ପକ୍ୟାତାକା 4:32 - New Testament in Pengo Parja Language

³² ପାର୍ତିକିନି ମାନାୟାର୍ ର ମାନ୍ ଆରେ ର ଆତ୍ମା ଆଜି ମାଚାର୍। ହେୱାର୍ ବିତ୍ରେତାଙ୍ଗ୍ ଇନେର୍ ପା ଜାର୍ ଦନ୍ ସମ୍ପତିତିଙ୍ଗ୍ ନାଦାଙ୍ଗ୍ ଇଞ୍ଜି ଇନ୍‌ୱାଦାଙ୍ଗ୍ ମାଚାର୍। ମାତର୍ ହେୱାର୍ ୱିଜୁ ବିଷୟତିଙ୍ଗ୍ ହାମାନ୍ ଆଦିକାର୍ ମାଚାତ୍।

ସତ୍‌ ବଚନ୍‌ ପୁନି ନିୟମ୍‌

³² ପାର୍ତି କିନାକାରିଂ ଲକୁ ର ୱାସ୍କି ଆରି ର ପାରାଣ୍‍ତ ମାଚାର୍‌; ହେୱାର୍‌ତି ବିତ୍ରେ ଇନେର୍‌ପା ଜାର୍‌ ସଂପତିତାଂ ଇଚୁକ୍‌ ଜାର୍ତି ଇଞ୍ଜି ଇନ୍‌ୱାଦାଂ ମାଚାର୍‌, ମତର୍‌ ହେୱାର୍‌ତି ୱିଜ଼ୁ ବିସ୍ରେ ସିଦାସାଦା ମାଚାତ୍‌ ।

ପକ୍ୟାତାକା 4:32 ပူးပေါင်းရင်းမြစ်များ

ଜହନ୍‌ 17:11

ଆନେଙ୍ଗ୍ ନଙ୍ଗୟ୍‌ନି ଲାଗାୟ୍ ୱାନାଙ୍ଗା। ଆନେଙ୍ଗ୍ ନଙ୍ଗୟ୍ ପୁର୍ତିତାକେ ଆରେ ମାନୁଙ୍ଗ୍। ମାତର୍ ଇ ମାନାୟାର୍ ପୁର୍ତିତାକେ ମାନାର୍। ହେ ପବିତ୍ର ଆବା ଈଶ୍ୱର, ଏନେଙ୍ଗ୍ ହେୱାରିଙ୍ଗ୍ ହାର୍‌ଦାଙ୍ଗ୍ ଇଟା। ଇନେସ୍‌କି ଏନେଙ୍ଗ୍ ଆରେ ଆନେଙ୍ଗ୍ ଏକ୍ ମାନାସ୍, ହେଲେକେ ହେୱାର୍ ରବେଆଜି ଏକ୍ ଆଦେଙ୍ଗ୍ ଆଡ୍‌ନାର୍।

ପକ୍ୟାତାକା 1:14

ଇ ବାଚିକିତି ଚେଲାହିର୍ ହୁଦାଙ୍ଗ୍ କେତେକ୍ ଜେକନି କଗ୍‍ଲେକ୍, ଆରେ ଯୀଶୁ ତେହି ମରିୟମ, ଆରେ ତା ଟଣ୍ଡାହିର୍ ହୁଦାଙ୍ଗ୍ ମେହାଆଜି ର ମାନ୍ କିଜି ପାର୍ତାନା କିଜି ମାଚାର୍।

ପକ୍ୟାତାକା 2:1

ଯିହୁଦି ଜାତିର୍ ପେଣ୍ଟିକଷ୍ଟ ପାର୍ବୁ ୱାତାତ୍, ଲାଗିଙ୍ଗ୍ ହେୱାର୍ ୱିଜୁ ଚେଲାହିର୍ ଯିରୁଶାଲାମ୍ ସହର୍‌ନି ର ବାହାତାକେ ରବେ ରୁଣ୍ଡାଆତାର୍।

ପକ୍ୟାତାକା 5:12

ବାଚିକିତି ଚେଲାହିର୍ ମାନାୟାର୍ ବିତ୍ରେ ବେସି ଚିନା ଆରେ ଚାନିଆଆନି କାମାୟ୍ କିତାର୍। ଆରେ ୱିଜୁ ଯୀଶୁଙ୍ଗ୍ ପାର୍ତିକିନି ୱିଜାକାର୍ ର ମାନ୍‌ଆଜି ଈଶ୍ୱର ମାନି ମନ୍ଦିର୍‌ ପିଣ୍ଡାନି ଶଲମନ ମଣ୍ଡପ୍‌ତାକେ ରୁଣ୍ଡାଆଜି ମାଚାର୍।

ରୋମିୟ 12:5

ହେଦାଙ୍ଗ୍ ପା ଇଲେକେ, ଆସେଙ୍ଗ୍ ୱିଜାକାସ୍ ଖ୍ରୀଷ୍ଟଙ୍ଗ୍ ପାର୍ତି କିନାସା, ଆସେଙ୍ଗ୍ ୱିଜାକାସ୍ ଖ୍ରୀଷ୍ଟ ଗାଗାଡ଼୍‌ନି ରଞ୍ଜି-ରଞ୍ଜି ଜିନିଷ୍, ଆରେ ଆସେଙ୍ଗ୍ ଜାର୍-ଜାର୍‌ବିତ୍ରେ ଜଡ଼ା ଆତାସ୍‌ନା। ଆରେ ଈଶ୍ୱର ମାଙ୍ଗେଙ୍ଗ୍ ଅଲଗା ଅଲ୍‌ଗା କାମାୟ୍ କିଦେଙ୍ଗ୍ ହିତ୍‌ତାନ୍‌ନା।

୧ କରନ୍ତିୟ 1:10

ଏ ପାର୍ତିକିନି ଟଣ୍ଡାର୍‌କାଦେର୍, ଆନେଙ୍ଗ୍ ମା ମାପୃ ଯୀଶୁ ଖ୍ରୀଷ୍ଟ ଅଦିକାର୍‌ତାଙ୍ଗ୍ ଗୁୱାରି କିଜି ୱେଚ୍‌ଚାନାଙ୍ଗା ଯେ, ଏପେଙ୍ଗ୍ ୱିଜାଦେର୍ ଜାର୍-ଜାର୍ କାତାତିଙ୍ଗ୍ ରାଜି ଆଡ ଆରେ ମି ବିତ୍ରେତାଙ୍ଗ୍ ବାଗ୍-ବାଗ୍ ଆୱାଦାଙ୍ଗ୍ ମାହାଆଜି ମାନାଟ୍। ଆରେ ଏପେଙ୍ଗ୍ ୱିଜାଦେର୍ ର ମାନ୍ କିୟାଟ୍ ଆରେ ର ଚିନ୍ତା କିୟାଟ୍ ଆରେ ଏକ୍ ଆଜି କାମାୟ୍ କିୟାଟ୍।

୨ କରନ୍ତିୟ 13:11

ଏ ଲାଡ୍‌ନି ଟଣ୍ଡାର୍‌କାଦେର୍, ଆନେଙ୍ଗ୍ ମିଙ୍ଗେଙ୍ଗ୍ ସେସ୍ କାତା ୱେଚ୍‌ଚି ଇ ଚିଟି ଲେକିକିନାକା ବନ୍ଦ୍ କିନାଙ୍ଗା, ଏପେଙ୍ଗ୍ ୱିଜୁଦିନ୍ ୱାରି କିୟାଟ୍। ଏପେଙ୍ଗ୍ ଗାଜାକାର୍ ଲେକ ବୁଦି କାଟାକାଦେର୍ ଆଡ। ଏପେଙ୍ଗ୍ ଜାର୍-ଜାର୍‌ବିତ୍ରେ ସାସ୍ ହିବାଆଡ। ଏପେଙ୍ଗ୍ ର ମାନ୍‌ଆଜି ଶାନ୍ତିତାଙ୍ଗ୍ ମାନାଟ୍। ଲାଗିଙ୍ଗ୍ ଲାଡ୍ ଆରେ ଶାନ୍ତିନି ଈଶ୍ୱର ମିହୁଦାଙ୍ଗ୍ ମାନ୍‌ଗାନାନ୍।

ପିଲିପିୟ 1:27

ଖ୍ରୀଷ୍ଟନି ହାର୍ଦିକାବୁର୍‌ତିଙ୍ଗ୍ ପାର୍ତି କିଜି ମାନି ମାନାୟ୍ ଲେକେ ଟିକ୍ ଜିବୁନ୍ କାଟିକିୟାଟ୍। ଏପେଙ୍ଗ୍ ର ମାନ୍‌ଆଜି ମାନାଟ୍, ଆରେ ହାର୍ଦିକାବୁର୍‌ତିଙ୍ଗ୍ ପାର୍ତିକିଜି ମାନି କାଜିଙ୍ଗ୍ ଏକ୍ ଆଜି ଲଡ଼ିକିୟାଟ୍। ଆନେଙ୍ଗ୍ ମି ଲାଗାୟ୍ ୱାଜି ହୁଡ଼୍‌ତିସ୍ କି ମାନ୍‌ୱାଦାଙ୍ଗ୍ ମି ବିଷୟ ୱେଚିସ୍ ପା ଏଲେଙ୍ଗ୍ ଆଜି ମାନାଟ୍ ଇଞ୍ଜି ଆନେଙ୍ଗ୍ ଇଚା କିନାଙ୍ଗା।

୧ ପିତର 3:8

ସେସ୍ ୱେଡ଼ାଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା ଯେ, ୱିଜାକାଦେର୍ ର ମାନ୍ କିନି ଦର୍‌କାର୍। ଏପେଙ୍ଗ୍ ଜାର୍-ଜାର୍ କାଜିଙ୍ଗ୍ କାନିକରମ୍‌ ଆନି ଦର୍‌କାର୍ ଆରେ ର କୁଟୁମ୍‌ନି ମାନାୟାର୍‌ଲେକେ ଜାର୍-ଜାର୍‌ବିତ୍ରେ ଲାଡ୍ କିୟାଟ୍, ଏପେଙ୍ଗ୍ ଜାର୍-ଜାର୍‌ବିତ୍ରେ ଦୟା କିୟାଟ୍ ଆରେ ଦରମ୍ ଆଡ।

୧ ପିତର 4:11

ହେଦାଙ୍ଗ୍ ଇଲେକେ, ଯଦି ଈଶ୍ୱର ମିଙ୍ଗେଙ୍ଗ୍ ଶୁଣାୟ୍ କିନି ଦାନ୍ ହିତ୍‌ତାନ୍‌ନା, ଲାଗିଙ୍ଗ୍ ଏପେଙ୍ଗ୍ ଈଶ୍ୱର ହାର୍ଦିକାବୁର୍‌ତିଙ୍ଗ୍ ଶୁଣାୟ୍ କିନି ଦର୍‌କାର୍। ଯଦି ଈଶ୍ୱର ମିଙ୍ଗେଙ୍ଗ୍ ଜେକନିକାରିଙ୍ଗ୍ ସାଇଜ କିଦେଙ୍ଗ୍ ଦାନ୍ ହିତ୍‌ତାନ୍‌ନା, ଲାଗିଙ୍ଗ୍ ଏପେଙ୍ଗ୍ ଯୀଶୁ ଖ୍ରୀଷ୍ଟ କାଜିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ହିତ୍‌ତି ୱିଜୁ ଶାକ୍ତିତାଙ୍ଗ୍ ହେଦାଙ୍ଗ୍ କିୟାଟ୍। ଆରେ ଏପେଙ୍ଗ୍ ୱିଜୁ ଜିନିଷ୍ କିତିସ୍ ଖ୍ରୀଷ୍ଟ କାଜିଙ୍ଗ୍ ଈଶ୍ୱର ଗୌରବ ପାୟା ଆନାନ୍, ଇନେସ୍‌କି ୱିଜୁ ଗୌରବ ଆରେ ଶାକ୍ତି ଈଶ୍ୱରତି ଇମ୍‌ଣାକା କି ୱିଜୁଦିନ୍ କାଜିଙ୍ଗ୍ ମାନ୍‌ଗାନାତ୍। ଆମେନ୍।