ପକ୍ୟାତାକା 4:31 - New Testament in Pengo Parja Language

³¹ ହେୱାର୍ ପାର୍ତାନା କିତି ପାଚେ, ଇମ୍‌ଣି ବାହାତାକେ ରବେଆଜି ମାଚାର୍, ହେ ବାହାତିଙ୍ଗ୍ ଈଶ୍ୱର ଲେପ୍‌ତାନ୍‌। ଆରେ ହେବେ ମାନି ୱିଜାକାର୍ ପବିତ୍ର ଆତ୍ମା ପୁରାଆଜି, ଆରେ ସାସ୍‌ତାଙ୍ଗ୍ ଈଶ୍ୱର କାତା ୱେଚ୍‌ଚେଙ୍ଗ୍ ଲାଗାତାର୍।

ସତ୍‌ ବଚନ୍‌ ପୁନି ନିୟମ୍‌

³¹ ହେୱାର୍‌ ପାର୍ତାନା କିତି ପାଚେ, ଇମ୍‌ଣି ବାହାତ ରବେ ରୁଣ୍ଡାଜ଼ି ମାଚାର୍‌, ଇମ୍‌ଣି ବାହାତ ରବେ ମାଚାର୍‌, ହେଦାଂ କମ୍ପାତାତ୍, ଆରେ ୱିଜ଼ାକାର୍‌ ପୁଇପୁୟା ଜିବୁନ୍‌ତ ପୁରା ଆଜ଼ି ସାସ୍‍ତ ଇସ୍ୱର୍‌ତି କାବୁର୍‌ ଇଞ୍ଜେଙ୍ଗ୍‌ ଲାଗାତାର୍‌ ।

ପକ୍ୟାତାକା 4:31 ပူးပေါင်းရင်းမြစ်များ

ମାତିଉ 21:22

ଆରେ, ଈଶ୍ୱରତାଙ୍ଗ୍ ପାର୍ତି କିଜି ପାର୍ତାନା କିଜି ଇନାକା ଏନ୍‌ନାଦେର୍, ହେ ୱିଜୁ ପାୟାଆନାଦେର୍।”

ଜହନ୍‌ 14:12

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା। ନାବେ ପାର୍ତି କିନାକାର୍, ଆନେଙ୍ଗ୍ ଇନାକା କିତାଙ୍ଗ୍‌ନା, ହେଦାଙ୍ଗ୍ କିନାଦେର୍। ହେୱାନ୍ ଆନେଙ୍ଗ୍ କିନି କାମାୟ୍‌ତାଙ୍ଗ୍ ପା ଗାଜା କାମାୟ୍ କିନାନ୍, ଇନେସ୍‌କି ଆନେଙ୍ଗ୍ ଆବା ଈଶ୍ୱରତାକେ ହାନାଙ୍ଗା।

ଜହନ୍‌ 15:16

ଏପେଙ୍ଗ୍ ନାଙ୍ଗେଙ୍ଗ୍ ବାଚି କିଦ୍‌ୱାତାଦେର୍‌ନା, ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ବାଚି କିତ୍‌ତାଙ୍ଗ୍‌ନା। ଆରେ ଏପେଙ୍ଗ୍ ଇନେସ୍‌କି ପାଡ଼୍‌ ଆସ୍ତେଙ୍ଗ୍ ଆଡ୍‌ନାଦେର୍, ମି ପାଡ଼୍‌ ତିର୍‌ଆଜି ମାନ୍‌ଗାନାତ୍। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଇନାକା ଆବା ଈଶ୍ୱରତାକେ ଏନ୍‌ନାଦେର୍, ହେୱାନ୍ ମିଙ୍ଗେଙ୍ଗ୍ ହିଦ୍‌ନାନ୍, ଇନେସ୍‌କି ଏପେଙ୍ଗ୍ ଚେଲା କାଦେର୍।

ଜହନ୍‌ 15:7

ନାବେ ମାନାଟ୍ ଆରେ ନା ହିକ୍ଷାତିଙ୍ଗ୍ ମାନି କିୟାଟ୍। ଏପେଙ୍ଗ୍ ଯଦି ଏଲେଙ୍ଗ୍ କିନାଦେର୍, ଲାଗିଙ୍ଗ୍ ଇନାକା ଇଚା କିନାଦେର୍ ହେଦାଙ୍ଗ୍ ଏନାଟ୍ ହେଦାଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ହିଦ୍‌ନାଙ୍ଗ୍।

ପକ୍ୟାତାକା 14:3

ମାତର୍ ପାଉଲ ଆରେ ବର୍ଣ୍ଣବା ହେ ସହର୍‌ତାକେ କେତେକ୍ ଦିନ୍ ପାତେକ୍ ମାଚାର୍। ମାପୃତିଙ୍ଗ୍ ଆହାକିଜି ସାହାସ୍‌ତାଙ୍ଗ୍ ଶୁଣାୟ୍ କିତାର୍। ମାପୃ ହେୱାରିଙ୍ଗ୍ ବେସି ଚିନା ଆରେ ଚାନିଆଆନି କାମାୟ୍ କିଦେଙ୍ଗ୍ ସାଇଜ କିତାନ୍। ଆରେ ହେୱାନ୍ ହେୱାର୍ ଶୁଣାଇକିତି କାତା ସତ୍ ଇଞ୍ଜି ମାନାୟାରିଙ୍ଗ୍ ଚଚ୍‌ଚାନ୍।

ପକ୍ୟାତାକା 2:1

ଯିହୁଦି ଜାତିର୍ ପେଣ୍ଟିକଷ୍ଟ ପାର୍ବୁ ୱାତାତ୍, ଲାଗିଙ୍ଗ୍ ହେୱାର୍ ୱିଜୁ ଚେଲାହିର୍ ଯିରୁଶାଲାମ୍ ସହର୍‌ନି ର ବାହାତାକେ ରବେ ରୁଣ୍ଡାଆତାର୍।

ପକ୍ୟାତାକା 2:2

ହେଦାପ୍ରେ ବେସି ଦୁକା ୱାନି ଶବଦ୍ ଲେକେ ସରଗ୍‌ତାଙ୍ଗ୍ ର ଶବଦ୍ ୱାତାତ୍, ଆରେ ଚେଲାହିର୍ ଇମ୍‌ଣି ଇଞ୍ଜ କୁଚ୍‌ଚି ମାଚାର୍, ହେ ଇଲ୍ ଚାରିବେଣ୍‌ତାଙ୍ଗ୍ ଶବଦ୍ ଆତାତ୍।

ପକ୍ୟାତାକା 2:4

ୱିଜାକାର୍ ପବିତ୍ର ଆତ୍ମାତାଙ୍ଗ୍ ପୁରାଆତାର୍, ଆରେ ଈଶ୍ୱରଆତ୍ମା ଇନେସ୍ ହେୱାରିଙ୍ଗ୍ ୱେଚ୍‌ଚେଙ୍ଗ୍ ସାଇଜ କିତାତ୍, ହେୱାର୍ ବିନ୍-ବିନ୍ ବାଷାତାକେ ୱେଚ୍‌ଚେଙ୍ଗ୍ ଲାଗାତାର୍।

ପକ୍ୟାତାକା 4:13

ହେୱାର୍ ପିତର ଆରେ ଯୋହନ ସାହାସ୍ ହୁଡ଼୍‌ଜି, ଆରେ ହେୱାର୍ ପାଟ୍ ପଡ଼ିକିୱାତାର୍ ଆରେ ବୁଦି ହିଲାକାର୍ ଇଞ୍ଜି ପୁନ୍‌ଞ୍ଜି, ଇଦାଙ୍ଗ୍ ବୁଜାଆଜି ଚାନିଆଆତାର୍। ଆରେ ହେୱାର୍ ଯୀଶୁ ହୁଦାଙ୍ଗ୍ ମାଚାର୍ ଇଞ୍ଜି ହେୱାରିଙ୍ଗ୍ ଚିନ୍ କିତାର୍।

ପକ୍ୟାତାକା 4:29

ଏ ମାପୃ ନଙ୍ଗୟ୍ ହେୱାର୍ ମାଙ୍ଗେଙ୍ଗ୍ ଅସ୍ତାନାପ୍ ଇଞ୍ଜି ପାଣ୍ଡ୍ରୁ କିଦ୍‌ନାରା ହେ ବିଷୟରେ ଏନେଙ୍ଗ୍ ଅଲପ୍ ବାବିକିଜି ହୁଡ଼ା। ଆରେ ନି ହେବାକିନି ଇ ମାନାୟାରିଙ୍ଗ୍ ନି ବିଷୟରେ ସାହାସ୍ ହୁଦାଙ୍ଗ୍ ୱେଚ୍‌ଚେଙ୍ଗ୍ ଶାକ୍ତି ହିୟା।

ପିଲିପିୟ 1:14

ଆରେ ଆନେଙ୍ଗ୍ ବନ୍ଦି ଆଜିମାଚି କାଜିଙ୍ଗ୍ ପାର୍ତିକିନି ଟଣ୍ଡାର୍ ଈଶ୍ୱରତାକେ ବେସି ପାର୍ତି କିତାର୍। ଆରେ ଈଶ୍ୱର କାତା ସାହାସ୍ ହୁଦାଙ୍ଗ୍ ଶୁଣାୟ୍ କିତାର୍।

ପିଲିପିୟ 1:20

ଆନେଙ୍ଗ୍ ଇମ୍‌ଣି ବିଷୟରେ ପା ଲାଜା ଆଉଙ୍ଗ୍ ଇଞ୍ଜି ଆନେଙ୍ଗ୍ ବେସି ଇଚା ଆରେ ଆହା କିନାଙ୍ଗା। ମାତର୍ ଆନେଙ୍ଗ୍ ନଙ୍ଗୟ୍ ପାତେକ୍ ଇନେସ୍ ଶୁଣାୟ୍ କିନାଙ୍ଗା, ହେଲେକେ ନେ ସାହାସ୍ ହୁଦାଙ୍ଗ୍ ଖ୍ରୀଷ୍ଟ ବିଷୟରେ ୱେଚ୍‌ନାଙ୍ଗ୍। ଆନେଙ୍ଗ୍ ଜିତିସ୍ କି ହାଃତିସ୍ ପା ନା ଗାଗାଡ଼୍‌ତାଙ୍ଗ୍ ଖ୍ରୀଷ୍ଟଙ୍ଗ୍ ସନ୍‌ମାନ୍ କିୟିକିନାଙ୍ଗ୍।

ଜାକ୍‌ବ 1:5

ମାତର୍ ମି ବିତ୍ରେ ଇନେରିଙ୍ଗ୍ ବୁଦି ହିଲ୍‌ଗୁତ୍ ହେୱାନ୍ ଈଶ୍ୱରତାକେ ପାର୍ତାନା କିୟେନ୍, ଲାଗିଙ୍ଗ୍ ଈଶ୍ୱର ହେୱାନିଙ୍ଗ୍ ବୁଦି ହିନାନ୍, ଇନେସ୍‌କି ହେୱାନ୍ ଇନେର୍ ଦସ୍ ପା ଆହ୍‌ୱାଦାଙ୍ଗ୍ ହିନାନ୍।