ପକ୍ୟାତାକା 3:14 - New Testament in Pengo Parja Language

¹⁴ ଏପେଙ୍ଗ୍ ପବିତ୍ର ଆରେ ଦରମ୍ ମାନାୟ୍ ଯୀଶୁଙ୍ଗ୍ ପୁନୁପ୍ ଇଞ୍ଜି ମୁନା କିତାଦେର୍। ଆରେ ଏପେଙ୍ଗ୍ ରକାନ୍ ମାନାୟ୍ ମାରୁଙ୍ଗ୍ ମୁକ୍ତିକିନି କାଜିଙ୍ଗ୍ ପିଲାତ ରାଜାତାକେ ଗୁୱାରି କିତାଦେର୍।

ସତ୍‌ ବଚନ୍‌ ପୁନି ନିୟମ୍‌

¹⁴ ଏପେଙ୍ଗ୍‌ ହେ ପୁଇପୁୟା ଆରି ଦାର୍ମି ଲଗାଂ ପାର୍ତି କିନାଦେର୍‌, ଆରେ ରୱାନ୍‌ ନାର୍‍ମାରୁଙ୍ଗ୍ ଇନେସ୍‌ ମି କାଜିଂ କେମା କିୟାନାତ୍‌, ଇଦାଂ ପାର୍ତାନା କିତାଦେର୍‌,

ପକ୍ୟାତାକା 3:14 ပူးပေါင်းရင်းမြစ်များ

ମାତିଉ 27:20

ମାତର୍ ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍ ଆରେ ପ୍ରାଚିନ୍‌ ନେତାର୍ ମାନାୟାରିଙ୍ଗ୍ ଉସ୍‌କାଇ କିତାର୍ ଯେ ହେୱାର୍ ବାରବ୍‌ବାଙ୍ଗ୍ ପିସ୍ତି ହିଦେଙ୍ଗ୍ ଆରେ ଯୀଶୁଙ୍ଗ୍ ମାର୍ନେ ଅସ୍ତେଙ୍ଗ୍ ଗୁୱାରି କିୟାଟ୍ ଇଞ୍ଜି।

ମାର୍କ 1:24

“ଏ ନାଜରିତ ସହର୍‌ନି ଯୀଶୁ, ନି ଲାହାଙ୍ଗ୍ ମାବେ ଇନାକା ମାନାତ୍? ଏନେଙ୍ଗ୍ ଇନାକା ମାଙ୍ଗେଙ୍ଗ୍ ବୁଡାୟ୍ କିଦେଙ୍ଗ୍ ୱାତାୟନା? ଆନେଙ୍ଗ୍ ପୁଞ୍ଚାଙ୍ଗ୍‍ନା ଏନେଙ୍ଗ୍ ଇନାକାୟ୍, ‘ଏନେଙ୍ଗ୍ ଈଶ୍ୱରତାଙ୍ଗ୍ ୱାତି ପବିତ୍ର ମାନାୟ୍।’ ”

ମାର୍କ 15:11

ମାତର୍ ଯୀଶୁ ବାଦୁଲ୍ ତାକେ ବାରବ୍‌ବାଙ୍ଗ୍ ପିସ୍ତିହିଦା ଇଞ୍ଜି ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍ ମାନାୟାରିଙ୍ଗ୍ ଟିଉଲିକିଜି ୱେଚ୍‌ଚାର୍।

ମାର୍କ 15:7

ହେପାଦ୍ନା କେତ୍‌ଜାଣ୍ ମାନାୟ୍ ଲାହାଙ୍ଗ୍ ବାରବ୍‌ବା ଇଞ୍ଜି ର ମାନାୟ୍ ଜଇଲ୍ ତ ମାଚାନ୍, ଇ ମାନାୟାର୍ ରୋମିୟ୍ ସର୍‌କାର୍ ବିରଦ୍‌ତାଙ୍ଗ୍ ନିଙ୍ଗ୍‌ଞ୍ଜି ମାନାୟାରିଙ୍ଗ୍ ମାର୍ନେ ଅସ୍ତି ମାଚାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:35

ସରଗ୍‌ଦୁତ୍ ମରିୟମତିଙ୍ଗ୍ ୱେଚ୍‌ଚାତ୍, “ପବିତ୍ର ଆତ୍ମାନି ଲାଗାୟ୍ ୱାନାତ୍, ଆରେ ୱିଜୁ ଶାକ୍ତିନିକାନ୍ ଗାଜା ଈଶ୍ୱର ହୁଦାଙ୍ଗ୍ ମାନ୍‌ଗାନାତ୍। ହେଦାଙ୍ଗ୍ କାଜିଙ୍ଗ୍ ହେ ହିମ୍‌ଣା ପବିତ୍ର ଆଜି ଜନମ୍ ଆନାନ୍। ଆରେ ମାନାୟାର୍ ହେୱାନିଙ୍ଗ୍ ଈଶ୍ୱର ମେହି ଇଞ୍ଜି ପୁନାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 23:25

ମାନାୟାର୍ ବାରବ୍‌ବାଙ୍ଗ୍ ମୁକ୍ତି କିଦେଙ୍ଗ୍ ଇଚାକିଜି ମାଚାର୍। ବାରବ୍‌ବା ମାନାୟ୍ ଅସ୍ତି ଆରେ ଗଣ୍ଡ୍‍ଗଲ୍ ଦସିତାଙ୍ଗ୍ ଜଇଲ୍ ଇଞ୍ଜ ହାଲ୍‌ଜି ମାଚାନ୍। ପିଲାତ ରାଜା ବାରବ୍‌ବାଙ୍ଗ୍ ପିସ୍ତି ହିତାନ୍। ପିଲାତ ରାଜା ଯୀଶୁଙ୍ଗ୍ ମାର୍ନେ ଅସ୍ତେଙ୍ଗ୍ ମାନାୟାର୍ କେଇଦ ହେଲାଇ କିଜି ହିତାନ୍।

ଜହନ୍‌ 16:10

ଦରମ୍ ବିଷୟ କାଜିଙ୍ଗ୍ ଆନେଙ୍ଗ୍ ଆବା ଈଶ୍ୱରତାକେ ହାନାଙ୍ଗା, ଏପେଙ୍ଗ୍ ନାଙ୍ଗେଙ୍ଗ୍ ହୁଡ଼୍‌ଦେଙ୍ଗ୍ ଆଡ଼୍‌ଦୁଦେର୍।

ଜହନ୍‌ 18:40

ମାତର୍ ଯିହୁଦିର୍ ଗାଜାକାଟ୍ କିଜି ୱେଚ୍‌ଚାର୍, “ଆକାୟ୍, ଇୱାନିଙ୍ଗ୍ ଆକାୟ୍। ବାରବ୍‌ବାଙ୍ଗ୍ ପିସ୍ତିହିଦା।” ଇ ବାରବ୍‌ବା ରକାନ୍ ଚର୍ ମାଚାନ୍।

ପକ୍ୟାତାକା 13:28

ହେ ନେତାର୍ ଯୀଶୁଙ୍ଗ୍ ହାଃନି ଦଣ୍ଡ୍ ହିଦେଙ୍ଗ୍ ଇମ୍‌ଣି ଦସ୍ ପା ଗାଟା ଆୱାତାର୍। ଆତିସ୍‌ପା ହେୱାର୍ ପିଲାତ ରାଜାଙ୍ଗ୍ ଗୁୱାରି କିତାର୍।

ପକ୍ୟାତାକା 2:27

ଇନେସ୍‌କି ଏନେଙ୍ଗ୍ ନାଙ୍ଗେଙ୍ଗ୍ ହାଃଜି ମାଞ୍ଜେଙ୍ଗ୍ ହିଦୁଇ। କି ନା ହାଃତି ଗାଗାଡ଼୍‌ତିଙ୍ଗ୍ ଏନେଙ୍ଗ୍ ନରକ୍‌ତାକେ ପକ୍ତାମା।

ପକ୍ୟାତାକା 22:14

ଲାଗିଙ୍ଗ୍ ହେୱାନ୍ ୱେଚ୍‌ଚାତାନ୍, ‘ଏନେଙ୍ଗ୍ ଈଶ୍ୱର ଇଚା ଇନାକା ପୁଞ୍ଜେଙ୍ଗ୍, ତା ଦରମ୍ ମାନାୟ୍ ଖ୍ରୀଷ୍ଟଙ୍ଗ୍ ହୁଡ଼୍‌ଦେଙ୍ଗ୍, ଆରେ ତା କାତାତିଙ୍ଗ୍ ଏନେଙ୍ଗ୍ ୱେଞ୍ଜେଙ୍ଗ୍ ମା ଆକଦାଦିର୍ ଈଶ୍ୱର ନିଙ୍ଗେଙ୍ଗ୍ ବାଚି କିତ୍‌ତାନ୍‌ନା।

ପକ୍ୟାତାକା 4:27

ଈଶ୍ୱର ଏନେଙ୍ଗ୍ ବାଚିକିତି ପବିତ୍ର ଯୀଶୁ ଖ୍ରୀଷ୍ଟ ନିଙ୍ଗେଙ୍ଗ୍ ବେସି ହେବାକିଜି ମାନ୍‌ଞ୍ଚାନ୍। ମାତର୍ ଇ ଯିରୁଶାଲାମ ସହର୍‌ତାକେ ହେରୋଦ ରାଜା ଆରେ ପନ୍ତିୟ ପିଲାତ ରାଜା, ବିନ୍‌ଜାତିନି ଆରେ ଇସ୍ରାଏଲ ଜାତିନି ମାନାୟାର୍ ହୁଦାଙ୍ଗ୍ ମେହାଆଜି ହେୱାନିଙ୍ଗ୍ ମାର୍ନେ ଅସ୍ତେଙ୍ଗ୍ ଉପାୟ୍ କିତାର୍।

ପକ୍ୟାତାକା 5:28

“ଆପେଙ୍ଗ୍ ମିଙ୍ଗେଙ୍ଗ୍ ଯୀଶୁ ତର୍‍ଦାଙ୍ଗ୍ ହିକ୍ଷାହିଦେଙ୍ଗ୍ ମୁନା କିତ୍‌ତାପ୍‌ନା। ମାତର୍ ଏପେଙ୍ଗ୍ ତା ବିଷୟରେ ଯିରୁଶାଲାମ ସହର୍‌ନି ବେସି ମାନାୟାରିଙ୍ଗ୍ ହିକ୍ଷା ହିତାଦେର୍‌ନା। ଇ ମାନାୟ୍‌ତିଙ୍ଗ୍ ନେତେର୍ ହପ୍‌ଚି ଟ୍ରାକ୍‌ତି ଦସ୍ ମା ଜପି ଲେଦି କିଦ୍‌ଦେଙ୍ଗ୍ ଇଚା କିନାଦେରା।”

ପକ୍ୟାତାକା 7:52

ମି ଆକଦାଦିର୍ ଭବିଷ୍ଯତବକ୍ତାରିଙ୍ଗ୍ ଦୁକ୍‌କଷ୍ଟ ହିଜି ମାଚାର୍। ଦରମ୍ ରକ୍ଷା କିଦ୍‌ନି ମାନାୟ୍ ୱାନାନ୍ ଇଞ୍ଜି ଇମ୍‌ଣାକାର୍ ଆଗେ ୱେଚ୍‌ଚି ମାଚାର୍ ହେୱାରିଙ୍ଗ୍ ପା ମି ଆକଦାଦିର୍ ମାର୍ନେ ଅସ୍ତାର୍। ନଙ୍ଗୟ୍ ଏପେଙ୍ଗ୍ ହେ ଦରମ୍ ଖ୍ରୀଷ୍ଟଙ୍ଗ୍ ଶତ୍ରୁ କେଇଦ ଆହିକିଜି ମାର୍ନେ ଅସ୍ତାଦେର୍।

୨ କରନ୍ତିୟ 5:21

ଇନେସ୍‌କି ଈଶ୍ୱର ଇନାୱେଡ଼ାଙ୍ଗ୍ ପାପ୍ କିୱିତି ଖ୍ରୀଷ୍ଟଙ୍ଗ୍ ମା ପାପ୍ କାଜିଙ୍ଗ୍ ହାଃଦେଙ୍ଗ୍ ହିତ୍‌ତାନ୍, ହେଦାଙ୍ଗ୍ କାଜିଙ୍ଗ୍ ଈଶ୍ୱର ମାଙ୍ଗେଙ୍ଗ୍ ଖ୍ରୀଷ୍ଟ କାଜିଙ୍ଗ୍ ତା ମୁମ୍‌ଦ ଦରମ୍ ମାନାୟ୍ କିଦ୍‌ଦେଙ୍ଗ୍ ଆଡ୍‌ନାନ୍।

ଜାକ୍‌ବ 5:6

ଏପେଙ୍ଗ୍ ଦରମ୍ ମାନାୟ୍‌ତିଙ୍ଗ୍ ଦସି କିଜି ଅସ୍ତାଦେର୍‌ନା, ମାତର୍ ହେୱାନ୍ ମିଙ୍ଗେଙ୍ଗ୍ ବିରଦ୍ କିଦ୍‌ୱାତାନ୍‌ନା।

୧ ପିତର 3:18

ଆନେଙ୍ଗ୍ ଇଲେକେ ୱେଚ୍‌ଚାନାଙ୍ଗା, ଇନେସ୍‌କି ଖ୍ରୀଷ୍ଟ ପା ମା ୱିଜାକାର୍ ପାପ୍ କାଜିଙ୍ଗ୍ ଦୁଃକ୍ କଷ୍ଟ ପାୟାଆଜି ରଗ ହାଃଜି ମାଚାନ୍। ହେୱାନ୍ ରକାନ୍ ଦରମ୍ ମାନାୟ୍ ମାଚାନ୍, ମାଙ୍ଗେଙ୍ଗ୍ ଈଶ୍ୱର ଲକ୍ କିଦ୍‌ଦେଙ୍ଗ୍ ହେୱାନ୍ ମା ପାପ୍ କାଜିଙ୍ଗ୍ ହାଃଜି ମାଚାନ୍, ଲାଗିଙ୍ଗ୍ ଆସେଙ୍ଗ୍ ତା ହୁଦାଙ୍ଗ୍ ଜାର୍ ଲକ୍ ଆୟା ଆନାତ୍‌। ହେୱାର୍ ତାଙ୍ଗେଙ୍ଗ୍ ମାର୍ନେ ଅସ୍ତାର୍, ମାତର୍ ପବିତ୍ର ଆତ୍ମାନି ଶାକ୍ତିତାଙ୍ଗ୍ ଆରେରଗ ଜିବୁନ୍ ଆତାନ୍।

୧ ଯୋହନ 2:1

ଏ କାଡ଼୍‌ଦେର୍, ଏପେଙ୍ଗ୍ ଇନେସ୍‌କି ପାପ୍ କିଉଦେର୍, ଇଦାଙ୍ଗ୍ ଆନେଙ୍ଗ୍ ମି କାଜିଙ୍ଗ୍ ଲେକିକିନାଙ୍ଗା। ମାତର୍ ଏପେଙ୍ଗ୍ ଯଦି ପାପ୍ କିନାଦେର୍, ଆବା ଈଶ୍ୱର ଆଗେ ମାପଣ୍ଡାଙ୍ଗ୍ ଆଜି ୱେଚ୍‌ନାକାନ୍ ର ମାନାୟ୍ ମାନାନ୍, ହେୱାନ୍ ଦରମ୍ ଯୀଶୁ ଖ୍ରୀଷ୍ଟ।

ହତ୍‌ତି 3:7

ହେୱାନ୍ ପା ନାଙ୍ଗେଙ୍ଗ୍ ୱେଚ୍‌ଚାତାନ୍, “ଫିଲାଦେଲ୍‌ଫିଆ ସହର୍‌ତ ମାନି ମଣ୍ଡ୍‌ଲିନି ଦୁତ୍‌ତିଙ୍ଗ୍ ଇ କାବୁର୍ ଲେକିକିୟାଟ୍: ହେ କାବୁର୍ ଇଲେକେ, ଆନେଙ୍ଗ୍ ନେ ହେ ମାନାୟ୍‌ତଙ୍ଗ୍‌, ଇନେର୍ ପବିତ୍ର ଆରେ ସତ୍ ଆରେ ଇନେର୍‌ତାକେ ଦାଉଦ ରାଜାତି କୁଚିକାଡିଙ୍ଗ୍ ମାନିକ୍। ଆନେଙ୍ଗ୍ ଏଚେକାଡ଼୍‌ଦ ହେ କୁଚିକାଡିଙ୍ଗ୍‌ତାଙ୍ଗ୍ ର କାପାଟ୍ ଜେନାଙ୍ଗ୍ ହେଦାଙ୍ଗ୍ ଇନେର୍ ପା ଗେସ୍ତେଙ୍ଗ୍ ଆଡୁର୍, ଆରେ ଆନେଙ୍ଗ୍ ଏଚେପାଦ୍ନା ହେ କୁଚିକାଡି ସାଇଜତାଙ୍ଗ୍ ହେ କାପାଟ୍ ଗେହ୍‌ନାଙ୍ଗ୍‌ ଇନେର୍ ପା ଜେତେଙ୍ଗ୍ ଆଡୁର୍।