୱେଚ୍‌ଚାନ୍, “ନିଙ୍ଗା, ହିମ୍‌ଣା ଆରେ ତା ତେହିଙ୍ଗ୍ ଆସ୍ତି ମିସର୍ ଦେସ୍‌ତ ହାଲାଟ୍। ଆରେ ଏଚେପାଦ୍ନା ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ୱି ପାତେକ୍ ହେବେ ମାନାଟ୍। ଇନେସ୍‌କି ହେରୋଦ ରାଜା ହେ ହିମ୍‌ଣାଙ୍ଗ୍ ଅସ୍ତେଙ୍ଗ୍ ଦାହ୍‌ନାନା।”

ମାତିଉ 2:19

ହେରୋଦ ରାଜା ହାଃତି ପାଚେ ପା, ଯୋଷେପ ମିସର୍ ଦେସ୍‌ତ ବାହାକିଜି ମାଚାନ୍। ହେପାଦ୍ନା ପା କେଚ୍‍କଣ୍‌ତ ମାପୃ ଈଶ୍ୱରତି ରକାନ୍ ଦୁତ୍ ଯୋଷେପତିଙ୍ଗ୍ ଚଞ୍ଜିଆଆଜି ୱେଚ୍‌ଚାତ୍,

ମାତିଉ 28:2

ହେପାଦ୍ନା ର ଗାଜା ବୁମିକମ୍ପ୍ ଆତାତ୍। ମାପୃତି ର ଦୁତ୍ ସରଗ୍‌ତାଙ୍ଗ୍ ଜୁଜି ୱାତାନ୍। ହେ ଦୁତ୍ ଦୁଗେର୍ ଲାଗାୟ୍ ହାଚାନ୍ ଆରେ ଦୁଗେର୍ ମୁମ୍‌ଦି ଗାଜାକାଲ୍ ଗୁଚାଇ କିଜି ହେ କାଲ୍‌ଜପି କୁଚ୍‌ଚାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:11

ହେପାଦ୍ନା ଜିକରିୟଙ୍ଗ୍ ସରଗ୍‌ଦୁତ୍ ଚଚିୟାଆତାନ୍। ହେ ଦୁତ୍ ଦୁପ୍‌ନି ଆହିକିନି ତିନାବାଗାୟ୍ ନିଲ୍‌ଚି ମାଚାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 2:9

ମାପୃତି ରକାନ୍ ଦୁତ୍ ହେଦାପ୍ରେ ମେଣ୍ଢା ଗଡ଼ିୟାର୍ ମୁମ୍‌ଦ ଚଞ୍ଜିଆତାନ୍। ମାପୃ ଗୌରବ ହେୱାରିଙ୍ଗ୍ ଚାରିବେଣ୍‌ତାଙ୍ଗ୍ ଗୌରବ ଆତାତ୍।

ପକ୍ୟାତାକା 10:3

ଦିନେକ୍ ମିକାହାରେସ୍ ତିନ୍‌ଟା ୱେଡ଼ାଙ୍ଗ୍ ହେୱାନ୍ ର କେଚ୍‌କଣ୍ ହୁଡ଼୍‌ତାନ୍। ଈଶ୍ୱର ଦୁତ୍ ରକାନ୍ ତା ଲାଗାୟ୍ ୱାଜି କୁକ୍‌ତାନ୍, “ଏ କର୍ଣିଲିୟ।”

ପକ୍ୟାତାକା 12:23

ରାଜା ଈଶ୍ୱରତିଙ୍ଗ୍ ଜୟ୍-ଜୟ୍ କିୱିତିଲେ ହେଦାପ୍ରେ ସରଗ୍‌ଦୁତ୍ ହେୱାନିଙ୍ଗ୍ ର ରଗ୍ ଗିଟାଇ କିତାତ୍। ଆରେ ହେୱାନିଙ୍ଗ୍ ପିକୁ ଚିଚିଲେ ହେୱାନ୍ ହାଃତାନ୍।

ପକ୍ୟାତାକା 16:26

ହେପାଦ୍ନା ହେଦାପ୍ରେ ଗାଜା ବୁମିକମ୍ପ୍ ଆତାତ୍। ଆରେ ଜଇଲ୍ ଇଲ୍ ୱିଜୁ ଜଲା ଆଦେଙ୍ଗ୍ ଲାଗାତାତ୍, ଆରେ ହେଦାପ୍ରେ ଜଇଲ୍‌ନି ୱିଜୁ କାପାଟିଙ୍ଗ୍ ଜେୟା ଆତିକ୍, ଆରେ ୱିଜାକାରିଙ୍ଗ୍ ଗାଚ୍‌ଚାକା ରିଙ୍ଗ୍‌ଜି ହାଚିକ୍।

ପକ୍ୟାତାକା 27:23

ଆନେଙ୍ଗ୍ ଇମ୍‌ଣି ଈଶ୍ୱର ମାନାୟ୍, ଆରେ ଆନେଙ୍ଗ୍ ଇନେରିଙ୍ଗ୍ ପୁଜା କିନାଙ୍ଗା, ତା ରକାନ୍ ଦୁତ୍ ମିକା ନା ଲାଗାୟ୍ ନିଲ୍‌ଚି ୱେଚ୍‌ଚାତାତ୍।

ପକ୍ୟାତାକା 8:26

ରଦିନ୍ ଈଶ୍ୱରତି ର ଦୁତ୍ ପିଲିପତିଙ୍ଗ୍ ୱେଚ୍‌ଚାତ୍, “ନିଙ୍ଗା! ଯିରୁଶାଲାମ ସହର୍‌ତାଙ୍ଗ୍ ଗଜା ସହର୍‌ତାକେ ହାଞ୍ଜେଙ୍ଗ୍ ଏନେଙ୍ଗ୍ ତିନାବାଗାୟ୍‌ନି ହାଜ୍‌ଦିଙ୍ଗ୍ ହାଲା। ହେ ହାଜି ଟାଙ୍ଗ୍ରାବାହାତାକେ ମାନାତ୍।”