ପକ୍ୟାତାକା 3:12 - New Testament in Pengo Parja Language

¹² ପିତର ମାନାୟାର୍ ୱାନାକା ହୁଡ଼୍‌ଜି ହେୱାରିଙ୍ଗ୍ ୱେଚ୍‌ଚାନ୍, “ଏ ଇସ୍ରାଏଲ ଜାତିନି ମାନାୟ୍ କାଦେର୍, ଏପେଙ୍ଗ୍ ଇ ମାନାୟ୍ ବିଷୟରେ ଇନା କିଦେଙ୍ଗ୍ ଚାନିଆ ଆନାଦେରା? କି ମା ଶାକ୍ତିତାଙ୍ଗ୍ କି ମା ଦରମ୍‌ତାଙ୍ଗ୍ ଇୱାନିଙ୍ଗ୍ ତାଙ୍ଗ୍‌ନି ଶାକ୍ତି ହିତାନ୍ ଇଞ୍ଜି ବାବିକିଜି ଇନା କିଦେଙ୍ଗ୍ ମାଙ୍ଗେଙ୍ଗ୍ ହାରାହାଣ୍‌କୁ କିଜି ହୁଡ଼୍‌ଦାନାଦେରା?

ସତ୍‌ ବଚନ୍‌ ପୁନି ନିୟମ୍‌

¹² ପିତର୍‌ ହେଦାଂ ହୁଡ଼୍‌ଜି ମାନାୟାରିଂ ଉତର୍‌ ହିତାନ୍‌, “ଏ ଇସ୍ରାଏଲିୟର୍‌ ଲକୁ, ଏପେଙ୍ଗ୍‌ ଇନେକିଦେଂ ଇ ମାନାୟ୍‌ ବିସ୍ରେ କାବା ଆନାଦେରା ? କି ଆସେଙ୍ଗ୍‌ ଇନେସ୍‌ ଜାର୍‌ ସାକ୍ତି କି ଲବାୟ୍‌ ବାଡ଼୍‌କାସ୍‌ତାଂ ଇୱାନିଂ ତାଂଦେଂ ସାକ୍ତି ହିତାପ୍‌ନା, ହେଦାଂ ବାବି କିଜ଼ି ମା କାଜିଂ ଇନେକିଦେଂ ମାପ ହୁଡ଼୍‍ଦାନାଦେରା ?

ପକ୍ୟାତାକା 3:12 ပူးပေါင်းရင်းမြစ်များ

ଜହନ୍‌ 7:18

ଇମ୍‌ଣାକାନ୍ ତା ଜାର୍ କାତା ୱେଚ୍‌ନାନ୍, ହେୱାନ୍ ଜାର୍ କାଜିଙ୍ଗ୍ ସନ୍‌ମାନ୍ ଡେକ୍‌ନାନ୍। ମାତର୍ ଇନେର୍ ନାଙ୍ଗେଙ୍ଗ୍ ପକ୍ତିତି ଆବା ଈଶ୍ୱରତିଙ୍ଗ୍ ସନ୍‌ମାନ୍ ହିଦେଙ୍ଗ୍ ଇଚାକିନାନ୍, ହେୱାନ୍‌ନେ ଦରମ୍ ମାନାୟ୍ ହେୱାନ୍‌ତାକେ ଇନାକାପା ଅଦରମ୍‌ ବେଣ୍ ହିଲୁତ୍।

ପକ୍ୟାତାକା 13:26

ଅବ୍ରାହାମ ଲାତ୍ରାନି ହିମ୍‌ଣାୱାକ୍‌ଡ଼ା ଆରେ ଈଶ୍ୱରତିଙ୍ଗ୍ ପାଣ୍ଡ୍ରାଆନି ବିନ୍‌ଜାତିର୍ ଟଣ୍ଡାର୍‌କାଦେର୍, ଈଶ୍ୱର ମି କାଜିଙ୍ଗ୍ ଉଦାର୍ ପାୟାଆନି କାବୁର୍ ପକ୍ତାତାନ୍‌ନା।

ପକ୍ୟାତାକା 2:22

ଏ ଇସ୍ରାଏଲ ଜାତିନି ମାନାୟାର୍, “ୱେନାଟ୍! ନାଜରିତିୟ ସହର୍‌ନି ଯୀଶୁ ଇନା-ଇନା ଶାକ୍ତିନି କାମାୟ୍, ଚାନିଆଆନି କାମାୟ୍ ଆରେ ଚିନାତାଙ୍ଗ୍ ମି ଲାଗାୟ୍ ଈଶ୍ୱର ପକିଆତି ମାନାୟ୍ ଇଞ୍ଜି ଚଚିୟା ଆନାନ୍। ହେଦାଙ୍ଗ୍ କାଜିଙ୍ଗ୍ ହେୱାନ୍‌ତାଙ୍ଗ୍ ଈଶ୍ୱର ମିବେ ଇୱିଜୁ କାମାୟ୍ କିତାନ୍‌ନା। ଇଦାଙ୍ଗ୍ ଏପେଙ୍ଗ୍ ନିଜେ ପୁଚାଦେର୍‌ନା।

ପକ୍ୟାତାକା 3:11

ହେ ଚଟା ମାନାୟ୍ ପିତର ଆରେ ଯୋହନ୍‌ତିଙ୍ଗ୍ ଆସ୍ତି ମାଚାନ୍। ହେପାଦ୍ନା ମାନାୟାର୍ ଆଦିକ୍ ଚାନିଆ ଆଜି, ଶଲମନ ରାଜା ମଣ୍ଡପ୍‌ତାକେ ହେୱାର୍ ଲାଗାୟ୍ ୱିଜାକାର୍ ରଞ୍ଜେମାଡ୍ ହନ୍‍ଚି ୱାତାର୍।

ପକ୍ୟାତାକା 3:13

ମା ଆକଦାଦି ଅବ୍ରାହାମ, ଇସାକ ଆରେ ଯାକୁବନି ଈଶ୍ୱର, ତା ଦାସ୍ ଯୀଶୁଙ୍ଗ୍ ବେସି ସନ୍‌ମାନ୍ କିତାନ୍‌ନା। ହେ ଯୀଶୁଙ୍ଗ୍ ଏପେଙ୍ଗ୍ ହାଃନି କାଜିଙ୍ଗ୍ ଶତ୍ରୁ କେଇଦ ଆହିକିତାଦେର୍। ହେପାଦ୍ନା ପିଲାତ ରାଜା ହେୱାନିଙ୍ଗ୍ ମୁକ୍ତି କିଦେଙ୍ଗ୍ ଇଚାକିଜି ମାଚାନ୍। ମାତର୍ ଏପେଙ୍ଗ୍ ପିଲାତ ରାଜା ମୁମ୍‌ଦ ହେୱାନିଙ୍ଗ୍ ମୁନା କିତାଦେର୍।

ରୋମିୟ 11:1

ଲାଗିଙ୍ଗ୍ ଆନେଙ୍ଗ୍ ୱେଚ୍‌ଚାନାଙ୍ଗା, “ଈଶ୍ୱର ତା ଇସ୍ରାଏଲ ଜାତିନି ମାନାୟାରିଙ୍ଗ୍ ପିହୁନ୍। ଇଦାଙ୍ଗ୍ ଏପେଙ୍ଗ୍ ମାନ୍ତ ଇଟାଟ୍ ଯେ, ଆନେଙ୍ଗ୍ ପା ର ଯିହୁଦି ଜାତିନି ମାନାୟ୍‌ତଙ୍ଗ୍‌। ଆରେ ଆନେଙ୍ଗ୍ ଅବ୍ରାହାମ ଲାତ୍ରାନି ବିନ୍ଯାମିନ କୁଟୁମ୍‌ ନିକାଙ୍ଗ୍।”

ରୋମିୟ 9:4

ହେୱାର୍ ଇସ୍ରାଏଲନି ମାନାୟାର୍, ଈଶ୍ୱର ହେୱାରିଙ୍ଗ୍ ନେ ତା ମେହିର୍ ଆନି କାଜିଙ୍ଗ୍ ବାଚିକିଜି ମାଚାନ୍। ଈଶ୍ୱର ତା ଗୌରବ ହେୱାରିଙ୍ଗ୍ ହିଜିମାଚାନ୍। ହେୱାନ୍ ହେୱାର୍ ହୁଦାଙ୍ଗ୍ ପାର୍ମାଣ୍ କିଜି ମାଚାନ୍, ଆରେ ହେୱାନ୍ ତା ଦରମ୍ ସାସ୍ତର୍‌ତିଙ୍ଗ୍ ହିତାନ୍। ହେୱାର୍ ତାଙ୍ଗେଙ୍ଗ୍ ପୁଜାକିନି ସୁଯଗ୍ ପାୟାଆତାର୍ ଆରେ ହେୱାରିଙ୍ଗ୍ କାବା ଆନି ପାର୍ମାଣ୍ ୱିଜୁ ଈଶ୍ୱର କିତାନ୍।

୨ କରନ୍ତିୟ 3:5

ଆପେଙ୍ଗ୍ ୱେଚ୍‌ଚୁପା ଯେ, ଆପେଙ୍ଗ୍ ନିଜେ ଇ ୱିଜୁ ବିଷୟ କିଦେଙ୍ଗ୍ ଶାକ୍ତି ମାନାତ୍, ମାତର୍ ଇ ୱିଜୁ କିଦେଙ୍ଗ୍ ଈଶ୍ୱର ମାଙ୍ଗେଙ୍ଗ୍ ଶାକ୍ତି ହିଦ୍‌ନାନା।

ହତ୍‌ତି 7:13

ତାପାଚେ ହେ ଚବିଶ୍ ଜାଣ୍ ପ୍ରାଚିନାର୍‌ତାଙ୍ଗ୍ ର ପ୍ରାଚିନ୍‌ ନାଙ୍ଗେଙ୍ଗ୍ ୱେନ୍‌ବା ଆତ୍‌ତାନ୍, “ଇ ଡ଼ିଞ୍ଜ୍‌ନି ହେନ୍ଦ୍ରା ଉସ୍‌ପିତି ମାନାୟାର୍ ଇନେର୍ ଆରେ ହେୱାର୍ ଇମେତାଙ୍ଗ୍ ୱାତାର୍‌ନା?”