ପକ୍ୟାତାକା 28:22 - New Testament in Pengo Parja Language

²² ମାତର୍ ନି ବେଣ୍ ଇନାକା ହେଦାଙ୍ଗ୍ ଆପେଙ୍ଗ୍ ୱେଞ୍ଜେଙ୍ଗ୍ ଇଚା କିନାପା, ଇନେସ୍‌କି ୱିଜୁ ନିପଣ୍ ଇ ଖ୍ରୀଷ୍ଟାନ୍ ଦଳ୍‌ନି ମାନାୟାରିଙ୍ଗ୍ ତା ବିରଦ୍‌ତାକେ ୱେଚ୍‌ନାକା ୱେନାପା।”

ସତ୍‌ ବଚନ୍‌ ପୁନି ନିୟମ୍‌

²² ମତର୍‌ ନି ବାବ୍‌ନା ଇନାକା, ହେଦାଂ ଆପେଂ ନିତାଂ ୱେଞ୍ଜେଙ୍ଗ୍‌ ଇଚା କିନାପା; ଇନାକିଦେଂକି ଇ କୁଦା ବିସ୍ରେ ଆପେଂ ପୁନାପ୍‌ ଜେ, ୱିଜ଼େ ହେୱାନ୍‌ ବିରୁଦ୍‌ତ କାତା ଇନ୍ୟାନାତା ।”

ପକ୍ୟାତାକା 28:22 ပူးပေါင်းရင်းမြစ်များ

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 2:34

ତାପାଚେ ଶିମିୟନ୍ ହେୱାରିଙ୍ଗ୍ ଆଶ୍ରିବାଦ୍ କିତାନ୍ ଆରେ ଯୀଶୁ ତେହି ମରିୟମତିଙ୍ଗ୍ ୱେଚ୍‌ଚାନ୍, “ଇ ହିମ୍‌ଣା କାଜିଙ୍ଗ୍ କେତେକ୍ ଇସ୍ରାଏଲନି ମାନାୟାର୍ ରକ୍ଷା ପାୟାଆନାର୍‌ ଆରେ କେତେକ୍ ହେନି ଦଣ୍ଡ୍ ପାୟାଆନାର୍‌। ଇୱାନ୍ ଈଶ୍ୱର ପକ୍ତିତି ର ଚିନା ଲେକେ, ମାତର୍ ମାନାୟାର୍ ହେୱାନିଙ୍ଗ୍ ଆହୁର୍।

ପକ୍ୟାତାକା 15:5

ପାରୁସିଦଳ୍‍ନି କେତ୍‌ଜାଣ୍ ପାର୍ତି କିନାକାର୍ ନିଙ୍ଗ୍‌ଞ୍ଜି ୱେଚ୍‌ଚାର୍, “ବିନ୍‌ଜାତିନି ମାନାୟାର୍ ସୁନତ ବିଦି ଆରେ ମୋଶା ଲେକିକିତି ନିୟମ୍‌ନି ସାସ୍ତର୍ ପା ମାନିକିନି ଦର୍‌କାର୍।”

ପକ୍ୟାତାକା 24:14

ଆନେଙ୍ଗ୍ ମାନିକିନାଙ୍ଗା ଯେ, ମା ଆକଦାଦିର୍ ଈଶ୍ୱରତିଙ୍ଗ୍ ପୁଜା କିନାଙ୍ଗା, ଆରେ ଯୀଶୁ ଖ୍ରୀଷ୍ଟନି ଚେଲା ଆତାଙ୍ଗ୍‌ନା। ମୋଶା ଲେକିକିତି ନିୟମ୍‌ନି ସାସ୍ତର୍ ଆରେ ଭବିଷ୍ଯତବକ୍ତା ଇନାକା ଲେକିକିତାର୍‌ନା, ହେଦାଙ୍ଗ୍ ଆନେଙ୍ଗ୍ ପାର୍ତି କିନାଙ୍ଗା। ମାତର୍ ଇ ମାନାୟାର୍ ବୁଲ୍ ହାଜ୍‌ଦିଙ୍ଗ୍ ଅନି ଦଳ୍ ନିକାନ୍ ଇଞ୍ଜି ୱେଚ୍‌ଚାନାରା।

ପକ୍ୟାତାକା 26:5

ହେୱାର୍ ନାଙ୍ଗେଙ୍ଗ୍ ହିମ୍‌ଣା ୱେଡ଼ାତାଙ୍ଗ୍ ପୁନ୍‌ଞ୍ଚାର୍‌ନା ଯଦି ହେୱାର୍ ଇଚା କିତିସ୍ ସାକି ହିଦେଙ୍ଗ୍ ଆଡ୍‌ନାର୍, ମା ଦରମ୍‌ତିଙ୍ଗ୍ ବେସି ଷ୍ଟିଟ୍‌କିଜି ମାନିକିନି ପାରୁସିଦଳ୍‍ନି ଆନେଙ୍ଗ୍ ରକାଙ୍ଗ୍ ପାରୁସି ମାଚାଙ୍ଗ୍।

ପକ୍ୟାତାକା 5:17

ପାଚେ ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରି ଆରେ ତା ହାଙ୍ଗ୍‌ଦି ସାଦୁକିଦଳ୍‌ ଆକାର୍ ଆତାର୍।

ରୋମିୟ 1:8

ପାର୍ତୁମ୍, ଆନେଙ୍ଗ୍ ଯୀଶୁ ଖ୍ରୀଷ୍ଟ କାଜିଙ୍ଗ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିନାଙ୍ଗା, ଇନେସ୍‌କି ଏପେଙ୍ଗ୍ ଯୀଶୁଙ୍ଗ୍ ପାର୍ତି କିନାଦେରା ଇଞ୍ଜି ୱିଜୁ ନିପ୍‌ଣି ମାନାୟାର୍ ଇଞ୍ଜ୍‌ନାରା।

୧ କରନ୍ତିୟ 11:19

ଏଲେଙ୍ଗ୍ ଆନାକା ହାର୍, ଯଦି ଏପେଙ୍ଗ୍ ହେଲେକେ ବାଗ୍-ବାଗ୍ ଆନାଦେର୍, ଲାଗିଙ୍ଗ୍ ଈଶ୍ୱର ଇନେରିଙ୍ଗ୍ ଆସ୍ତାନ୍‌ନା ଇଞ୍ଜି ପୁନ୍ୟା ଆନାତ୍‌।

୧ ପିତର 2:12

ଈଶ୍ୱରତିଙ୍ଗ୍ ପୁନ୍‌ୱିତି ମାନାୟାର୍ ମି ଚାରିବେଣ୍‌ତାଙ୍ଗ୍ ମାନାର୍, ଆରେ ହେୱାର୍ ମିଙ୍ଗେଙ୍ଗ୍ ବୁଲ୍ କାମାୟ୍ କିନାରା ଇଞ୍ଜି ବିରଦ୍ କିଦେଙ୍ଗ୍ ଆଡ୍‌ନାର୍। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ହାର୍ ଜିବୁନ୍ କାଟିକିନି ଦର୍‌କାର୍, ଲାଗିଙ୍ଗ୍ ହେୱାର୍ ମି ହାର୍ କାମାୟ୍ ହୁଡ଼୍‌ଜି ଈଶ୍ୱରତିଙ୍ଗ୍ ଗୌରବ ହିନାର୍, ଏଚେପାଦ୍ନା ଯୀଶୁ ଖ୍ରୀଷ୍ଟ ପୁର୍ତିତାକେ ଆରେରଗ ବିଚାର୍ କିଦେଙ୍ଗ୍ ୱାନାନ୍।

୧ ପିତର 3:16

ଏପେଙ୍ଗ୍ ଦରମ୍‌ଆଜି ସନ୍‌ମାନ୍ ହୁଦାଙ୍ଗ୍ ହେ ବିଷୟତିଙ୍ଗ୍ ବୁଜାୟ୍ କିନି ଦର୍‌କାର୍, ଏପେଙ୍ଗ୍ ଜାର୍ ମାନ୍‌ତିଙ୍ଗ୍ କିଲେର୍ କିଜି ଇଟାଟ୍। ଲାଗିଙ୍ଗ୍ ମାନାୟାର୍ ଯଦି ମି ବିରୁଦ୍‌ତାକେ ଇଞ୍ଜ୍‌ନାର୍, ଆରେ ଏପେଙ୍ଗ୍ ହାର୍ ଜିବୁନ୍ କାଟି କିନାକା ହେୱାର୍ ହୁଡ଼୍‍ଦାନାର୍ ଆରେ ହେୱାର୍ ଲାଜ୍ ପାୟାଆନାର୍‌, ଇନେସ୍‌କି ଏପେଙ୍ଗ୍ ଖ୍ରୀଷ୍ଟ ଲକ୍ ଆତାଦେର୍‌ନା।