ପକ୍ୟାତାକା 3:17 - New Testament in Pengo Parja Language

¹⁷ ନଙ୍ଗୟ୍, ଏ ଟଣ୍ଡାର୍‌କାଦେର୍, ଆନେଙ୍ଗ୍ ପୁଚାଙ୍ଗ୍‌ନା ଯୀଶୁଙ୍ଗ୍ ରକ୍ଷାକିଦ୍ନାକାନ୍‌ ଇଞ୍ଜି ପୁନ୍‌ୱିତି କାଜିଙ୍ଗ୍, ଏପେଙ୍ଗ୍ ଆରେ ମି ନେତାର୍ ଯୀଶୁଙ୍ଗ୍ ମାର୍ନେ ଅସ୍ତାଦେର୍‌ନା।

ସତ୍‌ ବଚନ୍‌ ପୁନି ନିୟମ୍‌

¹⁷ “ଆରେ ନଙ୍ଗ୍‌, ଏ ଇସ୍ରାଏଲ୍‌ ଟଣ୍ଡାର୍‌ ଆରି ତଣ୍‌ଦେକ୍‌, ମି ମୁଣିକାର୍‍ ଇନେସ୍‌, ଏପେଙ୍ଗ୍‌ ପା ହେ ଲାକେ ଗିୟାନ୍‍ହିଲ୍‍ୱି କାଜିଂ ଇଦାଂ କିତାଦେର୍ଣ୍ଣା ଇଞ୍ଜି ଆନ୍‌ ପୁନାଙ୍ଗ୍‌ ।

ପକ୍ୟାତାକା 3:17 ပူးပေါင်းရင်းမြစ်များ

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 23:13

ଇଦାଙ୍ଗ୍ କାଜିଙ୍ଗ୍ ପିଲାତ ରାଜା ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍ ଆରେ ଯିହୁଦି ନେତାର୍ ହୁଦାଙ୍ଗ୍ ୱିଜୁ ମାନାୟାରିଙ୍ଗ୍ ରବେ କୁକ୍‌ଚି ୱେନ୍‌ବାତାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 23:34

ହେପାଦ୍ନା ଯୀଶୁ ୱେଚ୍‌ଚାନ୍, “ଆବା, ଇୱାରିଙ୍ଗ୍ କେମା କିୟା, ଇନେସ୍‌କି ଇୱାର୍ ଇନାକା କିନାର୍ ହେଦାଙ୍ଗ୍ ପୁନୁରା। ଆରେ ହେୱାର୍ ଯୀଶୁ ଉସ୍‌ପିତି ହେନ୍ଦ୍ରାତିଙ୍ଗ୍ ହେୱାର୍ ବାଗ୍‌କିଦେଙ୍ଗ୍ ଅତାର୍।”

ଜହନ୍‌ 15:21

ମାନାୟାର୍ ନା କାଜିଙ୍ଗ୍ ମିଙ୍ଗେଙ୍ଗ୍ ହେଲେକେ ବାଉରା ଆଦ୍‌ନାର୍। ଇନେସ୍‌କି ହେୱାର୍ ନାଙ୍ଗେଙ୍ଗ୍ ପକ୍ତିତି ଆବା ଈଶ୍ୱରତିଙ୍ଗ୍ ପୁନୁର୍।

ଜହନ୍‌ 16:3

ହେୱାର୍ ହେଲେକେ କିନାର୍, ହେଦାଙ୍ଗ୍ କାଜିଙ୍ଗ୍ ନା ଆବା ଈଶ୍ୱରତିଙ୍ଗ୍ ପୁନୁରେ, ଆରେ ହେୱାର୍ ନାଙ୍ଗେଙ୍ଗ୍ ପା ପୁଞ୍ଜୁରେ।

ଜହନ୍‌ 7:52

ଯିହୁଦି ନେତାର୍ ୱେଚ୍‌ଚାର୍, “ଏନେଙ୍ଗ୍ ଇନାକା ଗାଲିଲୀ ଜିଲ୍ଲାନି ମାନାୟାର୍ ବିତ୍ରେତାଙ୍ଗ୍ ରକାଇ? ଏପେଙ୍ଗ୍ ଦରମ୍ ସାସ୍ତର୍ ପିଡ଼ିକିୟାଟ୍, ଲାଗିଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାଦେର୍, ଇମ୍‌ଣି ଭବିଷ୍ଯତବକ୍ତା ପା ଗାଲିଲୀ ଜିଲ୍ଲାତାଙ୍ଗ୍ ୱାଉନ୍।”

ପକ୍ୟାତାକା 13:27

ଯିରୁଶାଲାମ ସହର୍‌ନି ମାନାୟାର୍ ଆରେ ହେୱାର୍ ନେତାର୍ ଯୀଶୁ ଖ୍ରୀଷ୍ଟଙ୍ଗ୍ ପୁଞ୍ଜେଙ୍ଗ୍ ଆଡ୍‌ୱାତାର୍। ୱିଜୁ ଜମ୍‌ନିଦିନ୍‌ତ ହେୱାର୍ ଭବିଷ୍ଯତବକ୍ତାର୍ ସାସ୍ତର୍ ପଡ଼ିକିଜି ମାଚାର୍। ମାତର୍ ହେୱାର୍ ହେଦାଙ୍ଗ୍ ବୁଜା ଆଦେଙ୍ଗ୍ ଆଡ୍‌ୱାତାର୍। ହେଦାଙ୍ଗ୍ କାଜିଙ୍ଗ୍ ହେ ନେତାର୍ ଭବିଷ୍ଯତବକ୍ତାର୍ ଲେକିକିତି କାତା ପୁରା ଆନି କାଜିଙ୍ଗ୍ ଯୀଶୁଙ୍ଗ୍ ହେ ନେତାର୍ ମାର୍ନେ ଅସ୍ତାର୍।

ପକ୍ୟାତାକା 22:5

ଇ ବିଷୟରେ ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରି ଆରେ ବିଚାର୍ ସବାନି ପ୍ରାଚିନ୍‌ନାର୍ ପା ସାକି ମାନାର୍। ପାର୍ତି କିନାକାରିଙ୍ଗ୍ ଗାଚ୍‌ଚି ଯିରୁଶାଲାମ ସହର୍‌ତାକେ ତାହିୱାଜି ଦଣ୍ଡ୍ ହିଦେଙ୍ଗ୍, ଇ ଟଣ୍ଡାର୍‌ତାଙ୍ଗ୍‌ ଚିଟି ପାୟାଆଜି ଦମେସକ ସହର୍‌ତାକେ ମାନି ଯିହୁଦିର୍ ଲାଗାୟ୍ ହାଲ୍‌ଜି ମାଚାଙ୍ଗ୍।

ପକ୍ୟାତାକା 26:9

ଆନେଙ୍ଗ୍ ପା ନାଜରିତିୟ ସହର୍‌ନି ଯୀଶୁ ତର୍‍ଦାଙ୍ଗ୍ ପାର୍ତି କିନାକାରିଙ୍ଗ୍ ବିରଦ୍ କିଦେଙ୍ଗ୍ ଆଗେ ଇଚାକିଜି ମାଚାଙ୍ଗ୍।

ପକ୍ୟାତାକା 28:21

ହେବେତାଙ୍ଗ୍ ଯିହୁଦି ନେତାର୍ ପାଉଲତିଙ୍ଗ୍ ୱେଚ୍‌ଚାର୍, “ନି ବିଷୟରେ ଯିହୁଦା ଜିଲ୍ଲାତାଙ୍ଗ୍ ଇନା ଚିଟି ପା ପାୟା ଆୱାତାପ୍‌ନା, କି ଟଣ୍ଡାର୍ ବିତ୍ରେତାଙ୍ଗ୍ ଇନେର୍ ପା ୱାଜି ନି ବିରଦ୍‌ତାକେ ଇନାକା ୱେଚ୍‌ଚାୱାତାର୍‌ନା କି କାବୁର୍ ହିଦ୍‌ୱାତାର୍‌ନା।

ପକ୍ୟାତାକା 7:40

ହେଦାଙ୍ଗ୍ କାଜିଙ୍ଗ୍ ମୋଶା ଗାଜା ଟଣ୍ଡାହି ହାରଣତିଙ୍ଗ୍ ୱେଚ୍‌ଚାନ୍, ‘ମାଙ୍ଗେଙ୍ଗ୍ ଆଗେ-ଆଗେ ଆଜି ହାଜି ଚଚ୍‌ଚେଦେଙ୍ଗ୍ ମା କାଜିଙ୍ଗ୍ ର ପୁତ୍‌ଡ଼ା ରସ୍ତି ହିଦାଟ୍। ଇନେସ୍‌କି ଇମ୍‌ଣି ମଶା ମାଙ୍ଗେଙ୍ଗ୍ ମିସର୍ ଦେସ୍‌ତାଙ୍ଗ୍ ହପ୍‌ଚି ତାତ୍‌ତାନ୍‌ନା, ତା କାଜିଙ୍ଗ୍ ଇନାକା ଗଟାଆତାତ୍ ହେଦାଙ୍ଗ୍ ଆପେଙ୍ଗ୍ ପୁନୁପ୍।’

ରୋମିୟ 11:2

ଈଶ୍ୱର ହେୱାରିଙ୍ଗ୍ ପାର୍ତୁମ୍‌ତାଙ୍ଗ୍ ବାଚି କିତାନ୍‌ନା, ଆରେ ହେୱାନ୍ ତା ମାନାୟ୍‌ତିଙ୍ଗ୍ ଇନାୱେଡ଼ାଙ୍ଗ୍ ପିହ୍‌ୱାତାନ୍‌ନା। ଏପେଙ୍ଗ୍ ତ ହେଦାଙ୍ଗ୍ ପୁଚାଦେର୍‌ନା, ଭବିଷ୍ଯତବକ୍ତା ଏଲିୟ ତା ସାସ୍ତର୍‌ତାକେ ଇନାକା ଇଞ୍ଜି ୱେଚ୍‌ଚାନ୍‌ନା, ହେୱାନ୍ ଇନେସ୍ କିଜି ଇସ୍ରାଏଲତିଙ୍ଗ୍‌ ବିରୁଦ୍ କିଜି ଈଶ୍ୱରତାକେ ପାର୍ତାନା କିତାନ୍‌ନା।

୧ କରନ୍ତିୟ 2:8

ମାତର୍ ଇ ପୁର୍ତିତିଙ୍ଗ୍ ସାସନ୍ କିନି ମାନାୟାର୍ ହେ ବୁଦିନି ଉପାୟ୍‌ତିଙ୍ଗ୍ ପୁଞ୍ଜେଙ୍ଗ୍ ଆଡ୍‌ୱାତାର୍, ଯଦି ହେୱାର୍ ପୁଚାର୍‌ମା ଲାଗିଙ୍ଗ୍ ମା ଗୌରବନି ମାପୃଙ୍ଗ୍ କୃଶକାଟ୍‌ତାକେ ଅହ୍‌ୱାତାର୍‌ମା।

୨ କରନ୍ତିୟ 3:14

ଇନେସ୍‌କି ଆସେଙ୍ଗ୍ ଖ୍ରୀଷ୍ଟଙ୍ଗ୍ ପାର୍ତିକିତି କାଜିଙ୍ଗ୍ ନେ ହେ ପାର୍‌ଦା ପେଜିୟା ଆନାତ୍‌। ମାତର୍ ମାନାୟାର୍ ନଙ୍ଗୟ୍ ପାତେକ୍ ହେ ପାନି ପାର୍ମାଣ୍‌ତିଙ୍ଗ୍ ପଡ଼ିକିତିସ୍ ପା ବୁଜା ଆଦେଙ୍ଗ୍ ଆଡୁରା। ଇନେସ୍‌କି ହେୱାର୍ ମାନ୍‌ତିଙ୍ଗ୍ ପାର୍‌ଦା ଡାବାଇ କିତାତ୍‌ନା ଆରେ ହେୱାର୍ ମାନ୍ ଗାର୍‌ବିୟା ମାଚି କାଜିଙ୍ଗ୍ ସତ୍ ବୁଜା ଆଦେଙ୍ଗ୍ ଇଚା କିଉର୍।

ଏପିସିୟ 4:18

ଇନେସ୍‌କି ହେୱାର୍ ସତ୍ ବିଷୟରେ ବୁଜା ଆଦେଙ୍ଗ୍ ଆଡୁର୍। ହେୱାର୍ ଈଶ୍ୱର ବିଷୟରେ କିଚି ପୁନ୍‌ୱାଦାଙ୍ଗ୍ ମାନ୍‌ଗାନାର୍ ଆରେ ତା ବେଣ୍ ୱେଞ୍ଜେଙ୍ଗ୍ ଇଚା କିଉର୍, ଲାଗିଙ୍ଗ୍ ହେୱାର୍ ଈଶ୍ୱର ହିଦ୍‌ନି ଜିବୁନ୍‌ତାଙ୍ଗ୍ ଦେହା ମାନାର୍।

ପିଲିପିୟ 1:22

ଯଦି ଆନେଙ୍ଗ୍ ଜିଜି ମାନାଙ୍ଗ୍ ଖ୍ରୀଷ୍ଟ କାଜିଙ୍ଗ୍ ହାର୍ଦି କାମାୟ୍ କିଦେଙ୍ଗ୍ ଆଡ୍‌ନାଙ୍ଗ୍। ଲାଗିଙ୍ଗ୍ ଆନେଙ୍ଗ୍ ଇନାକାଦିଙ୍ଗ୍ ବାଚିକିନାଙ୍ଗ୍ ହେଦାଙ୍ଗ୍ ପୁଞ୍ଜେଙ୍ଗ୍ ଆଡୁଙ୍ଗା।

୧ ତିମତି 1:13

ଆନେଙ୍ଗ୍ ପାର୍ତିକିୱି ଆଗେ ଖ୍ରୀଷ୍ଟଙ୍ଗ୍ ନିନ୍ଦାକିଜି ମାଚାଙ୍ଗ୍, ଆରେ ପାର୍ତି କିନାକାରିଙ୍ଗ୍ ଦୁକ୍‌କଷ୍ଟ ହିଜି ମାଚାଙ୍ଗ୍ ଆରେ ହେୱାରିଙ୍ଗ୍ ବେସି ହରିଆଣ୍ କିଜି ମାଚାଙ୍ଗ୍। ମାତର୍ ଆନେଙ୍ଗ୍ ନଙ୍ଗୟ୍ ପାତେକ୍ ଖ୍ରୀଷ୍ଟଙ୍ଗ୍ ପୁନ୍‌ୱାଦାଙ୍ଗ୍ ମାଚାଙ୍ଗ୍ ଆରେ ଇନାକା ଆନେଙ୍ଗ୍ କିନାଙ୍ଗା ହେଦାଙ୍ଗ୍ ପୁନ୍‌ୱାଦାଙ୍ଗ୍ କିତି କାଜିଙ୍ଗ୍ ଖ୍ରୀଷ୍ଟ ନାଙ୍ଗେଙ୍ଗ୍ ଦୟା କିତ୍‌ତାନ୍‌ନା।