ପକ୍ୟାତାକା 3:16 - New Testament in Pengo Parja Language

¹⁶ ଇ ମାନାୟ୍‌ତିଙ୍ଗ୍ ଏପେଙ୍ଗ୍ ହୁଡ଼୍‌ତାଦେର୍‌ନା ଆରେ ପୁଚାଦେର୍‌ନା, ହେୱାନ୍ ଯୀଶୁ ତର୍‍ଦାଙ୍ଗ୍ ପାର୍ତିକିନି କାଜିଙ୍ଗ୍ ଶାକ୍ତି ପାୟାଆତାନ୍‌। ହେ ଚଟା ମାନାୟ୍ ଯୀଶୁ ତର୍‌ଦିଙ୍ଗ୍ ପାର୍ତିକିନି କାଜିଙ୍ଗ୍ ପୁରାପୁରି ହାର୍ ଆତାନ୍‌ନା। ଇଦାଙ୍ଗ୍ ଏପେଙ୍ଗ୍ ହୁଡ଼୍‌ତାଦେର୍‌ନା।

ସତ୍‌ ବଚନ୍‌ ପୁନି ନିୟମ୍‌

¹⁶ ଆରେ, ହେୱାନ୍ତି ତର୍‌ଦ ପାର୍ତି କିତିଲେ ଇ ଇମ୍‌ଣି ମାନାୟ୍‍ତିଂ ଏପେଙ୍ଗ୍‌ ହୁଡ଼୍‍ନାଦେରା ଆରି ପୁଚାଦେର୍ଣ୍ଣା, ଇୱାନିଂ ଜିସୁ ତର୍‌ଦ ବାଡ଼୍‍କାସ୍‌ କିତାଂନ୍ନା; ଆଁ, ହେୱାନ୍ତି ହୁଦାଂ ହିତ୍‍ତି ପାର୍ତି ମି ୱିଜ଼ାକାର୍‌ ମୁମ୍‌ଦ ଇୱାନିଂ ପୁରା ଉଜ୍‌ କିତାଂନ୍ନା ।

ପକ୍ୟାତାକା 3:16 ပူးပေါင်းရင်းမြစ်များ

ମାତିଉ 14:29

ଯୀଶୁ ୱେଚ୍‌ଚାନ୍, “ୱା।” ହେବେତାଙ୍ଗ୍ ପିତର ଡଙ୍ଗାତାଙ୍ଗ୍ ଯୁଜି ଏଜୁଙ୍ଗ୍ ଜପି ତାଙ୍ଗ୍‌ଜି ଯୀଶୁ କଚଣ୍‌ତ ହାଚାନ୍।

ମାତିଉ 9:22

ମାତର୍ ଯୀଶୁ ମାସ୍‌ଜି ହେ କଗ୍‌ଲେଙ୍ଗ୍ ହୁଡ଼୍‌ଜି ୱେଚ୍‌ଚାନ୍, “ଏ କଇ ଏନେଙ୍ଗ୍ ନାଙ୍ଗେଙ୍ଗ୍ ପାର୍ତି କିତ୍‌ତାୟ୍, ହେ ପାର୍ତି ନିଙ୍ଗେଙ୍ଗ୍ ହାର୍ କିତ୍‌ତାତ୍।” ହେଦିନ୍‌ତାଙ୍ଗ୍ ହେ କଗ୍‌ଲେ ରଗ୍‍ତାଙ୍ଗ୍ ହାର୍ ଆତାତ୍।

ଜହନ୍‌ 14:12

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା। ନାବେ ପାର୍ତି କିନାକାର୍, ଆନେଙ୍ଗ୍ ଇନାକା କିତାଙ୍ଗ୍‌ନା, ହେଦାଙ୍ଗ୍ କିନାଦେର୍। ହେୱାନ୍ ଆନେଙ୍ଗ୍ କିନି କାମାୟ୍‌ତାଙ୍ଗ୍ ପା ଗାଜା କାମାୟ୍ କିନାନ୍, ଇନେସ୍‌କି ଆନେଙ୍ଗ୍ ଆବା ଈଶ୍ୱରତାକେ ହାନାଙ୍ଗା।

ଜହନ୍‌ 7:23

ଇବେତାଙ୍ଗ୍ ପୁନିଆନାତ୍ ଯେ, ଇମ୍‌ଣାକାନିଙ୍ଗ୍ ମୋଶା ଲେକିକିତି ନିୟମ୍‌ନି ସାସ୍ତର୍ ମାନି କିଦେଙ୍ଗ୍ ଜମ୍‌ନିଦିନ୍‌ ନାଞ୍ଜିଙ୍ଗ୍ ସୁନତ କିନାର୍। ଲାଗିଙ୍ଗ୍ ଆନେଙ୍ଗ୍ ଜମ୍‌ନିଦିନ୍‌ ନାଞ୍ଜିଙ୍ଗ୍ ଇମ୍‌ଣାକାନିଙ୍ଗ୍‌ ୱିଜୁ ଗାଗାଡ଼୍‍ମୁଡ଼ି ହାର୍ କିତାଙ୍ଗ୍ ଲାଗିଙ୍ଗ୍ ଏପେଙ୍ଗ୍ ଇନା କିଦେଙ୍ଗ୍ ରିସା ଆଦ୍‌ନାଦେରା?

ପକ୍ୟାତାକା 14:9

ହେ ମାନାୟ୍ ପାଉଲ ଶୁଣାୟ୍ କିନାକା ୱେନ୍‌ଞ୍ଜି ମାଚାନ୍। ପାଉଲ ହେୱାନିଙ୍ଗ୍ ହାରାହାଣ୍‌କୁ ହୁଡ଼୍‌ଜି, ହେୱାନ୍ ହାର୍ ଆଦେଙ୍ଗ୍ ପାର୍ତି କିନାକା ପୁଚାନ୍। ଆରେ ପାଉଲ ଗାଜାକାଟ୍ କିଜି ୱେଚ୍‌ଚାନ୍,

ପକ୍ୟାତାକା 16:18

ହେଦେଲ୍ କେତେକ୍ ଦିନ୍ ୱେଚ୍‌ଚି ମାଚାତ୍। ଲାଗିଙ୍ଗ୍ ପାଉଲ ବିଜାର୍ ଆଜି ହେ ବୁତ୍ଆତ୍ମାତିଙ୍ଗ୍ ୱେଚ୍‌ଚାନ୍‌, “ତାବେତାଙ୍ଗ୍ ହସି ହାଞ୍ଜେଙ୍ଗ୍ ଆନେଙ୍ଗ୍ ନିଙ୍ଗେଙ୍ଗ୍ ଯୀଶୁ ଖ୍ରୀଷ୍ଟ ତର୍‍ଦାଙ୍ଗ୍ ଆଦେସ୍ ହିଦ୍‌ନାଙ୍ଗା।” ଲାଗିଙ୍ଗ୍ ହେ ଆତ୍ମା ହେଦାପ୍ରେ ହେ ଦାସିତାଙ୍ଗ୍ ହସିହାଚାତ୍।

ପକ୍ୟାତାକା 3:6

ମାତର୍ ପିତର ୱେଚ୍‌ଚାନ୍, “ରୁପା କି ହନା ନାଙ୍ଗେଙ୍ଗ୍ ହିଲୁତ୍, ମାତର୍ ନାଙ୍ଗେଙ୍ଗ୍ ଇନାକା ମାନାତ୍, ହେଦାଙ୍ଗ୍ ଆନେଙ୍ଗ୍ ନିଙ୍ଗେଙ୍ଗ୍ ହିଦ୍‌ନାଙ୍ଗ୍। ନାଜରିତିୟ ଯୀଶୁ ଖ୍ରୀଷ୍ଟ ତର୍‍ଦାଙ୍ଗ୍ ନିଙ୍ଗ୍‌ଞ୍ଜି ତାଙ୍ଗା।”

ପକ୍ୟାତାକା 3:8

ଆରେ ହେୱାନ୍ ଗୁମ୍‌ଜି ନିଲ୍‌ତାନ୍, ଆରେ ତାଙ୍ଗ୍‌ଦେଙ୍ଗ୍ ଲାଗାତାନ୍। ଆରେ ହେୱାନ୍ ତାଙ୍ଗୁ-ତାଙ୍ଗୁ ଆରେ ଗୁମୁ-ଗୁମୁ, ଆରେ ଈଶ୍ୱରତିଙ୍ଗ୍ ଜୟ୍-ଜୟ୍ କିଉ-କିଉ ହେୱାର୍ ହୁଦାଙ୍ଗ୍ ଈଶ୍ୱର ମାନି ମନ୍ଦିର୍‌ନି ପିଣ୍ଡାତାକେ ହାଚାନ୍।

ପକ୍ୟାତାକା 4:10

ଲାଗିଙ୍ଗ୍ ଏପେଙ୍ଗ୍ ୱିଜାକାଦେର୍ ଆରେ ୱିଜୁ ଇସ୍ରାଏଲ ଲାତ୍ରାନି ମାନାୟ୍ ପୁନାଟ୍ ଯେ, ଇମ୍‌ଣି ନାଜରିତିୟ ସହର୍‌ତାଙ୍ଗ୍ ୱାତି ଯୀଶୁ ଖ୍ରୀଷ୍ଟଙ୍ଗ୍ ଏପେଙ୍ଗ୍ କୃଶକାଟ୍‌ତାକେ ଅସ୍ତାଦେର୍‌ନା, ମାତର୍ ଈଶ୍ୱର ହେୱାନିଙ୍ଗ୍ ହାଃତିତାଙ୍ଗ୍ ଆରେରଗ ଜିବୁନ୍ କିତାନ୍‌ନା। ତା ତର୍‍ଦାଙ୍ଗ୍ ଇ ମାନାୟ୍ ହାର୍ ଆଜି ମି ଲାଗାୟ୍ ନିଲ୍‌ତାନ୍‌ନା।

ପକ୍ୟାତାକା 4:30

ଆରେ ଏନେଙ୍ଗ୍ ବାଚିକିତି ପବିତ୍ର ଦାସ୍ ଯୀଶୁ ତର୍‍ଦାଙ୍ଗ୍ ମାନାୟାରିଙ୍ଗ୍ ହାର୍‌କିଦେଙ୍ଗ୍, ଚିନ୍ ଚଚ୍‌ଚେଙ୍ଗ୍ ଆରେ ଚାନିଆଆନି କାମାୟ୍ କିଦେଙ୍ଗ୍ ମାଙ୍ଗେଙ୍ଗ୍ ସାଇଜକିଦା।”

ପକ୍ୟାତାକା 4:7

ହେୱାର୍ ବାଚିକିତି ରିକାର୍ ଚେଲାରିଙ୍ଗ୍ ମାଦି ନିଲିକିଜି ୱେନ୍‌ବେଦେଙ୍ଗ୍ ଲାଗାତାର୍, “ଇନା ଶାକ୍ତିତାଙ୍ଗ୍ କି ଇନେର୍ ତର୍‍ଦାଙ୍ଗ୍ ଏପେଙ୍ଗ୍ ଇୱାନିଙ୍ଗ୍ ହାର୍ କିତାଦେର୍‌ନା?”

ରୋମିୟ 3:22

ତା ଅର୍ତ ଇଲେକେ ଯେ, ଏଚେପାଦ୍ନା ଆସେଙ୍ଗ୍ ଯୀଶୁ ଖ୍ରୀଷ୍ଟଙ୍ଗ୍ ମା ପାପ୍ ପିଣ୍‌ଜି ଅନାନ୍ ଇଞ୍ଜି ପାର୍ତି କିନାସ୍, ଈଶ୍ୱର ମାଙ୍ଗେଙ୍ଗ୍ ଦରମ୍ ମାନାୟ୍ କିଦ୍‌ନାନ୍। ଆସେଙ୍ଗ୍ ଯିହୁଦି ଆଏସ୍‌ କି ବିନ୍ ଜାତିନିକାସ୍ ଆଏସ୍ ୱିଜାରିଙ୍ଗ୍ ହାମାନ୍ ଅଦିକାର୍ ହିତ୍‌ତାନ୍‌ନା।

୧ କରନ୍ତିୟ 13:2

ଆରେ ଯଦି ଆନେଙ୍ଗ୍, ଈଶ୍ୱର କାତାତିଙ୍ଗ୍ ବୁଜାୟ୍ କିନି ଶାକ୍ତି ମାନାତ୍, ଆରେ ଈଶ୍ୱର ଡ଼ୁକ୍‌ତି ଉପାୟ୍ ବିଷୟତିଙ୍ଗ୍ ପୁନ୍‌ଞ୍ଜି ମାଚିସ୍ ପା, ମାତର୍ ଜେକନିକାରିଙ୍ଗ୍ ଲାଡ୍ କିୱିତିସ୍ ଇନା ଲାବ୍ ଆକାୟ୍। ଆରେ ନା ପାର୍ତି ଇଲେକେ ମାଚିସ୍ ପା, ଯଦି ଆନେଙ୍ଗ୍ ମାଡ଼ିତିଙ୍ଗ୍ ଇବେତାଙ୍ଗ୍ ହାବେ ଗୁଚାୟ୍ କିଦେଙ୍ଗ୍ ଆଡ଼୍‌ତିସ୍, ଆରେ ଆନେଙ୍ଗ୍ ଜେକନିକାରିଙ୍ଗ୍ ଲାଡ୍ କିୱିତିସ୍ ନାଦି ଇନା ମୁଲ୍ଯ ଆକାୟ୍।